المساعد الشخصي الرقمي

مشاهدة النسخة كاملة : قصة بحر العطا...والجن وجيب الهيئة؟؟؟؟


بحر العطا
09-05-2009, 12:05 AM
بسم الله الرحمن الرحيم

السلام عليكم ورحمة الله وبركاته............مساكم صباحكم خير




أبدا موضوعي بدون مقدمه (اختصار للموضوع ولاأتعب القراء)




كنت مسكون والجني معذبني في حياتي عذاب , رحت لشيخ يقرأ

قلت له ياشيخ : تكفى طلعه تكفى طلبتك طلعه , وهو يقول : أنت

متأكد تبيني أطلعه ؟!! وأقوله : أفا عليك أجل أنا ليش جاي عندك

إلا علشان تطلعه وأرتاح تكفى طلعه يرحم والديك ,إلا وأنا أشوف

عيون الشيخ إنقلبن صفر الظاهر داق ٍ الريوس , قلت : الله يستر

شكله بدا يريوس بعمره لأيام المراهقة والعربجة وشوي وعيونه

ينقلبن حُمر قلت : الظاهر وهو مريوس طلع له جيب الهيئة

وخاف ورجع طبيعي ,


المهم بدا يقرأ ويتفل وينفث إلا وأنا أسمع صوت ددسن 85 داخل

جسمي تقحص !! وينفتح الباب وواحدٍ نزل ويطلع الجني من

جسمي ويمسك الشيخ مع علباه ويقوله : أنت يوم انك تقعد

ماغير تطشر وتتفل بوجهي وش تحس فيه قاعد نايم بأمان الله

وتجي أنت وتقلب خشتي صالة تزلج عليك بضبط النفس أنت

وياه وتسانكم ماتربيتوا أنا أربيكم , وتسني سمعت طوط طوط

طوط - المهم الشيخ خاف والجني العربجي ركب الددسن ورجع

لجسمي واسمع زعقة الددسن وهو يقول هذي بوجهك أنت وياه

قال الشيخ :ياوليدي الجني اللي فيك عربجي وبراسه نجاسه وشر

وماأظنه يبي يطلع منك أبد الا بحالة واحدة ابعطيك شريط قرآن

ولازم تسمعه كل يوم وربك القادر , قلت : سم وابشر



وأروح للبيت واقعد اسمع القرآن إلا و الددسن تدق سلف

ومقاحص ببطني وابن اللذينا يشغل شريط أغاني ويطول عليه

وأنا اللي أطول على القرآن وأكيد القرآن أقوى المهم وهو

يقاحص ويطامر بالددسن والكربون بدا يطلع مع خشمي وصرت

تسني كنداسة مادريت يوم طلع الجني وهو دايخ ويصيح

ارحموني تكفون عذبتوني وين تبوني أروح قلت اسمع أنا تراني

عايش وحيد بهالدنيا ولا حد يبيني لا أنا ولا أهلي

المهم أقوله اسمع أبيك تكون صديقي تونسني وتوسع صدري

وأقوم وأعطيه ثوب من إثيابي وشماغ والبسهن إياه وقوله :

إسمع الحين نبي نروح نصلي وبعد الصلاة تعلن إسلامك قدام

الناس زين , قال : زين - ونمشي للمسجد وهو وراي وحنا نمشي

والمؤذن يقيم الصلاة والتفت أبقوله يالله أمغط رجليك خل نلحق

على الصلاة ولا أشوف إلا ثوب وشماغ على الأرض وأتلفت وينك

يالجني وين رحت إلا واسمع بوري الددسن بيب بيب قلت :

لاتكون هونت , قال : أي والله أخاف أسلم ثم ربعي يذبحونن ,

قلت : توكل على الله يحميك وأنا معك إخلص علينا , وهو ينزل

من الددسن ويلبس الثوب والشماغ , المهم صلينا وبعد الصلاة

قمت وقفت عند الإمام واستغربت ليش الإمام تلطم ( يمكن

إمزكِم ) وقلت : ياجماعة الخير (حسيت وهم يناظرونن تسنهم

يقولون والله مسخره) المهم قلت : معي شخص كان مايصلي ولا

يعرف ربه والحين هو يبي يسلم وأشر عليه قم ويجي جنبي

ويجي الإمام ويهرج عليه يقوله : قل أشهدُ أن لاإله إلا الله , إلا

وسمع بوري هايلوكس من داخل جسمي الظاهر واحد من خويا

هالجني مايبيه يسلم ويكبّس وعيوني صفر والإمام يقوله يارجل

قل أشهدُ.... وسمع بوري فورد وشوي وسمع بوري النقل

الجماعي هذولا مامعهم سيارات وجايين كلهم مايبونه يسلم ,

المهم الجني أول ماقال: أشهدُ إلا وسمع صوتٍ مهُب غريبٍ على

إذني مار علي بوري سطحه

المهم وأنا أقوله ماعليك منهم إسلم لاتخاف وهو يقول : أشهدُ أن

لاإله إلا الله وأن محمد رسول الله - ولا تسمع إلا تكبيرات

بالمسجد

ويجون الجماعة جزاهم الله خير وهم متلطمين طبعاً يسلمون

عليه ويدعون له وهو يصيح ويبكي , فقلت له : لاتبكي قل لهم

جزاكم الله خير ,


المهم طلعنا ورحنا للبيت وجلسنا بغرفتي وقلت للجني : هاه

مرتاح الحين قال : إي والله يوم أسلمت حسيت بالراحه



- إلا واللي يقاحصون بسياراتهم ببطني وبواري واللي يدعس

بنكرياسي واللي يطارد كرياتي الحمراء ويتواطهن بالكفرات

تسنهن عيون قطط وراعي السطحه النذل رابط المعده ويبي

يشحنه مدري منهو له وقالبين الأمعاء الدقيقة جسور والغليظه

كباريات , قلت : والله إني متعذب من ربعك شف لهم حل ,


إلا وهو يقوم ويقول : تبي ترجعنا لأيام العربجه والسجون و

يحط الشماغ على كتفه ويدخل جسمي وسمع دقة سلف الددسن

ويبدأ يطارد وراهم ببطني وهو يدعس وهم يدعسون وأحس فيهم

وهم بوسط الأمعاء اللي كله دوارات ولفات وأنا ماخفت إلا إنهم

يوصلون للنفق !! قلت الله يستر بعد لا يشبّون بي نار اللي

حول النفق إلا وأحس تسني قاعد على جمرة ودخان اسود تسنهم

شابين بكفرات وأقوم اركض للحمام وأملا الطشت ماء واقعد

بوسطه واسمع تش تش النار طفت بس أشم ريحة نار


وإستمر الوضع يمكن نصف ساعة والعربجي يطاردهم واسمع

صوت العجرا تدهر العربجي مايلعب وأفكر قلت : خل اشغل القران

واشغله وأطول عليه والعربجي يقول بدو يتطايحون زيد زيد ,

وآخر شي قال : أبشرك إهجدوا وأنا قاعد الحين أدعيهم للإسلام ,

وشوي واسمع صوت تكبير وش ذا ؟؟ قال : هذا واحد اسلم
-
وكل شوي تكبير قلت : ماشاء الله عليك كفو , قال : إصبر واحد

عيّا يسلم أبحاول فيه , ومرت ساعة وساعتين قلت : مطولين !!

قال : لاتشغلنا عاد خل نشوف شغلنا رح أنت تسان عندك شغل

وإذا أسلم أعلمك - وأروح واقعد عند التلفزيون وأشغله إلا وتطلع

لي (إبليسا!!) والعربجي يصوت : حسبي الله عليك صكّه صك الله

راسك ياثور خربت علينا خوينا يوم جاء يبي يسلم إلا ويقوم

يترقص والله إنك مالك داعي يابحر إقريح وإفلقن بمكينة خياطه

أم أسد تسانك عاقل طفه وجع - وأنا أطفيه وأقول آسف , وفعلاً

حسيت بهالموقف إني نسيت ونذل

وأنا بهالحاله إلا والجني يقول : أبشرك خوينا أسلم , قلت :

الحمد لله بس عسى مابقى أحد ما أسلم , قال : لا كلهم أسلموا ,إلا

وأحس فيه شي عند النفق يحكحكني قلت : لا والله الظاهر باقي

واحد , قال : وينه , قلت : إركب الددسن , قال : ركبت , قلت :

شفت الأمعاء الدقيقه , قال : إيه , قلت : إمش سيده وانتبه ترا

الطريق كله ملفات , قال : زين الحين أنا ماسك خط الأمعاء

الدقيقة وين أروح , قلت : وش تشوف قدامك ؟؟ قال : أشوف

الطريق صار وسيع وعريض , قلت : إيه بس هذا طريق الأمعاء

الغليظة إمش سيده , قلت : هاه وش تشوف الحين قدامك ؟؟

قال : أشوف طريق مُظلم ! قلت : بس واللي يرحم والديك وقف

لاتوصله محنب ناقصين إمسك فرامل , قال : وقفت بس الطريق

قدامي ومظلم ماأشوف شي , قلت : شغّل النور وحط العالي ,

وهو يشغّل النور , قال : اوووه هذا واحد من أخويانا طايح ٍ حول

الطريق , وبيده كبريت !! قلت : هذا اللي أحرق بنار والظاهر

إنكتم واغمى عليه ويحمد ربه مارماه شيء ! بسرعه

إشلُه , ويشيله بالددسن ويوديه بمكان نظيف وشوي ويقولي :

إنه صحى وأسلم وحطينا له أكسجين الرجال شكله منكتم من

كيماوي ,



المهم قلت : الحين يالعربجي أنت وجماعك أسلمتوا ورا عاد

ماتطلعون من جسمي وتخلوني أرتاح ؟ قال : بكرا نعلمك , قلت :

زين .

قمت الصبح واسمع صوت تسنه صوت عمال يبنون قلت

لايصيرون هم وش تسوون ؟؟ قالوا : أبد نبني مسجد! قلت : وين

تبنون مسجد يعني مالكم نيّةٍ تطلعون أبد , قالوا : خلاص بكرا

نعلمك , وأقوم بكرا واسمع أصوات بواري قلت : لايكون بحارتنا

عرس وهذولا الجنب جايين , وناظر مع الدريشه ومافيه أحد

ماغير قطوٍ أسود مرتكي على برميل الزباله وينقش أضروسه

بمنقاش ويناظرني ويقول خير يابو الشباب ؟! قلت : بس هم ,,

وش تسووون ؟؟ قالوا : أبد واحد ٍمن ربعنا أعرس - وكل يوم

مسوين شي جديد مرة بانين مدرسه ومرة مستشفى وآخر شي

مبنى للجاليات !! قلت : وشوله ؟؟

قال الجني وهو منقهر من كثر أسألتي : لك !! ههههههه

بانينه علشان أي جني يبي يسلم يجي عندنا , قلت : خير إن شاء

الله , لكن ماصدقت يوم قالوا لي : ترانا بنينا مبنى ونبي نخليه

للهيئه وسمع صوت الجيب بيب بيب , قلت : جزاكم الله خير

وكثر الله من أمثالكم هذا أنتم وتعترفون بأهمية الهيئة وش أقول

عن بعض ربعنا اللي ماغير طايحين تسذب بالهيئة وحش , الله

بس يوفق الهيئه .وأنا المستفيد يعني وأنا نايم وأذّن يقومونن

للصلاة, الصلاة جزاك الله خير الصلاة وبوري الجيب بذني وأقوم

أصلي , وبوري يعني

انتبه جزاك الله خير .

ومرة قالوا لي : إسمح لنا فيه أثنين جلدناهم ونبي نطردهم من

ديرتنا ( اللي هو جسمي )

قلت : خير ليش ؟؟ قالوا : مسكناهم وهم ماسكين طريق ثاني

سكرانين ومحششين !! قلت : كفو والله ياأسود الهيئة لولاكم بعد

الله كانت إنتشرت هالجراثيم بجسمي وأنواع الأمراض فيني

تكفون إطردوهم شر طرده والله يوفقكم ويعينكم .




مايستفاد من هالسالفة :
1- أن القرآن هو نور للقلوب
2- أهمية دور هيئة الأمر والنهي عن المنكر

المهم أبشركم أنا الحين عايش في أحسن حال

جنون الليل
09-05-2009, 01:00 AM
في احسن حال ؟؟ ايه هين من موقق هههههه

اقول بحر شوف المخيخ يمكن يكون فيه واحد ثاني جالس يتفلسف مثلك على ربعه اللي في باقي الجسم هه

بس والله حلوه عشيتنا جو مرعب من كثر مااقراء كلمة جني صرت اذا وصلت للكلمه هذي قلت بسم الله عشان ماانطق اسمه هههه

ساره العبدالله
09-05-2009, 02:06 AM
يعطيك العافيه بحر العطا ع طرحك الرائع


والقرااان حصن المسلم ونور المسلم

بحر العطا
09-05-2009, 04:45 AM
في احسن حال ؟؟ ايه هين من موقق هههههه

اقول بحر شوف المخيخ يمكن يكون فيه واحد ثاني جالس يتفلسف مثلك على ربعه اللي في باقي الجسم هه

بس والله حلوه عشيتنا جو مرعب من كثر مااقراء كلمة جني صرت اذا وصلت للكلمه هذي قلت بسم الله عشان ماانطق اسمه هههه


جنون المشاعر في هوى الزين ولهانه000على قصةً روح المشاعر تحاكيها

وعيني معك لــذة القلب سهــرانــه000وبحــر العطــا من حبك اليوم يرويها


خذي فلســفة حــرً تعلــق بشـيهانه000من الروح بغلا الحب والصدق شاريها


هذا هجـوس الشعر لافك بيبااانـه 000 أحاســيس قــلبك يالــغلا لا تواريـــها


وترى مـوقق ديـرة الغالين يافـلانه 0000 ديرة العـز ورجالً ربت في مبانيها

بحر العطا
09-05-2009, 04:49 AM
يعطيك العافيه بحر العطا ع طرحك الرائع


والقرااان حصن المسلم ونور المسلم



الله يعافيك ياساره العبدالله

نعم كما ذكرت القرآن هو حصن المسلم ونوره إيضاً

يسلمووو مرورك الراااااااااااائع

لحظة عناد
09-05-2009, 07:27 AM
لي باك ان شاء الله

ام سلمان
09-05-2009, 04:27 PM
اهم شي هذى ما يستفاد
تسلم يا بحرررررر والجني الي ساهم في احدث القصه وسردها

شموووخ
09-05-2009, 06:04 PM
بحر متاكد انهم راحوااا

ابي منهم فزعه يجيبووون اسئله الاختبااارات

(احفظ الله يحفظك)

الهيئه ماتقصر وتقوم بواجبهاااا ومسؤله امام الله

وَجس ~
09-05-2009, 08:23 PM
الجهاز قلبت عيونه صفر ههههههههههههههههههه

الظاهر دخل فيه جنيك ههههههههههههههههههه

الحريف
09-05-2009, 08:44 PM
هههههههههههههههههه

ليلكـ ليل يابحر العطأ مع هالجنووون

جنون الليل
09-05-2009, 11:35 PM
جنون المشاعر في هوى الزين ولهانه000على قصةً روح المشاعر تحاكيها

وعيني معك لــذة القلب سهــرانــه000وبحــر العطــا من حبك اليوم يرويها


خذي فلســفة حــرً تعلــق بشـيهانه000من الروح بغلا الحب والصدق شاريها


هذا هجـوس الشعر لافك بيبااانـه 000 أحاســيس قــلبك يالــغلا لا تواريـــها


وترى مـوقق ديـرة الغالين يافـلانه 0000 ديرة العـز ورجالً ربت في مبانيها





تسلم ياخوي صح السانك بس اخاف هذا من العربجي الجني

بحر العطا
10-05-2009, 12:07 AM
اهم شي هذى ما يستفاد
تسلم يا بحرررررر والجني الي ساهم في احدث القصه وسردها



يسلموووووووو مرورك الجميل

بحر العطا
10-05-2009, 12:42 AM
بحر متاكد انهم راحوااا

ابي منهم فزعه يجيبووون اسئله الاختبااارات

(احفظ الله يحفظك)

الهيئه ماتقصر وتقوم بواجبهاااا ومسؤله امام الله





هههههههههههههههههههههههههههههههه

والله مدري عنهم

المهم اذا رجعوا ابشري بس حددي الماده ودكتورها

إما بنسبه للهيئه مازكيهم صراحه

بحر العطا
10-05-2009, 12:51 AM
الجهاز قلبت عيونه صفر ههههههههههههههههههه

الظاهر دخل فيه جنيك ههههههههههههههههههه



هههههههههههههههههههههههههههههههههههه

لالا للي مايعرفه ولايمون عليه مايروح له

بحر العطا
10-05-2009, 12:53 AM
هههههههههههههههههه

ليلكـ ليل يابحر العطأ مع هالجنووون



ههههههههههههههههههههههههههه

بحر العطا
10-05-2009, 12:56 AM
تسلم ياخوي صح السانك بس اخاف هذا من العربجي الجني

ومن قال يسلم يااااااااااارب صح بدنك ولاهنتي

لا هذي من جنيه ثانيه ..لا العربجي الجني ماهو شاعر

مخمليه
10-05-2009, 07:12 AM
اسلوب شيق جدن وطرح حلو



تسلم

بحر العطا
10-05-2009, 09:20 PM
اسلوب شيق جدن وطرح حلو



تسلم


يسلموووووووو مرورك الجميــــل


يعطيك العافيه

سهام العبد الله
15-05-2009, 12:44 AM
يسلموووووا يا بحر

الله يخارجنا من سواليفه
بسم الله علينا
ههههههههههههههههههههه
جن يا بحر؟؟؟

السالفه جن.؟

الله يستر من الخافي

لبيه يا كلماته
15-05-2009, 05:38 AM
هيئة حتى في الجن ؟؟؟؟؟؟
اهم شي يكونون متعلمين وحاصلين على شهادات بكالريوس اهم شي في التعامل مع المجتمعات مو مثل ,,,,
خخخخخخخخخخخخخخخخخخخخ
المهم مشكور يا الغالي والله يحفظنا بحفظه ويقوي رجال الهيئة ويهديهم الى طريق الحق ويهدينا معاهم اجمعين

بحر العطا
16-05-2009, 12:16 AM
يسلموووووا يا بحر

الله يخارجنا من سواليفه
بسم الله علينا
ههههههههههههههههههههه
جن يا بحر؟؟؟

السالفه جن.؟

الله يستر من الخافي

هههههههههههههههههههه

آآآآآآآآآمين ياااااااااارب

بحر العطا
16-05-2009, 12:23 AM
هيئة حتى في الجن ؟؟؟؟؟؟
اهم شي يكونون متعلمين وحاصلين على شهادات بكالريوس اهم شي في التعامل مع المجتمعات مو مثل ,,,,
خخخخخخخخخخخخخخخخخخخخ
المهم مشكور يا الغالي والله يحفظنا بحفظه ويقوي رجال الهيئة ويهديهم الى طريق الحق ويهدينا معاهم اجمعين


هههههههههههههههه آآآمين
ويسلمووووو مرورك الجميل