المساعد الشخصي الرقمي

مشاهدة النسخة كاملة : إيه أنـت الأول ودوك الـروح شاورهـا


بحر العطا
03-03-2009, 09:32 PM
تنشد عن السالفة ؟ . . خذها من آخرهـا
من واقـع الحـال وآهـات(ن) تخاوينـي

جيتك وروح الفـرح تضحـك نواظرهـا
تبعـد بالاحـزان عـن دربـك وتدنينـي

ما غير أهوجـس بحلـو أيـام خابرهـا
واستعرض الوقت ما بينـك ومـا بينـي

كله قصيدة وأنا اللـي صـرت شاعرهـا
وأنت المعانـي مـن الوجـدان تروينـي

جيتك مشاعـر طريـة طـاب خاطرهـا
مستجدي رضاك ! لا . . ما بيك ترضيني

أرجي بروقك ولـو مـا بـان ماطرهـا
وإن غبت عني بقت صورتك فـي عينـي

ما كنت أظن الحسايـف منـك أعاشرهـا
ليـن ارتفـع للجفـا صـوت يناديـنـي

وأرسلت لك صرخة(ن) صمتك محاصرها
وأشوف عينك تقـول : اليـوم ترجينـي!

إيه أنـت الأول ودوك الـروح شاورهـا
أو هي معك . . خلها . .ما عاد تعنينـي

هذي هي السالفة . . جت لك بقاصرهـا
مـا ظنهـا وإن بقـت بالبـال تغنيـنـي

الحريف
03-03-2009, 10:53 PM
نقل رائع الله يعطيك العافيه

بحر العطا
03-03-2009, 11:16 PM
نقل رائع الله يعطيك العافيه




يعافيك ربي