المساعد الشخصي الرقمي

مشاهدة النسخة كاملة : والله حلوه بس بدون زعل


لبيه يا كلماته
15-05-2009, 11:30 AM
كان فيه واحد " على نياته " ..جرّب يستثمر أمواله !
وكان عنده ببغاء يتكلم ..
مشكلة الببغاء .. إنه كل ما شاف راعيه قال له : ياغبي .. وكل ماجاء يقول جاء الغبي ..واذا راح قال : راح الغبي ! ..
راعيه ضاق صدره .. وقرر ياخذ الببغاء لمدرب الطيور علشان يعدّله ..
: يا مدرب الطيور ....
شف لك صرفة مع هذا الببغاء ...
كل ما شافني فشلني عند الناس " غبي ، غبي " !
أبيك تدربه زين وتعدّل كلامه ..
علشان يغيّر هالكلمات الي يرددها كل ما شافني
قال المدرب : ما عليك .. خلّه عندي كم يوم ..
ولما راح راعيه .. جاب المدرب " سطل " مويه حاااارة ...
وحطه قدامه ... وسأل الببغاء ..
: أنا مين ؟ !
قال الببغاء : أنت صديق الغبي ! ..
وينزله المدرب في المويه الحاااره ثم يطلّعه .. ويسأله ...
: أنا مين ؟
قال : أنت صديق الغبي ..
وينزله في الموية مرة ثانية .. ثم يطلعه ...
: أنا مين ؟
.. وعلى هالحال .. حتى تربى الببغاء وتسنّع ..
أخيرا .... قال له المدرب ...
: أنا مين ؟ !
قال الببغاء : أنت صديق أذكى واحد في العالم ..
ويوم جا راعي الببغاء .. قال المدرب : تفضل اسأله ..
قال راعي الببغاء .. : أنا مين ؟!
قال الببغاء : أنت مين ؟! وهذا سؤال !! ... أنت الذكي ....
إلا أنت أذكى واحد عرفته في حياتي !
قال له راعيه : .. طيّب ..
وإذا لعبت بفلوسي على كيفي ؟!
قال الببغاء : .. هذي فلوسك .. من عرق جبينك ..
تسوي فيها اللي تبي ..
قال : طيّب .. إذا دخّلت فلوسي عند " سابك" ؟ !
قال الببغاء : ممتاز .. حركة استثمارية في غاية الذكاء ....
ومن أذكى واحد في العالم ..
: طيّب ... وإذا دخلت فلوسي عند " بنك البلاد" ؟ ..
: طبيعي .. تنويع استثماري ... من أذكى واحد في العالم !
: طيّب ... وإذا دخلت فلوسي عند " الزراعية " ؟ ..
: ذكاء خارق ... وماشي مع الحكمة اللي تقول " لا تحط البيض
في سلة واحدة " ... فعلا أذكى واحد في العالم !
: طيّب ... وإذا دخلت فلوسي عند " الاتصالات" ؟ ..
: عادي ... وزي ما يقولون " حشر مع الناس عيد " ....
صحيح إنك أذكى واحد في العالم ..
: ... طيّب .. وإذا
دعمت نادي النصر؟؟!!
قال الببغاء : يا عمي هاااات الموية ! .....
قايلّك هذا أغبى واحد في العالم ماصدقتني !:shiny::shiny::shiny:

بنت العقربيه
15-05-2009, 01:08 PM
هههههههههههههههههههههههههه


حلوه بس ماتجي ببغاء يقول هالكلام

بس يسلمو

انا وانت
15-05-2009, 01:25 PM
مكــــــــــــــــــــــــــــــــــــــــرر

لبيه يا كلماته
15-05-2009, 01:39 PM
أخوي أنا وأنت يسلمو على المرور اخوي هذا اولاً
ثانياً : أذا كان الموضوع مكرر فأتوقع للمنتدى ادارة وتعرف اذا كان مكرر ولا لا واذا كان مكرر بيحذفونه اكيد
الشي الثالث انو انا مشترك جديد ولو كتبت هذا الموضوع اتوقع ان فيه زيي مشتركين جدد او ناس ما قرأوا زي هالقصة فحاجه حلوه يونسون على قلوبهم شوي
رابعاً هذي قصه مضحكه وليس موضوع يدون بتاريخ او بحادثه او بزمن معين
يعني بالعاميه بألف لك قصه نفس الفكره ونفس السياق بس بحط اسم ثاني بدل الأخير وهيه هيه
على العموم مشكور وألف شكر على المرور

mss nono
16-05-2009, 09:17 PM
هذي من مواضيعي وماراح اسامحك

عزيز نفس
16-05-2009, 10:19 PM
هذي من مواضيعي وماراح اسامحك

هههههههههههههههههههههههههههه
حلوووووووووووووووووووووووووه

لبيه يا كلماته
16-05-2009, 10:43 PM
مشكورين على المرور وآسف للتكرار واللي له موضوع بنعوضه بشي ثاني تحياتي لكم