المساعد الشخصي الرقمي

مشاهدة النسخة كاملة : والحل ذلحينا ؟؟


نبيطه
02-02-2009, 07:00 PM
مسااااااااااائكم كورثي واقط وسمنه



ياجماعه صاررررررر لي موقف محرج اليوم وربي افكر فيه كل دقيقه


محررررررجه من جد<<<<< اول مره تنحرج


المهم


الموضوع

رحت لدوام اليوم الساعه 8 ونص متاخره كالعاده طبعا

اول ماجيت شربت حليبتي وافطرت

ثم

نزلت عبايتي ولبسة الفروه ورحت للكرسي الطويل ذااك<<<<< الي يتخفش


ثم نمت لين الساعه 1 ونص الظهر

صحيت ورحت للمكتب الرئيسي حق المدير

طبعا بعد ما قالو لي انه وصل متاخر مع انه اعلن ياخذ اجازه من هالاسبوع

لكن تفاجئنا في حضوره

رحت وانا ماخذه شنطتي بطلع بس قلت بمر يشوفني يدري اني مداومه لاني امس غايبه


المهم دخلت سويت نفسي اسال عن وحده من النبات عنده واخذت فوق تحت وطلعت


قال هو ووووووووووين نبيطه؟؟؟؟؟؟؟


وارجع


سم


قال انتي غايبه امس قلت: ايه

قال علمتي احد من زميلاتك

قلت : لا

قال: وش سويتي اليوم ؟

قلت : كيف ؟ <<<<< استعبط وانا فاهمه قصده

قال : الشغل الي سويتيه وشو اليوم

قلت : أأأأأأ <<<<< انتع في الكلام واقرطب اصابعي

ابد اتصلت على ابو فلان عشان البيانات موب كامله

قال : صحيح ؟!!!!!!!!

قلت : ايه

قال : متى ؟
قلت : اليوم
قال : اصلا هو مسافرررر وماخذ اجازه كيف اتصلتي؟

قلت : احم احم <<<<< قالتها من جد

واسسسسسسسسسكت

قال : هاه ردي ؟؟


واسسسسسسسكت

قلت : طال عمرك تبي شغل معين قول وحنا نسويه


قال : اكره ماعندي الكذب

واسسسسسسسسسسكت <<<<<<< ركبها تصافق

وهو يسسسسكت

واسسكت انا بعد

واخذ فوق تحت واطلع <<<<<< تدور الباب ضيعته

طبعا كل هذا و2 من زميلاتي موجودات عنده

قالو ماتدرررررررين انه في اجازه يا ثوره قلت ادري بس نسسيت

لان شغلنا كله متعلق مع هالمسافر الله لا يرده

الحين


يا اصقيقاي الاعزاء

ابيكم تنقذوني وش الحل

ارجع اكلمه واتاسف منه؟

والبنات يقولون طنشي

وانا اعرفه بيحطني براسه يا بيكتب شكوى او نقل اداري

والمكاااااااان عاجبني فلللللللله <<<<<<< تنوم لين تقول بس


الحل؟؟؟



وربي لوتطنشوني ولا تردون علي عقب هالكلام والكتااااااابه


تكسرررررت اصابعي <<<<< تذكرت عزوة اهلها ما تتعبين ؟

احم



ابي حــــــــــــــــل

تكففففففوووون

سقراط
02-02-2009, 07:12 PM
نبيطه و الله موقف محرج و صعب بقوووه

بس الي اشوفه انك تروحين له بكره و تقولين انا و الله تفاجأت بسؤالك وما عرفت اجاوبك لاني كنت عارفه انك اخذ اجازه ورجعتك للدوام اكيد فيه شي مظايقك وانحرجت بوجود زميلاتي وكلها اجتمعت علي وخلتني ما ادري وش اقووول

ومن اليوم و رايح بتشوف نبيطه غير النبيطه الي قعدت تدور الباب ما تدري وينه

yasser4101
02-02-2009, 07:49 PM
نبيطه خليك صريحه معه لأنك لو تميتي وصرفتيها برضه راح تكون نظرته ..!!!!!!!

يعني بالعربي ادخلي عليه بكره وقولي له انت احرجتني بسؤالك وانا صراحه ما عملت شي واعترف قدامك لكن ما حبيت اتمادى بشي الغلط الي انت تشوفه فيني غلط وقدر المستطاع جيت اصحح الصوره الي بدت تهتز أمامك إتجاهي

حاولي توصلين له انك انتي تتحملين اي عقاب لأنك اخطأتي بنظره ( لأجل أن تتحسن صورتك أمامه )

وأهم شيء الوقت الصحيح لخوض هذه المحادثه التي تريدين الوصول لأجمل صوره أمامه هو الوقت المناسب له

بمعنى لا تجينه على الريق او اول ما يداوم وتصكينه على الجبهه خليه الين يروق واغلب الناس ما تروق الا من 9 إلى 11 ونص

مو تجينه اخر الدوام والناس تبي تطلع وانتي تبين تهجين وتقعد تصافق ركبك قدامه وهو منقرف من الدوام ويبي يطلع مثلك

أهم شي الوقت المناسب ...

™Hesham
02-02-2009, 07:50 PM
موقف صعب جدا ومحرج

انا اشوف انك تتأسفين احسن ترى المدير مشكله مسوي وهو من جنبها قاعد على مكتبه واحلى سوليتير العنكبوت

وانــتــي ابــــداع
تقبلي مروري

وحيدة كالقمر
02-02-2009, 07:52 PM
من جد مووووقف قووي
انا من رأيي انك تروحين له وتعتذرين له وتبررين موقفك..............
والله يسهل دروووبك يالغاليه..

فجرالامل
02-02-2009, 08:17 PM
اسمعي نبيطه وانا اختك
ترى الصدق منجا
اصدقي وراح ربي يساعدك
والله يكون في عونك فعلا موقف محرج

سامـــي
02-02-2009, 09:04 PM
نبيطه


الشباب اللي فوق معهم حقو وما قصروا في الرد وأعطوكي النصيحه والطريق الصحيح

بس لو أنا مكانك والله أطنشه

لأنه لو فكر ينقلك ما راح ينقلك لمكان فيه شغل كثير أو مقابلة جمهور

لأنه يبي الشغل يمشي ما يبي وحده تطنش الشغل

( هع ذي لعبتي من أيام الدراسه ) << يبي يخربها

بس لو كنتي موضفه حكوميه مو في صالحك لو كتب عنك تقرير

نبيطه
02-02-2009, 09:21 PM
دام ررررررايكم كذاا


شوركم وهداية الله


ماقصرررررررررررررررتووو


ويعطيكم العافيييييييه يا اصقيقاااااااي المنقذين

عزوة اهلها
02-02-2009, 10:51 PM
تكسرررررت اصابعي <<<<< تذكرت عزوة اهلها ما تتعبين ؟
افااااااااا وانا بنت فلااااااااااان بنته وشهالحجي خخخخخخخخخخخخخ احسن خل تتكسر عيل تتكلمين فيني وانا مو فيه:(
المهم يالقويه انتي اشحقه نايمه واشحقه الجذب ..تستاهلين ><<قويه تبي تنتقم من طنازتج عليها ههههههههههههه
لاصج خيتو نبيطه روحي له واعتذري وقولي له امرررني باللي انت تبي وانا امس تعبانه ماكنت معاكم كلش عشان جذي قعدت اقط خيط وخيط ..عاد اذا رضى حلو واذا مارضى قوليله الشرهه مو عليك الشرهه على اللي جاك يعتذر خخخخخخخخخخخخخخخ
اسمعي كلام يسور تراه كلام سليم مايخرش الميه..

نبيطه
02-02-2009, 11:04 PM
ههههههههههههههههههههههههههههههههههههههه عزوة

يا حوووووووبيلتسس بس صدق انتي يختي ردودتس طويله مره اتعب وانا اقراها<<< عنك ماقريتي


اااااوما المديرررر ذااا ملعون الصلايب بجيه بكراااا ارقع الامر جعله الهندريه


بجيب له جاهيه


يسلموووووووووو حوبي الابدي والازلي

شموووخ
03-02-2009, 01:01 AM
اقووووول
دقي على من عنده لجل اسنعك
ومالك الا طيب الخاطر

واذا خالوك تدجين مع الباب قوليلهم اجي
امسك مكانك

بوعبدالله
03-02-2009, 01:24 AM
هههههههههههههههههههههههههه
تسئلين الشباب أذأردتي الحل راح يكون عند النساء

ربي سبحانه وتعالى يقول مامعنه عن الشيطان : أن كيد الشيطان كان ضعيفا
وقال ربي في أيه ثانيه : أن كيدهن عضيم
يعني كيدكم قطى على كيد الشيطان

فئنتم يا معشر النساء أدخلون عشره من رئسائكم من هنه وتخرجوهم من هنه

TASI
03-02-2009, 01:31 AM
نبيطه
خليه يشوف موضوعك هذا .. وراح يسامحك

وَجس ~
03-02-2009, 01:59 AM
عشان مرة ثانية ما تجذبين هههههههههههه

اذا منحرجة اكتبيله بورقة وتأسفي وانتهى الموضوع

سامبامان
03-02-2009, 02:09 AM
نبيطه
اولا من خبرتي الاداريه اكثر من 10 سنين و في ادارتي اكثر من 140 موظف
هو ما سأل الا و هو عارف انتي اش سويتي
و اتوقع وحده من الطيبات الي عنده شغاله جاسوسه عليكم
و فارطه السبحه عنكم عند سعادته
الان مالك الا مخرج واحد
طبعا بعد مخرج 13 من الدائري
المهم الصدق دائما منجاه
و بصفت انك خربتيها اصلا
ما بقي الا الغباء
تتغابين و تقولين انك انخرطتي يوم شفتيه و كذا و انك لخبطتي بالايام و انك اتصلتي على العميل اول امس السبت بس طال عمرك الايام تجري
مع نظره غباء مشعه من عيونك و طالعي بالارض لا تطالعين بوجهه لا يكتشفك
بعدها عليكي ان تتوطي ببطن البنت الي جاسوسه عليكم و تفهميها انك ممكن تنهيها من العمل لو سمعتي انها فتنت عليكي ثاني
و اتغطي كويس يوم تنامين بلاش الشخير يضرب الى اخر المكتب
يعني داروا اموركم بالكتمان
اتفقنا

~~نادية~~
03-02-2009, 04:16 AM
إيوه الشباب عندهم حق ....اعتذري و صارحيه ..

الله يوفقك حبيبتي و يسهل دربك

أبوشهد
03-02-2009, 08:29 AM
روحي له وقدمي أستقالتك عليه

واذا سألك ليه قولي منفشله منك يامدير .!!

AmMaR
03-02-2009, 09:23 AM
تأسفي له ولا عاد تتعودينها

الكذب في مجال رسمي يحسب عليك وعلى تقييمك نهاية السنة

وافتحي صفحة جديدة وانضبطي في شغلك

حنين الشوق
03-02-2009, 05:47 PM
نبيطة .. موقف لايحسد عليه ..!

بتداوينها أعميتيها .!

أعتذري وتأسفي لمديرك .! وراح تنحل بإذن الله .!







ولا عاد تتعودينها ..!!

سقراط
03-02-2009, 07:47 PM
ههههههههههههههههههههههه


ابو شهد انواع التوهيق



اغديك ما تنصح احد ابد يا حبيبي خلك مطوع في حالك ولا تنصصصصصصصصح ابببببببد


ههههههههههههههه

نبيطه
04-02-2009, 01:55 AM
هههههههههههههههههههههههههه
تسئلين الشباب أذأردتي الحل راح يكون عند النساء

ربي سبحانه وتعالى يقول مامعنه عن الشيطان : أن كيد الشيطان كان ضعيفا
وقال ربي في أيه ثانيه : أن كيدهن عضيم
يعني كيدكم قطى على كيد الشيطان

فئنتم يا معشر النساء أدخلون عشره من رئسائكم من هنه وتخرجوهم من هنه


ياخي انا من معشر النساء واخرررررطي من جنبها ما قدرت ارقع الموضوع

نبيطه
04-02-2009, 02:02 AM
نبيطه
اولا من خبرتي الاداريه اكثر من 10 سنين و في ادارتي اكثر من 140 موظف
هو ما سأل الا و هو عارف انتي اش سويتي
و اتوقع وحده من الطيبات الي عنده شغاله جاسوسه عليكم
و فارطه السبحه عنكم عند سعادته
الان مالك الا مخرج واحد
طبعا بعد مخرج 13 من الدائري
المهم الصدق دائما منجاه
و بصفت انك خربتيها اصلا
ما بقي الا الغباء
تتغابين و تقولين انك انخرطتي يوم شفتيه و كذا و انك لخبطتي بالايام و انك اتصلتي على العميل اول امس السبت بس طال عمرك الايام تجري
مع نظره غباء مشعه من عيونك و طالعي بالارض لا تطالعين بوجهه لا يكتشفك
بعدها عليكي ان تتوطي ببطن البنت الي جاسوسه عليكم و تفهميها انك ممكن تنهيها من العمل لو سمعتي انها فتنت عليكي ثاني
و اتغطي كويس يوم تنامين بلاش الشخير يضرب الى اخر المكتب
يعني داروا اموركم بالكتمان
اتفقنا


قسسسسسم با الله انك صاااااادق وجبتهااااااااااا

كانك معانااااااا في القسسم وتشوف

ياخي فيه وحده قديمه بالقسم عجوز هطقا وشغووووووله اقدم من المدير نفسه

جاها تقاعد وارفضته من حبا لشغل والكرف ومعفيه عن البصمه ومع ذالك تجي تبصم

وهي الي محرشته اكيدددددد وكل البنات يقولونه

لكن انا اشك بعد في الفراش حق المكتب يجيب له العلم اول بأول


يسسسسسسسلمووووووو

نبيطه
04-02-2009, 02:15 AM
نبيطه
خليه يشوف موضوعك هذا .. وراح يسامحك


بس بشررررط يا تاااااااتاااااااااااا


بخليه يشارك في المنتدى معناااااااا

وابيك تعطيه اشراااااااااااااااف


احم احم



يسلموووووووووو تاتااااااا

نبيطه
04-02-2009, 02:21 AM
روحي له وقدمي أستقالتك عليه

واذا سألك ليه قولي منفشله منك يامدير .!!



ابو شهد ودك عاااااد يقوووووووول افاااااااااااا اجل والله ماتستقيلين والله ان تصيرين رئيسة قسم


اووووووووووووه تخيلووووووووو

:face18: كاااان مااااعد اكلمكم ويكبر راسي عليكم



يسلموووووووووو