المساعد الشخصي الرقمي

مشاهدة النسخة كاملة : قناة ( اف سي خي ) اللبنانيه ومازن عبدالجواج


كلااش الدمام
08-08-2009, 07:17 PM
اهداء

الى من وعدته بالكتابه بالنقاش .. !

وهاهي النفس بدأت تصب جام غضبها على هذه الصفحات البيضاء ا

يقوول الشيخ الفاضل العامر ذو الجبهة المفلطحه ( الحياه كا بنطلون الجينز ماهما بدا ضيقاً لابد من سلووته )

والسلوت هنا تعني ان البنطلوون يطيح من غير علم لابسه .. >>> وش يبي هالشيخ الفاضل .. اصلا من هو ذا الشيخ ..
,,,

سبحان الله

الانسان يستوحي ثقافته من البيئه التي تربى عليها .. يعني لانستغرب ان الفنان المصري القدير احمد الصغير يوم غنى وقال ( العنب العنب العنب ) كانت هذه الاغنيه تعبير عن بسطه قاطين فيها هو وخواته وباسطن فيها على راس شارع الهرم وكل مامرت مصريه صكها بعنقود عنب تعبيراً عن ان العنب له قيمه غذائيه كبيره في مرونة الاعضاء .. ..

ومثل ماقال الشاعر ..

اسمر عشقني وانا مرتاح ,, بيده شبكني خذاني وراح ..
مابي شي من الدنيا الا رضاه .. ياليت يبقى لي واعيش وياه ..

وهذي عينه على احدى الثقافات .. واضح ان كاتب هالكلمات كان ساكن بحي الحبووش على شارع الستين .. والاسمر اللي يتكلم عنها كانت تعبيرا عن حبشيه ريحتها صفار بيض مخمججج عشقها عن طريق لغة العيوون .. ..

....

من خلال هالشخصيات نقدر نستنبط ثقافة الانسان اللي تربى عليها >>> لاحظوا كلمة (نستنبط )


وبعد من خلال هالمقدمه اعلاه

جبتلي عينه من هالاشخاص اللي سبب لغطط كبير في الشارع السعوودي ويمكن بالشارع الخليجي ولو دروا عنه الشارع الامريكي والاوروبي اكيد بيكون حديثهم وشغلهم الشاغل

قبل فتره تقريباً

المطربه والممثله ( مادونا ) سجلت شريط عن حياتها الشخصيه وطلعت فيه شبه عاريه وهي على سريرها المبطن برريش النعام >>> اه واويلاه لو ااخذلي غفوه على هالسرير .. >>> سامعين اقوول على السرير يعني انا السرير فقط من غير مادونا

ومالكم بالطويله انتشر هالفيلم في وسائل الاعلام وعرض على التلفزيوون الامريكي .. وسبب لغطط كبير وكان حديث الحزب اليميني المحافظ في الشارع الامريكي انه كيف تتجرأ وحده مثل مادونا انها تتطلع على التلفزيون الامريكي باهالشكل .. .

وهذا كله صار في امريكا .. دوله مالها طعم ولا لوون لانه تعتبر دووله مالها اي اسس دينيه حقيقيه ..

...

بس السؤال ( مازن عبدالجواد يوم يطلع في ال بي سي وماسكن بيده شي ممغوط كنه لي انبوبه .. ويتحلطم بالقناه وعلى الملأ )

ولا ( يوم طلع هو جبهته اللي كنها ردف صوماليه صاكتها البواصير .. وماسكن بودره ويقول ( فقط 5 نقاط وتكون المرأه ثائره وهائجه )

انا ابي اعرف مالي دخل يعني مالي دخل ابي اعرف هو وش كان يحسس فيه ؟


طبعاُ من هنا نبي نعرف وش ردة فعل كل سعودي عاش هاللحظه وهو متابع قناة ( اف سي خي ) اللبنانيه وهي تعرف هالعاته ؟


طبعاً انا كنت اتابع البرنامج في امان الله وفي وسط العائله الكريمه وماكنت متوقع انه مثل هالشخص اللي شعره نابت من وسط راسه بيقول هالكلام وبديت اتابع

وشووي اللي كنه بدا يفلت ويخوور انا اخذتني العزه واخذني الفضوول بنفس الوقت لا انا اللي ابي اقلب ولا انا اللي ابي اهلي يشووفون .. وانا اقوول واخذ سلك شاحن اللابتوب واهشش اخوواني واهلي برا الغرفه يالله قوموا قوموا الشغاله تبي تكنسس >>>> يالعن ام العذر البايخخ ..


وبديت اتابع واتابع وبديت انصدم ولا زلت اتابع وبديت اشهق واتابع وقتها عرفت ان فوزيه الدريع ملاك واعلنت حبي لفوزيه الدريع مهما كانت الظرووف >>> تحيا فوزيه الدريع ويسقط عميل قناة ( اف سي خي ) اللبنانيه مازن عبدالجواد ..

,,,

محاور النقااااش

*اخي العضو اختي العضوه .. هل ثقافه هالانسان تفرض عليه قول كلام لايعبر عن مجتمعه ولا عن عائلتة وعلى مرأى من الناس >>>> ياويلي لو ابووي شافني وانا اقوول هالكلام .. انا مرره جاتني الشغاله وكانت لابسه قميصص قديم للوالده وكنه قصير وضيق عليها وقلت من غير ماادري عن نفسي وش هالقميص عليك طالعه فيه اغرااء .. قسم بالله لو مو الحياء كان جات هيئة التحقيق والادعاء العام سحبتني من البيت واللي بيبلغ ابووي ... جلسنا متزاعلين شهر وكل ماابي اجي اتغدا يقوولي والله ماتاكل اقلب وجهك تخيلوا يطردني من فوق الصحن اجي اجلسس وامد يدي ويقوولي قم مافيه غدا >>> ياشين طيحة الوجه ..



* اطلب من الاعضاء .. وضع معيار واحد او معايير لردع مثل هالعينات بغض النظر عن ثقافة التشهير وثقافة الاحكام القضائيه .. اذا احذنا بعين الاعتبار الحديث الشريف يقول الرسول عليه الصلاه والسلام ( كل أمتي معافى إلا المجاهرين، وإن من الإجهار أن يعمل العبد بالليل عملا، ثم يصبح قد ستره ربه، فيقول: يا فلان! قد عملت البارحة كذا وكذا، وقد بات يستره ربه، ويصبح يكشف ستر الله عنه )


واعذب تحية للاعضاء

ويبقى البطل

كلااش
بطلاً

من من
08-08-2009, 11:08 PM
ما فى شك ان الانسان يستوحى ثقافته من البيئة التى يتربى وينشأ بها

سلطان المراجل
09-08-2009, 01:29 AM
تم اليوم اغلاق مكتب القناة في جدة بالشمع الأحمر