المساعد الشخصي الرقمي

مشاهدة النسخة كاملة : قااااااااطعوا مسرحيات طارق العلي


منامنم
29-12-2009, 04:08 PM
تبون تعرفون وش كثر زباله ومنحط ووصخ ومنتشره فيه العلاقه المحرمه بين الرجال بشكل مقرف ومستفزالمجتمع الكويتي ((اللي يصوره لنا )) طارق العلي في مسرحياته ..
عذرا لكل الشعب الكويتي انتم على راسي من فوق وفيكم اللي عند الله ابرك مني
لكن
شوفوا طارق العلي في مسرحياته الوصخه
وش الصوره اللي قاعد يرسلها للعالم كله عن الشعب الكويتي
شوفوا مسرحياته كلها من تبدا لين تنتهي وهي افيهات وتلميحات وصخه مثل وجهه عن العلاقات المحرمه بين الشباب
شيئ مستفز ومقرف ويخلي الدم يغلي في عروقي
لها الدرجه صار الكلام في ابشع واوصخ جرم وكفر شيئ مضحك وماده لمسرحيه كوميديه يدخل لها العائلات اطفال وكبار شباب وبنات
وش قصده يعني هالشي عادي
نسمع التعليقات عليه ونضحك عادي
نكته ..
هذا قمة السخف وقلة الحياء والاسخف واللي ينرفز اكثر واكثر كمية الضحك والتصفيق اللي تسمعها في المسرح لما يقول كلمه قذره عن هالشي او يقط افيه عنها
متى يعرف ان هالشيئ مخزي ومقرف
ومايضحك ابدا هذا شيئ يوجب العقوبه من رب العالمين
واذا بليتم فاستتروا
مهوب تحطون اوصخ شي في مجتمعكم ماده لمسرحياتكم
قاطعوا مسرحياته
قاطعوها
وهذا اضعف الايمان
انكروا هالشي
لازم توصلله هالمعلومه باي شكل وماراح يصير هالشي الا اذا كانت مقاعد المسرح فاضيه
كل اللي يغير على نفسه واولاده وسمعه من هالاسفاف والقبح يقاطع مسرحياته
اللهم اني بلغت
اللهم فاشهد
اللهم فاشهد
اللهم فاشهد

الفهد
29-12-2009, 05:11 PM
اختي الفــاضله


الفنان طــارق العلي يعالج قضايا من خلال تخصصه وهو الفن وعلى المسرح باالضبط


كثر خيرهـ انه قاعد يوعي الناس على مشاكل البعض لايعلم بها وهي موجودهـ فى مجتمعه



الرجل لم يأتي بقضايا من المريخ كل ما يطرحه هو داخل مجتمعنا الخليجي



دمتي بخيرإإإ

عـــسووول
29-12-2009, 05:29 PM
يسلمؤؤ على الموضوع وعلى التنبيهـ

بس كلامي زي كلام اخوي الفهد

وتقبل مروري :)

سفير النوايا الحسنة
29-12-2009, 05:37 PM
منامنم ..

اتفق معاك بالرأي .. بصرااحه مرات يزوودها .. و حتى لو كان يبي ( يعالج قضايا المجتمع ) فيه شي اسمه اسلوب مو يزيد الطين بله و ( يعالج ) بقلة ادب ..

و بعدين هو معروف من قلة ادبه .. شوفوا شلون يتطنز على السمر اللي يمثلون معه .. يعني كل شي ولا تتطنز على خلقة ربي و كأنه الموضوع عادي .. يعني هذي قلة ادب ..

و دايما يتطنز على الحريم و السمينين و يسوي ستريوتايب .. ماا عمره سمع بشي اسمه اسلوب .


منامنم .. شـكراااا على الموضوع :)

™Hesham
29-12-2009, 06:24 PM
انا شفت آخر مسرحيه لطارق العلي الصراحه قمه في الوصاخه وعدم احتراام الحضوور مسخره ولا لها اي هدف


تحياتي لك....

منامنم
29-12-2009, 07:03 PM
الاخوه اللي يقولون يعالج قضايا
بالله مثلا في مسرحيته الاخيره خربانه
كيف عالج هالقضيه
مثل هالقضايا تعالج بالسوط والجلد الله لايبلانا
ماتعالج بجعلها نكت يضحك عليها المرضى والفاشلين
انا كنت من اشد المعجبين له في مسرحياته واعماله القديمه
لكن في الكم مسرحيه الاخيرات زودها من جد
زودها
اقسم بالله اني اشمئز منه
ومن تعليقاته الوصخه
حتى ولدي ماخليته يكملها
من كثر مايقوللي يمه وش يضحكون عليه
يمه وش يقصد
بالله عليك ياللي تقوللي يعالج قضيه
وش ارد على طفل ابو 5 سنين
الا خلاص
للاسف ماعاد عنده مواضيع جديده
ولا افيهات جديده
كله صار مكرر
وقال اسوي لي كم مسرحيه اجمع منها حق انتاج الفيلم ومايهم الموضوع
الممثلين هم هم
الافيهات والمواضيع هي هي
مايتغير شي
والناس تجي على السمعه ومن قل المسرحيات
مافيه الا هو
للاسف استغل هالشي اسوا استغلال