المساعد الشخصي الرقمي

مشاهدة النسخة كاملة : جدتي أم قرون . والمشعوذ النيجيري .


بحر العطا
06-04-2009, 03:20 AM
بسم الله الرحمن الرحيم

هذي القصة من وحي الخيال .. لايجي واحد يقولي انت فيك مالا فيك http://www.alkhubr.net/imgcache2/23668.gif
في ليلة ضلماء افتقد فيها البدرو ..

قررت ارحل عن ديرتي من اجل مشاكل عائلية تمثلت في سوء تفاهم بين جدتي ( أم قرون ) <<-- لاتستغربون أنها لها قرون نعم لها قورن http://www.alkhubr.net/imgcache2/23669.gif وذلك بفعل الزمن عمرها 1800 من كبرها ..

والمشكلة تمثلت في سوء تفاهم بينها وبين شغالتنا ( سيد سنتوب ) <-- شوفو سيد سنتوب وتراكم شايفين شغالتنا ,,

والمشكلة كلها بسبب نشر الغسيل سيد سنتوب تنشره في البلكونه وأم قؤون تقول لا لاتنشرينه في البلكونه أخاف تثيرين فتنه بلاشباب الذين يطلعون عليك في البلكونه .

أنا فزعت لسيد سنتوب ضد أم قرون بحكم أني أعرف أنها والله مافيه امل تفتن الشباب وذلك لأن وجهها كنه عنبه مافيها مويه يعني باختصار كنه زبيبه http://www.alkhubr.net/imgcache2/23668.gif
كما هو موضح بالشكل التالي :
http://www.alkhubr.net/imgcache2/23670.gif


جدتي أخذتها العزة بالاثم .. وقامت باتهامي بأنني عميل للشغالة وأن بيني وبين سيد سنتوب <-- شغالتنا علاقة غرامية http://www.alkhubr.net/imgcache2/23669.gif

وأدلت بالتصريح هذا أمام والدتي ووالدي . مما أثار حفيظة والدي وقام لخني بطراق مما أدى إلى اختلاط الالوان في عيوني ولم استطع تمميز الاشياء من حولي من شدة الطراق لدرجة أنني بنحاش من الباب ولادريت إلا وانا لاصق في المكيف . ضعيت الدرب http://www.alkhubr.net/imgcache2/23668.gif

فصرخت بأعلى صوتي والله لانحاش واخلي لكم البيت

قال ابوي .. لاه عاد حنا مره مو عايشين بدونك تكفى لاتروح . اقول ضف وجهك من زينك عادي انقلع ولاعمري اشوفك بالبيت يالبطريق <-- عيارتي بالبت http://www.alkhubr.net/imgcache2/23668.gif

أمي لا ياوليدي لاتروح <-- تعرفون عاد الام حنونه .http://www.alkhubr.net/imgcache2/23671.gif

ياوليدي لاتروح خلاص انا بحل المشكلة .

قلت لا والف لاء كلش ولاكرامتي
واطلع من البيت مسرع ولم التفت للخلف وم اكلم احد يوم وصلت باب الشارع رجعت وقلت لبوي تكفى معك فلوس عشان أنحاش من البيت .. http://www.alkhubr.net/imgcache2/23668.gif

قال اقول ضف وجهك الله يلعن اللي انت بطريقه يابطريق الشوراع http://www.alkhubr.net/imgcache2/23668.gif

ورحت لدحيم ولد عمي وتسلفت منه فلوس .. وركب السيارة وطلعت عن الديره كلها .. ووقفت والتفت ناحية الديره وعيوني تدمع وأنا القي النظرة الاخيرة على الديرة التي أحتضنتي وترعرعت <<- يالله كتبتها مابغت http://www.alkhubr.net/imgcache2/23668.gif وترعرعت فيها منذو نعومة أضافري ..

وركب السيارة مرة أخرى وبدت رحلت الهروب الكبير .. http://www.alkhubr.net/imgcache2/23671.gif

وبينما أنا امشي تقريبا بعد مية كيلو من الديره .. ولا هذاك الاسود الافريقي يأشر لي وقفت عنده وقالي ممكن وصل قدام .. قلت اركب وانا وراي شي ..

ركب معي ولما شاف وجهي البائس الحزين .. قالي وش فيه صديق .. قلت يارجال خلها على ربك .

لزم علي وألح .. أني اقوله وش فيني ..

يوم شفت الرجال لزم علي قلتله حكايتي مع ابوي وجدتي ..

طأطأ رأسه وقال والله هالدنيا مشاكل في مشاكل .. لكن شف أنا عندي لك حل أخلي جدتك وابوك يحبونك ويمشون على كلامك بعد http://www.alkhubr.net/imgcache2/23672.gif

قلت له صادق .. قال أجل انا ماقول كلام من فراغ الحين لاوصلتني اعلمك ..

وبعد مامشينا لنا ساعه .. قالي شفت هذيك اللفه . لف معها لفيت ودخلت بحارة مضلمه مخيفة ويمين يسار ويمين ويسار قالي وقف

وقفت ولاذيك البيت اللي تخوف بيت شعبي مهجور http://www.alkhubr.net/imgcache2/23673.gif

قالي تفضل انزل .. http://www.alkhubr.net/imgcache2/23674.gif

قلت وين يابو الشباب اقول مانيب نازل انا عندي شغل مع ابوي مع السلامة . http://www.alkhubr.net/imgcache2/23668.gif

قالي مو تقولي قبل شوي انك متهاوش مع ابوك وشلون تقول لي شغل معه .. http://www.alkhubr.net/imgcache2/23668.gif

انزل يابن الحلال ولاتخاف .. http://www.alkhubr.net/imgcache2/23671.gif

نزلت معه للبيت ودخلنا يمي يمي http://www.alkhubr.net/imgcache2/23671.gif

ودخلت انا وياه بغرفه وجلسني وقال شف ياخوي انا اقدر اسوي لك عمل اخلي جدتك وابوك زي الخاتم باصبعك ومابي منك فلوس انت وصلتني وحبيت اخدمك .. http://www.alkhubr.net/imgcache2/23672.gif

قلت اقول مناك بس وشو عمل وين حنا فيه

قال اسمع يارجال عشان تعيش مرتاح عمل بسيط واخلي كل الدنيا تحت امرك ..

جلست افكر وافكر قلت يالله خلنا نجرب وش ورانا http://www.alkhubr.net/imgcache2/23668.gif

قالي لازم ابي شي منك عشان اسوي فيه العمل

قلت وش مثله يعني قال عطني سروالك اسوي فيه عمل http://www.alkhubr.net/imgcache2/23673.gif


قال يابن الحلال انا قصدي شي ملامس جسمك طيب عطني فنيلتك اي شي

قلت ايه أشوا على بالي http://www.alkhubr.net/imgcache2/23669.gif

عطيته فنيلتي قالي اطلع من الغرفه ولاناديتك تعال .. http://www.alkhubr.net/imgcache2/23675.gif

طلعت من الغرفه وجلس يسوي حركات وكلمات مدري وشي وطاخ طيخ وانا بصراحة شربت الارض من الخوف http://www.alkhubr.net/imgcache2/23671.gif

وبعد 10 دقايق تثريباً ناداني قالي تعال يا بطريق الشوراع http://www.alkhubr.net/imgcache2/23673.gif

قلت له وش عرفك قال عرفت كل شي انت بطريق الشوراع وجدتك أم قرون وشغالتكم سيد سنتوب .. http://www.alkhubr.net/imgcache2/23676.gif

قالي خذ وعطاني فنيلتي ولاها وصخه ومربط فيها أسلاك ومدري كيف .. وقالي خلها معك وخبيها باي مكان وخلاص .. يالله الحين تقدر تروح .. http://www.alkhubr.net/imgcache2/23672.gif

رحت أول ماركبت السيارة ولا ابوي يدق يصيح يالوليدي وينك تعال بسرعه ياوليدي سامحني وهذي جدتك ترفس تدورك تقول وين بطريقو << تدليع بطريق http://www.alkhubr.net/imgcache2/23668.gif

قلت لا لا خلاص انا قررت اروح بعيد عنكم وعن القرف اللي انتو عايشين فيه http://www.alkhubr.net/imgcache2/23668.gif

قال تكفى ياوليدي طلبتك والله اسويلك اللي تبي بس تعال بموت لو تروح تعال http://www.alkhubr.net/imgcache2/23671.gif

قلت يالله بس عشانك ابوي وتعطيني فسحه يومني صغير ولك فضل علي برجع .. http://www.alkhubr.net/imgcache2/23668.gif

رجعت للبيت ودخلت ولا ابوي ينتظرني هو وجدتي وقامو بسرعه ضموني وينك ياوليدي وجدتي تصيح والعالم مخترشه http://www.alkhubr.net/imgcache2/23673.gif

قلت لاداعي لاداعي خوذو راحتكم .. http://www.alkhubr.net/imgcache2/23668.gif

جلست وقلت والله يانا عطشان ولابسرعه ابوي وجدتي عالمطبخ ويجيبون لي مويه http://www.alkhubr.net/imgcache2/23673.gif

قلت أهااااا لا اثر الافريقي صادق ..

قلت لابوي شف مايباخ لن اقبل اقل منها بكرا الصبح تسلمني المفتاح .

قال ياوليدي وانا تدري من وين لي اجيب لك قلت ماعلي منك ولاترا بطلع من البيت ولا ارجع ..
قال لا خلاص ..

جت جدتي عطته ماعندها من ذهب http://www.alkhubr.net/imgcache2/23668.gif وراح تسلف من زملاه ومن هنا وهنا وراح للوكالة وشراها لي . http://www.alkhubr.net/imgcache2/23668.gif

http://www.alkhubr.net/imgcache2/23677.gif

قلت له والله اللون هذا مو زين مابيها ابي لون ابيض قال خلاص برجعها واجيب لك اللون اللي تبي http://www.alkhubr.net/imgcache2/23671.gif

قلت لا تخليها وتروح تشتري غيرها بيضا http://www.alkhubr.net/imgcache2/23668.gif

قال وانا من وين اجيب لك فوسها قلت ترا والله لاروح http://www.alkhubr.net/imgcache2/23668.gif قال لا خلاص امري لله اروح اتسلف .. وراح يوم وصل الباب ناديته قلت له خلاص لاتشتريها بس ترا اخر مره لك http://www.alkhubr.net/imgcache2/23668.gif

ورحت لسيد سنتوب شغالتنا قلت لها شوفي اليوم تنشرين الغسيل بالشارع عشان كل الشباب يشوفونك بس عنااد لام قرون هذي http://www.alkhubr.net/imgcache2/23668.gif

قالت جدتي لا مايصلح ياوليد ي قلت هاه تراني بروح قالت خلاص خلاص http://www.alkhubr.net/imgcache2/23668.gif

ايه على بالي http://www.alkhubr.net/imgcache2/23668.gif

ومرت الايام وانا صار عندي كل شي وماغير جالس بهالصالة وبس أتأمر وآمر وأنهي http://www.alkhubr.net/imgcache2/23668.gif

وعلى هالحال جيبو لي ولاتجيبون ..

أمام مسجدنا لاحظ التغير اللي صار وشاف ابوي تغير عليه http://www.alkhubr.net/imgcache2/23671.gif

ويوم من الايام طرق باب البيت وراح فتح اخوي الصغير وجاني قال امام المسجد يبيك جيت لمه قال ممكن تقهوا عندي المغرب باليت ابغاك في موضوع .

قلت تم بجيك المغرب .

رحت المغرب لمه وقالي شف ياوخي انا بصراحة شفت التغير على ابوك والديانه من كل باب وكثرت عليه الشكاوي وانت اشوفك ماشاء الله معك اغلى السيارات وتغير حالك ..
ممكن تقولي وش السالفه ..

قلت لاياشيخ مافيه شي ..

قالي شف انا ملزم تقولي وقسما بالله سرك في بير ..

انا ترددت في البدايه ولكن قررت اقوله

وقلت له كل السالفه http://www.alkhubr.net/imgcache2/23671.gif

قالي من جد اسالك بالله كل هذا سويته

قلت ايه http://www.alkhubr.net/imgcache2/23669.gif

قال ليش قلت لاني مارتحت بالبيت كل يوم ابوي طراقات وجدتي بس متقعده لي http://www.alkhubr.net/imgcache2/23669.gif

قالي غير انك رحت للساحر انت سويت شي عظيم بابوك اللي المفروض تطيعه وتبر فيه أنت ماتخاف الله ووووووالخ .

أنا أنتبهت كاني فايق من النوم ..

ولا السالفه ان الساحر ابن الكلب ساحرني انا قبل مايسحر ابوي وجدتي وكنت اخذ من ابوي فلوس واحولها لحسابه بدون شعوري وتوني افيق http://www.alkhubr.net/imgcache2/23673.gif بعد مادخلت للشيخ .

رحت علطول للشرطة بلغت عن كل اللي صار ..

وراحو مسكو الافريقي ..

وانا اخذت حقي من الجلد بعد http://www.alkhubr.net/imgcache2/23668.gif

وعادت الحياة للبيت <-- وانا اقول ياحبي لطراقات ابوي بس http://www.alkhubr.net/imgcache2/23678.gif

صح عن رسول الله صلى الله عليه وسلم أنه قال : من أتى عرافا فسأله عن شيء لم تقبل له صلاة أربعين ليلة أخرجه مسلم في صحيحه ، وقال صلى الله عليه وسلم : من أتى عرافا أو كاهنا فصدقه بما يقول فقد كفر بما أنزل على محمد صلى الله عليه وسلم ، وقال عليه الصلاة والسلام : ليس منا من سحر أو سحر له أو تطير أو تطير له أو تكهن أو تكهن له


أتمنى أنكم استمعتم



أخوكم : بحر العطا

بحر العطا
07-04-2009, 01:48 AM
اينا ردودكم ورااااااااااااااااااااااااائكم؟؟؟؟؟؟؟

ريووومه
07-04-2009, 02:47 AM
وعليه الصلاه وسلم

وربي قصه عجيبه تسلم اخوووي على القصه الخياليه الي فيهااا اشياء مفيده :58:
وش رايك اطبق شي منهااا ههههههههه :z69:
هههههه ربي يسلم علقة الملابس الي عند ابوي يحط ثوبه منيه اناا اسرق منه :dev:
يعني مافي دعي ساحر في ذكاء :z69: وه فديت جدتك ام قرون تهبل
يسلموووووو والله وتقبل مروري
خيتك ريووومه :fg25:

بحر العطا
07-04-2009, 03:05 AM
هههههههههههههههههههههه

هلا وغلاااااااااااااا ياخيه
نورتي الصفحه يعطيك العافيه

~~نادية~~
07-04-2009, 04:46 AM
قصه خياليه لكن لها معاني كثيره
يسلموووووو بطريقووو ههههههههههههههه

بحر العطا
07-04-2009, 05:03 AM
ههههههههههههههههههههههههههههه


سلمت من شر يانادية

بحر العطا
08-04-2009, 06:35 AM
أينا ارااااااائكم؟؟؟؟؟؟؟؟

سـكرر وكـل من شآفني يسكر
08-04-2009, 03:24 PM
دآئمن مبدع يآبحر شي مو غريب عليك يسلمووووو.

ريووومه
08-04-2009, 06:17 PM
ههههههههههه <<< خبله ههههههههههه

بحر العطا
08-04-2009, 09:57 PM
دآئمن مبدع يآبحر شي مو غريب عليك يسلمووووو.



يسلموووووووووو على مرورك والأبدااااااااااااااااع وتنوري الصفحه

بحر العطا
08-04-2009, 09:58 PM
ههههههههههههههههههههه

يسلمو ريومه