المساعد الشخصي الرقمي

مشاهدة النسخة كاملة : عالم النت؟؟؟


بحر العطا
16-02-2009, 04:51 AM
السلام عليكم ورحمة الله وبركاته


اطرح موضوع هذا أعجبني وحبيت انقله لكم واتمنى الكل يشارك فيه ويكون صريح مع نفسه قبل يكون مع الاعضاء
في عالم النت وخصوصا في المنتديات و الشاتات الصوتيه او الكتابيه والمسنجرات تجري محادثات .. بعض من هذي المحادثات تكون مفيده والبعض منها تكون غير مفيده ..
لما تدخل منتدى ما او شات .. الخ وكل همك تاخذ معلومه او فائده وتطلع بدون ماتضر احد ولحد يضرك يكون تواجدك مفيد في عالم النت ..
لكن لما تدخل منتدى ما او شات ..الخ وهدفك من دخولك لهم فقط فضاوه وهالفضاوه تخليك تمارس بعض من اعملاك السيئه ب القيل و القال ونشر الاشاعات يكون تواجدك غير مفيد..كيف نعالج هالمشكله ؟

اول شي نشوف هالفاضي وراعي القيل و القال نمسكه مع علباه ونقول كم عمرك انت
ثاني شي حط ببالك ان اي شخص يوصل لك كلام راح يتكلم عليك من وراك (من حكى لك ,,,حكى فيك)
ثالث شغله وهي اهم شي لما يجيك واحد ويقول لك فلان قال فيك كذا وكذا وكذا ...الخ وانت عارف كل كلامه كذا و نفاق قول له تعال ياحبيبي و واجهني بهذا الشخص صدقني بينصفق وجهه صح يمكن يجيك ويقول لك امانه وتكفى و طلبتك لا تقول له لا تصدقه وقول له تعال وقول هالكلام قدامه ..

رابعاً الكل بيتفق معي أن المنتديات و المسنجرات و الشاتات بانواعها يكون فيه علاقه واقصد بالعلاقه هو بين شخصين سواء كانت العلاقه مؤنث مع مؤنث او مذكر مع مذكر او مؤنث مع مذكر بعض من هذي العلاقه تكون ناجحه ومفيده وتحصل اثنين مافيه احلى منهم داخل و خارج النت وسبب هالعلاقه القويه بينهم بالنت وحتى بعالم حواء تحصل علاقات قويه بين البنات وزيارات بين بعضهم لبعض و اتصالات وهذي محبه من الله سبحانه تجعل العلاقه ممتازه وتستمر حتى لو كل واحد انشغل بهذي الحياة لكن لما يصير بينك وبينه سوء تفاهم او اختلاف في الرأي يحقد ويعيب عليك ويطلع عيوبك و يقول اسرارك لفلان وعلان وتشوف سالفه بسيطه تصير مشكله كبيره ونتائج تكون فادحه
انا مدري ليش هالاشكال موجوده استغفر الله مدري وش يحس فيه لما ينقل الكلام يحسب بيجيه وسام ؟ولا يبي يتقرب منه وتقول له شوفني تراني احبك وانقل اي كلام يضرك عشان تعرف اترك الجواب لكم .

خامساً يعجبني الشخص لما اقول له وش سالفتك مع فلان او علان يرد علي ( الله يستر عليه ) هالشخص يكبر بعيني ويدل على اصله الطيب هل انت من ضمن هالناس الطيبه ؟
صحيح ممكن تقول سالفتك مع فلان لشخص تثق فيه اكثر من نفسك لكن بعالم النت ماتوقع راح اثق بكل من هب ودب او يوزرات ماعرف عنها شي مجرد انها تكتب مواضيع او بيني وبينهم مسنجر ..


سادس شي و الاخير اتمنى ياخوان عدم التعرض على بنات خلق الله وقذفهم ويستر على بنات المسلمين واذا براسه مشاكل يشوف له درب ثاني غير هالدرب وهالشي ماينلعب فيه ومن تعرض و شهر بفلان مع علانه وبينهم علاقه او نقل كلام سمعه من من فلان او فلانه يتقي الله حتى لو كان بينهم شي ومن ستر على مسلم ستر الله عليه يوم القيامه واللي يوصل لك الكلام قول له استح على وجهك وكبر يابابا بيجي يوم بتشوف هالشي في اهلك او عيالك وقوله تعالى : ( إن جاءكم فاسق بنبإ فتبينوا ) مهب اذا جاك خبر صدقته وسأل نفسك من اللي قايل لك الخبر ؟ رسول من الله ولا من الملائكة جاي يقول لك الخبر ؟

هذي قصيده ل (مقرن بن متعب الهرف)يقول فيها :-

يا سامعي جنب عن القيل والقال

احفظ سموعك عن ردي العلومي

ولا تقرب الغيبه على كل الأحوال

احذر تراها مثل عفن اللحومي

والكذب خله لا يجيلك على بال

امسك لسانك عن كلام السمومي

وليا نزلت السوق والقلب مهتال

غض البصر والعن بليس الرجومي

والمال زكه طهره مابه جدال

يزيد من خيرات رب رحومي

والرفقة اللي سوء لا تاصل حبال

اقطع علاقاتك ونفسك تشومي

واحرص على وصل الرحم وأبذل المال

تكسب بها اجراً وتنسى الهمومي

واليا حصل حجة وعمره ومنزال

بأرض الحرم ملزوم فيها لزومي

ووصيك فرضك لا توليه الاهمال

حافظ عليه وصله ابكل يومي

والشهر صومه لا بدى الشهر ب هلال

شهر رمضان الخير به والنعومي

واليا لفيت ارجال سلم على الحال

ضحكة حجاج وبسمة للقرومي

وابعد عن اللي هرجهم ماله اقبال

هرج ينقص ما يزيدك عزومي
هاذي وصايا كنها الغيث همال

يا سعد من هي في حياته تدومي

مثل الجواهر والدرر وزنها اثقال

يرجح بها الميزان وقت الزحومي


اتمنى من الاعضاء الاجابه على الاسئلة على حسب الرغبه ومن عنده اضافه او مناقشه او اي شي بباله لا يرده الا الكيبورد

زهورالريف
16-02-2009, 01:47 PM
يسلموووووووووعلى موضوعك لكن ارد
على جميع الاسئله واقول
صعبه اثق في احد مااعرفه
هههههههههههههههههههههه
موضيعك
جوننننننان

أبوشهد
16-02-2009, 10:40 PM
بحر العطا

حياك الله يالغالي

ونقل هادف وقضية اجتماعية وعامة

عزيزي

مشكلتنا في عالم النت تتلخص في :

أساسه كان سيئ السمعه وأستخدم للفضائح والتغرير بالفتياتات والشباب ايضاً

وللأسف هي مستمرة حتى الآن ونجدها كثيراً في أغلب المواقع النتية

حتى منتدانا هنا لم يسلم منها وقد عاصرنا في الماضي للأسف

مشاكل من هذا النوع واستطعنا ان نخرج بالموقع سالماً

واتخذنا قرارات ادارية صارمة ادت الى نجاح هذا الموقع ولله الحمد ..!!

وأحييك على هذا الطرح والفكر الراقي

وأرسل عبر موضوعك هذا

تحذير للجميع : أخذ الحيطة والحذر الشديد من عالم النت ..!!

شمس الكون
17-02-2009, 11:21 PM
النت عالم مصغر لحياتنا الواقعية
والأقنعه موجوده في كل مكان
والصادق والمخادع
نماذج حية نتعامل معها


الحياة والنت
مغــامرة لابد لنا ان نتخطئ بعض العثرات ونسقط في البعض منها




لكن للأسف الشر دائما يعم والخير يخص
وكذلك النماذج السيئة موجوده لا يمكن انكار وجودها
لكن لا نعمم أن كل النت سلبي

هناك معرفات عرفناها وتعرفنا بها
ووصلنا إلى حدود كسرنا جمود هذه
الشاشات
ولم نندم على ذلك

أخي العزيز
شكراً على الموضوع

:icon33:

بحر العطا
18-02-2009, 01:38 AM
يسلموووووووووعلى موضوعك لكن ارد
على جميع الاسئله واقول
صعبه اثق في احد مااعرفه
هههههههههههههههههههههه
موضيعك
جوننننننان


مشكوره على مرورك العطـــر

بحر العطا
18-02-2009, 01:41 AM
بحر العطا

حياك الله يالغالي

ونقل هادف وقضية اجتماعية وعامة

عزيزي

مشكلتنا في عالم النت تتلخص في :

أساسه كان سيئ السمعه وأستخدم للفضائح والتغرير بالفتياتات والشباب ايضاً

وللأسف هي مستمرة حتى الآن ونجدها كثيراً في أغلب المواقع النتية

حتى منتدانا هنا لم يسلم منها وقد عاصرنا في الماضي للأسف

مشاكل من هذا النوع واستطعنا ان نخرج بالموقع سالماً

واتخذنا قرارات ادارية صارمة ادت الى نجاح هذا الموقع ولله الحمد ..!!

وأحييك على هذا الطرح والفكر الراقي

وأرسل عبر موضوعك هذا

تحذير للجميع : أخذ الحيطة والحذر الشديد من عالم النت ..!!


الله يبارك فيك وانا احيي أسلوبك الشامخ ومرورك للي أكثر من رائع

بحر العطا
18-02-2009, 01:43 AM
النت عالم مصغر لحياتنا الواقعية

والأقنعه موجوده في كل مكان
والصادق والمخادع
نماذج حية نتعامل معها


الحياة والنت
مغــامرة لابد لنا ان نتخطئ بعض العثرات ونسقط في البعض منها




لكن للأسف الشر دائما يعم والخير يخص
وكذلك النماذج السيئة موجوده لا يمكن انكار وجودها
لكن لا نعمم أن كل النت سلبي

هناك معرفات عرفناها وتعرفنا بها
ووصلنا إلى حدود كسرنا جمود هذه
الشاشات
ولم نندم على ذلك

أخي العزيز
شكراً على الموضوع


:icon33:

الشكر موصول الله عز وجل