المساعد الشخصي الرقمي

مشاهدة النسخة كاملة : أم الزوج نعمة أم نقمة؟خخخخخخخخ


بحر العطا
21-04-2009, 03:12 AM
.
.
.
.
.
.


/ مدخل /
هند أم لأربعه .. بنتين وولدين .. منى عينها تشوف بكرها متزوج وعياله يمشون وراه تقل بطه http://www.alkhubr.net/imgcache2/25685.gif
.. لكن محمد ( بكرها ) يصرفها بكل مره
الين حست انه البطه طارت هي وعيالها http://www.alkhubr.net/imgcache2/25685.gif
لين جا ذاك اليوم اللي اقتنع فيها الولد انه يعرس.. وهي طااايره من الوناسه وقامت مدت له السفره - عفوا اللسته http://www.alkhubr.net/imgcache2/25685.gif - وقالت تخير ياوليدي هذي فلانه فيها كذا وكذا بس عيبها انها قصيره.. وذي شعرها يهبل وطويله بس ( سميرا ) شوي.. وذي بيضاء وطويله بس تراها نحيفه شوي .. المهم انها قامت تكب المعلومات وتبيه يتخيّر..
قال: يمه انتي اختاري لي صدع راسي الصراحه http://www.alkhubr.net/imgcache2/25686.gif خخخخخخخخ
قالت: خلاص ابد ولا يهمك انا اختار لك .. بس علمني وش اهم شي ماتبيه ؟ وش اهم شي تبيه؟
وعلمها ..واختارت له وحده على مزاجها .. وتمت الخطبه والزواج .. وعاش الولد عندها في نفس البيت ..
.
.

انتهت القصه؟ لا طبعا ..http://www.alkhubr.net/imgcache2/25685.gif وييييين تو الناس خخخخخhttp://www.alkhubr.net/imgcache2/25687.gif

لكن انا بديت بهالسيناريو اللي يتكرر تقريبا عند كل عايله عندها ولد على وجه زواج .. لكن تختلف الأمور وتتعدد السيناريوهات بعد ما الولد يتزوج ..http://www.alkhubr.net/imgcache2/25688.gif

نكمل الحين بعض من السيناريوهات اللي صارت في الواقع ..
.
.

( موضي ) من تزوج ولدها وهي كل يوم تدق عليه وتسأله شلونك يا وليدي وش سويتوا اليوم وين رحتوا؟ http://www.alkhubr.net/imgcache2/25689.gif
يؤ!! وليه طالبين من المطعم وهي يمال الكسار ليه ما تطبخ ؟http://www.alkhubr.net/imgcache2/25690.gif على راسها ريشه؟ ولا تخاف على حناها لا يخرب؟ http://www.alkhubr.net/imgcache2/25691.gif هها بس خلها تطبخ لك ماجبناها من بيت ابوها عشان تجيب لها انت من مطعم .. شهر الدلع راح .. وتقعد تقرقر على راس ولدها وتصدع راسه وتقريبا تقولون هي اللي معرسه موب ولدها من زود ما هي تتدخل في حياة الولد ..http://www.alkhubr.net/imgcache2/25688.gif

جا ذاك اليوم اللي تبي تشوف بعيونها مرت ولدها في بيتهم وش حالها .. وقومي طقي عباتها ودقي ع السواق يجهز السياره وعلى بيت الولد .. قبل ماتوصله بعشر دقايق دقت عليه قالت ترا باقي لي عشر دقايق ابتعشى معكم .. توي جايتن من السوق ..
قالت ساره ( زوجه خالد ): مافيه وقت اسوي لها شي رح للمطعم جب فطاير ولا بيتزا .. http://www.alkhubr.net/imgcache2/25692.gif وراحت ساره تلبس .. وكانت مسويه لعشاهم صينية خضار على قدهم .. جا خالد ومعه بيتزا وهي حطت صينية الخضار .. يوم جت موضي وشافت انه جايب من المطعم قلبتها مشكله ..
لييييييييييييه تجيب من المطعم?http://www.alkhubr.net/imgcache2/25693.gif بعدين أنتي وش راتس ماتطبخين؟http://www.alkhubr.net/imgcache2/25693.gif
ساره : ياخاله مسويه هالصينيه لنا مادريت انك بتتعشين معنا!http://www.alkhubr.net/imgcache2/25692.gif
موضي: وشوله تخلينه يجيب من المطعم حطيلي نواشف ولا تجيبين من المطعم http://www.alkhubr.net/imgcache2/25691.gif ..
وسوتها سالفه وش كبرها انتهت بأن الولد ماأرضى لا الأم ولا البنت .. وكلن نام ذيك الليله زعلان http://www.alkhubr.net/imgcache2/25685.gif

.
.

( منيره ) يوم زوجت ولدها الوحيد شرطت عليهم يسكنون عندها .. بحكم انها ماتقدر على فراق الولد .. طبعا كانت مبسووطه بزواج الولد ولا في احد بالكون مثل سعادتها ..

مر شهر على زواج ولدها سامي .. وكانت تغاااااار من زوجته بشكل لا يمكن تتخيلونه http://www.alkhubr.net/imgcache2/25686.gif .. ليه انه يطلع معها اخر الاسبوع http://www.alkhubr.net/imgcache2/25694.gif .. ليه يعاملها بشكل حلو http://www.alkhubr.net/imgcache2/25694.gif وانه مهتم فيها http://www.alkhubr.net/imgcache2/25694.gif .. لين بدت تشك انه يحب زوجته أكثر منها http://www.alkhubr.net/imgcache2/25691.gif .. بدت المكائد والحيل تحاكhttp://www.alkhubr.net/imgcache2/25695.gif ضد مها الين طلقها سامي http://www.alkhubr.net/imgcache2/25696.gif .. وبدت منيره تعيد الموال من جديد الين زوجته مره ثانيه .. وانعادت سالفة الغيره وانعادت سالفة الطلاق ..http://www.alkhubr.net/imgcache2/25696.gif

تزوج سامي الثالثه (هدى) .. ومن أول ليله قال شوفي يابنت الناسhttp://www.alkhubr.net/imgcache2/25694.gif .. سبب طلاقي المرتين اللي فاتوا امي تغار بشكل موب طبيعي .. لدرجه انها تنكد عيشتي .. لذلك قدام امي بسبك وبلعن جدفك وبقولها إني ندمان ع الساعه اللي اخذتك فيهاhttp://www.alkhubr.net/imgcache2/25692.gif .. وانتي ماعجبتيني .. بس تراي مااقصد أي كلمه اقولها .. بس صراحه مليت من هالسالفه ابي استقر بحياتي http://www.alkhubr.net/imgcache2/25696.gif .. وبنفس الوقت مابي أخسر امي http://www.alkhubr.net/imgcache2/25696.gif ..قالت هدى اوكي ولا يهمك .. http://www.alkhubr.net/imgcache2/25694.gif

الصباحيه نزل سامي يسلم على امه
قالت هاه ياوليدي شلونك مع مرتك؟http://www.alkhubr.net/imgcache2/25697.gif
قال يمه ماش مابيها ماعجبتني.. http://www.alkhubr.net/imgcache2/25698.gif
قالت هااااو http://www.alkhubr.net/imgcache2/25688.gif .. لا ياوليدي لا تحكم من اول شي اصبر عليها http://www.alkhubr.net/imgcache2/25699.gif .. تراها بنت اخلاق وطيبه http://www.alkhubr.net/imgcache2/25694.gif ..
قال بس يمه مااقدر اعيش معها اخاف اظلمها .. شكلي بطلقها..http://www.alkhubr.net/imgcache2/25689.gif
قالت لاااا وش تطلقها !! http://www.alkhubr.net/imgcache2/25686.gif .. ابد ماعليك .. ولدي واعرفك منتب ظالمها .. http://www.alkhubr.net/imgcache2/25694.gif
وتخيلوا منيره صارت جدة الحين .. وام احفادها هي هدى http://www.alkhubr.net/imgcache2/25700.gif
.
.
.
"حرف تي "

عارف الحين ان فيه من بيخطم خطمه حولا.. ويقول فيه أمهات يهبلون وراك تعم؟ http://www.alkhubr.net/imgcache2/25691.gif ولا فيه زوجات فيهم لعانه وحقارة وبعذر أم الولد لو تشرهت عليهن وهاوشت وتدخلت ..ذولا بقولهم نلقاكم في موضوع آخر بإذن الله .. وأنا ماعممت .. خصيت نوعية معينة.. http://www.alkhubr.net/imgcache2/25689.gif
.
.
.

مديور وفي راوية " يو ترن "

.. نرجع لموضوعنا ..

ياما وياما سمعنا عن مشاكل الزوجين وتوصل معهم للطلاق .. وسببها تدخل الأمهات في حياة عيالهم.. تقل انهاهي الوحيده الفاهمه و تبي تصلح الكون !!http://www.alkhubr.net/imgcache2/25693.gif
ولازم الولد يعيش حياته زي ماهي تبي ولا انها بتفشل؟ http://www.alkhubr.net/imgcache2/25688.gif سبحان الله ومزاجك زي مزاج ولدك؟ http://www.alkhubr.net/imgcache2/25692.gif ونظرته زي نظرتك؟http://www.alkhubr.net/imgcache2/25697.gif
ماودك بعد يشاورك قبل لا يطلع مكان؟ تراه متزوج يعني كبير كم وكم سمعنا عن حريم يطلبون الطلاق بسبب ان الرجال خيخه اي شي تقوله امه يقول سمي وأبشري؟http://www.alkhubr.net/imgcache2/25691.gif
ابي افهم هالنوعيه ذي شلون يبون عيالهم لهم سلطه وهيبه على حريمهم؟http://www.alkhubr.net/imgcache2/25699.gif
.
.
.
/ مخرج /

يا جدات المستقبل http://www.alkhubr.net/imgcache2/25685.gif .. خلو عيالكم يعيشون حياتهم زي مايبون .. دام الولد يزوك ويسأل عنك .. وبارن فيك وماقطعك .. حبي يديك وجه وقفى واسجدي سجود سهو اقصد شكرhttp://www.alkhubr.net/imgcache2/25685.gif
انتي ربيتي وعطيتي نصايحك لمده 25 سنه ع الأقل .. ماتحسين انه كافي؟ http://www.alkhubr.net/imgcache2/25691.gif
ان جا يبي نصيحه منك او جاي يشاورك لا تبخلين عليه بس دامه ماجاك اتركيه .. تراك منتيب دايمه له http://www.alkhubr.net/imgcache2/25685.gif
تراك مازوجتيه عشان تبلشين به ! زوجتيه عشان ترتاحين وتقر عيونك بشوفة احفادك ..http://www.alkhubr.net/imgcache2/25687.gif
.
.
.
/ نهاية /

_ اذا انتي متزوجة .. هل ام زوجك من النوع اللي يتدخل في حياتكم؟ / اذا انت متزوج هل أمك تدخل في حياتكم بشكل كثير؟http://www.alkhubr.net/imgcache2/25699.gif
_ اذا انتي مو متزوجة .. وخطبك واحد أمه متوفية .. هل تعتبرينه شي يشجع على الزواج فيه؟http://www.alkhubr.net/imgcache2/25697.gif
_ موقف حصل معكم أو مع احد تعرفونه صارت له مشكله .. وكان سببها أم الزوج أو أم الزوجه (ماتفرق عندي ترا http://www.alkhubr.net/imgcache2/25685.gif )
_ جدتك قد تعاملت مع امك بهالطريقه؟http://www.alkhubr.net/imgcache2/25687.gif
_ اذا لكم اخو متزوج .. كيف معاملة امكم له؟http://www.alkhubr.net/imgcache2/25687.gif
_ حلول مقترحة من حضراتكم لهؤلاء النوعيه من الحريم http://www.alkhubr.net/imgcache2/25685.gif
_ زيدوا أي شي بهالنقطه .. تشوفونه ناقص ..http://www.alkhubr.net/imgcache2/25689.gif http://www.alkhubr.net/imgcache2/25694.gif