المساعد الشخصي الرقمي

مشاهدة النسخة كاملة : لو كان الوداع رجلاً لقتلته ,,!


كلااش الدمام
14-05-2009, 03:46 PM
صلب الموضوع

بوقت يملأه الهدوء وعلى صحن يملأه حبات الفشار تمتد اليه 7 ايادي ماكنها الا كريكات باكستان يحفرون بير بارض الصمان ,,

وباهاللحظات الهاديه اللي تسبق لحظة القدر المحتوم او لحظه قصم ظهر البعير نسمع صرير الباب ودخول الوالد شايل اكياس ,,

عاد باهاللحظه جلس ينادي عالشغاله وينادي وينادي بس لاحياة لمن تنادي ,, غريبه وش الطاري ارتسمت على خششنا علامة تعجب كبيره وعلامة استفهام اكبر وقررنا انه نروح لغرفتها ونشوف ووش عندها هالاندونوسيه .. طق طق طق >>>> يعني ندق الباب ,, وفتح الباب ودخلنا دخلة رجل واحد ,,

ناظرت الا هالبنت قاضبه الزاويه وتبكي وتعيييييييييط يوم دخلنا الغرفه على طول طمرت على ابوي وتحب يده وتحب رجله وتقول ( ربنا يحفزك ربنا يكتبلك بكل خطوه سلامه ربنا يفتحها بوشك انا عاوز اروح انا ليا سنه وانا اتحكحك باهالجدران وبهالسيراميك وماحد حس فيني ابي اروح عند زوجي وورعي تكفى ) >>>> اندونوسيه من ام مصريه واب اندونوسي وهي كانت ضحية نزوه ههههههههههههه

واخذت طرحتها ورمتها وقالت هذي عندك ,, عاد مع هاللحظات الاليمه احس بنظراتها صووبي كانها تقول الحين خلي ثقلك ينفعك يوم اني امسح السيراميك واسوي نفسي اني مو شايفتك ابيك تفهم يالسبيكه بس الحين اروح لزوجي هو اللي يفهمني ... >>>> ياشينها يوم تحس انك دبيشه ماتفهم

المهم ان الوالد رضخ للامر الواقع وبدا باجراءات تسفيرها ,, من بعد طلبها واحنا بحوسه مايسبق فترة الوداع نحس بكأبه الوحده المفرطه مانتخيل هالبيت من غير ( جميله ) صرنا كل ماانشوفها نركض يمها ونخمها خمة مودع وناظر بعيونها ونقولها ووالله بنشتاقلك ,,

بدأت شحوح الحزن يعم ارجاء المنزل سكون وسكوت وهدوء كل مانشوفها تجمع اغراضها صفينا سرا عشان نبدا بالخم ,, عاد احنا متى يجي قرار الخم ,,

نحاول نخليها تركض عشان نعرف انه مافي شي يكون حاجز او رادع للخمه يعني مايكون فيه حواجز بعدها نبدا نصف سرا ونخمها بحجة الوداع ,, بس اللي كسبان اخوي الصغير لانه يوم يجي يركض ويبي يحضنها يحضنها من تحت مثل الاطفال اللي يحضنون امهاتهم ويدق خشمه باماكن مالها داااااااااااااااااااااعي >>>> لا ياشيخ هههههههههههههه

ولالكم بالطويله

جاء اليوم المحتوم ,,

واحنا صافين عند الباب كلنا نبي نروح المطار ونننتظرها ,, عاد نزلت من غرفتها بكل غنج ودلع >>>> الا على طاري الدلع تنويه اذا تبي تعرف ان اللي قدامك مدلع ثلاث اشياء مالهم رابع ,, اذا لاحظت حرف السين يطلع بحركه غريبه يعني يكون طرف اللسان ماخذ زاويه 75 درجه مع خروجه خارج الفم تيقن يقين تام ان اللي امامك مدلع. >>>>

او

اذا لاحظت حرف الراء يطلع باسلوب مغري يعني يكون طرف اللسان يدق بالفك العلوي من الداخل على طول احكم على اللي امامك انها مدلعه

او

اذا شفت ان اللي قدامك تاكل باظافرها دون اي اهتمام فليكون في اعتقادك ان اللي امامك مدلعه

وترا الدلع هالايام محدود يعني حاول انك تفتش عن هالاشياء لانها بتكون لها فتره وبتنقرض امام شحنات الدباشه هالايام

المهم

وصلنا المطار وبدت الدموع تتناثر هنا وهناك عم الحزم المكان حتى المسافرين حسوا فينا حسوا بالمعاناه اللي بنعيشها ..

نشوف جميله تجر شنطتها >>>> تراني اقصد بالشنطه اللي هي شنطة الملابس مو شنطه ثانيه اعرفكم تحبون تفهموون غلط نياهاهاهاهاهاها

بادرناها بالسلام والوداع على انغام ( ودعتك الله ياحبيبي ابرحل ) ,,

وسافرت جميله وسافرت معاها كل مشاعرنا واحاسيسنا ,, سافرت جميله وانتشلت كل امانينا ,, سافرت جميله وماظنتي انها بترجع لان اللي شافته والله مو شوي ,,

وسافرت جميله

وسافرت جميله


مايستفاد

1- انا والله مااحب اودع احد لاني كثير اتأثر لدرجه احيانا يكون الضرب تعبير لتأثيري بالوداع

2- انا اللي موترني وقاهرني ولاعن حظ حظي ومخليني احس بغبائي وش كانت تقصد يوم تقولي ذي نتيجه انك ماتفهم !

3- ان الوسامه والعفويه سلاح ذو حدين

4- ان الدلع له معايير واكبر معيار هو حرف السين حينما يكون بمخارج بريئه وانا اقصد بريئه يعني مو مثل حرف السين اللي يطلع كله سعابيل تقول كاسه بلاستيك مليانه شيره ,,

5- الوداع لايعرف شغاله او سواق لاني يوم شفت الرجال اللي يبكي ويودع بعييره عرفت اني على حق

6 - مهما صار ومهما كان ابيكم تدعون لجميله ان الله يردهها بخير لاني خلاص والله براجع حساباتي وبصير افهم هههههههههههههههههههههههههههههههههه

والف شكر للجميع

ويبقى البطل

كلااش
بطلا