المساعد الشخصي الرقمي

مشاهدة النسخة كاملة : وش رأيكم فلانه محجوزه لفلان ..!!!


جنون الليل
14-03-2009, 08:30 PM
وش رايك فلانه محجوزة لفلان




بسم الله الرحمن الرحيم

السلام عليكم ورحمة الله وبركاته




( الحبر يخلص وقضايا مجتمعنا ماتخلص )



نجي لقضيتنا ومحور حديثنا

( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )

_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول ماهو حجزها وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتى الخطاب مايطقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العائله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان



قصص تبكي القلوب .. وأحلام تضيع في قرارات
و أمال وأمنيات تتبخر


السؤال الذي يطرح نفسة لانقول هل انتم مع او ضد لان الجميع بالتأكيد ضد

لكن نقول الى متى هذه الظاهره في بلادنا ؟؟

ومن المسئول عن ذلك ؟؟

وماهى الطريقه التي نعالج به هذه القضية؟؟

وَجس ~
14-03-2009, 09:27 PM
اول شئ الحمد لله على السلامه ولج وحشة

ثاني شئ انا ارفض هذا المبدأ تماما

لانه من الناحية الشرعية حرام

ومن الناحة الاجتماعية له اضرار كثيرة

ومشكوووووووووووووورة جنون على الموضوووووووووع

وبانتظار مواضيعج الجميلة

سلطان المراجل
15-03-2009, 12:17 AM
محجوزة وينظرون متى يامد الحجز ويقص البوردنق

الخطوط السعودية على غفلة

اذا محجوزة لايقطع نصيبها يتركها لحال سبيلها ولا يتقدم هذا ليس من شراع الله

الحريف
15-03-2009, 01:14 AM
جنووون الليل .....حيااااااااااااااكــــ
الحجوزااات غير المؤكدهـ دائــم توهق اهلها... قد تطووف عليهم مصالح وأشياء مهمهـ في حياتهم ..

وموضوعكـ مهم وقضيهـ موجودهـ في المجتمع .. وكثير من البنات الذين فاتتهم قطارات الزواج ..بسبب هذي العادات
ولكن اللوم على ابو البنت ..اولاً وأخيراً ..لآنه حجز بنته لهذا الولد بدوون أن ياخذ برايهم وهل بنته راضيهـ

وهل الشاب راضي ... ولكن تحصلين ..الاباء التفقو انهم يزوجونهم .. قبل ياخذوون برايهم ...فيبقوون ينتظروون

حتى يتوظف الولد .. فتبقى الضحيهـ البنت المسكينهـ ...

جنون الليل
15-03-2009, 03:43 AM
اول شئ الحمد لله على السلامه ولج وحشة

ثاني شئ انا ارفض هذا المبدأ تماما

لانه من الناحية الشرعية حرام

ومن الناحة الاجتماعية له اضرار كثيرة

ومشكوووووووووووووورة جنون على الموضوووووووووع

وبانتظار مواضيعج الجميلة

تسلم ياخوي

لا كويتاوي هو مو حرام بس انه تعقيد للبنت المسكينه اللي يروح عمرها وهي تستنى معلقها متى حظرته يتقدم لها وصح انا معاك له اضرار كثيره على البنت لان البنت عمرها من عمر الزهور وهو ابن الحلال متى ماطاب كيفه وشبع قال لا خلاص راح عمرها وكبرت معن هو اللي معلقها

اشكر حظورك اخوي

جنون الليل
15-03-2009, 03:47 AM
محجوزة وينظرون متى يامد الحجز ويقص البوردنق

الخطوط السعودية على غفلة

اذا محجوزة لايقطع نصيبها يتركها لحال سبيلها ولا يتقدم هذا ليس من شراع الله

شفت كيف سلطان

ياعمري يهالبنيات صار فيها حجوزات لا وبعد مدراك فيه اللي منها اوك وفيه اللي منها الله يعودلها

صح انا معاك اذا حاجزها لا تقطع رزقها اذا والله انت خلصت وجمعت نفسك حياك الله واذا انت ريض خلاص خل البنت تروح في حال سبيلها

اشكر تواجدك اخوي

جنون الليل
15-03-2009, 03:59 AM
جنووون الليل .....حيااااااااااااااكــــ
الحجوزااات غير المؤكدهـ دائــم توهق اهلها... قد تطووف عليهم مصالح وأشياء مهمهـ في حياتهم ..

وموضوعكـ مهم وقضيهـ موجودهـ في المجتمع .. وكثير من البنات الذين فاتتهم قطارات الزواج ..بسبب هذي العادات
ولكن اللوم على ابو البنت ..اولاً وأخيراً ..لآنه حجز بنته لهذا الولد بدوون أن ياخذ برايهم وهل بنته راضيهـ

وهل الشاب راضي ... ولكن تحصلين ..الاباء التفقو انهم يزوجونهم .. قبل ياخذوون برايهم ...فيبقوون ينتظروون

حتى يتوظف الولد .. فتبقى الضحيهـ البنت المسكينهـ ...




ياهلا والله بالحريف


لا وبعد مدرااك بعد الاحيان البنت المسكينه يملك عليها ابوهاا ويحددون الزواج وهي المسكينه ياغافلينكم الله ماتدري عن شي ماتدري اذا هي اصلاً محجوزه او لا وياكثرها ماتصير

ياخي وربي مدري متى هذا التعصب وتصلط على البنت من قبل ابوها او اخوها وهي ياويلها لو قالت رايها لا وبعد وعيب عليها ويحطونها اللي ماتستحي تخيل

ياخي والله العظيم هذا التخلف بس اللي متى

لا وعرفلك وحده مسكينه من طلعت على الدنيا وهي لولد عمها

وولد عمها يقول مبغاها بس اهله غاصبينه تخيل حتى الولد يغصبونه الحمدلله وشكر

وبعد ماكبرت البنت قالو للولد يالله تعال للبنت تقدم لها قالهم انا من الاول قايلكم مابغاها وما ابغى الاقارب

والطامه الكبراا يوم تقدملها واحد قال ابوها دقيقه بشاور ولد عمها تخيل
يشاور ولد عمها هو يزوجها الغريب ولا لا

هي المسكينه في هالوقت حست ان نفسها سلعه بين ابوها وولد عمها والغريب

وياويلها وياسواد ليلها لو تكلمك او قالت شي

بس الحمدلله الغريب صار ابرك من ولد عمها

الــمــ صــيــاد ــهــا
15-03-2009, 04:00 AM
أنا برأيي أن الظاهره هذي خفت ولله الحمد


لكن إذا هي موجوده للأن فالسبب الأول والأخير على الأباااااااااااااء فقط


وش ذنب الولد المسكين تزوجونه وحده ما يبيها والبنت كذلك


هذي للأسف همجيه


لكن انا سمعت أن فيه حلول للموضوع هذا والحكومه تدخلت بالموضوع هذا

بس للأسف الحكومه وش بتسوي ؟

إذا رأس أبو البنت بالذات يابس ؟ << يبيله عجرا والله على راسه خخخخ


يعطيك العافيه على الموضوع

جنون الليل
15-03-2009, 04:06 AM
أنا برأيي أن الظاهره هذي خفت ولله الحمد


لكن إذا هي موجوده للأن فالسبب الأول والأخير على الأباااااااااااااء فقط


وش ذنب الولد المسكين تزوجونه وحده ما يبيها والبنت كذلك


هذي للأسف همجيه


لكن انا سمعت أن فيه حلول للموضوع هذا والحكومه تدخلت بالموضوع هذا

بس للأسف الحكومه وش بتسوي ؟

إذا رأس أبو البنت بالذات يابس ؟ << يبيله عجرا والله على راسه خخخخ


يعطيك العافيه على الموضوع

لا والله ياخو للحين موجوده ولا وبشرك بعد عند القبايل الكبيره المعروفه

والله مو بس من الاباء حتى الاخوان بعض الاحيان يكون تصلطهم اقوى من الاب

ايوه صح عليك فيها تدخلات من الحكومه بس بعد ايش بعد ماتنفضح البنت قداام الله وخلقه انه ماتبغى ولد عمها او اي شخص ثاني بعد ماالناس وحتى الحكومه تتكلم عن عائلة فلان وفلان

ليش مو من الاول يكون فيه تفاهم من البنت ولولد نفسه ويكون فيه تشاور من الاصل

بس والله على قولتك همجيه

الــمــ صــيــاد ــهــا
15-03-2009, 04:33 AM
ليش مو من الاول يكون فيه تفاهم من البنت ولولد نفسه ويكون فيه تشاور من الاصل






وشلون بتكون طريقة التافهم بينهم أصلاً وحنا في بلد متحفظ ؟

أتمنى تشرح لي النقطه هذي

جنون الليل
15-03-2009, 04:40 AM
وشلون بتكون طريقة التافهم بينهم أصلاً وحنا في بلد متحفظ ؟

أتمنى تشرحين لي النقطه هذي اختي

قصدي واضح ياخوي

يعني المفروض والواجب ان البنت تشاور والولد يشاور على البنت انه يبغاها ولا لا مو يعلقونه اهله وهو من الاصل مايبغاها

والبنت ينقال لها اسكتي ونثبري ومالك الا ولد عمك تخيل وشوف كيف التخلف

وانا اتكلم من شي واقعي وربي ينقال لها انثبري ومالك الا ولد عمك

طيب الولد مايبغاها ليش تجبرونها عليه

عشان اذا تطلقت تحسفتو او هي المسكينه تتحسب الله على اهلها

الــمــ صــيــاد ــهــا
15-03-2009, 05:02 AM
يعطيك العافيه على الايضاح ياغالي


بس برضو ما يدمي على المشاوره وياخذون رايهم لأن من البدايه والبنت باقي في بطن امها

يقول ابو البنت ترى اذا مرتي جابت بنت تراها لولدك يا فلان << عسى ماشر توزع فلوس انت

لكن وللأسف اذا كبر الولد شوي وكان متفهم وراح يكلم ابوه قال يا يبه انا ما ابي بنت فلان

قال اها بس كبرت وتحسب نفسك انك رجال انا ادر بمصلحتك << ياكرهي لنوعيه هذي بس


أشكرك يا غالي على موضوعك والله يعافي مجتمعنا من هالهمجيه هذي

جنون الليل
15-03-2009, 05:08 AM
يعطيك العافيه على الايضاح ياغالي


بس برضو ما يدمي على المشاوره وياخذون رايهم لأن من البدايه والبنت باقي في بطن امها

يقول ابو البنت ترى اذا مرتي جابت بنت تراها لولدك يا فلان << عسى ماشر توزع فلوس انت

لكن وللأسف اذا كبر الولد شوي وكان متفهم وراح يكلم ابوه قال يا يبه انا ما ابي بنت فلان

قال اها بس كبرت وتحسب نفسك انك رجال انا ادر بمصلحتك << ياكرهي لنوعيه هذي بس


أشكرك يا غالي على موضوعك والله يعافي مجتمعنا من هالهمجيه هذي


اول شي ياخوي مدري احس كأنك تخاطب ذكر !!

لا يالحبيب انا انثى انتبه ترا فيها قبايل هذي هههههههه >> تأثرت

شفت كيف ياخوي من هم في بطن امهاتهم وهم محجوزين الحمدلله والله حاله :get-1161667544:

الــمــ صــيــاد ــهــا
15-03-2009, 05:54 AM
اول شي ياخوي مدري احس كأنك تخاطب ذكر !!

لا يالحبيب انا انثى انتبه ترا فيها قبايل هذي هههههههه >> تأثرت

:get-1161667544:


أما قبايل فكينا اجل الله يرحم والدينك بس أنا متعود على كذا ترى العموم اخاطبه كذا

بس دام فيها قبايل بنغير العاده هذي اجل << والله مهو منك من الذل خخخخ

الحيــــــــــران
15-03-2009, 09:20 AM
السؤال الذي يطرح نفسة لانقول هل انتم مع او ضد لان الجميع بالتأكيد ضد

طبعا قضية حجز البنت او الولد هذي انا رافضها بالكمال والتمام ، وخاصة تفشي امراض سرطان الدم وتخثر الدم في زواج الاقارب ، فيجب ان البنت او الشاب يتزوجوا من خارج العائله ابرك لهم .

الزواج يااخت جنون قسمه ونصيب ، واعتقد ان الوالد ماثوم يغصب بنته اويحجزها كانها سلعه لاي شخص كان حتى لو ابن عمها ، لو نرجع للشرع وللسنه نشوف انها وضحها توضيح كامل وهو استثارة البنت اذا وافقت زوجوها واذا ماوافقت مايصير يغصبوها على شيء ماتبغاه هذا حرام وتعقيد للبنت .

وكذلك بالنسبه للشاب مايصير يلزموه يتزوج مثلا بنت عمه اوبنت خاله وهو مايحبها ،لان هذا زواج مو لعبه .



لكن نقول الى متى هذه الظاهره في بلادنا ؟؟

للأسف الظاهره منتشره جدا ، وانا اتمنى ان تزال هذه الظاهره نهائيا .

ومن المسئول عن ذلك ؟؟
المسئول عن ذلك الوالد والام لانهم المسئولين عن اولادهم امام الله وامام الناس " كلكم راع وكلكم مسئول عن رعيته "
وماهى الطريقه التي نعالج به هذه القضية؟؟
الطريقه مااعتقد ان في طريقه مناسبه لوقفها تماما
ولكن بالتدريج مع مرور السنوات قد يتغير هذا المفهوم
ويمكن بعد عشرين اوعشر سنوات من الان بعد ان يزول الجيل القديم ، لانهم جيل متحجر ، ناقصهم التعليم والثقافه شويه .

ثانكس مسزز جنون الليل على طرح الموضوع

تحياتي الحيران ؟؟؟ يق يق يق

جنون الليل
15-03-2009, 12:40 PM
السؤال الذي يطرح نفسة لانقول هل انتم مع او ضد لان الجميع بالتأكيد ضد


طبعا قضية حجز البنت او الولد هذي انا رافضها بالكمال والتمام ، وخاصة تفشي امراض سرطان الدم وتخثر الدم في زواج الاقارب ، فيجب ان البنت او الشاب يتزوجوا من خارج العائله ابرك لهم .

الزواج يااخت جنون قسمه ونصيب ، واعتقد ان الوالد ماثوم يغصب بنته اويحجزها كانها سلعه لاي شخص كان حتى لو ابن عمها ، لو نرجع للشرع وللسنه نشوف انها وضحها توضيح كامل وهو استثارة البنت اذا وافقت زوجوها واذا ماوافقت مايصير يغصبوها على شيء ماتبغاه هذا حرام وتعقيد للبنت .

وكذلك بالنسبه للشاب مايصير يلزموه يتزوج مثلا بنت عمه اوبنت خاله وهو مايحبها ،لان هذا زواج مو لعبه .




لكن نقول الى متى هذه الظاهره في بلادنا ؟؟


للأسف الظاهره منتشره جدا ، وانا اتمنى ان تزال هذه الظاهره نهائيا .


ومن المسئول عن ذلك ؟؟

المسئول عن ذلك الوالد والام لانهم المسئولين عن اولادهم امام الله وامام الناس " كلكم راع وكلكم مسئول عن رعيته "

وماهى الطريقه التي نعالج به هذه القضية؟؟

الطريقه مااعتقد ان في طريقه مناسبه لوقفها تماما
ولكن بالتدريج مع مرور السنوات قد يتغير هذا المفهوم
ويمكن بعد عشرين اوعشر سنوات من الان بعد ان يزول الجيل القديم ، لانهم جيل متحجر ، ناقصهم التعليم والثقافه شويه .

ثانكس مسزز جنون الليل على طرح الموضوع

تحياتي الحيران ؟؟؟ يق يق يق




صحيح الحيران الحين صارت فيه امراض وتشوها من زواج الاقارب بس بعض شيباااناا الله يهديهم ماعندهم كذا

عندهم كلام الاولين ان مافي مضر لا ويقولونلك مضرنا اول وهذا انا ماخذ امك وهي بنت عمي ومضر غيره وغيره

المشكله مدري كيف نقنعهم ان وقتنا هذا وقت الكيماويات والامراض الله يتوب علينا

ووالله يالحيران للحين الظاهره هذا مو جوده للحين لا وبشرك البنت ماصارت توقع فالمحكمه بعض الاحيان ابوها او اخوها يوقعون عنها لانهم يدرون ويعرفون ان البنت ماتبغى

بس بعض مشايخنا اللي يحفظهم يعرفون اذا البنت ماجت بنفسها ووقعت يعرفون انها رافضه ومايملكون لين تحضر وبعضهن يحضرن وهن مسكتات وياويلهن ان قالو شي حشى مو زواج سجن او معركه اعوذبالله

بس بعض مشايخنا تقول انهم متفقين مع الاب او الاهل حسبي الله والله كذا حراام وظلم

واعرفلك وحده للحين مصيرها متعلق على واحد ابوها يبغاها له البنت المسكينه راح عمرها وهو الحين متزوج وله حرمتين وابوها يستناه يتقدم لها تخيل شوف كيف التعصب وتصلط

بس بعض الاهل الله يهديهم البنت مالها اي كلمه ولا راي في شي مدري اللي متى

وتقولي ان بعضهم ناقصهم التعلم والثقافه !!

لا والله اكثرهم متعلمين وثقفين بس متمسكين ومتعصبين بطبع قبائلهم

ويعرفون ان البنت مظلومه بس عندهم انه عيب ان يزوجون البنت لحد ثاني لين يرفضها الاول اللي هم حجزينها لها

والله ام التخلف

والمواضيع اللي مثل كذا تكثر وتتكرر بس الواحد نفسه يفضفض ويقول مافي داخله لاننا نشوفها في غيرنا ونتحسر عليهم بس الشكوى لله


اخوي اشكر تفاعلك

الحيــــــــــران
15-03-2009, 01:09 PM
طيب ياجنون سوال موجه لك

ايش موقفك لو تزوجي بواحد مايحبك ولاتحبيه وتصيري نفس الموضوع سلعه متداوله

اقول لو فرضنا ؟

عزوة اهلها
15-03-2009, 01:40 PM
هلا وغلا بهالنور وهالجنون اللي سطع لاعدمناه وينج يالقاطعه فقدنا النقاشات والاكشن :)
المسأله ياقلبي ان هالمشكلة باقيه لبقاء التعصب القبلي كل همهم بنتنا مالها الاعيال عمها لان بكل بساطة لو يخلونها للغريب مافيهم خير اكيد ان عيال عمها موكفو والا هي فيها بلاء عبالهم هالشي فيه حفظ لكرامتها ومكانتها مادروا انهم يهدمونها بهالشي ويهدمونه ويحرمونهم ابسط حقوقهم من اختيار الزوج المناسب او الزوجه المناسبه ..
الحمدلله هالمشكله خفت عندنا اذكرها يوم انا صغيرة بس تفتحت عقليات اهالينا وبدى الكل يأخذ راحته بس بنطاق محدود يعني البنت ماتطلع من قبيلتها وهم الولد نفس الشي بس لهم مطلق الحريه في اختيار اللي يبون بس من العائله ..
والمسئؤل اولاً واخيراً والد الفتاه لانه بهالشي حرم بنته من شي شرعه الدين لها وهو الموافقه ..اذكرلج سالفة وحده من رفيجاتي تقول حنا ماندري ان الوحده بتتزوج الايوم زواجها اهلها وخواتها يجهزونها من دون علمها وتروح للمشغل معاهم تتعدل عساس انها بتروح لزواج احد من ربعهم وبعده تنصدم انها هي العروس خخخخخخخخ قلتلها عيل كل ماتزينتوا فالمشغل كل وحده ايدها ع قلبها الله يعينكم ..

adel14334
15-03-2009, 01:43 PM
صايره تميس وانا مدري

ولا كرسي بقعد عليه يوم ان احد بيحجزلي


اقوووول لكم شي

لازالت الحمير تعيش في بلادنا


ارجو ان محد يزعل من وجهة نظري


بس هذا الي بقلبي

جنون الليل
15-03-2009, 01:56 PM
طيب ياجنون سوال موجه لك

ايش موقفك لو تزوجي بواحد مايحبك ولاتحبيه وتصيري نفس الموضوع سلعه متداوله

اقول لو فرضنا ؟


والله والله واذا انت تبغى الجد !!

حصلي مثل هالموقف وصارت فيها تدخلات ومناوشات وزعل بس الحمدلله مره كل شي على مايوراام وانتهاء كل شي

بس انا اتكلم عن غيري وعن بعض البنات المساكين اللي حاصلهم الحين مثل كذاا

الحيــــــــــران
15-03-2009, 01:59 PM
طيب يعني ايش نسوي يالشباب

اقعد وانطم انتظر بنت عمك حتى تكبر

واذا كبرت وانت ماتحبها مثلا وهي ماتحبك يعني لازم تزوجها لازم

ايش نسوي للمشكله هذي ؟

والمشكله الاباء محجرين مابلا والا

واذا ناقشت الوضع ماابغى اوشيء عطوك كرت احمر وبعدها دوج في ذا البراري

لكن الان اعتقد في شيء من العقلانيه ، اقل شيء مسموح يتزوج واحد من القبيله يق يق يق

راح اطوف واشوف هههههههههه الله يعين

جنون الليل
15-03-2009, 02:36 PM
هلا وغلا بهالنور وهالجنون اللي سطع لاعدمناه وينج يالقاطعه فقدنا النقاشات والاكشن :)
المسأله ياقلبي ان هالمشكلة باقيه لبقاء التعصب القبلي كل همهم بنتنا مالها الاعيال عمها لان بكل بساطة لو يخلونها للغريب مافيهم خير اكيد ان عيال عمها موكفو والا هي فيها بلاء عبالهم هالشي فيه حفظ لكرامتها ومكانتها مادروا انهم يهدمونها بهالشي ويهدمونه ويحرمونهم ابسط حقوقهم من اختيار الزوج المناسب او الزوجه المناسبه ..
الحمدلله هالمشكله خفت عندنا اذكرها يوم انا صغيرة بس تفتحت عقليات اهالينا وبدى الكل يأخذ راحته بس بنطاق محدود يعني البنت ماتطلع من قبيلتها وهم الولد نفس الشي بس لهم مطلق الحريه في اختيار اللي يبون بس من العائله ..
والمسئؤل اولاً واخيراً والد الفتاه لانه بهالشي حرم بنته من شي شرعه الدين لها وهو الموافقه ..اذكرلج سالفة وحده من رفيجاتي تقول حنا ماندري ان الوحده بتتزوج الايوم زواجها اهلها وخواتها يجهزونها من دون علمها وتروح للمشغل معاهم تتعدل عساس انها بتروح لزواج احد من ربعهم وبعده تنصدم انها هي العروس خخخخخخخخ قلتلها عيل كل ماتزينتوا فالمشغل كل وحده ايدها ع قلبها الله يعينكم ..


ياهلا فيك قلبو تسلمين النور نوركم الله يسعدك

اي والله انك صادقه تعرفين عاد ليش هالتعصب

عشان تطوير القبيله وانمائها وتوسعتها الحمدلله والشكر

والضحيه الزوجين اللي ريحين فيها

والسالفة اللي قلتيها قريبه لسالفة وحده اعرفها

والله حرام عليهم خلاص اللي متى

وبعدين تراا كثرت الطلاق من كذا

بس لاحياتاً لمن تنادي

لا والطامه الكبرا لما ولد العم او الخال المحجوز للبنت اذا طلب ان يشوفها قالو له لا انت قريبه وتذكرها مايحتاج تشوفها

يعني وش نقول ووش نخلي بس الله يفرجها

جنون الليل
15-03-2009, 02:42 PM
صايره تميس وانا مدري

ولا كرسي بقعد عليه يوم ان احد بيحجزلي


اقوووول لكم شي

لازالت الحمير تعيش في بلادنا


ارجو ان محد يزعل من وجهة نظري


بس هذا الي بقلبي


وجهت نظر على العين

شفت كيف صار الزواج

لا وبعد يلمونا ويقولون تراها عشرة عمر

من وين بتكون عشرة عمر وانتم تبغون كل شي على كيفكم يالاباء الله يهديكم بس


لكن ياخوي مافهمت هذي ليتك توضحها شوي لازالت الحمير تعيش في بلادنا

جنون الليل
15-03-2009, 02:49 PM
طيب يعني ايش نسوي يالشباب

اقعد وانطم انتظر بنت عمك حتى تكبر

واذا كبرت وانت ماتحبها مثلا وهي ماتحبك يعني لازم تزوجها لازم

ايش نسوي للمشكله هذي ؟

والمشكله الاباء محجرين مابلا والا

واذا ناقشت الوضع ماابغى اوشيء عطوك كرت احمر وبعدها دوج في ذا البراري

لكن الان اعتقد في شيء من العقلانيه ، اقل شيء مسموح يتزوج واحد من القبيله يق يق يق

راح اطوف واشوف هههههههههه الله يعين


والله قضايانا صارت مثل قضيت فلسطين

من هالاباء المتعصبين

وانتم يازوجين انطمو وتزوجو وهجدو وياويلكم لو تعارضون والله حاله

وعلى قولتك مالكم الا البراري ودعاء بالفرج ههههه

adel14334
15-03-2009, 03:10 PM
وجهت نظر على العين

شفت كيف صار الزواج

لا وبعد يلمونا ويقولون تراها عشرة عمر

من وين بتكون عشرة عمر وانتم تبغون كل شي على كيفكم يالاباء الله يهديكم بس


لكن ياخوي مافهمت هذي ليتك توضحها شوي لازالت الحمير تعيش في بلادنا





يعني لازال هنالك عادات تفقع الكبد

لازال هنالك اناس بشر تعيش وتأكل ولكن بدون مخ

الله عز وجل كل في كتابة (( وجعلنا بينهم مودة ورحمة ))

بمعنى بعد الزواج واي من كان

ماقال احجزو ترا بيغلقون البنات

شوفي اقرب مثال

المنتدى ملياااان عوانس :018: واولهم لميس

جنون الليل
15-03-2009, 03:18 PM
يعني لازال هنالك عادات تفقع الكبد

لازال هنالك اناس بشر تعيش وتأكل ولكن بدون مخ

الله عز وجل كل في كتابة (( وجعلنا بينهم مودة ورحمة ))

بمعنى بعد الزواج واي من كان

ماقال احجزو ترا بيغلقون البنات

شوفي اقرب مثال


المنتدى ملياااان عوانس :018: واولهم لميس


اي والله في ذي صدقت


اما عن العوانس عاد حدث ولا حرج

واشكرك للأضاح اخوي

الحيــــــــــران
15-03-2009, 04:10 PM
اي والله في ذي صدقت


اما عن العوانس عاد حدث ولا حرج

واشكرك للأضاح اخوي




العوانس لهم حل يتزوجوا بالعمنسين وراح تنتهي مشاكلهم :dribble::dribble:


اما ظاهرة حجز السلع فماراح تنتهي الين يحدث تطور في المجتمع والتطور يكون يشكل تدريجي :z71:

الحيــــــــــران
15-03-2009, 04:18 PM
الان مشكلتكم يالسحالي مشكله عويصه

ومارح تحل ببساطه


حتى ان نحسكم سبب لنا قلق نفسي فاصبحنا منحوسين مثلكم

يعني على سبيل المثال : الشاب عندما يقول له ابوه وعمه مامعك الا بنت عمك ، ايش يسوي بايتفقع وجهه لو يخالف اوامرهم وبعدين عاد اذا كان ابوه عمه عندهم ضغط وسكر هذي مايبغى لها نقاش يعني اي كلمه اومعارضة تفقيع بالعقال

طيب لوفرضنا بنت العم ماكانت موجوده مافرضوا علينا الزواج بالاقارب ، لذلك شوفوا لكم حل يالسحالي

تروا والله ابلشتونا بنحسكم ، طيب اوكيه تزوج واحد ببنت عمه ، وهو مايحبها بس عشان يمشي امر ابوه وعمه

وبعد فتره تزوج بالثانيه اللي يحبها ؟ هنا علامة الاستفهام

اول شيء البنت مسكينه يعني هي مظلومه من البدايه واصبحت سلعة ، طيب الحل لهذه المشكله ياجنون عطينا حل مقنع

والا انحشنا يالتماسيح الى البراري نالف قصائد الف ليله وليله في ضوء القمر ونرعى الابل اخرج لنا من وجع الراس .

جنون الليل
16-03-2009, 01:57 AM
هههههههههههه

تصدق عاد يالحيران انك كسرت خاطري

صرت مثل مشكلت البنات

الحل وانا اختك مالك الا الدعاء بالفرج وترديد يالليل مطولك

والله الحل عند حكومتنا وشيبانا هم اللي يقدرون حلونها اما عنا حنا لا حول ولا قوه لنا مافي ايدينا الا الصبر

بس هاه شوف مو فالاخير يلمون بناتنا من الطلاق ومشاكل الزواج لانهم هم اللي جنو على بناتهم

واشكر حماسك اخوي