المساعد الشخصي الرقمي

مشاهدة النسخة كاملة : اليوم الوطني ومابعداحداث الخبر..!!!


اتقوا الله
03-10-2009, 10:38 AM
مساءكم وصباحكم ورد ..

يارب تكونون بخير وحبايبكم بخير ..




موضوع لم أكتبه من فراغ ! بــل من قهرررر ! ولكن .. حسبي ربي وحده وكفــى !



اليوم الوطني وماادراك ماليوم الوطني !





صادف هذه السنه اليوم الوطني + فرحة عيد الفطر + إجازه تمددت + نهاية الإسبوع يوم الأربعاء الذي ننتظره أيام الدوامات بفارغ الصبر ..



وماذا بعد ؟!

طبعا أكيد وصلتكم ايميلات وشفتوا مقاطع باليوتيوب عن اللي صار بمناطق المملكه وكيف شبابنا احتفلوا بأسلوب همجي طايشششششششششششش !





ولاراح انزه عيال الخبر .. لكن اللي صار بمنطقة الخبر بعيد كل البعد عن عيالنا !
وماقلتها من فراغ !


بحكم وجود أبناء العاصمه الشقيقه الرياض ..


جايين يتسكعون عندنا وكل واحد يطلع مواهبه



وديره مو ديرتك ......................... !!



كعادة كل إجازه يتجمهر أهل الرياض في سواحل الشرقيه وياليت وجودهم مرحب فيه !!

من عندي نيابه عن اهل الخبر اقولها !

وجود اهل الرياض عندنا بالإجازات غير مرحب فيه !
ماجانا غير الضرر منهم !

الفنادق مليانه والشواطيء مليانه والشوارع مليانه !
وياليت يسوقون زي العالم !
سواقتهم تحتاج لإعادة نظر !
لأن شوارعنا مب واسعه مثل شوارع الرياض فتشوفون السواقه كيف ابدااع !
مرا يمين ومرا يسار !
واللي عنده سواق لايطلعه بمثل هالأوقات لأن النهايه حادث وتوقيف وكفيل !

طبعا هناك سؤال يتردد بأذهانكم .. مالذي حصل ؟!

اللي حصل الله يسلمكم ان اغلب عوائل الخبر كل ويكند متعودين يروحون الواجهه البحريه بالخبر كمكان عائلي وبحر وطبيعه ومطاعم حولهم .. يعني مكان استراتيجي ..
ولاعمره صار شيء من اللي شفناه طوال الأعوام اللي فاتت !

فجأه باليوم الوطني هذا العام صارت بلاوي دخيله علينا ..



شباب يفتوحون السيارات ع العوائل وينزلون البنات اجباريا عشان يرقصون لهم !!!! << حركه مقتبسه من حركات شارع التحليه بالرياض !



شباب يتسكعون وانواع الرقص والميوزك على آخر شيء ! ماادري صمخان مايسمعون والا شالقصه ! << سلامات؟

شباب يطبلون على قزاز السيارات اللي ماره ومتوقفه مع زحمة السير .. والبعض رفعوا سياره ولفوها عكس اتجاه السير وسائقها بداخلها !! يارب ماتكون جته جلطه !

شباب تجمعوا وانقضوا دفعه واحده على المطاعم والمحلات .. اللي سرقوا الخزائن واللي رموا المطاعم بالحجاره << بفلسطين حنا ؟؟


الله أعلم !! لاننسى ان فيه عوايل بداخل المطاعم تتعشى !



واللي سرقوا ماخف وزنه وغلا ثمنه واللي شالوا سطول الباسكن روبنز ويآكلون بالملاعق في الشوارع !!



طبعا بتقولون وين الأمن ؟؟؟؟؟؟؟؟؟؟؟؟؟؟؟؟؟؟؟



لمن يسوون يوم وطني مايعرفون يسوون خطه لتنظيم الإحتفال ؟؟ والا كلن يحتفل على طريقته ؟!



ماهي هقوتي فيكم يارجال الأمن !



وأبشركم !! هرب الشباب اللي نهبوا وسرقوا وخربوا !! هربوا بإتجاه الأحياء الداخليه ( الخبر الشماليه والصبيخه ..)



بتقولون كيييف ؟ أجل واللي مسكوهم ؟؟!





مسكوا الأبرياء المظلومين وأصحاب الجرائم فروا .. ولاقلتها من فراغ عندي دلائل ..

رجال الامن تصرفوا بطريقه همجيه تفتقد للحنكه والخبره بالتصرف في مثل هذه المواقف !





مشهد




( رجال الأمن يجمعون من هب ودب في الشارع ويركبونهم الباصات للتوقيف طبعا .. اللي واقف عند المطعم ينتظر طلبه .. واللي نازل الصيدليه بيشتري غرض .. جمعوهم بدون وعي الأول ع التالي .. اللي واقف مايدري وش صاير مسكوه واللي مجرم ركض وهرب نايم الحين في بيته تحت المكيف !!!!!!!

ماهذا العدل ؟! لاتعليق )



مشهد آخر ..


( رجل أمن يأمر شاب أن يركب الباص ! الشاب رفض ! قال ماسويت شي !! ضربه رجل الأمن لين طلع منه الدم والولد طاح !! قال له واحد اطلب له الإسعاف ! قال رجل الأامن خله يموت !!!!!!!!!!!!!!!!!!!!!!!!!!!!!
قال له يآخي احنا مسلمين ! قال رجل الأمن وأنا يهودي ؟؟!!!!!!!!!!!!!!

بالله عليكم هذا رد !! والنعم والله !حاميها حراميها !

والراس الكبير حقهم يقول اضرب في أي مكان اضربوا حللوا رواتبكم !! مشالله !! مشالله !!

كفو يارجال الأمن ! ماقصرتوا في التعامل مع الموقف بحكمه وذكاء) !





هذي المشاهد من شاهد عيان ويشهد الله على صحة مااقول !




انتهينا من الحدث نجي للتعليق !



1 _ ماحكم الإحتفال باليوم الوطني كل سنه ؟؟

والجواب معروف من مشايخنا الكبار (لايجوز )

لأن الله شرع لنا عيدين فقط ! وغيرهم لايجوز الإحتفال به .




المضحك المبكي اننا نحتفل على خيابتنا !





2 _ هل من الإنصاف أن يعاقب الأبرياء وينجو المجرمون ؟!

وهل هذا تصرف حكيم من رجال الأمن يجمعون اللي قدامهم مهما كان

أب أو حدث أو شاب ! للمعلوميه هناك احداث اعمارهم بين 12 لـ 18 بالتوقيف ! طلعوهم بكفاله بعد يومين والشباب لليوم ماطلعوا .. ماذنبهم ؟؟؟ وهل هذا حل لما حدث ؟







3_ هذه التصرفات ماصارت من أهل الخبر لكن من الزوار ..
أين الحس الوطني والإنتماء للوطن ؟
هل لأنك جاي من منطقه أخرى فتخرب وتكسر ؟
هناك اتهام لطوائف أخرى بالضلوع في الموضوع ولااعلم هل هذا صحيح أم لا !






4 _ لماذا لم توضع خطه طواريء ليوم كهذا ! ((يوم وطني )) والناس إجازه .. لما

ذا لم توضع خطط لمتابعة الأمن في البلد ؟





حسبي الله ونعم الوكيل ..عموما عيون الناس تغفل وتنام ولكن عين الله لاتنام !

وإن ماجاءهم عقاب بالدنيا بيلقونه بالآخره !

كلمة اخيرة
اقسم بالله العظيم والله على ما اقوله شهيد
أن كل كلمة قلتها واثقة كل الثقة بها وعلى علم بما هو حاصل, اخي ضمن الموقوفين في شرطة الخبر ومن ال17 الذين جلودا اتعلموا انه يوم الاحتفال كان معنا (الاهل)
وعندما ذهب والدي لزيارته في التوقيف بعد الجلد قال اخي انهم لم يحققوا معه ولو بكلمة واحدة ولا يعلم حتى الان ماذنبه.

اتمنى أن تصل كل كلمة هنا للمسئولين ليعلموا من هم المقبوض عليهم

لا اقول الا حسبنا الله ونعم الوكيل

لاحول ولا قوة الا بالله



=========
اختكم في الله/ام ماهر :sad64:

بقايا روح
03-10-2009, 10:50 AM
حسبي الله ونعم الوكيل

الخفوق
03-10-2009, 10:52 AM
للاسف ماتوقعت هالحقد على اهل الرياض يوصل لهالدرجه
وش هالتهجم واحنا شعب واحد
كيف تكتبون اهل الرياض << مع اننا نعلم ان التعميم اول التخلف
اكيد احنا ضد هالفئه
وضد هالتعبير بهالطريقه
واكيد شي بخلي القلب يتحسر على هالفئة التي تعيش على هالوطن بهذه العقليه
وشي مخزي ان يتم عمل مثل هذه الاعمال
لكن المخزي اكثر التعميم المؤلم
انا ضد وضد التعميم وخصوصا يوجد من اهل الرياض العقلاء الذي يفتخر وطننا بهم
وتعميمكم بهذه الطريقة وكانكم وصمتوا جميييييييع اهل الرياض بكافة طباقاتها المتعلمه والمثقفه وحتى الجاهله وجعلتموهم في سياق واحد



ماهذا ياعزيزتي
هل بهذه الطريقة يكون النقد
هل بهذه الطريقة يكون ابداء الرأي
هل بهذه الطريقة نعالج مشاكلنا ام نزيدها؟؟؟؟؟؟؟؟؟؟
نحن ابناء شعب واحد ووطن واحد ومثلما يوجد طبقه جاهله صوبت اليها سهام قلمك
يوجد طبقات تقراء ويؤلمها هذا التعميم وهذه الالفاظ
حتى لو كان منقول او احد قاله لك ليس كل مايسمع ينقل والا لكنا مثل ... التي تحمل اسفارا اكرمكم الله
لو ان الطرح وضع بطريقة ارقى
لكان لمتعه النقد والنقاش وحل المشكله مساحة
لكن ان ينوضع النقاش بهذه الطريقة وهذا التعميم الذي ينم على مستوى عقلية الكاتب
هنا نقول عليكم اجراء تعديلات لكي نبدئ نقدنا
لان مثل هذه الظواهر لاتحل الا بنقد واعي وراقي وموضووووووووووووووووعي
واضع خط احمر تحت كلمة موضوعي اي نواجه المشكله بعيدا عن العواطف والميول الشخصيه والتجريح
اتمنى تقبل رأئئ
اختكم المحبه



الخفوق







هالكلام رديت فيه على واحد قبل هنا بس الظاهر لاحياه لمن تنادي

اتقوا الله
03-10-2009, 11:09 AM
اختي الخفوق
كلامك عل عيني وراسي
ماهي مسألة حقد كثر ماهي حاجة تقهر على طبع بعض الشباب ويمارسوها في كل مكان

انا بكلامي ماعممت اهل الرياض ولكن اغلبهم ممن يتوجهون للشرقية في الاجازات انا اتكلم من واقع اراه بعيني ويمكن انتي اخبر فيهم عندكم بشارع التحلية واماكن تجمعاتهم.

حاجة ثانية
العام الماضي في اليوم الوطني كان وقتها ايام مدراس وليست اجازة وماصار اللي صار الحين ممكن تفسير له.

اختصر كلامي انا لا اوجه التهم والتوبيخ لشباب الرياض جميعهم ولاكن معضمهم وأخص ممن يقضون اجازاتهم بالشرقية دون عوائلهم.

اشكر لك مرورك

سفير النوايا الحسنة
03-10-2009, 12:29 PM
مو بس شباب من الرياض كانوا هناك .. كان فيه من كل المناطق ..

ياليت ما تلقون اللوم على شباب الرياض و تنسون البقيه .. وشكرا .

شتـاتْ
03-10-2009, 12:44 PM
آآآه الخبر وماادراك مالخبـر

هالحين اللي تبقى لنا بقـآيا الخــبر ...

من بعد ماكانت ثآني اجمل مدينه عربيه هالحين بقـايآ للجمـآل ..

حسبي الله ونعم الوكيل على من كان السبب هالحين الواحد لاضآق صدره وين يرووح اول كان عندنا الكورنيش هالحين بالله وين نرووح .. !! نآهيك طبعاً عن المحلات اللي انقرضت
ماعندي تعليق لان الكلام يطووول شرحه في هذا الموضوع ..
دمت بخير ..

شتـاتْ
03-10-2009, 12:45 PM
يؤ طلعت مرتين المشآركه .. !!

:(

أبوشهد
03-10-2009, 01:20 PM
صحيح لا فرق بين اهل الرياض والخبر والغرب والشمال والجنوب

كلهم شعب واحد ..!!

ولكن

شبابنا يبحثون عن انصاف الفرص لتعميم الفوضى

عجبي على دولتنا العزيزة

ألا تعرف انه يوجد لدينا مخربون باسم الفرح ..!!

ألم تمر عليهم حركات التخريب بداعي الفرح للمنتخب او للأندية

حتى الايام الوطنية في الاعوام القليلة الماضية كانت هناك فوضى ..!!

ولكن

مع هذا التساهل شاهدنا مأساة الخبر وهناك الكثير من المآسي في بقية المدن ولكن تستروا عليها

بداعي انهم لا يريدون تشويه الاحتفالات باليوم الوطني ..!!

أبوشهد
03-10-2009, 01:33 PM
حتى البنات لهم دور في الراشد مول

YouTube - &#x202b;ط±ظ‚طµ ط¨ظ†ط§طھ ظˆط´ط¨ط§ط¨ ط§ظ„ط³ط¹ظˆط¯ظٹط© ظپظٹ ط§ظ„ظٹظˆظ… ط§ظ„ظˆط·ظ†ظٹ - ط±ط§ط´ط¯ ظ…ظˆظ„&#x202c;&lrm; (http://www.youtube.com/watch?v=SUXDMCbwJIg)

اتقوا الله
03-10-2009, 02:35 PM
والله لو أن رجال الأمن تواجدوا بشكل منظم ومكثف مثل كل عام ما صار اللي صار

ولكن الضحية و (كبش الفداء) هم الضعفاء من كانو من ضمن المارة أو المتفرجين والمتنزهين على الكورنيش وحتى الآن هم موقوفين لاحد يعلم مامصيرهم علما أن بعضهم تم تلصيق التهم عليهم بدون اي ذنب أو دليل وذلك لكي يقع اللوم على المقصرين ..... ولكن الله معهم.