المساعد الشخصي الرقمي

مشاهدة النسخة كاملة : وقاحة البنات عند الكاشير !


الرمش الخجول
25-01-2009, 06:33 PM
مساؤ/صباحؤ الخيرات


مرا كنت في محل ملابس وانا كنت قاعده ادور على لبس كانت فيه وحده
تحاسب على الملابس حقتها قالها الكاشير الحساب حقك يمكن بخمسميه او عليها مااتذكر بالضبط كم
قالتله نزل ليا العشره قالها والله مااقدر قالتله بدلع نزلي يلااااااا<< يااي
المهم قالها الكاشير ايش راح تستفيدي من العشره
قالتله اشتري فيها سندوتشات البيك ؟؟؟؟؟!!!!!!!!!!!!!!!!!!!!
الكاشير طالع فيها مصدوم:no: مو مصدق ايش الي قاعده تقوله قالها ايش
قالت ايوا ابغى اشتري سندوتشات البيك
الكاشير انصدم ومو قادر يقول شي المهم نزل لها العشره واخدت الملابس حقتها
انا في المحل انصدمت
بالله ايش يطلع هذا التصرف؟؟:confused:
دمتم بود
اختكم الرمش الخجول

وَجس ~
25-01-2009, 06:40 PM
اكيد بيطلع هذا التصرف

وقاااااااااااااااحة + طراااااااااااارة

مشكوووووووووورة الرمش الخجول على الموضوع

أبوشهد
25-01-2009, 06:41 PM
كل هذا جوع

تشتري باكثر من 500 وتفكر في 10 فقط عشان سندوتشات البيك ..!!

أبوشهد
25-01-2009, 06:42 PM
انا ما احب

أن المرأة تستخدم ميوعتها

امام الكاشير عشان ينزل لها مبلغ مايسوى ..!!

أبوشهد
25-01-2009, 06:44 PM
هذا اللي يخلينا ما نروح للأسواق

لأنه قهر والله تشوف بنت خليجية تتغنج لـ ابوهنود

وتتودد له وتنعم صوتها وشوي تتنهد يالله عاد

كل هذا عشان مبلغ طفسه ودي اقط عليها الف واقول عيب لا تسوي كذا ..!!

كبرياء رجل
25-01-2009, 06:59 PM
عشان تقول للناس انها كاسرت في السعر ... هههههههه
الله لا يبلانا ... امين يارب .... ومشكوره على طرحك ...

عزوة اهلها
25-01-2009, 08:44 PM
الحمدلله والشكر .. ومنو بهالزمن يطلب الكاشير ينزله فالسعر الاسعار ماتتغير موحده وربي مهزله خلاص عاجبج اللي شريتيه اخذيه وطسي موعاجبج سعره خليه دوري غيره بس موضة هالايام البنات بعضهم مو كلهم تبي تحرش بأي رجال بأي طريقه تبيه يطارد وراها الحمدلله يارب على نعمة العقل هاذي مواحسن من اللي جات اخوي وهو بيوقف سيارته فالباركينق جاته تقول له لوسمحت ممكن اعرف منو الفنان اللي قاعد يغني ؟؟
يعني بالعربي ابي اسولف وياك عطني وجه ..
الحمدلله راح الحياء ماعاد فيه خوف لامن الله ولامن االلي حولهم.. الله يسترنا فوق الارض وتحتها ..
ابوشهد وينكـ وخيزرانتكـ ماقلت بتروح للراشد تسنع امهات العبايات المخصره الله الله بعد فاللي تطق حنك كسر الخيزران عليها يعل ربي يقص لسانها..

ملسوع
26-01-2009, 02:07 AM
لاحول ولاقوة الابالله دمتي سالمه

الرمش الخجول
26-01-2009, 05:58 PM
تسلمون لي والله حبايبي على مروركم الي يشرفني وعزو حبيبتي الموقف الي صار لخوك الصراحهـ البنت وقحه عيني عينك ويامالك من البنات الي زي ذا النووووع الله يستر علينا وعلى بنات المسلمين يارب...

شموخ إنسانه
26-01-2009, 06:19 PM
الله لايبلانا

http://www.alkhubr.net/imgcache2/14386.gif

ايثار
26-01-2009, 08:45 PM
الحمدلله والشكر ع نعمة العقل