المساعد الشخصي الرقمي

مشاهدة النسخة كاملة : قهـــوتــي مليانه هيل وزعفران


3ąŧЋβ
27-03-2010, 12:21 AM
http://i39.tinypic.com/qoesdg.jpg


قهوتك ..
ياحرمه مليانه هيل وزعفران
استحي ماخليتي شيء لضيوفك ..




كل يوم ابي اعيش حفله ..
انسى همومي ..
اشب على القهوه وادحيها هيل وزعفران
واجلسها عروسه بالوسط بالدله
مزخرفه مملوحه بين فناجيل مزينه



"" صباح القهوه والعود الأزرق

كثير من هم يعيشون حياة البلاستك
جميله من الخارج وخاويه من الداخل
كثير هم من يهتمون بتفاصيل الأمور قدام الناس
وبعد مايختلون مع انفسهم يسجنون انفسهم
بدون رحمه في ايام مليانه ملل


قهوه عند الضيوف مبهره
لكن لصاحبها بدون ملامح مره
موفر المعاميل والتبهيره لضيوفه

هي الحياة كذا مع الديون مظهر
وحياة ماتعيشها بس تدعي انك تعيشها
وبينك وبين نفسك تتقطع من الحاجه


سياره قسطها ياخذ نص الراتب
بيت المقدمه والمجالس حقته تواجهه
سفر وملابس ... بس

ماهي لك بس لضيوف إلي
هم الناس تبهرهم فيها
وتجلس انت تتفرج عليها
وماتحس بطعهمها إلا بوجودهم

متعه مؤقته

البيت كله مجلس حريم مجلس
رجال مغاسل حريم مغاسل رجال مقلط
وانت ياصاحب البيت وينك وين تبي تجلس !!
وليت الضيوف إلي عاملهم 60 %
من البيت دائماً منورين البيت
كل الموضوع عزيمه مره او مرتين بالسنه


وإلي يمونون عليك تدخلهم
بصالتك إلي يتحاشرون فيها
من باب الميانه


زي إلي ماتفكر تقص شعرها
او تغير لونه إلا إذا عرفت انه في مناسبه قريبه
ولو الصبغه واصله اذنيها ماغيرتها

وش عليها اهم شيء الناس هي مو مهمه


المتعه بتفاصيل صغيره .. مثل قهوة

اميرة الاحساس
27-03-2010, 03:57 AM
موضوعك كافي ووافي .. لكن احب ان ازيد نقطه وهي
http://vb.eqla3.com/images/smilies/119.gif
للأسف الشديد .. اصبح البعض ايضاً يقيٌم الأخرين من خلال المظاهر اما بشخصيته او بسيارته او ببيته ..
غالباً المظاهر وحبها .. يكثر عند النساء ..

الله يرحم الحال بس

اخي ابدعت بالموضوع .. ويعطيك الف عافيه

3ąŧЋβ
02-04-2010, 07:52 PM
يعطيك العافية اميرة على مرورك الكريم

وشكرا لك على الاضافة الجميلة

ودي وتقديري