المساعد الشخصي الرقمي

مشاهدة النسخة كاملة : اجل السعوديين مستهدفين !!


بحر العطا
14-04-2009, 05:29 AM
السلام عليكم ورحمة الله وبركاته :

الحقيقه اننا ماخذين في انفسنا مقلب http://www.alkhubr.net/imgcache2/24783.gif

اذا سافر الواحد لبرى قال ان السعودي مسكين ومستهدف وكلن وده يلعب عليه .. وهذا واقع صحيح لدلاخة بعض السياح السعوديين .. يعني الله خلق لك عقل ليش ماتفكر فيه يا........ http://www.alkhubr.net/imgcache2/24784.gif
انا اتكلم عن اللي يتعرضون لعمليات نصب تافهه طبعاً ..

وعلى فكره هذا مهوب موضوعي يعاني لا احد يناقشني فيه لانه نوقش مراراً وتكراراً ........

موضوعي ياجماعة الخير .. عن الاجانب اللي بالسعوديه عموماً ..
وتعامل السعوديين معهم .. وعشان مايتشعب الموضوع ويجي احد ويقول لي البنقاليين ومادري وش بعد .. انا بتكلم بشكل خاص ومحدد عن تعامل السعوديين مع الاجنبي وليس العكس http://www.alkhubr.net/imgcache2/24785.gif

كنت انتظر فنيين هنود .. مندوبين من الرياض على النقل الجماعي .. وتوقف النقل عند محطة النقل الجماعي واللي تبعد عن مكاني 45 كيلو تقريباً .. من هناك ركبوا مع راعي تكسي سعودي عشان يوصلهم للمكان اللي انا فيه http://www.alkhubr.net/imgcache2/24785.gif
المهم يوم سئلتهم كم اخذ منهم .. خصوصاً اني اكتشفت ان سيارة اللي جابهم ماهي تكسي !! والرجال مهوب مصرح له ينقل عمال !!
قالوا لي اخذ من كل واحد منا 60 ريال .. يعني 120 ريال على 40 كيلو ..http://www.alkhubr.net/imgcache2/24783.gif
ماصارت ولا بأغلى الدول ... يلعن ابليسك الحين الواحد اذا بغى يسترزق ياخذ له مكسب ريال ريالين مهوب المكسب دبل http://www.alkhubr.net/imgcache2/24783.gif
طبعاً اقول للفنيين هذا نصابhttp://www.alkhubr.net/imgcache2/24786.gif .. يقولون لي مافيه مسكل هذا يدفع سركه http://www.alkhubr.net/imgcache2/24783.gif يعني كل الدعوه نصب بنصب حشا بغابه صرنا !!!


حنا ( ........ ) ياناس .. نشوف عيوب الغير ولا نشوف عيوبنا !!!
يعني ترى حتى هم عندهم ايدين ورجلين وعيون وخشم .. مثلنا اوادم قسم باالله http://www.alkhubr.net/imgcache2/24784.gif
ابغى اي واحد منكم بكرى الصبح يطلع للبر .. ويشوف الرعاة السودانيين كيف عايشين .. قسم باالله هاذي سواة مسلمين !!
تخيل راعي سوداني او هندي او غيره .. ياكل هواء الدنيا ليل نهار وفي هالشمس ومامعه الا "قربة" ماء حتى العقرب وهي افسق مافي الارض ماتقرصه رحمة فيه !!
اقول تخيل ان الدنيا جارت عليك وصرت بنفس موقفه .. مهوب تبي تلعن ابليسه ماصل اللي جاب ديرتهم !!!
اذا قلت لاحد مثل هالكلام قال ( ايه احسن الاجنبي ماينفع معه الا كذا )
شف المنطق بس !! لانه طبعاً هو مايفهم وانا يالسعودي سلطان الله في ارضه منزه عن كل العالم !
الحين هالي مايفهم اللي مايخاف الله .. كيف يرضى ينام وهالراعي المسكين ينام جوعان ويصحى جوعان .. اهم ماعلى كفيله ان بعارينه وحلاله مايضمى ولا يجوع ..ولا الراعي بالحريقه http://www.alkhubr.net/imgcache2/24783.gif
ماقلت لكم حنا (....) http://www.alkhubr.net/imgcache2/24784.gif


الحين ربعنا يتشكون من الجمارك برى طيب حلو كلام سليم ..
انا شوفة عيني بالجمارك اللي تخص السعوديه .. ينتفون ام ام الاجنبي ويحذفون قراشيعه بالارض زيه زي أ ي واحد...!\
تعامل زفت + اسلوب همجي .. واعكس المعادله وطبق نتايجها على نفسك وشف وش شعورك !!

نروح لمثال آخر ..
الحين تشوفون طاش ماطاش كأقرب مثال .. كيف يسفلون بالهنود والسودانيين وغيرهم من الجنسيات !!
والله ثم والله لو نشوف فلم هندي ولا سوداني يسوي نفس الشي بالسعودي كان تقوم عليهم الدنيا ويشبون عليه الصحافه والاعلام والانترنت وجميع وسائل الاتصال بالسعوديه !!
حتى المجتمع يزعل .. لكن نفس هالمجتمع هو اللي يتعامل مع تقليد الشخصيات الاجنبيه بالمسلسات بكل اريحيه وابتسامه !!
ياعيني على المنطق بس .. الله لا يضرنا http://www.alkhubr.net/imgcache2/24783.gif

ياناس حنا اذا بغينا ننقل صوره حلوه للعالم ... لازم نطبق المعامله الاسلاميه بكامل حذافيرها .. ياخي اذا نصب عليك ابن حرام بالخارج ولطش فلوسك وحسيت بالقهر والضعف .. لازم تفكر ان فيه اجانب في بلدك مااستلمت رواتبها من 6 شهور واكثر .. لازم تحس ان هالشي اللي صار لك يصير في بلادك وبشكل اقسى وافضع !!!

العماله ماجت من حالها .. حنا جبناها لاننا بحاجتها وهي ساده ثغره اعترفنا ولا مااعترفنا !!
اللي بيقول لي خلهم يطسون . . برد عليه : ( تقدر تاقف بالشمس ساعتين عشان تقوم لك جدار ولا تصب لك ميده )
العماله تسرق وتنهب وتسوي جرايم انا معكم .. بس من اللي جابها !!؟ مهوب حنا !! خلاص اجل

انا منب ادافع عن العماله ولا عن الاجانب .. بس ياناس هذولا لهم لسان واذا راحوا لديارهم قالوا السعوديين سووى معي كذا وكذا وكذا http://www.alkhubr.net/imgcache2/24783.gif

انا اختصرت الموضوع .. لان الفكره وصلت ..

ودايماً نتذكر اننا قبلة المسلمين وقدوتهم .. واذا تشوهت القدوه الحسنه ضاعت القييم .. والعدل انخلق لكل الناس مهب لناس وناس .. وترانا قبل مانكون سعوديين حنا مسلمين .. واذا كان فيه احد معترض على هالكلام... يعطيني رأيه وررده


أ خوكـــــــــــــــــــم

بحر العطـــــــــــــا

moonlight
14-04-2009, 12:17 PM
كلمات في قمة الروعة وواقع مرير الذي نعيشه الان ولو فتشنا في حياة رسولنا الكريم لوجدنا ضالتنا فقد كان صلى الله عليه وسلم يتعامل مع الكفار باخلاق رفيعة وهم كفار.....
موضوع في غاية الاهمية وانا اتفق معك في جميع ماقلت...
ارجوا ان يعطى الموضوع حقه من قبل الاعضاء....
اسئل الله ان لايحرمك الاجر......
لك مني كل الحب والاحترام.......

بحر العطا
15-04-2009, 01:40 AM
كلمات في قمة الروعة وواقع مرير الذي نعيشه الان ولو فتشنا في حياة رسولنا الكريم لوجدنا ضالتنا فقد كان صلى الله عليه وسلم يتعامل مع الكفار باخلاق رفيعة وهم كفار.....
موضوع في غاية الاهمية وانا اتفق معك في جميع ماقلت...
ارجوا ان يعطى الموضوع حقه من قبل الاعضاء....
اسئل الله ان لايحرمك الاجر......
لك مني كل الحب والاحترام.......


يسلمووووووووو مرورك ويعطيك العافيه