المساعد الشخصي الرقمي

مشاهدة النسخة كاملة : بكــــت دخـــان


بحر العطا
19-02-2009, 07:49 PM
السلام عليكم ورحمة الله وبركاته
هذي قصيده اتمنى أن تحوز على شيءً من أرضائكم وعذرونا على القصور



عجيب ٍ ليلي الحالــك ملازمـني تقـلْ ديــّان
وأنا مذكر علي ديــن ٍ عَـدا أحـلام منهــاره

ألا ياليل عندي لك ندب جـرح وبكـت دخــان
يا إنـّك تكتفـي بالجـرح وإلا خـذ لك إزقـاره

وشف لك من ضلوع الصدر جمرة وإلعن الشيطان
وتاره تاخذ علومي وناخـذ علمكــم تــارة

على كيف الـذي لا ضاق صدره يزهم القيفـان
تجيله ما تقـول إلا المعاني رهـن محبــاره

يغنّيها ولا كل من يغنّي - للأسف - طربـان
بعض النـّاس لا غنّت تخاف ينتّــق أزراره

أغض الطرف عن بعض الأمور ولاني بعجزان
ولكــن لي على كلـح الأوادم روح صبـّاره

وانا شاعر ولو ما صار تحت إسمي رتب وألوان
وروس القوم تشهد لي قبل لا تشهـد إصغـاره

ولا أدوّر ورا شعـري مقـولـة (يالأديب فلان)
لأن بعض المدح لا جا من النّقـاص (مـعياره)

وفينــا بالقصيـد أوّل ونافـي بالقصـيد الآن
ونقدح من بديع القاف ما يغنـي عـن إهـذاره

لعين الي يتابعـني ولـو إن خاطـره زعـلان
يزلْ اليوم من بعده وانـا شفْقـن على أخبـاره

ولا يدري بأنّي لا فقـدتـه ما فقـدت إنسـان
فقدت سنين مـن عمري وعيني تفقـد أنـواره

رضينا بيننا بالصمت لو إنّـه شِبـه حِرمـان
مثل من عالج عيونه عمى والعـين عـوّاره

وانا أدري حالته مثلي ولـو أن الكِبِرْ أحيـان
يخلي صاحبه ملزوم يكتـم زحمـة أسـراره

سقى الله ضحكته لا شاف ترديدي على البيبان
سقى الله رجفته لا قام ينشـدني عن الحـاره

سقى الله يوم انا ما بين رمّانه وعود البـان
سقى الله يوم يطبع لي على هالخـد تذكـاره

سقى الله لا لقـم شيّه على شيّي وانا شفقان
يزل الدمع من عينه وعيني تهمـل إعبـاره

سقى الله يا زمان ٍ كانِ ما ضنّيت مثله كان
ولا ضنّيت في يوم ٍ نبي نغلق لـه أستـاره

على قولة (نبي نرجع) أطبطب خاطرٍ ولهان
وعلى قولة (صعب ينسى) أعدّل ميل معياره

ألا ياليل وش لك من عطيب ٍ ساطل ٍ سهران
متى بس تنقلع عنّا وصبحك تسفـر أنـواره





وسلامتكم http://www.alkhubr.net/imgcache2/17046.gif

أخوكم بحر العطا

الحريف
19-02-2009, 09:07 PM
بحر العطا

الله يعطييييك العافيه

زهورالريف
20-02-2009, 01:45 AM
يسلمووووووووووووووووووووو

بحر العطا
20-02-2009, 07:42 AM
بحر العطا

الله يعطييييك العافيه



يعافيك ربي

بحر العطا
20-02-2009, 07:43 AM
يسلمووووووووووووووووووووو



يسلم مرورك الجميل