المساعد الشخصي الرقمي

مشاهدة النسخة كاملة : اصفق لهاالكلام بكل ماؤتيت من قوووة ..


عزوة اهلها
13-02-2009, 07:27 PM
http://www.alkhubr.net/imgcache2/16390.gifكان يا ما كان http://www.alkhubr.net/imgcache2/16390.gif

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..
===================
كان يا ما كان

قبل ثلاثة ايام

افتح ايميلي واشوف رساله من قروب مشهور... صور لبنات ويتفاخرون انهم سعوديات ..!

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..صافات..عالجدار وملقينا ظهورهم..ومرفعات يدينهم (كأنهم معاقبات)..

ومنزلين البنطلون..ونص البتاع طالع..



قله الحيا هذي مهيب مقبوله!! http://www.alkhubr.net/imgcache2/16391.gif

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟


الصيف اللي راح.. للأسف غلطنا ورحنا مصر .. وما ادراك ما مصر ..

مع الحرص الشديد الحمد لله للابتعاد عن اماكن الفساد .. لأنه يوجد فيها فساد اكثر من الدول الغير عربيه

صراحه!!

ويلومننا ليه نكره الدول العربيه!


رحنا لمطعم سقيم..طلع فيه واحد عالستيج.. ومسك المايك وقال

((احلى تحيه لشعب السعوديه))

وتصفيييييييييق..!!


....


ارجع الحين لصلب الموضوع..

ليش صرنا نشوف صور كثيره.. وعناوين الصور
http://www.alkhubr.net/imgcache2/16392.gif
((سعوديات..سعوديات..سعوديات))


لو نتفرج عالصور..


نلقى رجول..


نلقى جزم!


نلقى اساور خضرا<<يعني ترا حنا سعوديات..



والفيس بوك عاد..والهاي فايف.. انواع الصور اللي مدري وش اقول عنها


شفايف.. http://www.alkhubr.net/imgcache2/16393.gif


* * *...

عيون.. http://www.alkhubr.net/imgcache2/16393.gif


ونادر ما تلقى وحده حاطه وجهها..



على فكره.. اللي تحط صوره وجهها,, محترمه اكثر من اللي ترزز اشياء ثانيه!!
http://www.alkhubr.net/imgcache2/16394.gif


يعني عشانكم تتغطون..تروحون تصورون ذا الصور..!


تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف

مضحك مر فيه..موقف مؤثر..


او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


اذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.... رجلينكم..
ولا
((شنطكم الماركه))..


يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او

يمكن شكل الصوره حلو..


بس ان الوحده تجي تصور مقفاها.. هي وخوياتها.. وكاشخه بالجي سترينق!!

والمنتديات والقروبات السعوديه تتسابق لنشرها ..


بعدين انتي ياللي مصوره انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مقفاك.. شفايفك.. و* * * *...... عادي يشوفونه ؟


لأن المهم عندك الناس.. موب الله ...!!


طيب صورتك قدام نفسك.... ما تهتز انك سويتي شي حقير ووضيع مثل هالشي؟؟


اصلاً اصلاً.. كيف صورتوا صوره زي كذا.. يعني ما استحيتوا من بعض يا بنات؟؟


عيب يعني...... يعني عشانكم بنات مع بعض عادي تورون بعض يعني؟؟


ولا اقولكم..انا نسيت انكم ناشرين الصور للشباب..... فما يهمكم البنات..!



يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



ودي اعرف امك..وابوك..وش بينظرون لك بعد ذي الصور؟؟

حرام..اهلكم ربوكم احسن تربيه..

بس انتم للأسف ما ربيتوا انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



ولا قروب ثاني سعودي برضه... ..والصور اللي ناشرينها..


ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


طيب.... وبعدين؟؟ ابي افهم وش الهدف؟؟ مره وناسه؟؟ مره يضحك؟؟ مررررره كوووول انتم صراحه!!



طبعا ترى الكلام موب موجه للبنات فقط.. .. لأن يوجد عندنا وبكثره رجال عقول فاضيه..


اللي همهم نوم واكل.. ..وفلوس ياخذها من ابوه ولا امه!



تطوروا شوي.. ارتقوا شوي..اطلعوا بصوره احلى من كذا..



انتم عارفين ان النت اكبر وسيله انتشار..


قبل فتره.. في ام بي سي فور.. برنامج من برامجها عارض بروفايلات لبنات سعوديات.. باسماءهم..

طبعا موب اسماء حقيقه.. !

بس شوفوا الصور انتم!!
شفايف و اساور وشنط و* * * *
ومدري وشو..
علقوا على هالشي باننا متكمكمين بعبايتنا

عشان كذا نروح عن انفسنا بهاذي الطريقه..


ما تستحون؟؟ صوركم قدام انفسكم!؟ ما تهتز؟؟


انشرو شي حلو,,...حاولو تطلعون بشخصياتكم الحقيقيه.. موب تصيرون مثل الفنان الفلاني.. ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر.. انواع الصور الشينه تنتشر..


ليه؟ وش استفدت؟؟ غير الذنب واالأثم.. انك خليت احد يشوفها.. وانك نشرت شي مو كويس عن

المسلمين!



اقولكم شي؟

شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعاً لفئه معينه من

الناس..

بس تدرون ان الكتاب تترجم لاكثر من 22 لغه؟؟

تدرون �نهم برا يدرسون الكتاب ..

فيه دوله من الدول يدرسونه؟؟ تخيلوا؟؟

يا حلّو الثقافه اللي يتثقفونها بس ..!!

يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في

سلبيات,,!,,

مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه

والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي!
ااااخ بس

انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه

بعيني عندنا..

وكل اللي سووا عليه ضجه.. هذولي يبون يعترضون لمجرد الاعتراض..


ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف !!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

شلون الواحد يصلح مجتمعه؟؟

بأنه يغطي على اغلاطه ولا يحكيها عشان ما ينفضح قدام الاجانب والناس!


بس عادي يدشرون ويخربون وكل شي.. بس ما ينتشر عنهم شي!


ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم

سعوديين.... ناس طاهرين!


غلط ! كل دوله بالعالم فيها الصالح والطالح..

البيت الواحد فيه الصالح والطالح..


ما تحبون احد يحكي فيكم ابد.. بالرغم من كل الاغلاط بحياتكم..


===============
ليه ما تصلحون ايميلات تعود لكم بالفايده؟

وتحسن سمعتكم!

وتظهر الجانب الحلو في كل سعودي وسعوديه؟


بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات..ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو ...فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!

==================

شله شباب..اعرفهم بعد.. طبعا هم نجديين..طالعين لجده..في رحله بحريه..وصادو كميه لا بأس بها من السمك..

تدرون لو باعوا السمك.. كم يبيجب لهم؟ تقريبا 4 الاف ريال ....

بس هم كانت نواياهم اهم من الفلوس..

اخذو السمك وودوه لمنطقه فيها ناس فقرا.. وتصدقوا به..

====================
برضو حمله تبرعات الراجحي..

ترى اكثر من تبرع فيها شباب..


يعني فيه ناس تشتغل.. فيه ناس عندها اهداف.. تفكر صح

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون... بس برضه بحدود..


موب عشانكم ورا الشاشات .... الأمر يعني عادي؟؟


(هياط ورا الشاشه = مرض)


الصور اللي من النوعيه اللي ذكرتها في البدايه.. بطلوا تنزلونها النت.. بطلوا تحطونها بالبروفايل حقكم.. ترا صدق يعني هالشي ما يبين الا فضاوه عقولكم....لأن هالبروفايل يبين شخصيتك..


اي احد يشوف هالصور..والا يجيه ايميل من هالنوعيه.. يبطل ينشرها.. لأنها يساعد على انتشار

هالظاهره..لأن التقليد عندنا اعمى!!

======================
وابي اتطرق لموضوع دخل فجأه معاي ..
بس لازم اعلق عليه(( فضيحه بنت .. الخ)) هالنوعيه من الصور

والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولاً نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!


قال الرسول صلى الله عليه وسلم

(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينتشر بنفس الطريقه اللي انتشرت فيها هالصور..


يهمني الموضوع ينتشر في المنتديات السعوديه.. اكثر من المنتديات العربيه..
واتمنى انكم ترسلونه لااكثر من ايميل..

لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..


ابغى اذا احد قال((احلى تحيه لشعب السعوديه)) وعادها 6 او 10 مرات..

اعرف ليه قالها.. واقول معي حق اني اصــفــــــق..

تعليق :

واعرف من فضل الله ان الغالبية العظمى من المجتمع السعودي بعيدة عن هذه الأمور....

http://www.alkhubr.net/imgcache2/16395.gif

الحريف
13-02-2009, 08:56 PM
عزوه اهلها

بصراحه مواضيعك دائم اتحمس معها وتشدني القراءتها ... موضوعك هذا يتكلم عن فئيةً من الفتياة
او الشباب أ العوائل ..

لآن البنت المنحطه .. اثقي أن اهلها من حطين مثلها..( ولا بالفار فاراً طاهر) يعني البيت كلهُ مسيرتهُ وحده

أما .. الشباب . ممكن يحصل منهم .. هالشي واهلهم خلاف ذلك ....... ارجع .. للفتيات .. صاحبات الصور

الذي يصوراً الخلفيات يسمن فتيات الجنس يعني جنسيات والام والابو مثلهم وإلا مايهملونهم في هالشكل


وسمحيلي على بعض اللفاض..

ولي رجعه على الموضوع بشكل اوسع

تقبلي مروري

عزوة اهلها
13-02-2009, 09:25 PM
حياك الله خيو الحريف من زمان عنك وعن نقاشاتك اللي تبرد القلب لاحرمناها لاعاد تغيييب ترى لحظورك ونقاشاتك لذه لماتحويه من مصداقيه بس جنك بديت تخورها انتبه ..
المهم كلامك صحيح بس اخوي وربي انا اعرف بنات قبايل وعوائل معروفه واهلهم محافظين وربي انهم يسوون هالحركات وهالتصوير وينزلونها فالمنتديات عبالهم مدحه وربي مره شفت جوال وحده من رفيجاتي امها مديرة مدرسه قديمه ومتشدده وموريتهم الطريق العدل غصب عنهم بس انصدمت يوم شفت جوالها حاطه صورها سواة هالمخبل اللي طايحين فيها وربي بغيت اعطيها سطار من القهر بس قلت مالي شغل فيها خل تولي ماعلي الا من نفسي لاوالمشكله تقول لي تعالي طحت على منتدى فيه بنات وشباب على قدنا وفي اعمارنا منزلين صورهم انا هناك تعالي شوفيهم رحت لمنتداهم واشوف لها بعض الصور والخرابيط وربي انقهرت سفطتها هي ومنتداهم ..خفت يجي احد من هلي ويحصلني في هالمنتدى بعدين اتوهق واكل لي علقه خخخخخخخخخخخ..