المساعد الشخصي الرقمي

مشاهدة النسخة كاملة : بدوي ... حظري... خدمي


كلااش الدمام
21-05-2009, 08:26 PM
السلام عليكم ورحمه الله وبركاته

في الفتره الاخيره تقسم ابناء المملكه او ابناء الخليج الى اقسام
وتشتتوا بعد ماكنا يد وحده صارو شباب مثل اصابع اليد مافي اثنين زي بعض

يعني البارح كنا نتمشى انا واخوياي في البحر في الدمام وطبعا بالزي السعودي الكامل
بس بدون مشالح
الا مرت من عندنا سياره طالعو فينا سمعنا صوت واحد يقول خليهم يسرو يابويا كلهم صروب>>>تعلموو ههههههههه

خوي من يوم سمع هل السالفه قاله البدو طلعو القمر قبل الحضر
ومن هنا عرفت ان الشباب عندنا مفرقين لابعد حد
يعني لاصار ما صار لاسمح الله شلون ندافع عن ديرتنا وحنا مفرقين وكل واحد يكره الثاني

وتقول الايه
( وجعلناكم شعوبا وقبايل لتعارفو ان اكرمكم عند الله اتقاكم)

محاور الحوار ::-

1- شلون بدت هل الاشياء عندنا ؟
2- من اللي نشرها ؟
3- شلون نعالجها ونبتعد عنها ؟


ولاهنتو

البدوي قوي والحضر طري >>والله اني شاك في العباره هاذي ههههههههه

سفير النوايا الحسنة
21-05-2009, 10:23 PM
1- شلون بدت هل الاشياء عندنا ؟

هي اصلا كانت موجوده بالجاهليه بس بعد الاسلام اختفت و رجعت لما ابتعدوا الناس عن دينهم وصاروا يطبقون اللي يعجبهم بس و ممكن لان طريقة التربيه تساهم

2- من اللي نشرها ؟

ما اتوقع احد نشرها هي اصلا موجودة الحيلة بالتغلب عليها

3- شلون نعالجها ونبتعد عنها ؟
نعالجها بالتربيه السليمه للاطفال لانهم هم اللي بيكونون المجتمعات من بعدنا و لازم نعلمهم ان البشر سواسيه و ان الفرق بالتقوى و عن طريق تصرفاتنا و انتقائنا للالفاظ السليمه لان الاطفال يمشون ويلقطون الكلام.

موضوع مهم اتمنى يكون عندي حلول عمليه اكثر بس للاسف ما عندي..

شكرا على الموضوع

حنين الشوق
22-05-2009, 12:26 AM
للأسف العصبية القبلية وهذه العادات من التفرقة وغيره باقية حتى لو حاولنا إخفائها ؟!!

شاقي هواها
22-05-2009, 12:52 AM
انتوو ياحييكم ابدوي واحضري نحن عندناا يمني عماني ايرااني واذا قلتلهم نحن من هل الدار وتربينا فالامارات يقولون انتوو ماتعترفون باصلكم وانتو مادري شوو ... انا اجووف هالحاله واايد منتشره عندنا هالتفرقه العنصريه

1- شلون بدت هل الاشياء عندنا ؟
يوم النااس بعدت عن دينهاا

2- من اللي نشرها ؟
امممممم مثل ماقالوو هي مووجوده قبل الاسلام واختفت وظهرت يوم النااس بعدو عن دينهم
3- شلون نعالجها ونبتعد عنها ؟
نربي يعالنا التربيه الصحه لي ساسهاا الدين الاسلامي ونحااول مانتلفظ في هالسوالف جدامهم ونعلمهم انه لافرق بين النااس الا بالتقووى وبس

والسموحه تفلسفناا شووي >>>:107:

ويسلموو ع الطرح:fg68: لي يمثل وااقعناا للاسف

لا هانك الرب نتريا يديدكـ

ام سلمان
22-05-2009, 02:01 AM
لا فرق بين عربي واعجمي الابالتقوى

ا لله يبعدنا عن النعرات القبليه

عزوة اهلها
23-05-2009, 07:58 PM
هالمشكلة من ايام الجاهليه مومن عصر الرسول بس ..
كانت الحروب الجاهليه اغلبها بسبب القبلية وهيك شي مثل حرب البسوس قامت عشان ناقة الله لايبلانا ..
وانتشرت عبر الاجيال وعن طريق كلمة انا واخوي على ولد عمي وانا وولد عمي على الغريب<<توصيات الشيبان لعيالهم من يومهم صغار..
والحل مااعتقد انها منتشرة بالشكل اللي يخوف يعني تقول هالظاهرة بس عند اللي حاسين ان فيهم نقص ويبي يرز نفسه تشوفه يقول شوف البدو..ويالله هاك تعليقات والاثاني يقولك شوف هالحضري ويالله بعد هاك استهتارات مالها حد بين الطرفين وبجذي مالها حل صدقوني لان كل واحد يحس روحه احسن من الثاني مادروا انهم تراااااااااااااااااب ومردهم للترااااااااااااب محد منهم احسن من احد اللهم لك الحمد بس ..