المساعد الشخصي الرقمي

مشاهدة النسخة كاملة : [ جمال وردتي من ما حصدته يدي ]


الخفوق
15-11-2009, 09:01 AM
http://faculty.ksu.edu.sa/73127/Pictures%20Library/_w/%D9%88%D8%B1%D8%AF%D8%A9_gif.jpg


في ربيع الورد

وتساقـط رذاذ المطـر

نزلت سكينه على القريه الصغيره

فلا اطفال يلعبون , ولاراعي يرعى اغنامه

ولا رجـال يسمـرون , ولانساء يتهامسـون


فقط تلك القطرات على العشب الشديد الخضار .. والهواء اللطيف يسدل على وريقات العشب ..


.. الهدوء هو سيد الموقف ..


نزلت بسمه من اعلى الخيل .. اللذي يجمل وجهه تلك العلامه البيضاء .. فهو يميز خيلها عن كل الخيول ..

رأت كوخ يسوده الدمار .. حيث آراضي نآئيه لاسكـان فيها !

طرقت الباب ثلاثاً !!

فلامجيب ..

اعادت الطرق من جديد ..

فتحت لها طفلة ابنة للتسعة اعوام
لباسها مرقع .. فبعضه من قماش واكثره من ورق الشجر
شعرها طويل ومنسدل على ظهرها .. اشهب يغطيه التراب
عينيها واسعه .. طويلة الرموش .. متجمع تحت عينيها التراب والملح
فمها جميل .. بل جميل جداً .. فهي تحمل بين طياته ابتسامه !

استأذنت بسمه من البنت الصغيره بالدخول ..
.
غرفه صغيره .. يدخلها الضوء من فتحة في الاعلى بين اعمدة الخشب ..
لاتسمع فيها سوى ازيز الكرسي المتحرك
.
في الزاويه الاولى يوجد بها صندوق متوسط الحجم , يبدو انه دولاب للملابس !
الزاويه الثانيه عسف من النخل مترابط ومتداخل مع بعضه البعض .. يبدو انه فراش للنوم !
اما بين الزاويه الثالثه والرابعه يوجد موقد للنار من الحصى , وبجانبه قدر وصحن يغلب عليهما السوآد ..

وفي وسط الغرفه وعلى الكرسي المتحرك يوجد به امرأه قد قاربت على الهلاك ..

حولت بسمه نظرها للبنت ذات التسعة اعوام .. فإذا ببتسامتها تجذبها مرة آخرى ,,

.
.

.. بعد مرور عام على هذي الحادثه ..

بسمه : تخيلي تعيش عند عمتها لحالها بعد ماماتوا امها وابوها بحادث سيآره في المدينه وجابوها اعمامها عند عمتها هالضعيفه ومايطلون عليهم إلا كل شهر او اكثر ,و لا مع كل اللي حصل معها, ابتسامتها ابد مو مفارقتها .. وإلى يومك وانا عاجزه عن معرفة سر هالابتسامه !!
ليآن : طيب هي وينها ؟؟ بجد شوقتيني اشوفها ..
بسمه : هي بالغرفه اللي بنهاية مزرعتنا ياعمري عليها ماصدقت تجي هنا وتحس بالأمان, بس هالوقت ابدن ماتطلع من الغرفه .. تنام مع عمتها إلى مايصحون مع بعض .. بس إذا تبغين تشوفينها نامي عندنا اليوم , وبكره راح تشوفينها إن شالله عند الفطور ..
ليآن : امممم والله فكره مو بطاله .. مادري كيف بنام لو رحت البيت وهي ببالي ..

.

الساعه الثامنه صباحاً ,,

ملاك وهي تقبل رأس ابو بسمه : صبآح الخير عمو ..
ابو بسمه : صبآح النور والسرور .. ياهلا بملاك اميرتنا الصغيره ..والله اني إلى هاليوم وانا احمد ربي واشكره اني وديت بسمه تلعب مع خيلها بهالقريه ..
ملاك وهي تنظر للاسفل وحَمار وجنتيها يصعد للاعلى : الله يخليك ياعمي ..
ليان ومنذ ان دخلت هذهي الملاك الصغيره لم تبعد عينيها عنها ..
بسمه بصوت واطي : وجع ليان اكلتي البنت بعيونك شوي شوي عليها ..
ليان بحالت سباهه : تجنننن اتعب وانا اقول تجننن .. ذوق وادب واخلاق يااااي وش هالطعمه ..
بسمه وهي تضحك : ملاك قلبي تعالي سلمي على ليان بنت عمي مبارك ..
ملاك ولازال خجلها هو الطاغي عليها : اهلاً ليآن ..
ليان : هلا فيك كيفك ياقلبي ان شالله بخير ..
ملاك : الحمدلله طيبه .. انتي كيفك ؟.
ليان : تمام ياعيوني .. ياالله ياحظ عمي عندهم هالبنت اللي ولا بالاحلام راح يحصلونها ..
ملاك تنزل رأسها للأسفل وتبتسم ..

بعد الافطار استأذنتهم ليان بأن تزور عمة ملاك وبرفقت ملاك ..

ليان وهي تُقبِل راس العمه : الله يخليها لك .. مشالله عليك ياملاك مع ان عمتك ماتتكلم ولاتعبر عن شعورها لك ..بس الاقيك متمسكه فيها بقوه ..
ملاك : الله يطول بعمرها.. انتي عارفه ياليآن اني لما اصحى والاقي عمتي بصحه وعافيه افرح كثييير .. ولما اجي انام اخاف اني اصحى ولاالاقيها ..
ليآن : ياقلبي عليك طول وقتك على اعصابك .. بس امممم يعني عن جد ملاك استغرب من وحده بعمرك وعلى نفس حالك كل وقتها تبتسم وكأنها راضيه على اللي هي عليه ..
ملاك وهي تبتسم : وانا رآضيه على اللي انا عليه ..
ليآن : امممم مافهمتيني انا اقصد وش سر رضاك .. ايش اللي يخليك ترضين باللي عندك ؟!!

ملاك وهي تنظر خلف ليان وتبحر في ذكرياتها البعيده :
انا ياليآن من عمري خمس سنين وامي تحاول تزرع الثقه في نفسي .. أمل - تفاؤل - رضـا .... معاني كانت دآيم تحفظنياها , وكانت تقولي دايم الوآثق مايستغني عن ابتسامته .. واذا كنت زعلانه من حاجه ماجابها لي ابوي تقولي ابتسمي ياملاكي وراح ترضين .. كنت ازعل منها وارفض واقولها لان مو انتي اللي بابا ماجابلك اشيائك !! .. كنت دايم وانا بروح للروضه .. للتمهيدي .. لمدرستي الابتدائيه ,قبل لااطلع تبوسني مع خدي وتقولي يلا وريني ابتسامتك .. _الله هذي ملاكي اللي اعرفها_ .. كانت دايم تقولي اللي يبتسم يحبونه الناس , اللي يبتسم يفرح باللي عنده , اللي يبتسم محد يزعل منه , اللي يبتسم يرضى ربي عنه ..

نزلت دمعه صآفيه على وجنتي ملاك تمحوها ابتسامه . ..

ليآن أكثر مايقال عنها في هذا الموقف .. الآعجآبـ ! .


.

.




في وسـط المدينـه

وبيـن صخـب السيـارات

فـي ـآفخـم فنـدق بالمنـطقه

في الدور الـ30 .. تخرج فتاة في سن التاسعه .. وقد لبست من اغلى الماركات العالميه ..
حذائهآ فقط لايكاد ينقص عن الفين ريآل !
لباسهآ للوهلة الاولى قد لبسته ..
تحميل بين يديهآ حقيبه , يوجد بهآ قطه تضآهي سعر حذآئها !

لمى : مااامااا مانبغى نروح للمطعم الصيني .. مو حلو اكله .. بليز الله يخليك خلينا نروح حاجه تبيع وجبات سريعه ..
ام لمى : كل يوم وجبات سريعه .. لا ياقلبي حتى اخوك يبغى اكل صيني ..
لمى : ايييف كل شي لاحمد .. دايم تشترون له اللي يبغى وانا كل مااقولكم شي تقولون لأ. لأ .. اووف مااحبكم !!

بعد مااكل الجميع .. خرجوا جميعاً للتنزه في مدينه العاب مائيه ..
لمى : اللــــه ياماما هذي اللعبه مرررره تعجبني .. شكراً يااحلى ام .. وتملئ وجه امها بالقبلات !

خرجوا من المدينه المائيه وقد اهلكهم التعب ..
ام لمى : يلا ياحلوين اللحين كل واحد يكبر وسادته وينام ..
لمى : لاااا مانبي ننام .. ابغى اروح لمتجر الشوكولاته .. انتي وعدتيني امس توديني له ..
ام لمى : ياقلبي اللحين احنا تعبانين بكره ان شالله اذا صحينا وديتك للي تبغين ..
لمى وقد شارفت على البكآء : لا ماابي ماابي .. ابي تشوكلت و اللحين
ام لمى : انتي ماتسمعين .. خلاص اذا جا بكره شريتلك

صعد نحيب لمى بالبكآء .. وبدأت بالسب والشتم وان لااحد يحبها في هذا البيت !

..
ام لمى : والله ياام بندر مادري وش اسويبهم جننوني هالعيال .. مافيه ديره مازرناها .. ومافي ملاهي مارحنالها .. وكل مره يزيد غثاهم علي ..
ام بندر : والله ياخيتي أكيد انك مقصرتن عليهم بشيء منا ولامنا ..
ام لمى : وش قصرت عليهم به ؟ مافيه شي طلبوه إلا واوفره لهم .. حتى لو رفضت اجيب لهم شي اتحسف وارجع انفذ اللي يبونه !!

..
لمى : ايش رآيك بشنطتي ؟ طلبتها لي امي من متجر بأمريكا ..
ريم : مررره تجنن شنطتك .. انا امس رحت مع امي للسوق وخلتني اشتري اللي ابغى من ملابس وشوزات وشنط .. عشاني اخذت الاولى على الفصل ..
لمى : الله مشالله عليك كل حاجه بغيتيها ؟؟
ريم : ايوه اي حاجه بنفسي اشتريتها _حددتلي امي مبلغ وقالت اشتري به اي حاجه تبغينها_ .

..
لمى و قد امتلئت بالغيض: شفتي ياماما ريم بنت خالتي منال .. امها مررره مدلعتها وتشتريلها كل اللي تبغاه .. مو مثلي كل ماقلت حاجه قلتوا مو مناسبك ولابعدين ..
ام لمى : طيب ماتدرين هي اشترت من وين ؟؟ اتحداك تجي كل اغراضها بمبلغ تيشيرت عندك .
لمى : ماعلي من سعرها بس امها طيبه وتشتريلها كل اللي بخاطرها .


.
.
.


شتآن في مشهدآن !



.

.



لايسعني التعليق عنهم إلا بـثلاثة آمور .. ألا وهي :



_ فلذآت اكبآدنا نحن من نزرعهم .. نسقيهم بالمعآني والأخلآق ,,


_ ملاك ولمى .. ومن في سنهن .. يهتمون بالشيء لا بقيمته !!


وآخيرن :


_ مايملى عين أطفال آدم إلا الترآب ,,




اتمنى موضوعي نآل على حسن ذآئقتكم .. وكآن خفيف عليـكم ..

أترك باقي التعليقآت لكـم .. >> http://www.alkhubr.net/imgcache2/56783.gifhttp://www.alkhubr.net/imgcache2/56783.gif http://www.alkhubr.net/imgcache2/56784.gif

ودعت جرحك للابد
15-11-2009, 09:31 AM
كم انتي كبيرة بمواضيعك الرائعة مشكووووووووووورة اختي,,الخفوق,,
|| ربما يصبح الحلم حقيقة||

لوووورا
15-11-2009, 11:51 PM
يعطيك الف عافيه مميز بطرحك حبيبتي قصه رائعه الله لايحرمنا طلتك

من من
16-11-2009, 02:44 AM
اولادنا وفلات

من من
16-11-2009, 02:44 AM
اولادنا وفلات اكبادنا

من من
16-11-2009, 02:44 AM
اولادنا وفلات اكبادنا نزرعهم

من من
16-11-2009, 02:44 AM
اولادنا وفلات اكبادنا نزرعهم يمكن

من من
16-11-2009, 02:44 AM
اولادنا وفلات اكبادنا نزرعهم يمكن لكن

من من
16-11-2009, 02:44 AM
اولادنا وفلات اكبادنا نزرعهم يمكن لكن اننا

من من
16-11-2009, 02:44 AM
اولادنا وفلات اكبادنا نزرعهم يمكن لكن اننا نسقيهم

من من
16-11-2009, 02:44 AM
اولادنا وفلات اكبادنا نزرعهم يمكن لكن اننا نسقيهم اخلاق

من من
16-11-2009, 02:44 AM
اولادنا وفلات اكبادنا نزرعهم يمكن لكن اننا نسقيهم اخلاق ما

من من
16-11-2009, 02:44 AM
اولادنا وفلات اكبادنا نزرعهم يمكن لكن اننا نسقيهم اخلاق ما بيصير

من من
16-11-2009, 02:44 AM
اولادنا وفلذات اكبادنا نزرعهم يمكن لكن اننا نسقيهم اخلاق ما بيصير الان فى هالحياة والمشاكل والتكنولوجيا

الله يستر على اولادنا

موضوع رائع يالخفوق

الخفوق
16-11-2009, 07:46 AM
الارووع هو مروركم الله يحفظكم ويخلي لكم اولادكم


.