المساعد الشخصي الرقمي

مشاهدة النسخة كاملة : اقسم بالله العظيم ان البلد مشتعل بالحرامية . .. ارجو المشار


بحر العطا
23-01-2010, 10:05 PM
وش الي قاعد يصير في البلد .. الكل صار ينهب عيني عينك .. ولا حسيب ولا رقيب .




قبل فترة ذهبت لشراء قدر ضغط تربو مقاس 4 لتر ( طبعا هو يجي نوعين .. نوع

بساعة ونوع من دون ساعة .. والذي بالساعة يكون اغلى شوي بحاولي 30

ريال ) ... المهم ذهبت لمحلات الاواني المنزلية وكل المحلات جنب بعض ... طبعا انا

اعرف سعره مقدما بحوالي 600 ريال ... المهم

لقيت محل يبيعه بدون ساعة بسعر 675 ريال ... ثم عرفت انه نصاب .. ورحت للمحل

الثاني بجنبه واشتريت واحد بساعة بسعر 620 ... يعني الفرق 55 ريال .. والمصيبة

ان صاحبنا الاول يبيع بسعر غالي وبدون ساعة كمان ... طبعا انا من عوايدي ما


اشتري على طوول حتى الف اكثر المحلات .. لاني اعرف ان البلد كله حرامية


ونصابين .





الموقف الثاني ..



اشتريت سيارة موديل 2008 مونتنير ( اخت الاكسبلور )... المهم انا

باقي ما اعرف اسعار قطع غيارها .. رحت محل بنشر اغير الزيت .. وطبعا طلبت منه


يشيك على فلتر الهوا ... لما شيك عليه طلع خربان .. وفعلا كان خربان .. قلت له غيره


وجيب واحد جديد .. لما جيت احاسب قال لي الفلتر سعره 90 ريال ... انا والله ما

توقعت انه نصاب ابو يمن .. وفي نفس الوقت بعض اصحاب البنشر يزود خمس ريال


عن غيره .. فصرت اقول لابو يمن ياشيخ انت مزود خمس ريال ( مسوي فيها ذكي


انا ) وطلبت منه يحسبه لي بسعر 85 ريال ووافق .. حاسبته معتقدا ان فعلا هذا هو


سعر الفلتر وحتى لو زود علي فاكيد زود خمس ريال ... بعد اربع ايام ذهبت لمحلات


قطع الغيار اشتري حاجة .. فقمت اسال عن اسعار بعض القطع لسيارة المونتنير حتى


يكون عندي خبرة شوي ... شوي وسالت عن سعر الفلتر وطلع سعره 40 ريال ... انا


وربي يوم عرفت وقف شعر راسي ... وانقهرت .. وعصبت ... وعلى طوول طلبت من


صاحب قطع الغيار ان يجيب لي واحد ... واخذته وعلى طوول على محل ابو يمن ..


ولقيت الشخص الي باعني موجود في حفرة يغير زيت احد السيارات .. وانزل عليه


على طوول وتكفيخ .. واسحبه من حفرته وعلى طوول بدون تفاهم جيب 80 ريال ..


وهو عرفني على طوول ... والتموا عليه ابو يمن يبون يفكونه مني .. ومسكت مفتاح


عجل كان موجود ونويت افتح له راسه .. قاموا اخوياه يسالوني وش فيه ؟ قلت جيبوا



80 ريال وبعدين تعرفون .. على طوول واحد طلع لي 100 ريال .. ورميت بوجههم


الفلتر الجديد ومعه 20 ريال ... وعلمتهم بالقصة .. قاموا يعتذرون لي ويقولون تراه


لسا جديد وما يعرف الاسعار ( طبعا هم كذابين ) لكن يبون يصرفونها .. المهم خرجت


من عندهم وانا اهددهم اشتكيهم في وزارة التجارة .. رغم اني اعرف ان ما عندك


احد .. لكن قلت اطلع حرتي .







وربي البلد كله حرامية نصابين ... لكن الشرهه على المواطنين لو انهم يتكاتفون

ويكسرون محلات التجار ويلعنون خامسهم كان وربي يعقلون .. لا احد يجي يقول وزارة


التجارة .. ترى والله ما عندك احد .. خذ حقك بيدك وعلي وعلى اعداءي ..... بعض


المحلات تبيع البيبسي بسعر ريال ونصف والبعض بريالين وكلا على كيفه ... لكن والله


ثم والله اني ما اشتريه غير بريال ونصف وخل صاحب المحل يتفلسف .. ارمي له ريال


ونصف واطلع ومعطيه اشكل .





ونصيحة لو دخلت محل وبقي لك نصف ريال فاطلب النصف .. بعضهم يعطيك علكة بدال


النصف .. لكن انت قول هات النصف ... لو قال لك ما فيه قول له طيب اجل جيب ريال

ويبقى لك عندي نصف انا اجيبه بعدين ... لا تكون اهبل ... خلك رجل .. وعطهم العين


الحمراء ... ترى والله احنا في بلد كله نهب في نهب .. ولا ينفع معهم الا طوول


الذراع .. وهذه سياستي رغم اني اعرف ان ماكل مرة تسلم الجرة .. لكن وش اسوي


وجهت وجهي لله .





اخر موقف حصل لي في بندة ... كان من ضمن مشترياتي كرتون علكة .. وكان مكتوب


السعر تحتها 8 ريال وخمس وسبعين هللة .. لما جيت احاسب طلع سعر العلكة بــ 10

ريال وخمس وسبعين هللة .. على طوول وكالعادة بدأ يرتفع صوتي في المحل .. والعالم


تناظرني .. لكن وربي ما فكرت في احد .. المهم شوي وخرج علي الموظف المسؤل .



وش فيه ؟ قلت له وش هذا النصب .. انتم تحطون سعر على الرف .. ولما نجي نحاسب


نلاقي سعر مختلف .. هذا غش .. هذا نصب واحتيال ... انا اعرف سياستكم .. انتم


تبون تضعون الزبون في احراج .. لما يوصل للحساب بينحرج ويدفع .. لكن انا والله ما



انحرج ولا افكر لا فيكم ولا في تصرفاتكم .


اخذني الموظف وبدأ يهديني ... ثم قال لي صدقيني يا اخي كلامك كله وشكواك حتوصل


للمسؤلين .. قلت له يا اخي انا لي ملاحظات على بنده .. اول ملاحظة ان كثير من السلع


ماعليها اسعار بحيث الزبون يشتري السلعة وما يعرف سعرها .. ثاني ملاحظة ان بعض


السلع يختلف سعرها .. في الرف مكتوب سعر .. ووقت الحساب نلاقي سعر ثاني .. قال


لي الموظف يا اخي هذا يحصل والخطا موجود .. لكن كلامك راح يوصل للمسؤلين ..


قلت له انا وين المسؤلين وصلني لهم او جيبهم لي .. قال ماهم موجودين .. قلت له طيب


جيب لي اوراق اكتب فيها شكواي عشان احاججك بها .. اما حكاية كلام بيني وبينك ما


ينفع .. قال ابشر .. وعلى طوول طلع لي ورقة وكتبت فيها كل ملاحظاتي ... وكتبت رقم


جوالي واسمي .. وحطيت بعد كتابة اسمي بين قوسين ( صحفي ) .. عشان يفكرون اني


بفضحهم في الصحف .. وانا والله ماني صحفي .



المهم .. في اليوم الثاني ومع صباح الله خير .. جوالي يدق .. رقم من الرياض .. من


معي ..؟؟ قال لي وصلني فاكس عن شكواك في مركز بندة فرع كذا وكذا بالدمام .. قلت


له ايه .. ولما جيت احكي له السالفة .. قاطعني وقال : ابشر مالك الا الذي يرضيك ..


الحين انا باخلي مدير الفرع يتصل فيك وتفاهم معه .. قلت طيب .. شوي ويتصل فيني


مدير الفرع ... والله ثم والله انه قاعد يحاكيني ويشرح لي ويتعذر مني ... حتى انه في


الاخير قال لي ابيك تشرفني في المحل وتاخذ معي جولة وتشوف كيف التغيرات الي


باسويها في ترتيب الاسعار وايضاحها للزبائن .. طبعا انا وعدته اني ازوره لانه الح


علي .




فيا اخوان لا احد يسكت ... تكلموا ... ناقشوا .. قدموا شكواكم ... تحركوا .. لا احد يقول


ما علي انا .. ترى والله ان البلد رايح فيها .. وكل التجار يلعبون فينا .. حتى لو لقيت


السعر زايد ربع ريال اسال ليش حاجج انفخ فيهم .





عن جد قهررررر .

AL3`amdi
23-01-2010, 10:13 PM
لو في رقابه مثل باقي الدول كان بويمن مانصب علينا

نانا
23-01-2010, 10:18 PM
هههههههههههههههههههههه
بحر العطا في كل مكان مسووووووووووووووووي قلق ومشاكل
الله يرجك
هههههههههههههههههههههههههههههههه
مريت وشوفت موضوعك ولي وقفه مع سطورك ومعاااااااااااااااك
هههههههههههههههههههههههههه
لي عودة ........انتظرني
ماابغى ارجع القاك متهاوش مع احد ثاني

بحر العطا
23-01-2010, 10:21 PM
لو في رقابه مثل باقي الدول كان بويمن مانصب علينا





صـــــــــــادق وخاصةً نصابين هنا الاجانب هم للي جايين في ديار العز ويضحكون علينا

بحر العطا
23-01-2010, 10:28 PM
هههههههههههههههههههههه
بحر العطا في كل مكان مسووووووووووووووووي قلق ومشاكل
الله يرجك
هههههههههههههههههههههههههههههههه
مريت وشوفت موضوعك ولي وقفه مع سطورك ومعاااااااااااااااك
هههههههههههههههههههههههههه
لي عودة ........انتظرني
ماابغى ارجع القاك متهاوش مع احد ثاني



ههههههههههههههههههههههههههههههههههه

ساكت عن الحق كالشيطان الاخـــرس واليوم


الناس تبغى المجامله وتمشيء الامور بالتي هي اغبى


حيـــــــــــــاك ربي باي ووووووووقت


لالا تخافين

انا قلت لك انا لي حدى آآآمرين في هذا المنتدى



هههههههههههههههههههههههههه

بدوية نجد
24-01-2010, 12:04 AM
من تريد ان يتكلم او يدقق على الباعه! ولمن نشتكي ؟ نحن تعودنا على الدفع دون نقاش ،والقصص في هذا المجال أكثر من ان نذكر ..
وكان الله في عون المواطن ..

ابو عبدالرحمن
24-01-2010, 12:17 AM
لا احد يسكت ... تكلموا ... ناقشوا .. قدموا شكواكم ... تحركوا ..

بس بدون مفتاح عجل الله يرحم والدينك حنا في بلد فيها قانون وحماية مستهلك


لاكن تدري والله انك صادق كثرو الحراميه في البلد ولاحديقدريكسر شوكتهم
حتى الحكومه اصبحو يتفرجون ولاحد يتحرك


الله يرحمنا

راقي بذوقي
25-01-2010, 12:01 AM
اقول يامناحي من تنااحي .. المشكله انه عيني عينك تفااوت بالاسعار ماهو طبيعي!!!كل واحد يحط سعر من راسه ولمى تتناقش معهم يقولك كل محل سعر كذا..
ولمى تقول خلها عندك يقولك عاادي تدري ليش؟؟؟
لانه لاقي اغبياء يستغلونهم وياخذون فلوسهم وهم يطالعون..
انا تناقشت في الموضوع كثير وقلت لاحد يفكر بنفسه فكرو بالناس الى رواتبها ضعيفه
والله حرام ربي راح يحاسبنا لأنا نشوف الغلط ونسكت عليه بس البلد هذي كل واحد يفكر بنفسه فقط..
(اتمنى انه فيه نااس بعد ماتقرى الموضوع تصحى وتقول كفايه استغلال)
موضوعك جد(ن) رائع وياليت الكل يطبقه
ويعطيك العافيه ولاتحرمنا من كذا مواضيع...

نانا
25-01-2010, 04:41 AM
مشكلتك مع الاجانب مشكله
محسسني انهم هم النصابين وفيهم كل الطبايع الشينه
وان الشعب هوكبش الفدا اللي مافيه غلطه

رجعتي لموضوعك قويه لاني كنت منتظرة ردك
بحر
قولتلك هدي اللعب شوووووووووووووووووووووووويه
اذا الاجانب عاملين قلق
واضطراب في البلد بلاش يدخلونها بس هذه ارض الله ومااحد يقدر يمنع احد من دخولها
واذا الاجنبي نصاب

انت شغل مخك. وانصب عليه بطريقتك

وشغلوا اولاد البلد عشان تحرصوا وتقللوا من النصب
بس راح تلقلى بالنهايه في كل مكان في الشين وفي الزين
ويمكن
يطلع حاميها حراميها بعد
هههههههههههههههههههههه