المساعد الشخصي الرقمي

مشاهدة النسخة كاملة : بكيتك لين ماحن المكان وقال لي يكفيك


بحر العطا
20-02-2009, 01:45 PM
على ركـن المكـان اللـي قــد جمعنــي فيـــك ..
نزفت بلحظة غيابك.وشــــــقت دمعتي خــدي,,

بكيتــك ليـن ماحـن المكــان وقـــال لي يكفيك
وجاوبته وانا اصرخ تركني للأســـف وحــدي,,

حــبيبي لــيـش قصـتنا تعثـر حــظها بيـــديــــك
ترى خمســــــه يسألوني ومات بداخــلي ردي

اولها فؤادارخص الدنيا وهالعالم لجل يشريك
وعين لــو احــايلها تنــام تقــول مـــــاااا ودي

و روح لـو اخـيرها... بتتركني وتســـــكن فيك..
!!وصـوره تحتضر في ملامح وجهك الــوردي

وخامسها اامكان اللي نقش في صفحته ماضيك
حبيبي كيف اجاوبهم ؟؟؟ وصلت من التعب حدي

تحديـت الخطـر لجـلك وحاربته عشـــان ارضيك..
ويوم احلوت ايامي كســـــرت الســــيف في يدي

بسافـروش بقى عندي عشان اكثر بعد اعطيك
عطيتك اجمل ايامي وحـالفت الزمـن ضــــــدي..

وكنت بموعدي احمــل زهــور يانعــه واهديـك ..
وصـــرت اليوم احملها وترجــع ذابــله عنــدي

وكل اللي بقى .. ذاك المكان اللي جمعني فيك..
ازوره يــوم اشــــــتاقك وتجـــرح دمعتي خدي .


كلمات اخذتني للبعيد فــأعجبت بها وودت نقلها لكم

الحريف
20-02-2009, 02:34 PM
بحر العطا

أختيار رائع الله يعطيك العافيه

بحر العطا
20-02-2009, 02:52 PM
بحر العطا

أختيار رائع الله يعطيك العافيه




يعافيك ربي ومشكور على مرورك العذب

pearla
20-02-2009, 03:54 PM
تحديـت الخطـر لجـلك وحاربته عشـــان ارضيك..ويوم احلوت ايامي كســـــرت الســــيف في يدي


راق لي هذا الاختيار ..
شكرا لك بحر العطاء ..

وَجس ~
20-02-2009, 04:48 PM
صراحة احترت في اجمل بيت

لان القصيدة كلها روع

مشكوووووور بحر العطا

بحر العطا
20-02-2009, 07:33 PM
راق لي هذا الاختيار ..
شكرا لك بحر العطاء ..
[/center]


الشكر موصول الله عز وجل

بحر العطا
20-02-2009, 07:36 PM
صراحة احترت في اجمل بيت

لان القصيدة كلها روع

مشكوووووور بحر العطا



الشكر على مرورك الأجمل