المساعد الشخصي الرقمي

مشاهدة النسخة كاملة : اسوار والسعوديين هل تجاوز الاسوار الحمراء


فراشه الفرفوشه
09-06-2009, 07:01 PM
السلام عليكم


احم بصراحه
لكل السعوديين مسلسل اسوار

رايكم فيه ؟

يمثلنا ولا مايمثلنا ؟

القضايا اللي يناقشه هل هي مهمه في نظرنا او اصبحت ظاهره لدرجة اننا نشهر فيها ؟

شخصيات البنات اللي بالمسلسل ( الضعف اللي فيهم - الدجه الزايده )

عسيري ينتظر جائزه على المسلسل مثل ما أخذ على الجزء الاول
هل تتوقعون بيأخذها ؟

الجزء الاول مقارنه بالجزء الثاني رايكم فيه ؟


....................

بصراحه شفت كذا حلقه وانبطت كبدي قلت نشوف رايكم

...............

احنا شعب غير منزهين عن الاخطاء لكن ثقافة نشر الغسيل الوسخ ماحبيتها



بقلم// متعب
منقوووووووول
للمناقشه الجاده وانا بصراحه ماحبيت هالمسلسل وشفت هالموضوع
وقلت لالالالالالالازم اطرحه للنقاش معكم
لانه مبالغ فيه
شويه
<<<<طبعا هذا راااايي والود ودي اتكلم واتكلم
بس عاوزه ارائكم بالاول
شنو رايكم فيه؟
؟
؟
؟
؟
؟
ناطرتكم

زهرة تشرين
09-06-2009, 07:16 PM
اغلب المسلسلات الخليجيه فيها مبالغه ..

سفير النوايا الحسنة
09-06-2009, 07:28 PM
بصراحه انا ما تابعت لا الجزء الاول ولا الثاني لاني ما احب هل مسلسلات لان مثل ما قالت زهرة تشرين
مباالغ فيهاااا

بس من اللي قالوا لي ايااه و اللي فهمته من الدعايه هو :

ان السعووديين ينقسموون الى 3 اقسام :

1- الصايعين 2- المتشددين بزيادة ( عادة هم الظالمين ) 3- المساكين البرااء

و طبعاااااا هذا ما ينطبق علينا ابدااا ابداااااا و يعكس صورة سلبيه . وبس

شكرراا على الموضوع :)

سعوديه كووووووووووووول
09-06-2009, 07:28 PM
جميع المسلسلات سعوديه كانت ام خليجيه
لا تمثل مجتمعنا ولا واحد من ميه
لانها هزله اكثر من انها
رساله انسانيه
اعتقد المفروض مناقشة المشاكل الاجتماعيه
عن طريق المسلسلات
بطرح الافضل
اي(( ان تعرض المشكله والحل بافضل الصور
وليست تشويه صورة المجتمع
يجب ان نرتقي بمجتمعنا الى الاحسن وليس انزول الى الحضيض))
ودمتم
:44::44::44:

عزوة اهلها
09-06-2009, 08:17 PM
انا الاحظ ان ام بي سي اصبحت مكان لكل شي يسيء للخليجيين من مسلسلات سحر وشعوذة ومن بعده مسلسلات هابطة وفاشلة بجميع المقاييس مثل اسوار 1 واسوار 2 احسهم مبالغ فيهم حيييييييل ..ولاتمثل المجتمع ولاربع من المية يعني بذمتكم مسلسل كلة حقد وحسد وكيد وبلاء ومافية شي زين يذكر يمثل مجتمع عربي مسلم ولا سعودي بعد والله عسيري معطينه تصريح زيادة عن حده المفروض مايكتب شي لانة فاشل بالدرجة الاولى ..
الحين بذمتكم زوجة الاخو عادي تمر على اخو زوجها كاشفة وتسوي الشاي جدامه هالحلقة شفتها ودريت ان هالمسلسل خرابيط×خرابيط ..
وكلة كوم وهالخمة اللي يمثلون كوم تحسون كل واحد ماسكله خط في التمثيل ماكو شي يجمعهم لاافكار ولااهداف عائدة على المشاهد ..
فرفوشة قلبو تسلمين على هالموضوع واشواا فيه احد مأيد انه هالمسلسل ولاشي وصج المبالغة زايدة عن حدها..

فراشه الفرفوشه
10-06-2009, 06:15 PM
لما نجي نتكلم عن أسوار احنا نتكلم بالوقت ذاته
" الجراءه -المبالغه"

.. دراما لاتنفع حتى للكبآر ..


أسوار يطرح عدة قضايا ..

1/ قضية الشاب المتلاعب بالفتيات وعقوبته بـ .. أخته ..!

2/ آخت الشاب تقع ضحيه لـ .. أخيها وتلاعبه ويذهب شرفها ..!
3/ قضيه الزوجه المتسلطه " تطلق , تزوج , تسجن ,تفرق
عائله كامله , تشتت أبنائها ,تفرق بين زوجها وصديقه "
والهدف المال وسط مشاهد مبالغ بها ..
4/ قضيه الزوج المسيطر عليه والذي يستغل افراد عائلته بفعل تأثير زوجته ..

5/ قضية ميساء مغربي والتي تمثل بكل شهامه بـ .. أن بنات السعوديه يبنين علاقات حب تنتهي بالزواج ..!

6/ قضية الابناء المتشردين والذي يقعون مصيدة أفريقي ليقوم بـ .. استغلالهم ..
من هدف المال الى هدف اغتصاب الاطفال ..!

7/ قضية الاخ اللا متحمل للمسؤليه " اللي يزوج اخته لشخص مريض ومتزوج قبلها 4 مرات "

8/ الاخت ضحية الاخ مره أخرى تدفع ثمن هي مو مسؤله عنه وسط مشاهد جرئيه لاتنفع حتى للكبار ..!

9/ قضية الخادمه التي تفرغ غيض مابها من ربة المنزل بـ .. أبنها الصغير ..!

وقضايا أخرى بين " المخدرات , القتل الغير متعمد ,الايدز , السرقه .. الخ "


هذا فقط ماتبين في الحلقات المبدئيه من أسوار ..!


!.. ماذا بعد ..!


طبعاً البعض للأسف قاعد يقول ان الدراما تحل المشاكل ..
أي مشاكل اللي تحلها ..!

هي قادره فقط على الطرح لاشي آخر ~ *

القضية الاولى : قضية الشاب المتلاعب بعواطف الفتيات , وحيمنا أراد الغدر بـ " حبيبته "
غدر بـ .. أخته .. وكآن " كما تدين تدآن " تفسر فيه ..!

وكآن الحل يـ .. " اللى تقولون الدراما تحل المشاكل " أن قتل أخته ثم بعد فتره انتحر ..!


أي حل هذا ياعسيري ..!


يعني ياشباب أي موقف يصير لكم ترى الحل هو " أن تقتل اختك وتنتحر ..!
بدل من أن تلتزم وتكفر عن خطآك وتستر على اختك ..!


أما قضية ميساء مغربي وكأن بنات السعوديه صارو يبنون علاقات حب وعلى أساسها يتزوجون ..

وكآن المسآله تشجع يافتيات ترى عادي ممكن انك تتزوجين بهالطريقه ..!

صار الوضع افري .. شوفي شغلك لين مايضيع شرفك وبعدين تعالي وقولي عسيري يقول " ان عادي نقدر نتزوج بهالطريقه ..!

عقول بعض الفتيات يصدق ان فعلا تقدر تتزوج حبيبها , وربما يجرها الى تضيع الشرف
بهدف " القصص القديمه " وان يبي يتزوجها ..!

ثم بعد ذلك هل هذه الزواجات ناجحه ..!



البعض ~ * يقول أن المجتمع لايريد الاعتراف بهذه المشاكل ..
لايريد حلها .. وبالتالي لايريد عرضها ..

أنا أبي أرد على البعض من وجهة نظر شخصيه بحته :

بـ .. أن لو كان عرض القضيه التي تمس المجتمع وتعرض
وفق مشاهد تناسب تحفظ المجتمع السعودي ..
وأن تعرض فقط على مناظر المجتمعات السعوديه وليست العربيه ..
" مو اللي مايشتري يجي يتفرج "
وتشويه لـ .. سمعة السعوديه على مناظر الدول الاخرى ..
وبعد ذلك أن تطرح ولديك حل ..!
لا أن تطرح فقط لتصعد على حساب سمعة دولتك ..!

وهالكلام برضه منقول لانه نقد معقول وبرررررد اللي فقلبي وقلت احطه
دمتوا بود

فراشه الفرفوشه
10-06-2009, 06:23 PM
اغلب المسلسلات الخليجيه فيها مبالغه ..

عزيزتي زهره كلامك صح:s113:
واكبر دليل انهم بدوا يكررون المسلسلات ونهاياتها صارت معروفه
واكثرها تجررررييييييييح في الشعب السعودي

شرفتيني بردك وتفاعلك مع الموضوع

فراشه الفرفوشه
10-06-2009, 06:44 PM
بصراحه انا ما تابعت لا الجزء الاول ولا الثاني لاني ما احب هل مسلسلات لان مثل ما قالت زهرة تشرين
مباالغ فيهاااا

:) اخوي سفير انت الربحان لان مسلسلات هالايام ترررررفع الضغط


بس من اللي قالوا لي ايااه و اللي فهمته من الدعايه هو :

ان السعووديين ينقسموون الى 3 اقسام :

1- الصايعين 2- المتشددين بزيادة ( عادة هم الظالمين ) 3- المساكين البرااء

و طبعاااااا هذا ما ينطبق علينا ابدااا ابداااااا و يعكس صورة سلبيه . وبس

شكرراا على الموضوع :)


شاكره لك تفاعلك مع الموضوع نورت متصفحي

فراشه الفرفوشه
10-06-2009, 06:52 PM
صحيح عزيزتي سعوديه المسلسلات وضعت لحل المشكلات مو الشهره على حساب التشهير بالمجتمعات
مثل اخونا عسيري اللي ماترك مشكله ولا ظاهره في السعوديه الا وحشرها في هالمسلسل
مشكووووووووووره نورتي متصفحي
دمتي بود

حنين الشوق
11-06-2009, 01:05 AM
هالمسلسل مو عاجبني بنوب .. مبالغة زائدة ..!!

فراشه الفرفوشه
14-06-2009, 02:30 PM
اختي حنين الشوق منو اللي عاجبه هالمسلسل
نورتي متصفحي بردك