المساعد الشخصي الرقمي

مشاهدة النسخة كاملة : أبنائنا والثقافه الجنسيه


رحال في بلادي
07-04-2009, 03:21 PM
السلام عليكم ورحمة الله وبركاته ..

يسعد مساكم بالخير والمسرات ...


ادري هالموضوع فيه شوي الألغام وتحويلات ومطبات ..بس صدقوني شيء واقع ..مرينا فيه ...!! وكنا نعاني منه !!

كنا بعفوية الطفل الصغير نسأل أهلنا أسأله محرجه ..؟!

بس كنا على نياتنا يوم نسألهم ...ويقولون بتاع علم النفس والتربيه ..ان الاطفال لديهم ميل فطري للمعرفة..بعض الأشياء التي تحدث أمامهم ؟

اذكر منذ مبطي ..أيام زمان يوم كنا أطفال.... سألت أمي ؟
وقلت لها وشلون حنا جينا !!
سؤال محرج ..؟؟ الله يعين الأمهات عليه ..

حاولت تصرف يمين يسار ..أخرتها قالت :
رحت للحمام وقمت اطرش ...وانتم كرامه وطلعتو ..من حلقي..حشى والله لو انا عصافير ؟؟
وبعضهن يقولن ..قمت الصبح ولقيتك بالفراش وبعضهن طحت من السماء ..غريبه ما تكسر ههه
وتمشي علينا هالسوالف ....

طبعاً مجتمعنا يمنعنا من التكلم بهالأمور ..!! وهي من الممنوعات والمحرمات عرفاً..

تجي البنت تسأل أمها ليش انا شكلي كذا واخوي كذا ..

واذا البنت عوبى من الي يطلعن الي بالارحام ..تحصل فوط امها بالحمام وتقعد تسأل

وشن هذولي ؟؟ واذا الام نامت عند ابوها ..وليش وليش ...

طبعاً الأم أبسط إجابه عندها ..تعبس بوجهه وتقول لها عيب يا بنت ..ما لك بهشغلات ..

طبعا البنت والا الولد تكبر براسهم هالسالفه ولا تمشي عندهم سالفة عيب ..يجلسون

يبحثون ويطقسون .....!!

تعال عاد لكيفية البحث لاشباع فضولهم ... من تلك الأسئله ؟؟

بصراحه قضيه مهمه .وحساسه !!

ابائنا لم يربونا التربيه الجنسيه الصحيحه ومع ذلك مشت الأمور ..عند البعض ...ما حالفتوني بالله واحد اعرفه وصل للجامعه ..وكل الي باله ..ان الطفل الله يكرمكم يخرج من دبر المرأه ...وغيرها وغيرها من هالعلوم ..والشطحات


بس جيالنا وعيالنا الآن وش نسوي معهم ..مع الانفتاح التقني الكبير ..

برأيكم : نثقف ابنائنا بتلك الأمور بطريقه شرعيه علميه .. والا نتركهم مثل الأولين ..يتعلمون لكبرو ..مثلهم مثل غيرهم ..؟؟

بس حطو بالكم اذا ما علمناهم وثقفناهم بطريقه صحيح يمكن يتعلمون بطريقه خاطئه من النت او الدش او اصدقائهم او غيرها من الطرق الملتويه التي قد يكون لها اثار سلبيه على ابنائنا ..وعلى المجتمع .

اترك الكيبورد لكم
تحياتي

الرمش الخجول
07-04-2009, 04:23 PM
اولا الله يعطيك الف عافيه على هالموضوع الرائع والي الكل غافل عنه ثانيا انا اول كنت اسال امي انا من وين طلعت كانت تقولي طلعت مع سرها <<<<<<< والله لو اني دوده كان يمديني طلعت خخخخخخخخخخخ
المهم انها مامشت علي بس اسلكها بمزاجي واذا على سؤالك ياخوي اكييييد لازم نثقفهم بطريقه شرعيه وعلميه ..... تقبل مروري