المساعد الشخصي الرقمي

مشاهدة النسخة كاملة : أبـوي لـيـش تـمـنـعـنـي مـن الـزواج ..!!!


جنون الليل
28-01-2009, 06:35 AM
بسم الله الرحمن الرحيـم

السلام عليكم ورحمة الله وبركاتـه



اذا اعتبرنا (العانس )ضحية (فهي ضحية نفسها أولاً ،لانها

صاحبة الموقف .وما من فتاة لم يدق باب بيتها رجل )).

من الحكم تلك القصة عن الفتاة:

(دخلت ذات يوم فتاة حديقة ،وكلما اقتربت لتقطف زهرة قالت

لنفسها ،لن أقطفها ،مؤكد موجود زهرة أحلى .وهكذا أمضت

الفتاة جولتها في الحديقة تتنقل بين الزهور ،ممتنعة عن قطف

واحدة أملاً في قطف الزهرة الاحلى .وبعد ان اجتازت الحديقة ،

لم ترى الا الشوك ،فقررت الرجوع وقطف زهرة من تلك

المجموعة التي لم تعجبها ،فرأت طريق الرجعة مغلقاَ ،فراحت

تبكي على ما فعلتة بنفسها ،وهي التي كانت تطمع في الزهرة

الاحلى ).

فلهذا السبب تعيش هذة الفتاة مختلفة بالمقارنة مع المتزوجات

وهي تحاول الاتكون مختلفة وتهمس في نفسها بصمت موجع

وتقول (كم أنتن محظوظات )يا من وافقتن على اول طارق للباب

وتقول يا ريتني قطفت الزهرة الاولى قبل الوصول للاشواك ..،،،

وسواء لمعنا الصورة وزيناها ((ستظل الفتاة العانس اكثر اناث

المجتمع هشاشة )).

...فهل صحيح اصبحت العنوسة مرض ..،؟؟

...ومن المسئول الاول الفتاة نفسها او المجتمع اواواو..الخ ..،،؟؟



واطرح لكم قصة مهمة وربما تكون ليست منتشرة بكثرة ولكن حاصل للأسف.

قبل فترة وصلت لي رسالة من اخت اسقطت الدمعات والأحزان، وذكرت قصتها حيث ان ابوها منع اختها من الزواج، يتقدمون كثير ولكن يرفضهم، فقط يأخذ المال منها لأنها تعمل.

ويريدني ان اعمل من اجل المال فقط، واخشى ان يكون حالي مثل حال اختي التي كبر سنها وساءت حالتها، وابي وابي وابي لا يرحمنا ولا يشعر بنا ولا يفكر بـنا..

رسالة مؤثرة كانت صراحة

اترك لكم التعليق اخواني واخواتي، وما رأيكم في مثل هذه القضايا المؤلمة، وقصص كثيرة مبكية صراحة قرأنها وسمعناها لحال البعض.

فلا حول ولا قوة إلا بالله





http://www.anashed.net/audio/hawrnyat_3/al_3ans.rm





يموت الحِلْم بأنفاسه و تبدأ غربة الأيام = يمر اليوم و الباقي حِزِن و آهات مكبوتة

( هي العانس ) بهالدنيا شكتْ حظٍ أبد ما قام = كتبها الحزن في قافة يرددها مع بيوته

تناجي ربها تكتم بقايا حسرة الأحلام = تخفِّي حزنها .. تضحك ، و روح الحزن في صوته

ظَلمْها شايبٍ ظالم طعَن في قلبها أسهام = يبيها دايمٍ عنده و ياكل من تعب قوته

ظلمها آآآه لو يدري معاني لوعة الأوهام = يحس بضيقته لحظة و هَمٍ يجبر سكوته

بكتْ في صمت و أحزانه على طول العُمُر قِدّام = تنادي غربةٍ تاخذ وصاياها بتابوته

تجاعيد و هَم و هموم و قلبٍ للأسف منضام = شكتْ و استرسلتْ دمعٍ تمنتْ للأسف موته

رحل حلمه بلا رجعه يوادع ماضي الأعوام = يضيع العمر و أحزانه تجدد في سماء فوته

يموت الحِلْم في موته و تشهد غربة الأيام = عظيم الهم و الذِّكرى حزن و آهات مكبوتة

عزوة اهلها
28-01-2009, 08:25 AM
جنوووو .. موضوعج قووي حييييل بصراحه يبيله..ترى موكل الاباء يمنعون بناتهم من الزواج اكو بنات هم بأنفسهم مايبون العرس ولا يبون الرجال يتحكم فيهم من اللي يشوفونه من عجائب هالزمن ربي يكفينا الشر..بعدين ترى موكل من تقدم للبنت كفو لها .. الابو هو الادرى بمصلحة بنته لان مااعتقد انه فيه اباء مايبون الستر لبناتهم من رجال كفو وفيهم خير الا بعض الاباء وهم قلة في زمنا هاذا اذكر قبل اسبوع بنت جيرانا مخلصة الثانوي وقاعده فالبيت نسبتها مالها امل تدش الجامعه والامعهد تقدم لها واحد مايعرفونه الظاهر عن طريق وحده من رفيجاتها وابوها كل ماتقدم لهم احد من عائلتهم او من برا يرفض لانه حاكرهم فالبيت مايحب البنات لانه يوم تزوجت بنته الكبيره خذت راحتها شافها تروح وتجي وتسافر انقهر هالشيبه وحلف مايزوج الباقيات المهم البنت اللي قاعده فالبيت راحت لابوها وقطتها في وجهه قالت له اسمع الرجال جايينك الحين وانا موافقه لاتردهم يصير علم ثاني <<قويه وربي الله يوفقها خخخخخ
الزبده لاتخافين ع البنات ماعاد فيه حياء توهم مخلصين الثانوي ويبون العرس ..
جنوو طيب واللي مشكلتها مشكله ماتبي العرس الحين بس ماعندها عذر عشان ترد اللي جايها شتسوي مثل مافيه عنوسه ترا فيه بعد مشكلة الزواج المبكر الله يعين محد راضي بنصيبه..
لفته: سالفة منو المسئول المجتمع اوغيرة بقول شغلة نظرة المجتمع والناس اللي حولنا لو بنتابعها ماراح نسلم منها لانهم موعاجبهم شي حتى لوتتزوج البنت يروحون يدورون في ادق تفاصيل حياتها مع زوجها ويالله هاج من الحش والحجي اللي ماله داعي وعلى قولة مادري منو :مافي احد مرتاااااااااااااااااااح..

أبوشهد
28-01-2009, 11:11 AM
مشكلة العنوسة

ليست مقتصرة في اب طماع

يبحث عن رواتب بناته ..!!

هناك اسباب كثيرة ايضاً مؤثرة في انتشار هذا الداء ..!!

ولي عودة ان شاءالله للمناقشة ..!!

جنون الليل
28-01-2009, 01:44 PM
جنوووو .. موضوعج قووي حييييل بصراحه يبيله..ترى موكل الاباء يمنعون بناتهم من الزواج اكو بنات هم بأنفسهم مايبون العرس ولا يبون الرجال يتحكم فيهم من اللي يشوفونه من عجائب هالزمن ربي يكفينا الشر..بعدين ترى موكل من تقدم للبنت كفو لها .. الابو هو الادرى بمصلحة بنته لان مااعتقد انه فيه اباء مايبون الستر لبناتهم من رجال كفو وفيهم خير الا بعض الاباء وهم قلة في زمنا هاذا اذكر قبل اسبوع بنت جيرانا مخلصة الثانوي وقاعده فالبيت نسبتها مالها امل تدش الجامعه والامعهد تقدم لها واحد مايعرفونه الظاهر عن طريق وحده من رفيجاتها وابوها كل ماتقدم لهم احد من عائلتهم او من برا يرفض لانه حاكرهم فالبيت مايحب البنات لانه يوم تزوجت بنته الكبيره خذت راحتها شافها تروح وتجي وتسافر انقهر هالشيبه وحلف مايزوج الباقيات المهم البنت اللي قاعده فالبيت راحت لابوها وقطتها في وجهه قالت له اسمع الرجال جايينك الحين وانا موافقه لاتردهم يصير علم ثاني <<قويه وربي الله يوفقها خخخخخ
الزبده لاتخافين ع البنات ماعاد فيه حياء توهم مخلصين الثانوي ويبون العرس ..
جنوو طيب واللي مشكلتها مشكله ماتبي العرس الحين بس ماعندها عذر عشان ترد اللي جايها شتسوي مثل مافيه عنوسه ترا فيه بعد مشكلة الزواج المبكر الله يعين محد راضي بنصيبه..
لفته: سالفة منو المسئول المجتمع اوغيرة بقول شغلة نظرة المجتمع والناس اللي حولنا لو بنتابعها ماراح نسلم منها لانهم موعاجبهم شي حتى لوتتزوج البنت يروحون يدورون في ادق تفاصيل حياتها مع زوجها ويالله هاج من الحش والحجي اللي ماله داعي وعلى قولة مادري منو :مافي احد مرتاااااااااااااااااااح..




قلبو عزوتهم مافي بنت ماتتمنى الاستقراريه

بس بعضهم يأخرون زواجهم عشان طمع دنيا يعني ياتبغى يجيها واحد مليار دير
وإلا واحد صغير ويروح عمرها وهي وهلها يتشرطون

وباالاخير تندم لما يجيها واحد متزوج ولا مطلق

وبعدين الا متى وهم يرفضون

خلاص شبابنا شرطهم عند الزواج يبغون وحده صغيره ماتتعدا 20

وهي جالسه تستنا فارس احلامها لما يجيها

ثانياً عن الاب بعض الاباء الله يهديهم يدخلو بطمع الدنيا

اذا هي متوظفه خلها تكد عليه وحرمها الزواج وإلا يطلبون مهر

مبالغ فيه عشان طمع دنيا لين بنته يروح عمرها وفي ماتزوجت

وباالاخير تدعي عليه

وانا معك قلبو مو كل الاباء بس الاغلبيه الله يهديهم

قلبو اشكر حظورك وردك المميز

جنون الليل
28-01-2009, 01:46 PM
مشكلة العنوسة

ليست مقتصرة في اب طماع

يبحث عن رواتب بناته ..!!

هناك اسباب كثيرة ايضاً مؤثرة في انتشار هذا الداء ..!!

ولي عودة ان شاءالله للمناقشة ..!!


ايوه بوشهد انا معاك مو على اب وبس على اشياء كثير بس الاغلبيه

تكون بطمعهم

حياك اخوي واشكر حظورك

كبرياء رجل
28-01-2009, 05:45 PM
موضوعك هادف ورائع ... واحب ان اقول كلمه صغيره فقط .... وهي .... الله يرزق كل فتاه وكل شاب بالازواج الصالحين ... ويهدي جميع الاباء ... والامهات ... و الفتيات... والشباب....... ولكي مني كل الاحترام والتقدير ..

جنون الليل
29-01-2009, 05:54 AM
موضوعك هادف ورائع ... واحب ان اقول كلمه صغيره فقط .... وهي .... الله يرزق كل فتاه وكل شاب بالازواج الصالحين ... ويهدي جميع الاباء ... والامهات ... و الفتيات... والشباب....... ولكي مني كل الاحترام والتقدير ..



اللهم اامين اخوي كبرياء

اشكر حظورك الرائع

شغـــــــــب انثى
29-01-2009, 07:27 AM
يعطيكـ الف عافيه جنو على الموضوع مو غريبه عليكـ التميز.....


حبيبتي اكثر اللي يرفضون الحين من الاباء وهي عادهـ من العصر الجاهلي

( العصبيه القبليه)

جنون الليل
29-01-2009, 07:45 AM
يعطيكـ الف عافيه جنو على الموضوع مو غريبه عليكـ التميز.....


حبيبتي اكثر اللي يرفضون الحين من الاباء وهي عادهـ من العصر الجاهلي

( العصبيه القبليه)






اي والله من الاباء اكثر شي

بعضهم عشان القبيله وبعضهم داخلين على طمع

قلبو شرفني حظورك منوره وربي

شموخ إنسانه
31-01-2009, 06:13 PM
لاوالله الاباء متفهمين
بل البنات يأخرن الزواج لسبب الدراسه او الحصول على وضيفه!!
http://www.alkhubr.net/imgcache2/14983.gif

http://www.alkhubr.net/imgcache2/14984.gif

أبوشهد
31-01-2009, 06:20 PM
حطيتوا على الاب الضعيف ..!!

البنات الآن يرفضن فكرة الزواج

حتى ينهين دراستهن وبعدها التوظف ..!!

ثم بعد ذلك ما يجيها إلا كبار السن او المتزوجين ويريدون الثانية

وهنا

يقابلون بالرفض من البنات حتى يسرقها العمر

ثم تصيح من داء العنوسة ..!!

الاباء

لما كانوا ما يأخذون شر البنات في الزواج

لم تكن هذه المشكلة موجودة ..!!

ولم يسمعوا عنها قبل عشرين سنه ..!!

ولكن بعد عصر التسعينيات ودخول الفضائيات

وتطور البلد ثقافياً وعلمياً ..!!

كثرت العنوسة بشكل استفحل بالبلد ..!!

حنين الشوق
31-01-2009, 06:53 PM
قد يكون السبب في العنوسة من الأب,, وقد يكون من الفتاة نفسها لرغبتها في إكمال دراستها..

وقد يكون بسبب عدم تقدم الشاب المناسب لها ..

ولكن برأيي الفتاة مالها إلا الزواج .. فهي كالوردة وإذا تقدم بها العمر ذبلت .. وندمت ولن ينفعها الندم .!

ثم بعد ذلك تبحث عمن ينتشلها من الذبول .. وترضى بأي شخص يتقدم لها .! بعد أن كانت تتعفف .!

أما إن كان مالها وراتبها هو السبب .. فالأفضل أن تترك الوظيفة حتى لاتكون عائق في سعادتها .!؟

وَجس ~
01-02-2009, 03:04 AM
بسم الله الرحمن الرحيم

مشكووووووووووورة اخت جنون على الموضوع الراقي

انا ابي اتكلم عن نقطتين وهي

الاولى :- لدينا ميزان واضح لتزويج البنت وهو قول الرسول صلى الله عليه وسلم (( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير )) فاذا انحرفنا عن هذا الميزان اصبح هناك خلل

الثانية:- لا يمكن ان نقول ان العصبية القبلية هي السبب في العنوسة لان الرسول قال (( تخيروا لنطفكم فإن العِرق دساس )) والقبائل تركز على مسألة النسب وهذا حق مشروووووووووع كفله الدين

وشكرا على الموضووووووع

جنون الليل
02-02-2009, 01:32 PM
لاوالله الاباء متفهمين
بل البنات يأخرن الزواج لسبب الدراسه او الحصول على وضيفه!!
http://www.alkhubr.net/imgcache2/14983.gif

http://www.alkhubr.net/imgcache2/14984.gif



اهلين شموخه

لاوالله ياقلبو مو كل الاباء بعضهم برفضون طمع ، وبعضهم يرفضون لتعصبه لقبيلته وانا قلت مو كل الاباء قلت البعض اللي احنا نشوفه ونسمعه

اشكر حظورك قلبو

جنون الليل
02-02-2009, 01:39 PM
حطيتوا على الاب الضعيف ..!!

البنات الآن يرفضن فكرة الزواج

حتى ينهين دراستهن وبعدها التوظف ..!!

ثم بعد ذلك ما يجيها إلا كبار السن او المتزوجين ويريدون الثانية

وهنا

يقابلون بالرفض من البنات حتى يسرقها العمر

ثم تصيح من داء العنوسة ..!!

الاباء

لما كانوا ما يأخذون شر البنات في الزواج

لم تكن هذه المشكلة موجودة ..!!

ولم يسمعوا عنها قبل عشرين سنه ..!!

ولكن بعد عصر التسعينيات ودخول الفضائيات

وتطور البلد ثقافياً وعلمياً ..!!

كثرت العنوسة بشكل استفحل بالبلد ..!!



حياك بوشهد

انا والله معك في اللي قلته صحيح بعض البنات يكون الرفض منهن

بس انت شكلك ماتسمع عن رفض الاباء وطمعهم ..

بوشهد في المسئله هذي يكون الوم على البنت نفسها اذا رفضت عشان تكمل دراستها
ويكون الوم بعد على ابوها اللي طاوعها
لانها بعدين بتلومه اذا راح عمرها او اذا تقدم لها واحد كبيره في السن او مطلق
وصحيح والله في الأونه الاخيره كثرت العنوسه عشان الفضائيات
وبعض التشرط اللي ماله داعي

بوشهد اشكر حظورك

جنون الليل
02-02-2009, 01:43 PM
قد يكون السبب في العنوسة من الأب,, وقد يكون من الفتاة نفسها لرغبتها في إكمال دراستها..

وقد يكون بسبب عدم تقدم الشاب المناسب لها ..

ولكن برأيي الفتاة مالها إلا الزواج .. فهي كالوردة وإذا تقدم بها العمر ذبلت .. وندمت ولن ينفعها الندم .!

ثم بعد ذلك تبحث عمن ينتشلها من الذبول .. وترضى بأي شخص يتقدم لها .! بعد أن كانت تتعفف .!

أما إن كان مالها وراتبها هو السبب .. فالأفضل أن تترك الوظيفة حتى لاتكون عائق في سعادتها .!؟


اهلين حنونه نورتي قلبو

صحيح والله كلامك

بس تشرط البنات الحين صايره مو في محلها

وين كلام اول اللي لقالو الرجال مايعيبه الا جيبه وين ذلكلام الحين الله المستعان

اشكر حظورك

جنون الليل
02-02-2009, 01:48 PM
بسم الله الرحمن الرحيم

مشكووووووووووورة اخت جنون على الموضوع الراقي

انا ابي اتكلم عن نقطتين وهي

الاولى :- لدينا ميزان واضح لتزويج البنت وهو قول الرسول صلى الله عليه وسلم (( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير )) فاذا انحرفنا عن هذا الميزان اصبح هناك خلل

الثانية:- لا يمكن ان نقول ان العصبية القبلية هي السبب في العنوسة لان الرسول قال (( تخيروا لنطفكم فإن العِرق دساس )) والقبائل تركز على مسألة النسب وهذا حق مشروووووووووع كفله الدين

وشكرا على الموضووووووع



اهلين اخوي كويتاوي

العصبيه القبليه هي سبب من الاسباب اخوي ليش مو سبب

واكثر شي في الشمال عندهم عصبيه بشكل ماتتخيل يروح عمر البنت او الشاب وهم يبغون بعضهم بس الاهل يرفضون لانه يكون او تكون من قبيله ثانيه وهذي اكبر مشكله

اشكر حظورك اخوي