المساعد الشخصي الرقمي

مشاهدة النسخة كاملة : ارانب في مهب الريح >>>


كلااش الدمام
14-05-2009, 07:25 PM
سلا1111م

اخباركم

يقول اخونا محمد ابن عبده

لا يعرف الشوق إلا من يكابده = ولا الصبابة إلا من يعانيهـا = لا يسهر الليل إلا من به ألـمٌ = لا تحرق النار إلا رجل واطيها

ثم الصلاة على المختار من مضر = محمد ...

وهنا مربط الفرس ( يسهر الليل إلا من به ألـمٌ ) انا لي فتره مااذوق طعم النوم كله تفكير في حال الامه http://www.alkhubr.net/imgcache2/27711.gif >>>>> صورة معمر القذافي ماسكن مكروفون القمه ويقول الزم ماعلي امتنا العربيه ,, http://www.alkhubr.net/imgcache2/27712.gif

يقولون ان في مصر يسمون المليون جنيه ارنب يعني اللي عنده مليون جنيه يصير صاحب ارنب واللي عنده اكثر من مليون يطلقون عليه راعي ارانب . >>>> على طاري الارانب تدرون ان احنا شعب حدنا ضبان واذا تطورنا اباعر ,, ذاك اليوم اخوي ناصر يطلب من ابوي ارانب المهم انه جابله ارانب اللي اتذكره انها قعدت يومين اليوم الثالث طلعت السطوح لقيتها ناشفه ورافعه سبابتها وتتشهد لفظت انفاسها اثاري اخونا حطها بالشمس يعني يعني يبيها تروح عن انفاسها مايدري انها ماتطيق الشمس ومن هالمنطلق عرفت ان اخوي حده 3 نياق من المجاهيم ,, http://www.alkhubr.net/imgcache2/27713.gif


ومازال الموضوع في صلب الارانب ومن هذا المنحنى ااحب اوجه لجميع اعضاء منتدى الخبرللي عنده ارانب نحب نقوله ترا حالتنا استسلمت امام ارتفاع الرهيب في اسعار الجبنه والتونه >>>> اللي عنده او عندها كم ارنب تري عندي كم جزره ماادري وين اوديها >>>>> اتمنى الاخذ بحسن النيه في هذا المنحنى ..,,

المهم


انا كتبت ذا الموضوع وانا واضعاً نصب عيني المقولة اللي تنطق عندما يتجرأ بقول مقوله تخالف الواقع وتكون ردة الفعل من المستمع هي ( اووووووووووووف وش ذا الارانب )


بمعنى اخر

مثل مااسلفت سابقا ان الارانب في دوله مصر تطلق على الملاييين والارانب في السعوديه تطلق على النصابين والمهايطيين واصحاب اللالسنه الطويله اللي يبيلها قطع من اللغاليغ ,,, >>>>> عادل امام فاكن بوءه وبيشرح وش هو اللغاليغ ,,,!

اهداء

ومن خلال تلك المنحنيات والمقدمه اعلاه احب اهدي ذا الموضوع لجميع اعضاء منتدى الخبرللاخذ بعين الاعتبار ان اللي يحس ان الارانب بدات تتكاثر يحاول يبيدها ترا الامور بدات تنكشف ,,,؟


ندخل بالموضوع


هذا الوالد الله يطول بعمره دخل علينا المقلط وكنا انا والوالده نتبادل اطراف الحديث في حال اخوي ابراهيم >>>>> الا على طاري كانت تسولفلي تقولي والله في عرس عهود اغنيه الزفه كانت مررره حلوه ونفسي اخذ لعرس ابراهيم مثلها بس كيف اقنع البنت انها تاخذ مثلها ,, عاد انا لما سمعت اغنيه زفه على طول طرا على بالي الاغنيه الشهيره اللي تقول فيها ( يارب تشتي العرسان تاتلحئني طرطوشه ,, وتفرح امي والجيران وخبي الاسمر بعيوني ,,,)),,,!

ولالكم بالطويله
دخل الوالد وجلس يتقهوى وبدينا السوالف والوناسه التي دائما ماتكون تحمل جوهر الفائده اللي تعم على الجميع >>>> http://www.alkhubr.net/imgcache2/27714.gif

المهم انه تخلل هالسوالف اتصال على جوال الوالد >>>>> ياشين ابوي لما يجيه اتصال بمكان عام بالذات اذا كان بسوق ياساااااتر كل اللي بيسوق احسهم اطراف بالمكالمه ههههههههههههههههههه

ومع نهاية الاتصال ناظرني الوالد نظرة وقالي كل مشاويرك كنسلها اليوم لان ابو فراس جاينا اليوم يقول يبي يتقهوى عندنا عاد انا والوالده او ماسمعنها اسمه كلنا تحلطمنا انا لله وش يبي ذا امي على طول صرفت نفسها وقالت انها طالعه عند امها يعني اذا بتجي ام فراس حاول تصرفونها ,,,

عاد انا استغربت حال الوالده قلت خير ياامي وش الطاري اردفت قائله مع تنهيدة قهر ( ياولدي ذي الحرمه اول ماتدخل كلها وش رايك بعباتي شريتها من المكان الفلاني ب3000 ريال وهي العبايه اعرفها وش هي يعني تقريبا 550 ولا بنتي شرتلها فستان 4500 في زواج فلانه ولا ولدي راح فرنسا يبي يشتري عطور ملكته وتقولي المشكله كلامها متناقض وهذا اللي خلاني اتأكد ان بيتي قلب حضيرة ارانب ) رديت عليها وانا اضحك والله ياامي الظاهر ان ام فراس ماجابتها من بعيد عاد بديت اسردلها طبع ابو فراس هذا الادمي اذا مافك ارانب مايرتاح لدرجه انك تحسين نفسك يااايمه مال امك داعي في هالوجود ,, المهم انه نصااااااب ذاك اليوم فتح سالفه انه ولده جاب له هديه بشت كله 48000 عاد انا على طول طلعت من المجلس اتصلت على ولده وفتحت موضوع البشت قالي اشتريته من سوق كاشخه للملبوسات الرجاليه الي بلعقربيه اللي عند باسكن روبنز يعني الظاهر 900 ريال انا انقهرت فقع مرارتي ذبحني ,,,)

المهم انه انتهى الحديث بيني وبين الوالده المهم اني صرفت نفسي والوالده صرفت نفسها وبقى الوالد في وجه المدفع ههههههههههه المهم اني رجعت بعد العشا لقيت ابوي نايم نومة اهل الكهف >>>>> والله من اللي جاه >>>>>> صورة مصري ماسكن بدوي ويهمس باذنه يعني يعني تنويم مغناطيسي http://www.alkhubr.net/imgcache2/27715.gif



( مايستفاد )

1 - اذا عندك ارانب وتحس انها كاتمه انفاسك وتبي ترتاح حاول قدر الامكان انك تعبر عنها بلغه ثانيه او بطريقه ثانيه لكي لاتكون في نظر الناس انك ثقيل طينه ,,,

2 -تأثير الزوج الواضح على الزوجه ام فراس وهذا ان دل على شي فانما يدل على توارث عادة الهياط عند الابناء المغلوب على امرهم >>>>> ويقولون ليش المطر ماينزل

3 - الارانب احيانا تكون معنى مجازي للهياط >>>> الا على طاري الهياط عندي وحده بالماسنجر ذبحتها كل مااشوفها اقولها اه لو تسمعيني اغني انا كنت المح لبعيد بس مسكتني بنت اللذينا وقالتلي طيب شغل المايك وسمعني عاد انا بلشت وش اسوي الحين المهم يوم شغلنا المايك قالتلي يالله غني ,, المهم اني دورت دورت ويطري على بالي تامر حسني لانه في واحد من اخوياي قالي اذا تبي البنت تحبك قولها انك تحب تسمع تامر حسني المهم اني بديت اغني ( احلى حاقه بحبها فيكي هو ده,, ) وهذاك يوم وهذا يوم ماعاد شفتها ماادري وين راحت انا اخاف انها تصير ضحيه المايك مثل البنت اللي في البالتوك اللي سموها ضحية الكام >>>>>> صورة بنات المنتدى وهم يتخطفن كل وحده تقولي يالله غنيلي ,, هههههه

3 - ومن الاشياء اللي تغبن وترفع الضغط وتخليك ماتدري تقوم تلعن والدي الشغاله ولا تعكس الخط السريع من كثر الزعل ان الواحد يروح يشتري كوكو شانيل من بسطات ويتصل عليك ويقولك اني اشتريت كوكو شانيل يالعن ابوهم صار سعره 290 بس يالله ماعندك مشكله وهو نصاب اشتراه 15 ريال

4 - مهما كانت الظروف حاول قد ماتقدر ان تكون ارانبك منك وفيك حاول قدر الامكان انك بدال ماتربي ارانب ياخي شوف مجال ثاني تحس في براحه تامه لك ولغيرك

وش رايكم بالترقيم اللي على شكل اهداف للموضوع >>>>>> الله من شباب المنتدى سامعين طاري الترقيم وجاكم طبلوووونه وسعابيله تقوطر ,,


ومن خلال هذه النقاط نحاول ان نناقش هالقضيه باسلوب يرضي جميع الاطراف

والف شكر للجميع ,,,,



ويبقى البطل


كلااش
بطلا