المساعد الشخصي الرقمي

مشاهدة النسخة كاملة : البنت السعوديه احذري النصاب الامراتي


بوعبدالله
24-08-2009, 10:09 PM
حبيت اشارك الاخت القطريه في التحذير
اخوكم بوعبدالله

الساكت عن الحق شيطان اخرس يابنات الامارات والسعوديه وقطر انتبهن
انا موضوعي صارله سنتين وتعلمت من هالتجربه وصرت اقوى من اول
لكن الي قهرني وخلاني اكتب هالموضوع ان السالفه صايره تتكرر في بنات غيري
فابي انبهكن والله من باب حبي لكن واتمنى الخير وان الله يوفجكن مع الي يقدرونكن

اقروا قصتي
انا شابة انتل من قطر للامارات لي اشغال بدولة الامارا ت الحبيبة المهم في احد المؤتمرت تعرفت على سيدة عرفتي على نفسها على اساس انها سيدة اعمال وتعرفنا على بعض وخذت رقمي وتمت تتواصل وياي فتره

بعدين قالت انها تحب تساعد على الخير وانها تجمع بين راسين بالحلال بس على مستواها اقاربها وزملائها وزميلاتها.. وقالت فيه ريل جامعها دين وشهادة وفرت راسي من كلامها

وطلب من رقمي من السيده الاماراتيه واقنعتني هي بس مكالمة من اي موبايل يعرف شخصيتج وتعرفين شخصيته عرفون افار بعض وقلتلها يكلمني على موبايل عمتي وكلمني شخصيته ساحره يابنات لابعد حد ما تصدقن كثر شو انا انبهرت فيه ووضحلي نواياه ان يبي الزواج وانه مب مرتاح ويا مرته ومن هالاعذار وجان واضح فيه الوازع الديني ويستشهد بايات وبأدله هو ماخذ شهادة الدكتوراه في فن الاتصال الجماهيري يعني متمكن ويعرف يتواصل ويا الناس

اهلي رفضوه بحكم فارق السن بينا لكن انا اصريت قلت انا اباه وقلت عطوني عذر واصح يخليني ارفض هالشخص لكن منيه والطريج لا ما اسامحكم

بعد اصراري وافقت عمتي انا عايشه مع عمتي المهم قبل لا يتم الزواج طلب مكالمه معاي خلاص تمت الخطوبه وافقت ع المكالمه في هالمكالمة عطاني من الخرط ماله جان يقول اني فجرت فيه عواطف يديده وصار مايمشي الا بسديات اشعار يتذكرني وكلها عن الشوق وطلب مني شغله وقال لي اتمنى انج ماترديني
يقولي صادف بالفتره اليايه اشغال طلعتلي في مشاريع لي الشيوخ توهم وافقوا عليها وهالفتره تكون بداية زواجنا اتمنى تكونين لي عون وتسانديني لان بكون مشغول عنج
خلج عند عمتج بهالفتره وباخذج بعد الاربعه اشهر
و بقدرج وبحطج ع راسي واصبري علي ومن هالخرط الي يقوله هالجذاب
انا قلت ماطلبت شي ياحياتي اكيد انا زوجتك وبساندك
وافقت عليه وكان يبي يتمم الزواج في محكمة قطر بحكم اني قطريه هو اماراتي
وشرطوا عليه سكن لي ووافق هالشرط وضحناه من البدايه

المهم مر الشهر الاول والثاني والثالث والرابع وانا صابره ولا ضافني بخلاصة القيد عنده ولاشي وقامت مكالماته تخف وبس يبيني اذا سافر نتقابل احيانا يكون مؤتمر بالكويت او عمان او داخل الامارات كأن زواجي مسيار والا متعه والا سري مدري شو سالفته صارحته وماعطاني جواب قطع المكالمات صار ما يكلم مولييه نصحت حرام ظلم ربي بيعاقك فبناتك لا حياة لمن تنادي
لا مصروف ولا سكن ولاشي وطلب مني بيزات اساعده بمشروع ورفضت يوم شفت مماطلته لي جان اصر واشد بالكلاام وياه هو هنيه طلع الويه الاخر له
جان يقول انتي مقتدره تقدرين تصرفين على نفسج واذا مو عاجبج ارخصج ولا لج شي عندي

انا انهرت عند طاري الطلاق شو طلاق وهو ماهمه عاجبج جيه والا اطلقج اذا شفتيني ظالم

وبالاخر انا طلبت الطلاق

انا رديت للمره الي عرفتنا عليه وقامت تحلف وتقسم انها ماتدري عنه وانا بيني وبينكم ما صدقتها وتحاول تبين حسن نواياها تقول درت انه توجه لخاطبه اماراتيه ثانيه
وانا باسلوبي حصلت على معلومات عنه
من قواة ويهه قايل للخاطبه اذا لقيتي اماراتيه تقبل بمسيار خبريني
وطلع متزوج 2 وانا كنت الثالثه وهو جرب تزوج وحده زواج شرعي من الامارات الثالثه لكن مسحت فيه القاع فحرم يقرب للزواج شرعي من داخل الامارات يقبل بمسيارداخل الامارات وطلع متزوج وحده امارتيه قبلت بمسيار
وصلت لها وحاولت اقنعها انها تسوي شي عشان نوقفه عند حده وكافي لعب على بنات الناس لكنها رفضت تقول موقفها ضعيف لانها مسيار والمسيار ممنوع من الدوله وانها غلطت هالغلطه وتتحمل غلطتها

شفتوا يابنات سالفة المشروع والشيوخ والاربعة اشهر هذي جذبه من عنده لا عنده مشروه ولاشي لانه جذاب طلع انه جان يشتغل عند الشيخ سيف رائد بوزارة الداخليه قبل 5 او 6 سنين بالعلاقات العامه وهو جان قريب من الشيخ سيف بحكم اقولكم انه ساحر بالاسلوب كان يعطيه الشيخ بمئات الالوف لكنه قبل رشوة من واحد عشان يمش شي بشغله كان مانعه الشيخ سيف ودرى عنه الشيه وسجنه لمدة 8 شهور وعذبوه لولا امه دخلت على الشيخ ووافق يطلعه لكنه طردة من جميع الدوائر الحكوميه يعني ممنوع يشتغل بشي حكومي يعامل معاملة الوافد يعني المشاريع طلعت خرط لانه مطرود وما ينقبل منه اي مشرع

هو بس يسوي دورات ويعطونه بيزات عليها ومحاضرات هويتي وطني ويعطونه بيزات عليها

وهو خرط لا مشروع ولا شي اربع شهور يتمتع فيج واذا مرت الاربع شهور وقلتي وين البيت يقول انتي طالق مالج عندي شي

بنات انا ادري اني افتكيت منه وانتهيت ولله الحمد لكن قبل فتره دريت انه عاد نفس السالفه ببنت سعوديه لعب على اهلها عن طريج خاطبه بعد وسوى نفس الحركه بعد مامرت الاربعة اشهر وطالبت بالبيت ياخذها من عند اهلها طلقها بعدها وهالسالفه تو ما مر عليها الا 4 اشهر الله يصبرها
حاولت اتواصل وياها بس هي رفضت

بعدين دريت من الخاطبه انه اخذ ارقام خاطبات قطريات وسعوديات بيسوي نفس الشي

وانا فضحته بقطر وعند كل خاطبه او بنت ....قطر صغيره وينتشر فيها كل شي بسرعه

وخربت له كل مشرع خطبه بقطر لكن توجه للسعوديات وهو اتوقع انه خطب وحده بهالفتره

ياناس بنات الناس مو لعبة هو عنده ست بنات ما يخاف من عقاب ربي مايخاف ان ربي ينتقم له في بناته الست يتقدم لاهل البنت ويتزوج من المحكمه ويطلع مبين نية الطلاق ويعاملج مثل المسيار لا بيت لا مصروف

مايدري ان الزواج امانه وهو مضيع الامانه مايدري ان اوفى الشروط استيفاء ما استحللتم به فروجهن
مايخاف ان هالينات الي ظلمهن يدعن عليه برمضان ما يخاف من اهل البنات انهم يدعون عليه مايستحي علة ويهه يوم يقابل الريايل ويخطب مننهم لا وبعد متشرط بكل وحده انها قبيليه اصل وبالعشرينت وجميله يارب ارني عجائب قدرتك

دعوة المظلوم مستجابة يابنات انتبهوا منه هو اسمه عارف محمد عبدالرحمن العاجل الطنيجي

والله اني ماظلمته بشي ولا تبليته بشي والله على مااقول شهيد

انا عرفت انه لعب على بنات كثيييير غيري من الامارات وانا بقطر وحده فبل فتره بسيطه من السعوديه وهو حاليا خاطب من السعوديه نفسي اوصلها الي بالسعوديه انبهها بس مدري شلون حاسه اني جليلة حيله


الساكت عن الحق شيطان اخرس

بنات انتبهن منه وخبروا خواتنا بالسعوديه والامارات انا الي علي سويته بقطر

اللهم اني بلغت اللهم فاشهد

وانا حاليا بمكه وكان له نصيب وافر من الدعاء

اللهم انه اراني قوته علي فأرني قوتك عليه

حسبي الله ونعم الوكيل..حسبي الله ونعم الوكيل.. اللهم لاتدع ظالماً الاقصمته..




.

مخدوعة
22-02-2010, 02:12 PM
ياليت تتواصلون معاي

AL3`amdi
22-02-2010, 05:52 PM
عليها بدعاء عليه انشا الله ياخذ حقها
دعوت المظلوم مستجابه

ارجوانه
22-02-2010, 06:40 PM
تسلم بو عبدالله على الموضوع المميز يعطيك العااافيه باارك الله فيك ونور طريقك بالايمان