المساعد الشخصي الرقمي

مشاهدة النسخة كاملة : يلعن امك ياشيخ ؟؟؟؟


عــــشــــق الــحــكــمــاء
31-01-2010, 12:16 AM
::::
//

الســـلام عليكم ورحمة الله وبركاته ..


بصراحه فيـه موضوع شدني واحنـا غافلين عنه من جد ..



ما تلاحظون إن كلمـة [ يلعـن أمـك ] إنتشرت إنتشار غريـب و مريب ..

وصار اللي يقولها عــااادي جـدآ .. كانه قايـل [ السـلام عليكم ] ..!

و الأغرب إن اللي تنقـال له عـادي عنده ..!!

كيـف ترضى على أمك ؟! و ليش ؟!









×










بعض الشبـاب ’و حتى بعض البنـات’ اللحين بالعكس صارت عندهم يلعـن أمـك مدحه ..!!

أو هذا تعبير عن الحماس في سالفـةٍ مـا !










×











مثـلآ ..

يجي واحد يقول : والله أمس سويت كذا وسويت كذا ..

يجي الثاني يقول : يلعـن أمـك ياشيخ ..!!

و إذا قال لـه [ يلعـن أمـك ] مـدّ هالخشه شبرين كأنه قايل له شعر يمدحه ..!





و إلاّ بعض الشبـاب .. واحد يسأل الثـاني : وش رايك باللاعب الفلاني ..؟

يقول : يلعـن أمممممممممه يلعـب من جد ..!

طيب أبي أفهـم .. وش دخل أمــه بالموضوع ..؟!




للأسف الشديد إن الكلمـة هذي منتشره عندنا إنتشار كبيـر ..

و الآن حاصله مع الشباب في جلساتهم ..





د: وينك أمس يلعـن أمـك ؟

خ : أبد رحت مع فلان الله يلعـن أمه .

د: ليه ماقلتلي إنك بتروح معه الله يلـعن أمـك أنت ويّاه ؟

خ: وش دراني إنك بتروح يلعـن أمك !

د: ههههههههههههههههه .

خ: هههههههههااااااااي .




ولاَ كأنه صار شي ...!!








×










وللأسف إنها تقريبـآ أكثر كلمـة تنقال هالأيام ..

وكم واحد تسأله عن هالكلمه .. بيقول لك : صارت عاده ..!

هذا جـواب أبـيخ من الفعل ..

مافيه شي تتعود عليه وإنت تدري انـه موب زين ولا تقدر تخليه ..!

يمكن إنت تغفـل أو تـتـغـافل عن الذنب اللي تحصلـه من هالكلمـة ..!

بس لا تنسى و إنت تقول هالكلمـة أنك تسوي شيء من الكبــائـر ..

أنت تخيلت معي ..؟!

كبـائـر الذنـوب ..!!

صحّ عنه صلى الله عليه وسلم أنه قال : { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .






×









وش رآيكـم ..؟

وش الحل لهذي المشكلـة الخطيرة ..؟

يعني لهـالدرجـة مافيـه إحترام ولا تقـدير للأم ..؟!










×











شـاركوني ..

أنا بإنتظاركم

تحياتي

المازن
31-01-2010, 12:32 AM
التربيه الطيبه واتنبيه الابناء من اساسيات الوالدين فلما احد لابناء يتكلم بهالامور ولايفهم بحرمة ذالك ويستنكر
بشده المجتمع القريب منه حيكون الاستمرار رغم من يقول ذالك علامه من علامات البعد عن الدين وعدم المتابعه كلن لاهي بدنياه ... ولاتنساء في مواضيعك القادمه اتائنى في العنوان ارى ان العنوان لهذا الموضوع قاسي على القاري .....

شكرا على تنبيهك وتقبل مني اجمل التحايا

عــــشــــق الــحــكــمــاء
31-01-2010, 12:44 AM
يعطيك العافيه اخوي المازن لكن هناك مواضيع اكثر جرأة ماودي حتى

انزلها لكن هذي حقيقة المجتمع صحيح الموضوع قاسي لكن وش اكتب

حتى نتناقش بجديه مره ثانيه يعطيك العافيه

ابو عبدالرحمن
31-01-2010, 01:31 AM
الحل هوان تعلم ان العن هوالطرد والأبعاد من رحمة الله

لأن الله لعن ابليس وطرده من رحمته وأدخله النار
فلوعلمت بهذا لن ترضى لأخيك اوصديقك او أي مسلم العن لأنك تعلم مسبقآ
ماهوالعن ومن هو الملعون




هذا رأي


جزاك الله خير

بنت العقربيه
31-01-2010, 05:08 AM
الله يكفينا شر العاده البايخه
ويهدينا ويهدي شباب وبنات المسلمين

الدلوعه
31-01-2010, 07:18 AM
لا حوله ولا قوه الابالله
الله يهدى الجميع

اميرة الاحساس
31-01-2010, 07:24 AM
الله يعطيك العافيه

من جد انتشرت هالظاهره

واذا قلت لاتلعن امي يقول عاااادي

واذا زعلت قالوا انت حساس دلوع وغيره ..

وما اقوووول الا

الله يهدي هالمجتمع

يارب