المساعد الشخصي الرقمي

مشاهدة النسخة كاملة : آفة العصر .... تنتشر في مجالسنا .. ( وبقوه) .. !!


بحر العطا
18-04-2009, 02:01 AM
بسم الله الرحمن الرحيم .. والصلاة والسلام على سيد الأنبياء والمرسلين .. حبيبنا المصطفى

الامين وعلى آله وصحبه ومن تبعهم بإحسااان إلى


يوم الدين .. وعنا معهم برحمتك وعفوك ومنّك ياأرحم الراحمين ..

انتشرت في أيامنا هذه وفي الآونه الأخيره الكثير من البلاوي والفتن في هذا العصر والتي لم يكن


يعرفها أبائنا وأجداادنا الأولين _ رحمهم الله_ ..

حتى صارت من الضروريات التي لابد منها وهي تعتبر من أشد المحرماات .. كثيرة هي .. مثل


البلوتوث والإنترت .. والممارسات الجنسيه المحرمه

مما يتسبب في أمرااض خبيثه مع ظهور كل محرم .. ومن فسق النااس صارت الأمراااض تتكاثر

بسرعه فااائقه .. فلاتكاد تسمع عن المرض الفلااني في البلاد الفلانيه إلا وتسمع عن مرض آخر


يتفشى في النااس لمعصية ماا ... !!

كل هذه الأمرااض هي غضب الرحمن على عبااده الذين لم يوفروا من وقتهم ولو القليل لطااعته


والإنصياع لأوامره واجتناب نواهيه

ولو أن كل إنسااان أطاع ربه ومشى على الصرااط المستقيم .. ماوصل حالنا إلى ماهو عليه ..

نسأل الله العفو والعافيه .. لكن لاحياة لمن تناادي فأصبح انتهاك الحرمااات والتعدي على الآخرين

والسلب والنهب من الأشيااء الطبيعيه .. التي تنتشر في كل انحااء العالم وكأنها لاشئ .. !!


التعدي على الأخرين .. !!


آفه أصبحت منتشره وللأسف في مجاالسنا حتى أنك ماتقدر تفاارق أصحاابك خشية أن يصبوك في

غيااابك .. الكل يدلو بدلوه .. مايبرحوا أن يذهب فلاان إلا ويشوون لحمه ويتسلوا عليه .. على

قولتهم يفصفصووه حبه حبه .. فلاان مدري وش فيه .. وعلان يلعن شكله والله إني أمس شفته

مدري وين


طلع نصااب ولد اللذينا .. أثر داشر وأنا اللي كنت فااكره مطوعناا .. !!


ومن هذا الكلاام .. طيب انا اللي أبغى أعرفه .. انت وش فاقع مراارتك ذلحين يومك تتكلم عن


فلاان وعلاان .. كنه ذابح واحد من أهلك .. تجي تسأله


يقولك يابوي والله مانيب خاايف منه جبه لي وأنا أقول ذا الكلاام قداامه ولا علي منه .. !!

طيب ياخي وفر كلاامك لنفسك .. حتى أن الرسول صلى الله عليه وسلم .. حذر وشدد في موااضع

كثيره عن خطورة هذا اللساان .. فقال ..


(( أتدرون ما أكثر ما يدخل الناس الجنة‏؟‏ تقوى الله وحسن الخلق ؛ أتدرون ما أكثر ما يدخل الناس

النار‏؟‏ الأجوفان‏ :‏ الفم والفرج‏ ))


حتى ان الرسول صلى الله عليه وسلم .. خرج مع عمر وابوبكر في سفر وكاان معهم غلاام فعندما

استيقضوا في صبااح اليوم الثااني


قام عمر وأبو بكر .. يتكلموا عن الغلاام .. وقالوا بمعنى .. شفه ذا ناايم كنه في بيتهم .. فيوم قاام

الغلاام قالوا له .. اذهب عند الرسول وأتنا بطعاام


_ للفطور طبعا _ فذهب الغلاام للرسول فقال له .. إن عمر وأبو بكر يطلبون الطعاام فقال له

الرسول .. ارجع إليهما فقد أكلا .. !!


رجع االغلاام وقال لهم .. ففزعا إلى النبي .. وقالوا كيف أكلنا يارسول الله .. فرد عليهم وقال ..


إني لأرى لحمه مابين أنيابكم ... سبحان الله كيف وهم ماقالوا غير هذا الغلام ينام كأنه في بيتهم ..

كيف بحالنا هذي الأياام حتى أصبحت تلعن الوااحد قداامه ومن وراه ولاكأن شي صااار .. كم مره

في يومنا نغتااب فلاان وعلاان .. .. نسأل الله العفو والعاافيه ...


والله من كثر الكلاام صرنا ننسى وش قلنا قبل سااعه بس لأننا ماشا الله نعدي على اهل الحي كلهم

بالدوور واحد ورا الثااني وفمك كنه شوايه


وتوكل من معك .. كيف يكون موقفنا لو يجينا الرسول مثل ماجا عمر وأبوبكر .. وهم من الصحابه

الأخياار لكنه اللساان حتى السابقين ماسلموا من خطره على المجتمع .. !!


اللي أبغى أوصله .. كيف نقدر نقلل كلاامنا وحشنا في النااس كل أبو داايم .. والله ذي الأياام حتى

الجلسات ماتصلح إلا ويطرحون واحد في المجلس


وهذا يتل من ضلعه وهذا ينهش عظمه وكأنهم قاعدين على مفطح والعيااذ بالله .. !!


قال أحد السلف .. علمت نفسي الصمت عشرة سنيين .. من بعد صلااة العشا لا ينطق ولا بكلمه ..

لماذا ..

لأنهم عرفوا خطوره هذا اللسااان .. الذي قد يدخلك من أفضل أبواب الجنه .. وهو أيضاً قادر على

أن يرمى بك في أسفل دركات الناار والعيااذ بالله


حتى انا أحدهم في المااضي كان يدوون كلاامه .. منذ ان يقوم من نومه ياخذ له ورقه وقلم ..

ويسجل كل مايتفوه به من كلماات ويراجعها أخر اليووملماذا كل هذا الحرص والتعب على الكلاام ..

واحنا ولا مهتمين له .. لأنهم استشعروا خشية الله وخافوا من هذا اللسان ..


قد سمعت مره أحد المطاوعه جزاه الله خير .. أن الإماام أحمد على ماأظن كان مريضاا فدخل عليه

واحد من أصحاابه فسمعه يقوول .. آآآآآآآآه


فقال له ياشيخ .. قد سمعنا أن الأنين أيضا يكتب ... قال فما انّ بعدها أبدا حتى ماات رحمه الله ..


كيف نجعل من السلف الصاالح قدوه لنا في هكذا اموور .. مانتبعهم إلاا في اللي يعجبنا واللي لأ ..

ترمي به خلاافك .. !! http://www.alkhubr.net/imgcache2/25416.gif

ا
لأمثله كثير لكن انا ماجيت أستعرض حفظي بل جيت وأنا كلي هم أبغى أعرف ليه انتشرت في

مجااالسنا وكأنها لاشئ يذكر <= عليناا http://www.alkhubr.net/imgcache2/25417.gif


رغم ان خطرها والله كبير على المجتمع ..




قلت تشااركوني بآراائك وحلوولوكم ... يا (( الأذكيااء ))

أختم بقول الرسول صلى الله عليه وسلم ....


(( من ضمن لي ما بين لحييه ورجليه ضمنت له دخول الجنة‏ )) ..... !!

الويلس
18-04-2009, 01:52 PM
(( من ضمن لي ما بين لحييه ورجليه ضمنت له دخول الجنة‏ )) ..... !!


الله يجزاك خير ومشكور ع الطرح الرائع

بحر العطا
18-04-2009, 09:04 PM
الله يعطيك العافيه الويلس

ساره العبدالله
20-04-2009, 01:46 AM
جزاك الله خير

بحر العطا
20-04-2009, 04:12 AM
لاهنتي ساره على مرورك