المساعد الشخصي الرقمي

مشاهدة النسخة كاملة : قصة بحر فالبر مع صيته وصوت خلف وابن نحيت


بحر العطا
21-04-2009, 02:31 AM
ودي كالعاده أبدا في القصه بدون مقدمات لأني احس يوم اكتبها اني ثقيل طينه من جد وحتى لايجيني واحد ويقول اني ثقيل طينه خلقه بقولها أنا بنفسي أنا ثقيل طينه http://www.alkhubr.net/imgcache2/25666.gif

المهم

طبعاً انا ولله الحمد قروي مع مرتبة الشرف الأولى
يوم كان عمري ثمان سنين
جاني مره الوالد حفظه الله ورعاه وقال لي
بحر
قلت له سم يبه
قال يابوك انت وضعك ماهوب عاجبني
قلت افا وش اللي مو معجبك فيني وقام الشايب وزفر ذيك الزفره اللي فهمت من خلال مضمونها انه مو عاجبه شي فيني أبد http://www.alkhubr.net/imgcache2/25667.gif
لكنه ماوده يحطمني وقال مدري احس انك فريخ
قلت وش فرخه ؟ قال (فرخ جنية يضرس ضريس) http://www.alkhubr.net/imgcache2/25667.gif

لا والله قال اني فريخ يعني ضعيف ووليد نعمه وماش (أمحق ولد نعمه)
قال يابوك أنت يبي لك تخشوشن شوي ويبي لك تغير البيئه اللي انت عايش فيها الحين!! وجهك من كثر ماتجلس في البيت ومن قل الشموس << جمع شمس , صاير لونه اصفر يبي لك فيتامين دال عشان يرجع لونك الطبيعي واخاف يجيك وهن في العظام ومدري وش سالفته ذاك الليل شكله كان جالس مع طبيب بيطري قلب مخه http://www.alkhubr.net/imgcache2/25668.gif
آخر كلامه قال لي بوديك للبر تسكن فيه فتره

قلت اعيش عند مين هناك ماخبر لي اقارب في البر ! قال ماعليك خالك حاط له غنم في البر وهو متقاعد وابيك تجلس عنده , وتراني كلمت امك ووافقت بعد ( العايله كلها تبي الفكه مني http://www.alkhubr.net/imgcache2/25668.gif ) ومتأكد إنهم حتى لو أخذوا راي إمام المسجد وافق لأني أكثر الأحيان أجي عنك الميكرفون حق المسجد واجرب صوت حنجرتي فيه , واجلس العلع شوي إلين يجوني شيبان الحاره ويمسطوني على ظهري (ماقلت لكم ان النعمه مفارقتني http://www.alkhubr.net/imgcache2/25667.gif ) , قلت لأمي تجهز لي شنطه عشان الرحله وتحط في الشنطه سنارة صيد سمكhttp://www.alkhubr.net/imgcache2/25668.gif !! (دليل على اني مدري وين أنا رايح) !قالت ابشر بس لاتفتح الشنطه الين توصل عند خالك وستجد فيها مايسرك !!!(تعطيني على قد عقلي) , اليوم الثاني وابوي منطلق بالجمس حقه ونركب الخط السريع وبعدها نزلنا على البر وابوي مركبني في المرتبه اللي ورا لأني اذا جيت قدام معه احوس في المسجل ودرج السياره واجلس انطنط وراسي يصقع في السقف واحيانا اجي واحط وجهي قدام ابوي وبراطمي وخشمي تصقع في وجهه http://www.alkhubr.net/imgcache2/25667.gif المهم إني قلق بقوه وماخليه يركز وهو يسوق , لذلك صار يحطني ورى وحاط له شبك بين المرتبه اللي ورى ومرتبته لخوفه إني أنقض عليه في أي لحظه http://www.alkhubr.net/imgcache2/25668.gif , وصلنا لخالي في البر ونحصله جالس ومعه شيبان واسمع دندنة النجر يوم اقبلنا عليه , كان الوقت في العصر وهم طالعين برا في ظلال الخيمه , بصراحه جو حلو , ونسلم عليهم ونجلس قال خالي يامرحبا ويامسهلا الليله بنتعشى سوا ومن حبه الله جمع ضيفانه (ضيوفه) واسمعهم يسولفون عن المطر والديار والربيع وكم وصل سعر كيس الشعيرhttp://www.alkhubr.net/imgcache2/25666.gif
يوم تعشينا وخلصنا وراحوا الشيبان مابقى الا أنا وابوي وخالي , قال ابوي العلم وسلامتك أبي بحر يجلس عندك في البر وابيك تعلمه البداوه والخشونه ابيه اذا كبر يطلع رجال ويعتمد على نفسه ومدري ايش , (الله يسامحك يابوي يعني ماطلع رجال الين اسكن مع الغنم هههههههه)
قال خالي لابوي ياشيخ روح بس وتعال بعد شهر اذا مالقيته هو اللي يذبح لك الذبيحه لاتسلم علي وانا ابو سامي << مخلي سامي عند امه في المدينه ويبي يتعلم فيني http://www.alkhubr.net/imgcache2/25667.gif , المهم مشى ابوي ونزل شنطتي في الخيمه , يوم سرى ابوي مسكني خالي وقال اسمع وانا خالك ترى هنا مافيه حمامات يعني اذا بغيت تسويها روح دور لك شجره وخبص فيها على راحتك واياني واياك تروح لشجره قريبه والا عند الغنم وياويلك لو تسويها ف الخيمه والله لاجلدك إلين تنادي العنز يا ماما http://www.alkhubr.net/imgcache2/25667.gif
قلت طيب وين ارقد ؟! قال روح ارقد في حوض الددسن , قلت طيب , واخذت بطانيه وطلعت في صندوق الددسن ونمت , اليوم الثاني وقبل تطلع الشمس الا وخالي يصحيني واقوم واتمغط شوي واسمع الصوت الكلاسيكي للغنم واروح اتوضا من الوايت واصلي الفجر مع خالي , وبعدها افطرنا وبعدين رحنا نسوق الغنم ونوديها ترعى يوم ابعدنا من الخيمه قال خالي اجلس عند الحلال وتابعه وانا بروح لشايب اتقهوى عنده , راح وخلاني لحالي مع البهايم http://www.alkhubr.net/imgcache2/25669.gif !! وهي تمشي وانا امشي وراها بعد فتره حصلت قدامي غنم ثانيه غير غنم خالي , واحصل ذيك الددسن القديمه وامشي الين وصلتها ألا وذيك البنت البدويه اللي لابسه برقع وعليها جلال جالسه في غمارة السياره , يوم شافتني , قالت وش عندك انت , قلت ابد انا من جيرانكم في البر وجاي ارعى غنم خالي , قالت وش خالك ؟ قلت خالي ابو سامي؟ http://www.alkhubr.net/imgcache2/25668.gif قامت ونزلت من السياره وهي طبعاً اطول واكبر مني وانا ما أجي عند كتوفها , المهم يوم نزلت قالت وخر حلالك عن حلالنا , انا بصراحه ماعرف افرق بين الغنم, قلت ماعرف !! درت اني برحه http://www.alkhubr.net/imgcache2/25667.gif , قالت خير خير ان شاء الله وراحت ووخرت غنمها وهجت غنم خالي , يوم رجعت قالت مامعك موتر؟ قلت لا ماعنديش !!http://www.alkhubr.net/imgcache2/25668.gif , قالت اجل اركب معي بروح اهج غنم خالك شوي وابعد بها , وانط في غمارة الددسن حقتها


بصراحه استغربت انها تسوق , قلت انتي من متى تسوقين لأن هذي اول مره اشوف بنت تسوق , قالت يابن الحلال من يوم عمري ست سنوات وانا اسوق , قلت اجل مستانسه انك تسوقين؟http://www.alkhubr.net/imgcache2/25668.gif
قالت امحق وناسه الا بهذله كل يوم وانا آكل مطبات ومرات تغرس السياره وتنشب في الطعوس واجلس ادفها لحالي والا يبنشر الكفر واغيره , السواقه هم وسلامتكhttp://www.alkhubr.net/imgcache2/25666.gif
قلت البنات عندنا في المدينه منى عينهم يسوقن , قالت خلهن يجون هنيا ويجربن السواقه والله مايكملن اسبوع الا وهن تافلات العافيه http://www.alkhubr.net/imgcache2/25666.gif


قلت طيب وين اخوانك واهلك قالت اخوي عند أبل الشايب وانا مع الغنم واخونا الكبير مسجل في العسكريه وكل نهاية شهر يجينا وهو محمل سيارته شعير , راتبه كله في الشعير عشان مايموت حلالناhttp://www.alkhubr.net/imgcache2/25669.gif ,, قلت الله يعينكم


تصدقين ان خالي شاري الغنم وساكن في البر من باب التغيير والتسليه واني انا جاي بس اغير جو؟!
قالت ايه هذا انتم يالحضر ماتعرفون البر الا وقت الامطار والربيع لكن حنا طول السنه في البر , قلت طيب مستانسه في البر ؟ قالت البر زين وشين يعني لو ددسني ماصار فيها شي اروح اصيد ضبان وجرابيع والا اروح اسير على رفيقاتي في البر والا اسمع شرطان خلف بن هذال وحجاب بن نحيت !!
قلت من هذولا قالت هذولا الفنانين اللي نسمعهم ويازين قصايدهم وصوتهم !!!

قلت بالله سمعيني اغنيه من اغانيهم
وتسمعني أغنيه لواحد ماعرفه
الا واسمعه يقول

ياهل الكابرس بالله
وصلوني لعبد الله
صاحبي ساكن(ن) دونه
من هو اللي ينهب الغالي
ويعطي به في الخلا الخالي
ياهلي لاتلومونه !!!
http://www.alkhubr.net/imgcache2/25667.gif http://www.alkhubr.net/imgcache2/25667.gif http://www.alkhubr.net/imgcache2/25667.gif


قلت هذا وش يقول
قالت هذا يبي ينهب حبيبته وينحاش بها !!!
قلت طيب وين الشرطه عنه هذا اختطاف << (ياي يالحنين) وتقزني بذيك العين قالت انت وش عرفك الحب http://www.alkhubr.net/imgcache2/25670.gif http://www.alkhubr.net/imgcache2/25671.gif
قلت طيب سمعيني اغنيه لخلف
قالت طيب بس رجاء لاتعلق عليها اسمع وانت ساكت
الا واسمعه يقول

ارحمي من يحبتس ياجميله
لو تغيبين عني غاليهhttp://www.alkhubr.net/imgcache2/25670.gif
ذقت في الحب ذوقة حنظليله
ذقت في الحب ذوقه حاليه http://www.alkhubr.net/imgcache2/25670.gif http://www.alkhubr.net/imgcache2/25672.gif

وتقلب الشريط واسمعه يقول


قلنا متى الميعاد زاد الهم زاد ياللي فتلت قيودنا حل القياد
يامغرق العاشق في لجات البحور الميتين من الهوى نصف القبور !!
انا الأسير اللي محير من سنين كم حسبة كسر علي حسابهااااااا ,, احسابهااا http://www.alkhubr.net/imgcache2/25672.gif http://www.alkhubr.net/imgcache2/25668.gif

وأنا اتنهد واقول (يضرب الحب شو بيذل يضرب الحب) http://www.alkhubr.net/imgcache2/25667.gif http://www.alkhubr.net/imgcache2/25667.gif

قالت ضربوك بمشعاب على جبهتك ياخبل http://www.alkhubr.net/imgcache2/25668.gif http://www.alkhubr.net/imgcache2/25667.gif

وقالت لي ان الأشرطه هذي يشتريها اخوها لها من محطات البنزين اللي على الخطوط السريعه وهي أغاني قدييمه مره وتسجيلها مو صافي

المهم يوم جا الظهر لقيت خالي راجع لي بسيارته قلت لها هذا خالي جا , استاذنك, ونزلت من موترها

وقبل انزل قلت وش اسمتس قالت صيته http://www.alkhubr.net/imgcache2/25670.gif http://www.alkhubr.net/imgcache2/25670.gif http://www.alkhubr.net/imgcache2/25670.gif

وركبت مع خالي وقال من هذي؟! وقلت له هذي من جيرانا في البر !!

قال تصدق يامفهي انها اطيب منك !!! http://www.alkhubr.net/imgcache2/25667.gif من الحماس خربها خالي الله يهديه http://www.alkhubr.net/imgcache2/25668.gif
تدري ان هذي تشيل كيس الشعير بيد وحده وإنها أقوى مني ومنك وانها في البيت تحصلها شقرديه وتطبخ الذبيحه للضيوف وتسوي كل شي
ياحظ اللي ياخذها والله وانا لو ماني خايف من ام سامي تنشب بحلقي كان رحت اخطبها من ابوها وعساه يوافق بعد ومايكرشني http://www.alkhubr.net/imgcache2/25667.gif http://www.alkhubr.net/imgcache2/25667.gif ( شكل خالي خطب قبل وانكرش )http://www.alkhubr.net/imgcache2/25668.gif

قلت والله البنت محترمه جداً وحتى قلبها طيب وحنين مره http://www.alkhubr.net/imgcache2/25670.gif http://www.alkhubr.net/imgcache2/25670.gif

المهم بعد فتره صرت شقردي واعرف اسوي القهوه واذبح الذبيحه لحالي وتعلمت السواقه في البر
واللي علمتنياها صيته فديييييييييييييييتها http://www.alkhubr.net/imgcache2/25670.gif http://www.alkhubr.net/imgcache2/25670.gif http://www.alkhubr.net/imgcache2/25670.gif


وبعدها بفتره رجعت للمدينه وانا كلي عشق وحنين للعيش في البر http://www.alkhubr.net/imgcache2/25670.gif http://www.alkhubr.net/imgcache2/25670.gif


أتمنى تكون هالقصه حلوه لكم وسامحوني على الإطاله

وتبون الجد والله حذفت منها إلين عجزت عشان تجيكم بشكل مختصر أكثر من قبل لأني بغيت احطها على جزئين بس أخبركم عجازين وماتحبون التعليقه في السالفه http://www.alkhubr.net/imgcache2/25668.gif

وتعمدت اني اجيب قصه عن الحياه في البر لأنها بالفعل حياه فيها نظافه وبراءه وطهاره ممتعه جداً http://www.alkhubr.net/imgcache2/25673.gif http://www.alkhubr.net/imgcache2/25673.gif
وبعيداً عن ازعاج المدينه وزحمتها

دمتم بود

http://www.alkhubr.net/imgcache2/25673.gif

ساره العبدالله
21-04-2009, 03:14 AM
هههههههههههههههههههههه لا تختصار بالعكس نستمتع مع قصصك بس ماااااااااا كملت القراءه




http://www.alkhubr.net/imgcache2/25701.gif

بحر العطا
21-04-2009, 03:19 AM
هههههههههههههههههههههه لا تختصار بالعكس نستمتع مع قصصك بس ماااااااااا كملت القراءه




http://www.alkhubr.net/imgcache2/25701.gif


هههههههههههههههه


انتي تقرين بس غيرك يتعب والله ودي ارضيكم كلكم بس

رضاء الناس غايه لاتدرك


حياك الله في أي وقت ياساره

~~نادية~~
21-04-2009, 12:29 PM
إي و الله لا تختصر انا احب القراءه ولو كانت القصه طويله عشان متعتها في تفاصيلها ...
إي و الله حياة البر حلوه مووووت اتذكر لما كنت صغنوونه كنا نروح لبلدنا مو نفس البر حقكم لكن هم نفس التقاليد و نفس طبيعه الحياة البسيطه و الهوا اللي يرد الروح ...
مشكور بحر العطا و ننتظر جديدك << طماعه

بحر العطا
21-04-2009, 03:19 PM
إي و الله لا تختصر انا احب القراءه ولو كانت القصه طويله عشان متعتها في تفاصيلها ...
إي و الله حياة البر حلوه مووووت اتذكر لما كنت صغنوونه كنا نروح لبلدنا مو نفس البر حقكم لكن هم نفس التقاليد و نفس طبيعه الحياة البسيطه و الهوا اللي يرد الروح ...
مشكور بحر العطا و ننتظر جديدك << طماعه


البر له أوقــــات راائعه وذكريات خلابه

أبشروا بعزكم ماطلبتوا شيء

ساره العبدالله
21-04-2009, 11:52 PM
قصه في قمة الروووووعه استمتعت به اشكرك بحرالعطا الله يقويك ننتظر كل جديد لكل

تقبل مروري

بحر العطا
22-04-2009, 12:02 AM
نورتي الصفحه ياساره وانا فداااااااااااكم انا ومواضيعي