المساعد الشخصي الرقمي

مشاهدة النسخة كاملة : هذا ماحصل لي بفرايديز كورنيش الخبر


الماضي
03-01-2010, 12:07 AM
كنت زائر لمدينة الخبر خلال هذا الاسبوع
وتفاجئت بما حصل لي بفرايديز عندما طلبت وجبة الغداء وكانت وجبه دسمه ابتدئتها بسلطة القيصر
فقد كان قيصرها الذباب

اترككم مع الصور
نصيحه اخويه دعونا جميعا نقاطع المطاعم القذره ونتلذذ باكل منازلنا

الماضي
03-01-2010, 12:13 AM
عجزت وانا احاول انزل الصور الي يعرف لطريقه يدلني لان ودي من جد تشوفون الصور وتنتبهون زين من اكل المطاعم

شمعة الجلاس
03-01-2010, 12:36 AM
والله انا عليمي كومبيوتر بس الي اعرفه انك تسوي brows حق الصور الي تبي تنزلها بالموضوع
وإن شالله تضبط معك ولازم يكون حجم الصور صغير

بالنسبة للموضوع
غريبه على مطعم بحجم فرايديز انهم يغلطون هالغلطه الشنيعة لان في امريكا تقدر تصكر المطعم بكبره وتاخذ تعويض
بس هنا محد حولك

وأنا معك أكل البيت أنظف وأصح

مشكور على الموضوع

أخوك : شمعة الجلاس

فك وافك
03-01-2010, 03:05 AM
يارجال عادي
كل الذبابه وكنك ماتشوف
انا دايم تحصل لي بالفوالات والاماكن الموبوئه _ بالله كيف تكتبون موبؤ اللي من وباء...عجزت
واكل والحمد لله
كلها مغص يومين ويمشي الحال
بعدين تتعود


بعدين كان اكلت بثيرزداي ولا ستاردي ...يعني حبكت الا يوم الجمعه تاكل ذبان



ويااخي الماضي
انسى الماضي راح
خلنا عيال اليوم
وشو له تقطع رزق الرجال
تلاقيه مستلف ومتدين عشان يفتح هالكشك يبيع فيه هالطعميه
يعني شنسوي
الظروف حدته


ولاتنسى
البلديه وضعت لخدمتكم
اتصل وقل الذباب حق اليوم مو طازج ... هع .... تخيل تتصل عليهم يقولون اذا الذباب طازج مافيها شي اذا بايت لا بنجي نحقق


الله يعوض عليك
كان سويت ازعاج في المطعم
خربت عليهم سمعتهم اقل شي ذاك اليوم


ياخي انا رحت فندق مره دفعت فيه مبلغا وقدره
وبمجرد مااستاجرت الغرفه ( بيني وبينك على حساب الشركه قسم مادفعت ريال )

دخلت الا صرصور قدامي مستغرب شكلي يحرك قرون استشعاره
احسه يقول ياربي انا شايف هالادمي بس مدري وين

مسكت العامل اللي فتح اللي الباب
وازعجته
اللحين خمس نجووم وهذي اولها
واصور الصرصور بالجوال ..... الصرصور الكلب على طول قال تشييييييييييييييييييييييييز

وانزل واسبب زحمه
والله وانواع الاسفات والاعتذارات
وحطوني بجناح عرسان وشروا لي عروسه باربي قالوا بحكم انك عزابي ومخدتين كبااااااااااااااااااااار
قالوا يمكن تحتاجهم باخر الليل
ووجبه عشاء بوفيه طول ماانا ساكن عندهم ======> لمده يوم واحد


يعني سبب زحمه
والحمد لله على سلامتك وسلامه العيال
والله يجعلها اخر ذبابه تشوفها في حياتك


وش رايكم نسوي مقاطعه للذباب
عشان يتادب وماعاد يسوي هالحركات =======> فيه ذبابتين اللحين على يده


تصبحون على خير
تراني مفوت وفيني نوم

انفاس حره
03-01-2010, 07:08 AM
http://www.alkhubr.net/imgcache2/69968.gif (http://www.3sl3.com/up/)