المساعد الشخصي الرقمي

مشاهدة النسخة كاملة : منصور فوق السور ( على بلاطة )


بحر العطا
25-05-2009, 05:44 AM
منصور فوق السور http://www.alkhubr.net/imgcache2/28751.gif


ناوي أسوي إنقلاب على مفهوم المقدمات لذا و بإختصار القصة عن واحد اسمه منصور http://www.alkhubr.net/imgcache2/28752.gif و هالقصة القصيرة بعنوان ( منصور فوق السور) و إن كانكم مصممين تعرفون أكثر ... تراها من ضمن فعالية ( على بلاطة ) برعاية بثر http://www.alkhubr.net/imgcache2/28752.gif



المشهد الأول - منصور في الجامعة السعودية http://www.alkhubr.net/imgcache2/28752.gif



في هذه الفترة إعتمد منصور على مكافئة الجامعة اللي كانت عبارة عن 1000 ريال أو بشكل أدق كانت 990 ريال ، كان منصور مضبط أموره و تكفية المكافئة لمصروفه الرئيسي اللي هو بنزين سيارته الكريسيدا موديل 91 و مصاريف الورش و الزيت ، و من ناحية الأكل ما كان يحرم نفسه من شي http://www.alkhubr.net/imgcache2/28751.gif بس كان يقتصد يعني بدال ما يشتري كت كات كان يشتري غندور بك ون و بدال ما يشتري لايون كان يشتري سفاري http://www.alkhubr.net/imgcache2/28751.gif و إذا خربها و أكل في مطعم ياخذ له ربع مع الرز من اي مطعم بخاري http://www.alkhubr.net/imgcache2/28751.gif و الكتب كان يشتريها مصوّره من مراكز التصوير و كان ما يشتري دفاتر محاضرات للجامعة كان يكتب على الوجه الثاني من كل صفحة في المذكرة ، من كثر ما يدقق و يحسب منصور كانو خوياه في الجامعة مسمينه ( منصور كالكوليتور ) يعني آلة حاسبة ، ما كان يمشي إلا بالآلة الحاسبة معه و استمرت الآلة و الإسم مرتبطين بمنصور لين جت الجوالات و صار يحسب بالجوال http://www.alkhubr.net/imgcache2/28751.gif


ترى الموضوع مهوب بخل في منصور ... لا و الله بس كان مثل ما تقولون يمد رجليه على قد لحافه و خبركم لحاف المكافئة قصير مررة http://www.alkhubr.net/imgcache2/28751.gif خاصة إن أبوه عنده كوم عيال مثل ما يقولون و ما يقدر يساعده بشيء و لازم يعتمد على نفسه http://www.alkhubr.net/imgcache2/28753.gif طبعاً ما نقدر نقول منصور بخيل نقدر نقول عنه ( إقتصادي ) ... خلال مرحلة الجامعة حالة منصور كانت مستورة لكن قدر يدبر أموره لين خلص الجامعة بنجاح



المشهد الثاني - منصور حصّل وظيفة http://www.alkhubr.net/imgcache2/28752.gif


منصور كان متفوق في دراسته و كان من النوع الحريص يعني ماشاء الله عليه من تخرج و قبل ما يستلم الوثيقة و هو يدور على وظيفة و أخذ له حول السنة و هو يدور و يلف أو يلف و يدور المهم إنه قطع زبيرياته مرتين و هو يطارد ورا وظيفة http://www.alkhubr.net/imgcache2/28754.gif و الحمد لله أخيراً حصل منصور وظيفة و بغى يطير من الفرحة يوم لقاها خاصة إن راتبها زين http://www.alkhubr.net/imgcache2/28755.gif يعني تقدرون تقولون فوق 3000 ريال بشوي http://www.alkhubr.net/imgcache2/28756.gif طبعاً منصور كان مأمل في وظيفة ما يقل راتبها عن 5000 ريال لكن تجي الوظايف بما لا يشتهي منصور http://www.alkhubr.net/imgcache2/28754.gif بس الثلاثة ألاف تعتبر زينة لأن خوياه مالقوا وظايف و اللي لقوا وظايف رواتبهم ما تتعدى 2000 أو 2500 ريال http://www.alkhubr.net/imgcache2/28754.gif


من بعد الوظيفة صار منصور يأكل كت كات و يشرب بيرة بعد http://www.alkhubr.net/imgcache2/28751.gif يعني دلع نفسه شوي http://www.alkhubr.net/imgcache2/28751.gif بس الدلع ما طوّل لأنه بدا يفكر يغير سيارته و بدا يفكر في العرس و العروس http://www.alkhubr.net/imgcache2/28757.gif و هذا شيء طبيعي لشاب في مثل عمره و خلاص تخرج و مسك له وظيفة http://www.alkhubr.net/imgcache2/28752.gif



المشهد الثالث - منصور فوق السور http://www.alkhubr.net/imgcache2/28758.gif


بعد الفرحة بالوظيفة و الفلوس http://www.alkhubr.net/imgcache2/28751.gif شيء طبيعي إن منصور يفكر يشتري سيارة بدال سيارته القرنبع http://www.alkhubr.net/imgcache2/28751.gif و شيء طبيعي إنه يفكر بالعرس و أموره http://www.alkhubr.net/imgcache2/28759.gif و شيء طبيعي إنه يضبط أموره و يحسب حساباته بالهللة http://www.alkhubr.net/imgcache2/28753.gif الرجال صار كل يوم يطلّع جواله نوكيا الرهيب و يبدا يحسب بالحاسبة في الليل ، و يكلم نفسه و هو يحسب ....


السيارة أبشتري مستعمله مهوب شرط جديدة ... يعني نقول 30.000 ريال علشان ما تبلشني مثل سيارتي هذي كل يوم و أنا موديها للورشة


بالنسبة للبيت ... طبعاً ما أقدر أستمر في بيت أهلي لأنه شوي و بينفجر من كثر الأنفس اللي فيه و أخوي اللي ينام في الملحق يحتريني أطس علشان يصير ينام له على سرير http://www.alkhubr.net/imgcache2/28751.gif لازم أستاجر لي شقة وأثثها ... أبشتري أثاث عادي على قد الحال ... المهم سرير نفرين http://www.alkhubr.net/imgcache2/28751.gif ... نقول ب 500 ريال ... لا صح صح نحتاج مع السرير تسريحة و دولاب ونبي بعد مجلس إذا جا أحد من خوان المرة وين أجلسه فيه ... و نبي مطبخ و أكيد ثلاجة ... ووش بعد يا منصور ... ايه تذكرت أبي لي على الأقل لو تلفزيون مستعمل و غسالة ملابس ... مممم كم صار المجموع 14.989 ... نقول 15.000 ريال


إيجار الشقة لمدة سنة ... أبي آخذ شقة لو إن شاء الله فوق السطح و إلا ملحق ... نحط لها ميزانية للإيجار 15.000 ريال


العروسة أباخذ بنت عمي و ما أظنهم يطالبون بالكثير ... يمكن 50.000 تسد مهر و شبكة بعد بس أهم شيء يوافقون لا يقولون إن راتبك ما يكفي http://www.alkhubr.net/imgcache2/28754.gif و طبعاً ما نبي لا شهر عسل و لا مصاريف زايدة أزرق بالعروسة يومين بالسيارة لمكة و جدة و قضينا .. هذا شهر عسلنا


مممم خل أشوف الحسبة 30 الف و معها 15 ألف و فوقها 50 ألف و بعد 15 ألف ... يعني كم يبي لي عشان أعرس http://www.alkhubr.net/imgcache2/28758.gif ... إذا وفرت كل شهر 1500 ريال ... ممممم 75 شهر http://www.alkhubr.net/imgcache2/28760.gif


كم سنة ذي ... نقسهما على 12 ... تصير الحسبة ... 6 سنوات و شوي http://www.alkhubr.net/imgcache2/28754.gif


يعني أبطق الثلاثين و أنا ما أعرست ... مهيب مشكلة أصبر لي 6 سنين ما فيها شي


لكن لحظة ... إذا أعرست وشلون أبقدر على مصاريف بيت و زوجة و عيال http://www.alkhubr.net/imgcache2/28754.gif


أنا أمس شايف الحفايظ في البقالة بخمسين ريال يعني البزر إذا سواها على نفسه يبي ياخذ له حفاظة بريال ... الله أكبر أنا و هو أنا ما كنت أشتري الدفتر أبو ريال يجي هالبزقة و يبي له ريال مع كل ......


و حليب الأطفال بخمسين ... هونت هونت ما يحتاج عيال ... خلنا في العرس بس ... و أهم شيء الاستقرار و الحالة النفسية و الإجتماعية و وش اسمه http://www.alkhubr.net/imgcache2/28751.gif


طيب الأكل ضروري ... لازم ناكل أنا و المدام ( كان ودي أقول أم العيال بس هونت http://www.alkhubr.net/imgcache2/28751.gif ) ... كيس الرز الكبير بفوق الثلاثمية http://www.alkhubr.net/imgcache2/28754.gif يعني بعد ست أو سبع سنين كم بيصير السعر http://www.alkhubr.net/imgcache2/28754.gif


و غير كذا ... المدام أكيد تبي تشتري ذاك اللي مدري وش اسمه من عند نعومي http://www.alkhubr.net/imgcache2/28761.gif و مكياج من عند مكياجي http://www.alkhubr.net/imgcache2/28762.gif و ملابس من عند زارا و نكست و غيرها من الماركات http://www.alkhubr.net/imgcache2/28754.gif ظنكم توافق تلبس في شهر العسل من الهرم ؟


مهوب مشكلة لبس المدام لانها بتلبس و تتكشخ عشاني http://www.alkhubr.net/imgcache2/28759.gif <<< مسكين فاهم غلط ... لكن المشكلة في الهدايا كل ما وحدة من خواتها و إلا قريباتها و إلا صديقاتها و إلا زميلاتها تزوجت و إلا ولدت و إلا حتى تطلقت تبي لها هدية http://www.alkhubr.net/imgcache2/28754.gif و طبعاً أنا اللي بيدفع كل هذا http://www.alkhubr.net/imgcache2/28751.gif


ايه صح تذكرت ... أنا إذا صخنت تعطيني الوالدة من الأدوية اللي عندها و نصها منهية صلاحيته ... لكن أذا صخنت حرمتي وش أسوي ... الدكتور بكم و الأدوية بكم !!!


مرت الأيام و منصور كل يوم على هالحال ... سهران في الليل يحسب أموره بس ما تضبط الحسبة ، مثل ما يقولون ( كل ما طق في أرض وتد ... من رداة الحظ توافيه الحصاة ) http://www.alkhubr.net/imgcache2/28754.gif كل يوم ينام و هو ماسك الجوال بيده و يقوم و هو ماسكه بيده و هو يصرخ ( اللي راتبه 3000 وشلون يعرس !!!)


و في وقت متأخر من أحدى الليالي المظلمة ... تنبه الجيران على منصور و هو يقف فوق السور http://www.alkhubr.net/imgcache2/28760.gif


السؤال المهم الذي دار في أذهان الجميع :


ياترى منصور كان ناوي يطب من فوق السور على راسه في محاولة إنتحار يائسة http://www.alkhubr.net/imgcache2/28754.gif


و إلا كان ناوي يطب على بيت الجيران عشان يسرق اسطوانات الغاز http://www.alkhubr.net/imgcache2/28754.gif و يحل أزمة مالية خانقة http://www.alkhubr.net/imgcache2/28754.gif


و إلا كان مواعد شغالة الجيران عشان يفك أزمتة بخطيئه http://www.alkhubr.net/imgcache2/28754.gif



المشهد الرابع - إني داعٍ فأمنوا

اللهم زوج أبنائنا و بناتنا و أستر عليهم ويسر أمورهم و أرزقهم الذرية الصالحة و وفقهم لإحصان أنفسهم و أهدهم و أنفع بهم و أرحمني و أغفر لي و لوالدي إنك أنت السميع العليم

بحر العطا
27-05-2009, 04:18 AM
إيــــــــــن ردودكم؟؟؟ لاهنتم ترى رائيكم يشرف صفحتي وينورها