المساعد الشخصي الرقمي

مشاهدة النسخة كاملة : شراااائح شراااائح ؟!


ليلة عطرهآ بآقي
09-02-2009, 04:17 AM
شرائح الجوالات
مقدمة من
شركة ( ؟ ؟ ؟ ) للأتصالات



http://www.alkhubr.net/imgcache2/15974.gif


_-_-_-_-_-_--_-_-_-_ _-_-_-_-_-_--_-_-_-_


شريحة الحب والأخلاص


http://www.alkhubr.net/imgcache2/15975.gif


يعني مثل اسم الشريحة يدل على انها شريحة فيها نوع من الحب والأخلاص والوفا الي نادر ما تشوف احد معاه شريحة مثل هاذي... ويوفي بحبه ومعزته للحبيب الي يكلمه او لصديق او لأهله أو لأي احد يتكلم معاه .. يعني بأختصار صاحب الشريحة ينحط على الجرح ويبرى .. للصديق والعزيز والقريب ..
=-=



شريحةالأهـل


http://www.alkhubr.net/imgcache2/15976.gif





يعني زي ما انتم شايفين فيه بعض من الشباب والبنات عندهم ها الشريحة .. يعني لو يتصل احد على صاحب ها الشريحة ولو كان 100 الف رقم اتصل عليه يعرف انه الأتصال من اهله مليون في المية .. فاعاد تعال شوف الي ما يبغى يرد ولي يبغى يسحب عليهم لأنه عارف انه من اهله او اقاربه فا الأخ أو الأخت مو ناقصين وجع راس .. وهات وتعال.. وودينا السوق .. وليش تأخرت.. ويالله ارجع البيت .. تعال البيت ابوك متحلف لك..
والحق ينقال في الأيام هاذي الواحد يشوف اسم المتصل فرضا .. البيت أو الوالد .. يقوم يحط الصامت ويرمي جواله في الدرج

=_=



شريحةخـيانة



http://www.alkhubr.net/imgcache2/15977.gif



يعني الشريحة هاذي الكلام فيها نقطة في بحر .. الخيانة .. اسميها عندي ألم الدنيا اذا كان صاحب/ة الشريحة هاذا يكلم حبيب له ولما يقفل الخط على طول مكالمة مع شخص ثاني ونفس الكلام الي ينقال لك ينقال له فا والله شي ما تقدر توصفه هل هو استحقار فيك..؟ هل هو مهزلة فيك .؟؟ ام هل هي مجرد خيانة..؟؟


فا مداوة ها الجرح صعب .. ونصيحة مني الشريحة هاذي أضرارها كثير

=_=


شريحه كذب



http://www.alkhubr.net/imgcache2/15978.gif


يعني من اسم الشريحة شريحة الكذب أصحاب الشريحة هاذي تحصل في كلامهم لك او مجاملتهم لك كذب في كذب كا مثل يقولك انا فلان بن فلان وهاذي رقم شريحتي وهو لا كذا وكذا كله كذب عشان يوصل لمراده بأي شكل كان .. وخذلك كمان شريحة الكذب هاذي زي مثلاا صاحب الشريحة كل كلامه كذب في كذب سواء مع صاحبه او حبيب له او اهله او اقاربه
وهاذا الي يصير حاليا ــ (:




شريحه مصلحـــه




http://www.alkhubr.net/imgcache2/15979.gif



بذات هاذي عدد ولا حرج .. يعني اصحاب ها الشريحة يكلمك ويعطيك من الكلام المعسول الي يووه ماعمرك شفت زي الكلام هاذا وبالأخير مصلحة وبعد ما ياخذ المصلحة يعطيك مشغول ويقفل الجوال ولاا يرد وهاذا واقعنا ماحد يبغاك الا عشان مصلحة وبس والقليل الي تشوفه بصدق معاك من غير اي مصالح ولا مايحزنون
لاااا أزيدك من الشعر بيت ...وبعد ما ياخذ الي يبغاه وتكون محتاجه مـــايعـرفـك ــ طــوط

=-=



شريحة التعارف



http://www.alkhubr.net/imgcache2/15980.gif


يعني اصحاب ها الشرايح معروفين من اسم الشريحة وتقريبا الشريحة هاذي الي يستخدمها اكثرهم الشباب طبعا الواحد يطلع ها الشريحة بس عشان يتعرف على البنات والعكس كمان البنات يتعرفوا على الشباب واسألو المجربين .. يعني صاحب الشريحة مطمن ايش ما صار في الشريحة ماهمه يعني لا راحت ولا جات ...تيتتي زي ما رحتي زي ما جيتي يعني الأدمي أو الأدمية يبغو يتعرفوا فا مسك السماعة ولي امره او ولي امرها ما رح يهمه...وهاذا الي نشوفه في ايامنا وخلينا نكون صرحين مع بعض

=-=



شريحة تصريف



http://www.alkhubr.net/imgcache2/15981.gif


يعني اسم الشريحة هاذي تحفة كل صاحب الشريحة هاذي يعرف كيف يصرف نفسه يعني واحد او واحدة معاهم ها الشريحة وفرضا شافه صاحبه في سوق او اي مكان .. كيفك اخبارك .. ووالخ .. اعطيني رقمك عشان اتصل عليك ويكون بينا اتصال.( ايه شي اكيد تفضل رقمي)..فا طبعا صاحب الشريحة مطلع ها الشريحة علشان ها الامور بذات التصريف .. ويعطيه رقم الشريحة ويروح هاذا وهاذاك وفجئة يتصل ويلاقاه ( الرقم المطلوب غير موجود بالخدمة مؤقتا) او مقفل او أنه يرد عليه ولكن بطريقة كذا يعرف كيف يصرف نفسه بأي شكل كان
يعني لاتحاول معاه حيصرفك يعني حيصرفك ــ

-==-=--==-



http://www.alkhubr.net/imgcache2/15982.gif



...فمــــــــــــــــــاذا تملـــــــك وتفضل أنت من هذه الشرايـــــــح ...

سامـــي
09-02-2009, 06:10 AM
حلاي نجدي صادقه والله كثير نشوفهم كذا مدري وش يحسون فيه !!

تبون الصراحه !! عندي شريحتين وحده عند الكل وهي الأساسيه اللي ما أقفلها إلا إذا صابتني أم العبيد

عاد الشريحه الثانيه أشغلها إذا صابتني أم العبيد ومابي أكلم حد هذي عند أهلي وحبايبي بس

مشكورة ع الموضوع الرائع

حنين الشوق
09-02-2009, 09:22 PM
شريحة وحدة بس للأهل والحبايب

يسلمووووووو يالحلا

وَجس ~
09-02-2009, 09:27 PM
خوش شريحة شريحة التصريف هههههههههههههه

عشان تصرف كل واحد غثيث ما تبيه

مشكوووورة اختي على الشرائح

الحريف
09-02-2009, 09:30 PM
ههههههههههههههههههههههههههههههههه

اما شريحت المصلحه مصلحجيه


الله يعطيك العافيه ولا يحرمنا تواجدك معنا

نبيطه
09-02-2009, 09:52 PM
شرررررررررريحة التصرررررررريف لحد يقووول عنهاااا شي ترى ازعل

بالله اذا ناس غاثينك
مثلا في العمل مرات يجوني مراجعين ومراجعات من جماعتنا ومن اقاربنا او من القبيله نفسهااا عاد ياكثررررهم يادافع البلالالالالالالالالا


وطبعا يبون شغله وخلصناها ما ينتهون يجونك مره ثانيه لا ويرسلون لنا ناس من طرفهم

طبعاااااااا هنااااااااااا ااااااااتمنى شررررررريحة التصررررررريف مررررررررره منتازه على قولة عجايزنا


يسلموووووووو ع المووووووزوع

أبوشهد
10-02-2009, 10:38 AM
والله التصريف حلو

خصوصاً

انني ما احب الجوال كثير ..!!