المساعد الشخصي الرقمي

مشاهدة النسخة كاملة : ( صيفنا علّه ) .. الصيفيّه على بلاطه


بحر العطا
25-05-2009, 03:44 AM
,
,

يقول الشاعر


يامنيف جتنا مقبله عطلة الصيف ؛ ؛ والبوك فاضي مامعي كود فكه

والناس شدت عفشها والمصاريف ؛ ؛ تبغى تغير جوّها والمضكه

ناسٍ تبا باريس ناسٍ تبا جنيف ؛ ؛ والصنف الاخر جالسٍ فوق دكه

ناسٍ تذوق البيف من طبخة الشيف؛ ؛ وناس يدك كبودها الرز دكه

وانته وانا يامنيف من غير تكليف؛ ؛عفنا من الظهران حاره وسكه

نبغى نغير جوّنا بالمصاييف ؛ ؛ مير الدراهم صابت القلب وعكه http://www.alkhubr.net/imgcache2/28744.gif

.
.







روي عن الكاتب الكبير نيل إلماندر ماركوني أنه رأى ذات ليلة أربعة شباب يلعبون البلوت في أحد


شوارع باريس فسألهم عمّا دعاهم لفعل هذا الأمر فأجابه أحدهم بأن إجازة الصيف طويلة ووقت

الفراغ أطول فلابد من التسليّة بأي شيء مفيد .. فتعجّب من أمرهم وفر هاربا <- ؟ http://www.alkhubr.net/imgcache2/28745.gif ( هذا وهم

يلعبون بلوت انحاش أجل لو انهم يلعبون هند وش بيسوي ؟ )


بعد ذلك بعدة أيام ذهب ماركوني فوجد عائلة يتناولون العشاء في أحد المطاعم الفارهه في باريس

فسألهم عن سبب تناولهم العشاء فأجاب رب الأسرة أن أولاده في إجازة الصيف وأضطر لأخذ

اجازة معهم والاستمتاع بأوقات الفراغ بالذهاب الى تناول الأكل في المطعم .. فتعجب ماركوني من

أمر هذه العائله وفر هاربا ايضا ؟


أثناء فراره وصل الى صالة أفراح في باريس فوجد زفافا فتوجه مباشرة إلى والد العريس فسأله

عما يفعلون فأجابه بأن الوقت وقت إجازة الصيف والفراغ أكبر من ان يقضى فرأو أن يقيمو حفل

زفاف لقتل الفراغ في إجازة الصيف فلم يفر ماركوني هذه المرّه لأنه جلس في حفل الزفاف

للإستمتاع بالمحاورة التي اقيمت بعد وجبة العشاء في الصاله .. ؟

عاد ماركوني إلى بيته وفتح باب مكتبه وجلس ينهل من معين الكتب ويزيد من مخزونه الثقافي ..

تارة نجده يقرأ كتاب المطالعه للصف الأول الإبتدائي وتارة عندما يتعب من القراءه يأخذ له نفسا


عميقا مع مجلة باسم وفجأه ............. !

سقط كتاب صغير من احد رفوف المكتبه فتعجب منه ماركوني وأدرك أن الكتاب لم يقع بدون سبب


ثم صرخ صرخة عظيمه مرددا ( وجدتها .. وجدتها .. وجدتها ) ومن تلك اللحظة أكتشف الإختراع


العظيم .. الإجازة الصيفيّه على يد هذا المفكر الكبير وبعد هذا الإكتشاف فر ماركوني هاربا ؟؟؟


الصيفيّه هي فترة زمنيّة معيّنه تبدا من فترة زمنيّة معينه وتنتهي بفترة زمنيّة معينه


الصيفيّه عند العرب موجوده في كل مكان في المملكه مثلا تسمى ( الصيفيه ) وفي العراق ( فترة

الصيف ) وفي المغرب ( مزيان الصيف ) وفي الاردن ( اجازة الصيف ) وفي مصر ( أقازة



الصيف ) وفي تونس ( برشا الصيف ) وفي الكويت ( عطلة الصيف ) اذا نستشف من كل هذه



المصطلحات ان الصيفيه موجوده ما وجد العرب على اقل تقدير (














http://www.alkhubr.net/imgcache2/28746.gif





الصيفيه بعيون سعوديّه






( عوائل .. عزاب )




الصيف أصدق أنباء من الكتب ..\.. في حرّه الحر وقت الجد والله بيقول الشاعر المخضرم





قالت بصيِّف بين لندن وباريس

وأنت حبيبي وين ودّك تصيّف ؟

قلت أتركيني للحزن والتناهيد

الله يخلي غرفتي والمكيف !




لو سألنا أي شخص ليش تروح تصيف برّى بيقول لك رد من اثنين



1) أغيّر جو 2) اشوف لي اشكال جديده



نجي لسالفة تغيير الجو


للأسف وضعنا مع الصيفيه دمار في كل الحالتين ولو إن لي يد في وزارة التربيه كان خليت الاجازه


وقت الشتاء وخلوني أشوف عائله تصرف وتقول ذبحنا الحر في السعوديه ونبي نروح نتمشى ؟

أول مره اشوف ناس ينحاشون من الحر هنا ويروحون لدول الخليج يعني الحر عندنا هنا سامج

والحر عندهم له طعم ؟ على الاقل الحر الي تعرفه ازين من الحر الي ما تعرفه وراس مالها مكيّف



نروح لسالفة أشوف أشكال جديده

يعني ما يطري عليك يا طويل العمر تشوف أشكال جديده الا في الصيف ؟ بسيطه دام هذا عذرك

اصبر الى شهر 12 ورح لمكّه ان بغيتها حج .. حج لوجه الله وان بغيتها كداده كد لدنياك وبتشوف


هالاشكال الجديده يعني بدال ما تروح لماليزيا بس وتشوف الفنس والا تروح لاوروبا وتشوف

الحمران والا تروح لمصر وتشوف الأهرام.. رح للحج طال عمرك وبتلقى عينات من كل هذولي

هذا اذا ما لقيتهم كلهم سوا بعد بعدين من زين هالحلايا يوم تشوف اشكال جديده ؟ وش هالانانيّه

انت تشوف اشكال جديده وتوسع صدرك والأشكال الجديده ذي تشوفك وتجيب لها الهم ؟






http://www.alkhubr.net/imgcache2/28747.gif


بالله ناظروا ذا الصوره زين ؟ قسم بالله كنك تشوف اثنين كل واحد من كوكب وش ذنب بريطانيا يوم

تكرف وتحط هالحدائق وآخرتها يجي ذا الجراده يخرب كل شي http://www.alkhubr.net/imgcache2/28744.gif

( سحابة صيف )

حلالاه ليتني وزير سياحه في السودان والله لاخلي للسودان هيبه سياحيه في المملكه مالها مثيل ...


أحط لي مندوب في كل حي من الاحياء في كل المدن واعين لي عائله معينه اخليهم يجون يتمشون


بلاش لمدة عشره ايام تبدا من يوم يطلعون الورعان من مدارسهم آخر يوم .. وقتها كل الجيران

بيدرون ان هالعائله راحت تتمشى في السودان ولاهم بأحسن منا يوم يروحون هناك وحنا مانروح


مثل ماراحو عشر ايام حنا لازم نروح اسبوعين وعلى هالحال صدقوني ليجي يوم القى فيه ا

لسودان في الصيفيّه مالها من السواد الا إسمها وان تلقون جيان فاتحين فرع هناك من كثر ا

لسعوديين والخليجيين الي رايحين يصيفون هناك وعقب كم سنه لتلقون أسامي المدن في السودان


( الحوطه طوم ... أم سديرمان .. دوادمي فور ) http://www.alkhubr.net/imgcache2/28748.gif عاد تخيلو معي من كثر تأثير سياحتنا على

السودان سوداني يقول ( عليك الله فيذا يا زول ) قسم إن ينشلخ برطمه وتطلع لهجه جديده مايفك

رموزها شامبليون ولا حتى نيل ماركوني الذي فر بعد هذا المقطع هاربا http://www.alkhubr.net/imgcache2/28744.gif


( ذكريات مصيّف )


أذكر مره وانا في الثانوي مسكت دفتر اخوي الصغير حق التعبير ولقيت عليه اول درس تعبير بعد


الإجازه ( ماذا فعلت في إجازة الصيف ) المسيكين مسك دفتره وكع بالسالفه كلها للمدرس ما بقى


شي ما قاله الا اسم امي وأذكر مما كان كاتبه بإملاءه الي والله ان شغالتنا وهي ما تقرى وتكتب

يمكن تكتب إملاء ازين منه ( ذهبنا الى حده ( مدينه اصبحت لاحقا جده ) وتمشينا ولعبنا ولهونا مع

أهلي وذهبت مع اخي الكبير وامي واخواتي للبحر الجميل وتمسينا ثم ذهبنا لنئكل الغدا عند اخوي

محمد وعزمنا اخوي ابوعزيز للعشا ثم رحنا تعشينا عنده وذهبنا في اليوم الي وراه للبحر وكان

البحر أزرق وذهبنا الى حده على

سيارة ونمشي بسرعة 170 كلو متر فالسعه )


شعب ما يعرف يتخيّل تبونه يعرف وشلون يطبّق على أرض الواقع ؟


حنا ناس ما نعرف نصيّف لان الصيفيّه عندنا تروح كلها عزايم ولازم تجدول نفسك في الصيف ان

بعد العشا يوميا صل العشا وشف القاعه الي انت معزوم فيها اليوم .. لدرجة اني الصيفيه الي

راحت كنت حاطن ملابسي كلها في السياره احتياطا لا تطلع لي عزيمه من هنا والا من هنا ؟ يوم

في جده ويوم في الرياض ويوم في الدمام .. الخ لو اني مستثمر هالدوجه وشاري تكسي اروح به

لذا المناسبات والعروس في الصيفيات وأكد على طريقي .. ولا يختارون الا هالصيفيّه يعرسون فيها

تقول باذرن لك طماط ماله الا وقت


معين عشان ينتج ؟ الظاهر انهم يحسبون الي يعرس في الشتاء يجون عياله باردين والي يعرس



في الربيع يجون رومنسيين ولازم يعرس في الصيف عشان يجون رياجيل وجلوف ؟








http://www.alkhubr.net/imgcache2/28749.gif




وشوله نصيف دامنا بنسوي ببزارينا كذا ؟ وتلومون الصيادين يوم يشتكون من قل السمك ؟ بلا


والله هالأشكال تطافش ؟ وفي نفس السياق اكتشف العالم الكبير نيل ماركوني أن سبب وفرة

البترول في الخليج ان فيهم وصاخه مهيب في باقي دول العالم .. يروحون هالشعوب يطافشون

فالبحر ثمن تنفق الأسماك وتتحلل وتروح في التربه لين تتخمر مع الشمس ثم يطلع البترول ثم فر

هاربا <- إمحق عالم http://www.alkhubr.net/imgcache2/28745.gif



( الشباب والصيف )




قبل فتره طلعت لكورنيش الخبر لقيت إثنين توهم صافطين خيمتهم في مزاين الهيلا وجايين يتمشون


في الشرقيه .. لقيتهم يطردون ورى ثنتين متلثمات وواحد يصيح للثاني ( حدها .. جاتك .. امسكها )


تقول يطاردون لهم حاشي ؟ قلت له خير يابو وش بلاك عليهم ؟ قال حنا ما جينا للشرقيه الا نبي


نفلها ؟

تخيلو معي المنظر .. في السعوديه .. ماراحو بعيد .. ويبون يفلونها .. أجل في الخارج وش بيسوون

؟ اذا كان هذا مفهوم سعة الصدر في مجتمعهم أجل في الخارج وش بيسوون ؟ الظاهر لو يلقون


وحده برى لابسه جينز بدون عبايه بيرمونها بسلاح http://www.alkhubr.net/imgcache2/28745.gif



للأسف ان اغلب الشباب فاهم ان الصيفيه برى ترويح عن النفس والترويح ذا ما يجي الا بالدشره

والدشره ما تجي الا بشراب ومراقص ؟ منيب قايل لا تشربون بعد اشربو وخذو راحتكم ( عز الله


اني نصحت وناقشت القضيه زين http://www.alkhubr.net/imgcache2/28745.gif ) لكن انك تحوقها مع نفسك وتطلع تحوقها هذي الي مالها

سنع ؟ أشوى اني قد لقيت لي شباب سعوديين في بلد ما سكارى وماسكين لهم شايب يراودونه عن

نفسه ومختلفين معه لانه ما يبي يرقص لهم يبيهم يقضون لزومهم ويمشي ههههههههههههه

شايب شايب نعنبو بليسكم أجل لو انكم محششين عقب هاالشراب وش بتسوون به .. الظاهر

بتخلونه يغسل المواعين بعد <- لاعاد تتحمس وتتخيل الله يرحم أمك 


http://www.alkhubr.net/imgcache2/28750.gif



الزبده ان شبابنا يبون برى يدشرون بكل ما اوتو من قوّه لدرجة اني لقيت اثنين يلعبون كوره على


فلوس ؟ يسمعون بالقمار وانه تحدي على فلوس لكن كيف ما يدرون ولا طلع معهم الا هالحركه ؟

ولو كملت لفتي على ذاك الكورنيش كان لقيت اثنين يلعبون قمار بضومنه http://www.alkhubr.net/imgcache2/28745.gif


ختاما


الي سبق ذكره لا يعني ان وجهتي نظري ضد التصييف وسعة الصدر لكن اعتقد فيه أمور كثيره في


صيفنا يبيلها اعادة نظر .. ذكرت بعضها وبعضها ما بعد اكتشفه ماركوني http://www.alkhubr.net/imgcache2/28744.gif


أخـــــــــوكم

بحــــر العطــــا

ام سلمان
25-05-2009, 11:04 PM
ههههههههههههههههههه
وانت وين بتصيف
اما الصووره الاخيره شي
هههههههههههههههههههههههههههههه

اجل يجرب المكرفون
لاباريس ولا لندن ما مثل هالحررررروره عندنا في بريده
وعلى قولت الشاعر بالدكه برد صيفك

ساره العبدالله
26-05-2009, 01:31 AM
يعطيك العافيه بحر ع الموضوع وربي مافيه احلى من الرياض صح حر بس مافيه غنات عنه ....

بحر العطا
26-05-2009, 02:49 AM
ههههههههههههههههههه
وانت وين بتصيف
اما الصووره الاخيره شي
هههههههههههههههههههههههههههههه

اجل يجرب المكرفون
لاباريس ولا لندن ما مثل هالحررررروره عندنا في بريده
وعلى قولت الشاعر بالدكه برد صيفك

هههههههههههههههههه


يمكن بالدكه ههههه

والله الشرقيه يمدحونها هالايام

والقصيم طيب بس حره ناشف

بحر العطا
26-05-2009, 02:53 AM
يعطيك العافيه بحر ع الموضوع وربي مافيه احلى من الرياض صح حر بس مافيه غنات عنه ....



الله يعافيك ياساره الله

الرياض حره ناشف مره