المساعد الشخصي الرقمي

مشاهدة النسخة كاملة : "مشارك" الحياة معركة !! شيل سيفك وإطلع للشارع


بحر العطا
14-04-2009, 12:03 AM
بسم الله الرحمن الرحيم

اللهم صلي وسلم على نبينا وسيدنا محمد إبن عبدالله وصحابتة أجمعين


موضوعي بتكلم فية عن الصديق والخوي وكيف تحكم علية إنة سنافي وراعي فزعة وشهامة وإلاّ رخمة ماتأخذ من صحبتة إلاّ القلق والخذلان والمشاكل

يقول الشاعر

أنا خوّيك بالليالي المعاسير .. وإلاّ الرخاء كلاً يسدّ بمكاني << الله من المهايط بس !! قولوا إية http://www.alkhubr.net/imgcache2/24738.gif والله إن جت الصدقية أول من ينكبك هو http://www.alkhubr.net/imgcache2/24738.gif حنّا لو الله يفكنّا من هالمهايطية تسان بخير http://www.alkhubr.net/imgcache2/24738.gif




ويقول الآخر

كلاً نهار العيد عايد حبية ... وأنا حبيبي غايب الله يجيبة <<< طيبّ وش نسوّي لك http://www.alkhubr.net/imgcache2/24738.gif



والحكم على الاشخاص ليس بالمظاهر ولا بالشعارات المزيفة ولا بالمهايط لااااااااااااااااااااااا

أستطيع الحكم على شخص ما في المواقف الصعبة ووقت الشدائد هنا أحكم علية http://www.alkhubr.net/imgcache2/24739.gif




فأقول لكم الدنيا مدرسة نتعلّم منها حاجات كثيرة تعلّمنا منها الكفاح والعمل والصبر والتضحية والإثار و.. و..الخ تعلّمنا منها أضعاف أضعاف ماعلّمتنا المدارس واللي مهب مصدّق يشوف آباءنا والاجداد لم يتعلموا حرفا واحدا لكنهم رجال واهل مواقف وخرّجوا بتربيتهم رجالا يتبؤّون الآن أعلى المراكز بالدولة ولا تعلّمون ولا تدرسون عشان تصيرون زيّ آباءكم لا ياإخوااان ........




فأقول لكم زمن الاجداد والآباء زمان غير عن الآن يمكن شظف العيش وصعوبة الحياة والغرابيل منوّل جعلت آجدادنا وآباءنا يكتسبون المرجلة والعلوم السنعّة من قسوة الحياة فكانت هي ملهمهم الاول والاخير طبعا بعد التوكل على الله في جميع إمورهم

أمّا الآن فأختلف الوضع تماما وجذرياً هالزمن للإسف طغت الأنانية وحبّ الذات والحسد والغيرة وجمع الفلوس على الناس هالوقت http://www.alkhubr.net/imgcache2/24740.gif فأصبح الكل ينادي نفسي نفسي ومن خلفي الطوفان !!!!!! وتلاشت كل المعاني الساّمية والفزعة والتسامح وحب الخير للآخرين وكثر الفساد بهذا الزمن وأنتشرت الرذيلة والكذب والشعارات المزّيفة والمصالح لااااا ومن وسع الوجه بعد يبون مطرررر http://www.alkhubr.net/imgcache2/24740.gif منين يبي يجينا المطر والخيرات والرباء يركض بالديرة ركضhttp://www.alkhubr.net/imgcache2/24740.gif منين تبون مطر وخيرااات وكلاً قاعد بإستراحة لييييييييييين نصف الليل يتابع آخر أغنية لإليسا منين تبون النفوس تصير زينة وشبابنا كل صيف ينقطوّن بمرقص بديرة والبنات يروحون للسوق تسعميّة الف مرة بالاسبوع http://www.alkhubr.net/imgcache2/24738.gif مررة بتشتري وبعد يومين بتبدّل اللي أشترتة !! وبعدها بثلاثة أيام هوّنت ماتبي تشتري وبترّجع اللّي هي أشترتةوبدّلتة http://www.alkhubr.net/imgcache2/24738.gif سلاااااامات ياأختاااه !! ماصار سوق ذا حشى مزار مهب سوقhttp://www.alkhubr.net/imgcache2/24738.gif



عنوان الموضوع الناس في هذا الزمن والحكم عليهم ولا أراني إبتعدت كثيرا عن الموضوع لإن إذا اردت أن تحكم على شخص شوف أفعالة وتصرّفاتة وشوف مجتمعة اللّي هو عايش فية وشوف منهم أخوياه إذا كان شاب وخوّياتها إذا كانت شابة

الناس نفسياّت بهالزمن !! مرررة تلقى خوّيك زيّ الحلاوة وفزعات ومهايط وزعاطة <<< مهب للة شكلة يبي منك شئ http://www.alkhubr.net/imgcache2/24738.gif

ومرّات تدّق علية جوال يناظر الرقم ويسفهك سفهت ماني قايل وتلقاه لا شاف رقمك قال للّي بجنبة وش يبي هالغثيث http://www.alkhubr.net/imgcache2/24738.gif

فية مثل قديم يقول لك إذا بغيت تعرف خوّيك وتختبرة سافر معة وهذا المثل فية شئ من الصحّة وبقول لكم سالفة صارت لي وأنا مسافر مع واحد من خوياي رحت مع واحد من خوياي للجنوب قبل كم سنة وحطينا قطّة للسفرة <<<< تحلف رايحين لجزر هاواااي الحين يوم تسمع قطّة http://www.alkhubr.net/imgcache2/24738.gif لااا ولو اقول لكم من كم القطّة يمكن تقولون أنتم مسافرين أوربا http://www.alkhubr.net/imgcache2/24738.gif

المهم قال خوّيي امسك القطّة يا.......

قلت لا لا خلّها معك أنا بسوق وأنت أمسك القطّة <<< أسمع بالتصرّيف وإلاّ وش دخلّ القطّة بالسواقة http://www.alkhubr.net/imgcache2/24738.gif

المهم انا وياّة هواش امسك القطّة انت وهو يقول لااا امسكها انت وبينما أنا اجدع علية الفلوس وهو يجدعها علي بغيت أخشّ ببراميل مركز التفتيش حق أمن الطرق بس الله سلّم وستر

المهم رست إن الفلوس حقت القطّة تصير معي http://www.alkhubr.net/imgcache2/24741.gif

حطيت الفلوس بالجيب اللي فوق ودعست بالموتر 180 والدريشة فاتحة مادريت إلاّ الفلوس مع الهواء طارت مع الدريشة سحبها الهواء http://www.alkhubr.net/imgcache2/24740.gif زاد خبرتوا أحد يحطّ فلوس بالجيب فوق وطاير يمشي 180 والدريشة مفتوحة !!!!

يوم طارت الفلوس خوّيي ماأنتبه كان منسجم مع اغنية محمد عبدة الاماكن ويهزهز هالرأس اللّي كنّة درج كامريhttp://www.alkhubr.net/imgcache2/24738.gif وأنا تلخبطت وجتني الصيّحة وشلون بقولة الحين إن الفلوس طارت مع الدريشةhttp://www.alkhubr.net/imgcache2/24742.gif وربي تنقلب السفرة مجالد وهواش ماوصلنا الجنوب قلت ياولد مالك إلاّ تلّمح لة عشان تمتصّ غضبة شوي شوي

قلت لة يافلان قال سمّ قلت وش رأيك بإثنين رايحين للجنوب وفلوس قطتهّم بنص الطريق طارت مع الدريشة !!
<<<< الله من زين التلّميح http://www.alkhubr.net/imgcache2/24738.gif قال وهو متعفطّ وجهة وشكلة شاّك بس مهوب مستوعب الموقف لين الحين
قال وش اللّي فلوسهم طارت مع الدريشة حشى عصفور مهب قطّة هههههههههههههههههههههhttp://www.alkhubr.net/imgcache2/24738.gif وضحكنا جميع .. شوي ثمنّ قلت لة يافلان قال نعممممممممممم لا حظوا الرد فية شوي جلافة مهب مثل الاول يوم يقول سمّ قلت ترى القطّة طارت مع الدريششششششششششششششةhttp://www.alkhubr.net/imgcache2/24740.gif يوم قلت هالجملة قلت بس للحين ناوين نتهاوش

قال يافلان تبي الصدق فداااااك الفلوس وكل القطّة ياشيييييييييييخ http://www.alkhubr.net/imgcache2/24743.gif قلت صدق http://www.alkhubr.net/imgcache2/24744.gif قال أفااااا عليييييييك بس حنّا خويا وزملاء وعيش وملح ومخباتنا وحدة ولا تشيل همّ بيني وبينكم قلت بنفسي لو داري إنه مهب مهاوشني كان غبيّت الفلوس وقلت ضاّعت http://www.alkhubr.net/imgcache2/24738.gif


قصة قصيرة حكيتها لكم عن الحكم على الاشخاص والإصدقاء ولا تحسبون كل الناس بيسووّن مثل فزعة خوّيي ذا وربي يابعضهم لو يصير لهم هالموقف إن تلقون واحد بالشرطة والثاني بالإسعاف من الكمّخ والضرب والهواااش والمجالد بينهم قبل يوصلون الجنوب فالناس مواقف وبالموقف الصعب يبينّ لك الشخص اللّي قدّامك ومعدنة وتقدر تحكم علية


والسلام عليكم ورحمة الله وبركاتة


اللّهم إرزقنا الصحبّة الصالحة الخيرّة راعين المواقف والفزعات والاخلاق الحميدة

اللهم إجمعنا بالصدّيقين والشهداء والصالحين يوم لا ينفع مال ولا بنون


إخواني أخواتي

من كل قلبي أقول شكرا لكل من مرّ على موضوعي هذا سواء ردّ أو لم يرّد http://www.alkhubr.net/imgcache2/24743.gif


ودمتم بحفظ الله