المساعد الشخصي الرقمي

مشاهدة النسخة كاملة : البطاقه اللي تاكل راتبك


الويلس
25-04-2009, 07:09 AM
الغالبيه متوهق بقروض واقساط وبلاوي ما يعلمها الا الله

وهالاسهم كلت الاخضر واليابس واللي ما نبت للحين
اليوم بتكلم عن البطاقه اللي تاكل راتبك ومبلغها تافه وقسطها عالي <= وخسيسه وقليله ادب
بطاقه ائتمان أو كريدت كارد او فيزا او ماستر كارد او اميركان اكسبريس .. كللها اسماء



لنفس البطاقه



http://www.alkhubr.net/imgcache2/26304.gif


http://www.alkhubr.net/imgcache2/26305.gif


http://www.alkhubr.net/imgcache2/26306.gif







بحكم عملي السابق في احدى هذه الشركات ... فأنا ابغى ابري ذمتي وابين لكل شخص وش هي هالبطاقه اللي يتعامل معاه
وكل شخص يصل له هالايميل بيكون عرف اش هو يتعامل معاه وهو وذمته!!




اولا : طريقه عمل البطاقه :-



يعطيك البنك بطاقه يكون فيها مبلغ من البنك .. مثلا





10 الف او اكثر ... ويسمح لك تستخدمه براحتك وتشتري فيه

اخر الشهر البنك يرسل لك الفاتوره او الكشف .. فيه كل المبالغ اللي انت استخدمتها.. ويطلب منك





تسدد 5% بس!!

طيب وش مستفيد البنك ؟ يسلفك علشان سواد عيوونك ؟؟
لا يقول لك بياخذ عليك فوائد






2 – 2.5 % على المبلغ اللي انت استهلكته

طبعا علشان تكون في الصوره الفوائد ربا صريح !! والكل يعرف حكم آكل الرب



ثانيا :ضرر البطاقه:-



البطاقه ما احد يختلف عن حكمها دينيا !! علشان كذا ببين اضراارها الماديه
انت لما تدفع .2.5% بالشهر .. معناته انك تدفع30% سنويا !!
طبعا بالفوائد المركبه تكون تدفع اكثر لأنهم يسمحون لك تستخدم اللي انت سددته
طيب متى بخلص مسددهم وانتهي ؟؟
الجواب ما راح تخلص.. لأنك تسدد






5% وياخذون منها2.5% فوائد لهم !!

انت تسدد





500وهم ياخذون 250 فوائد لهم !!

وال250 اللي سددتها تستخدمها مره ثانيه
يعني اخر السنه تكون دفعت






3 الاف هديه لهم علشان يسلفونك 10الاف

وتكون ايضا اتخلصت من قسط شهري يشاركك براتبك
طبعا ضربت المثال على مبلغ بسيط






10 الاف ... مع ان فيه بطاقات كثير تتعدى هالمبلغ

على فكره ترا في رسوم ثانيه ما تكلمت عنها اللي هي اذا اتعديت الحد او اذا ما سددت شهر او اذا سحبت منها كاش



ثالثا : انت متوهق بالبطاقه الحين.. كيف تتخلص منها :-



اول خطوه تجيب مقص !! وتقطع البطاقه!!لأنك كذا تكون وقفت الاستهلاك
ثانيا تجمع كل الكاش اللي حولك وتقتر على نفسك هذا الشهر ولو تقدر اتسلف من اقاربك وسدد اكبر مبلغ تقدر عليه
هذا تصرف تسويه هالاسبوع .. قبل تنزل عليك فوائد
يعني لو عليها
10 الاف وقدرت تجمع 5 او 6الاف ... راح تكون قدرت تتخلص من جزء كبير من المشكله
واول ما ينزل راتبك الشهر اللي بعده .. تحاول تدفع كل اللي ما تحتاجه ضرووري فيها ...
ولو قدرت تسدد كل المبلغ الباقي يكون بركه ..او تسدد






2500 هالشهر ...

وتكمل





2500 مع الفوائد الشهر اللي بعده

التزم بالخطه وتكون تخلصت منها في 3 شهور !!
وبكذا تكون تخلصت من البطاقه نهائي
طيب لو بطاقتك عليها






20 او 30 الف ؟؟ ولا تقدر تدفعها كللها ؟

الحل انك تاخذ قرض عادي من البنك مدته سنتين بس ..ولو عندك قرض من اول حاول تجدده وتسدد البطاقه
مع اني ما انصح بتجديد القروض .. بس البطاقه ضررها اكبر بكثيييير
على فكره
القرض على سنتين فوائده






4% سنويا تقريبا مقارنه بالبطاقه اللي تاخذ 30% سنوي

وطبعا اذا خلصت البطاقه روح البنك والغيها وخذ ورقه مخالصه



وبكذا تكون ريحت بالك ووفرت فلوسك ..ال





3 الاف اللي تدفعها فوائد روح مشي بها عيالك ..

وديهم للطايف خللهم ياكلون برشومي ويرجعون
ولا اشتري فيها شي لنفسك .. اتدلع ب






3 الاف سنوي

اشتر هديه لأم العيال



رابعا : البطاقه ما استغني عنها.. تفك لي زنقات اخر الشهر :-



طيب يالغالي .. انت لما تخلص البطاقه وترتب امورك .. حط لك





5 الاف في حساب منفصل

سميه "توهيقه اخر الشهر”
واذا مررررره انزنقت اخر الشهر لو اسحب منه شوي ..واذا نزل الراتب علطول روح سدده كأنه بطاقه ورجعه






5الاف

او سدد 5% منه عالاقل
طبعا الاقساط بتكون اقل لأنك اذا سددت






5%راح تحسب لك كللها دفعه ما راح ياخذوا منها 2.5%


ختاما: اذ انت تحتاج البطاقه للسفر او للشراء من الانترنت :-



طلع لك بطاقه فيزا وخلي حدها مثلا 3الاف
واذا بغيت تسافر سدد فيها قبل السفر المبلغ اللي تبي تصرفه
وروح هناك واستخدم على كيفك
وكل هذا بدووون فوائد ولا هلله
ولو استخدمت شي من فلوسهم سددها اول ما تصدر الفاتوره او الكشف.. ولا ياخذون عليك فوائد ولا هلله !!




في الختام
ارجوا منكم صادق الدعاء
واتمنى منكم التفكير بالموضوع بمنتهى الجديه
من وصلت له هالرسال فقد وصله البلاغ
اللهم هل بلغت
اللهم فاشهد
جزا الله خير من نشره










منقووووول للأهمية

الحريف
25-04-2009, 02:12 PM
الويلس ....

والله يكلامكـ انهـ ذهب يالويلس الله يعطيكـ العافيهـ

وفعلاً البطقات اهلكت البشر ... وجزااااكـ الله خيير على هذي النصايح

وتقديييم الحلووول لمن تورطو في هذي البطاقات ... الله يعينهم على التخلص منها

مشكوووور

شموخ إنسانه
25-04-2009, 02:25 PM
منكم نستفيد
الله يجزاكم خير

الويلس
26-04-2009, 06:52 AM
مشكووووربن حبايبى ع الردود

poor_man996
26-04-2009, 10:05 AM
الويلس.....يسلموووو

لكن رايي انها شر لابد منه

اه منك
26-04-2009, 10:27 AM
يعطيك الف عافيه

أنا واحد من الذين كنت ضحيه لبطاقات الفيزا ولاكن ولله الحمد أستطعت أن أتخلص منها وأنصح الجميع يبتعد عنها لأن خطرها كبير حتى أنها سبب من أسباب قطع الرزق لأنها تعامل بالربا صريح

الله يسر للجميع الخلاص منها

وتقبل مروروي

الويلس
04-05-2009, 04:22 PM
وانا مثلكم عندي 3 بطاقات وجالس اسدد فيهن :favorites18:

ام سلمان
04-05-2009, 10:13 PM
يعطيك العافيه اخوي

سلطان المراجل
04-05-2009, 10:36 PM
البنوك تعتمد أسلوب خبيث ويقولون البطاقة مجانيه

طبعا مجانيه من أي ناحية هنا يقع المطب الكبيييييييييييير الذي يتجاهله كثيييير جدا ؟؟؟

مجانية من حيث رسوم اصدار البطاقة وليس مثل مايتوهم العملاء للبنوك وهي مجانية الفوائد