المساعد الشخصي الرقمي

مشاهدة النسخة كاملة : الله يقطع أمها جامعه فيها هالأستاذات


نووْور~
23-01-2009, 05:06 PM
قال أيش قال جامعه عالميه بعد

قال أيش قال من الدول المتقدمه

ياشيخ طير فيذاك أنت وإياه

والله أن مقابل وجيه عجز إيطاليا أرحم من مقابل وجيه دكتوراتكم اللي تجيب الهم

تخيلو

تعطل الكورس اللي في إيطاليا بسبة الجامعه اللي هنا

رجعت أكمل إختباراتي

الموهيم

وأنا داخله على قاعة إمتحان الماده اللي علي كنت متأخره ربع ساعه نظراً لإزدحام خريص

وكانت تربطني علاقه قويه بالبروفسوره منذ فتره طويله فقامت توسطت لي ودخلتني ومابقى إلا تجيب لي الكرسي أجلس

سميت بالله وبديت أحل

دورت الآله الحاسبه قلبت أم الشنطه مالقيتها

آخر شيء تركت مسائل الحسابيه وبديت أحل باقي الأسئله

يوم بدو يطلعون البنات قمت أنا ناديت الأستاذه اللي حقت الماده

هالأستاذه شافت البرفسوره طلعت وهي حايمه سبدها مني من البدايه

قامت جت لي بكل عنفوان نعم وش تبين

قلت الله يعطيك العافيه أبي آله حاسب من وحده من البنات اللي طلعوا

هذيك ماصدقت خبر وقومي رشيني بالهواش والدعاء والتهزيء كأنها ميب صايحه

وآخر شيء قالت مافيه

قمت أنا قلت طيب شوي شوي كني حطيت على البنزين نار

ردت أحمدي ربك أنك دخلتي وأحمدي ربك أني مجلستك للحين (( جامعة أبوها )) وحنا ماندري


أنا جتني أم العبيد تعوذت من بليس وسكتت لأني أنا الخسرانه إذا رديت وجمعت لها في صدري



وقاموا صديقاتي هربو لي آله حاسبه من تحت لتحت .... على آخر عشر دقايق


حليت بسرعه

والتفت وطارت عيونها ... من وين لك آله حاسبه ؟؟؟ جيبيها أقول جيبيها لا تنحرمين من الماده


قلت لها الله يلقع أمك أنقلعي عن وجهي لا قسم بالله أقوم أوريك من تكونين


إلا والقاعه تنفجر ضحك ....


تخيلوا ....


جت بتاخذ الورقه .... كتفت يديني قلت بنت أبوك خذيها وجربي ...


إلا وهي تضحك ...


لا وش فيك بأشوف وش بقى ماحليتي خلاص بيخلص الوقت .... حاولي تخلصين .... الله يوفقك ....


أنا قلت صدق ناس ماتجي إلا بالعين الحمراء ..... وقمت بأعطيها ورقتي ..... إلا هي طالعه والكشف معها سلمت لإدارة القسم ....

سوى محضر وتحقيق ....

صح أكلت مجلس تأديبي بسبب ألفاظي لكن هي بعد أكلت إنذار بسبب تصرفها ...

آخر شيء بعد التعهد وافقو على تصحيح ورقتي .... وطلعت .....

وأنا أقول ......

عقول متحجره ماتنفتح لو نجيب أبو جلمبو ونفكها فيه ....

والله يقطع أمهم جامعه .....

سقراط
23-01-2009, 05:13 PM
ام جراح يبي لك تسايسين الامور

بالاول و الاخير انتي المخطأه لأنك ما تأكدتي من اغراضك قبل تجين يعني بقشه وش كبرها ما فيها آله اجل وش جايبه للاختبار يا مدام كوري

على العموم نتمنى لك التوفيق بالدنيا و الآخره ولا تنصين الوصاه اذا جاك ولد تسمينه سقراط



خدعوك فقالوا !!

او هكوا عليتس وحتسوا

شموخ إنسانه
23-01-2009, 05:25 PM
انا عندي وجهة نظر واتمنى ماتزعلي من كلامي انتي الغلطانه موب اهي
اول شي جايه متأخره
ثاني شي داخله بواسطه!
ثالث شي ناسيتن الآله!!!
رابع شي تلفظتي عليها!
__________
شي طبيعي اهي بتعصب عليك للاسباب الي فوق ^_*
وغيرك ينطرد وانتي تدخلين بواسطه!
لاوبعد زعلانه من تعاملهم!
الحمد لله اقبلو يصححون ورقتك بس
ههههههههههههه

الله يهداك بس .
بعدين الامور بالمسايس مثل ما تفضل اخوي سقراط
الامورعمرها ماجت بالقوووه!
______
عسى الله يوفقك وييسر امورك
::)

دمتِ بود
أختك
شموخ إنسانه

سلطان المراجل
24-01-2009, 01:01 AM
دكاترة الجامعات عندنا مريضين نفسيا الا من رحم ربي

لديهم حب التسلط

دائما عندما كنت في أمريكا و بريطانيا ودراستي ومناقشتي لرسالتي من كبار الدكاترة هناك . . .الخ من باب انا مهم وشوفوني هنا ماحد قدي .

و اللي يقهرني اذا مسوي مكافح ويقول انا مغسل صحون وادفع مصاريف دراستي هنا وهو أكبر كذا كان على حساب الحكومة هناك , وياويل يشوف طالب ممتاز يحاول ينسف درجاته لسبب لايكون معيد في الجامعة ويعديه في مراتب العلم و العمل



احكيك تجربة بسيطة لطالب ممتاز وذكي في جامعة لدينا

زميله ذهب لأمريكا بعده بسنة ودرس 7 سنيين ومعه ماجستير من جامعة كبرى في امريكا

زميله الذي دخل الجامعة هنا قبله سنه تخرج قبله بكم شهر وهو ذكي جدا وبالقوة قدر يخلص البكالوريوس

علما أنه أول سنة ممتاز كان في الجامعة لأنه لادكاترة سعوديين في السنة الأولى بل امريكان وبريطانيين

عزوة اهلها
24-01-2009, 01:25 AM
اختي صمت كفيتي ووفيتي خخخخخخخخخ وربي انج شي عجيب .. على حسب اللي سمعت من رفيجاتي اللي درسوا الحين ان الجامعات اهنيي ماتنبغى بريال من قلة ذوق وادب هالدكتورات اللي مادري على شنو شايفات ارواحهم قالوا شنو قالوا سعوديات وربي حاطينا مهزله تهزيء وملعنة خير يقولون رفيجاتي ان المصريات طلعلهم ريش ويزفون الطالبات زف كله من دكتوراتنا مالت عليهم بدل ليتعلمون ان حنا داشين الجامعه هاي سكول مو مدارس لنا ظروفنا ووجهات نظرنا ولنا حريتنا يبون يفرضون رايهم بس ياحلاة الدراسه براا ليت من راح لهم بس ياحظي مايروح الا الشباب والبنت لا لازم محرم والمحرم مايبي يكون مسؤؤل براا عن احد وه ياحظي .. الله يعيني ع الجامعه الترم الثاني شكلي من اول مااداوم بنحاش دامهم جذي بس صموته عطيني كورس في مواجهة هالهمج دكتوراتنا..ماشالله عليج مايمشي معاهم الا جذي :)

شموووخ
24-01-2009, 01:46 AM
جامعاتنا والله ودك بصاروخ يدمرها
اخلاق عدم ومافيه احترام واي استفسار
يعطونك الاجابه من الجيب

عزوه اهلها
اشك ان صديقاتك في جامعه الامام
لان هذا اللي صاير عندنا

سقراط
24-01-2009, 02:14 AM
جامعة الامام

خابرهم سكروها صارت جامعة القصيم