المساعد الشخصي الرقمي

مشاهدة النسخة كاملة : احـبـهـا صـح .... بس اتـزوجـها .... !!!


جنون الليل
15-01-2009, 03:52 AM
احبها صح ...... بس اتزوجها (( انا مهبول )) ..!



بسم الله الرحمن الرحيم


[ بدآآيه ]


[ مجرد إقتباسات ]



.. احنا يبي لنا 50 سنه لحد نوصل إلى مرتبة الفاهمين بالحب !!! ..


.. طبعا حسب رؤية أهل الحب الجديد..؟! ..

.. احنا نعرف الحب قبل لايعرفونه هم ..؟! ..


الحب معانٍ ساميه وفن لا يستطيع اتقانه الا ذوي القلوب الطاهره
:

أنا بنظري ان جيلنا شوّه مفهوم الحب سعياً وراء ملذاته الداخليه
:

لننظر برهه إلى عنواني ..!


احبها صح ...... بس اتزوجها (( انا مهبول ))


عباره يرددها أغلب شباننا اليوم

أنا أُحب هذه الفتاة لفتره مؤقته كانت طويله او قصيره

لكن لا بد من نهايه واحد قد يدمر أحد الطرفين او كلاهما نفسيا ومعنويا

فعندما يقرر الشاب الارتباط لابد أن يبحث عن شريكة حياة لم يسبق لها الارتباط بأي شاب وعبر
اي وسيله

نلاحظ أن الغيره على الذات ما زالت موجوده لكن لذاته واهله

ولا يهمني ما يحدث لغيري


[ بصريح العباره ]

أغلب شبابنا وبناتنا اليوم أصبحوا ينظرون للحب بمعنى التسلية المؤقته سريعة الزوال وذلك لتلبية رغبات خاصة

والاغلبية الساحقه لا يعترف بحبه خوفا على سمعته لأن الحب مشوه وغير طاهر ..!!!

[ وقفه مع التاريخ ]

تاريخنا زاخر بقصص الحب العفيف ..وكثير منا لم يقتل بالسيف بل بالحب ..

[ مجرد تسائلُ ]
طيب لماذا يخرج علينا بعضهم ليقول أحب فلانه !|[ أسف مايطلع اسمها ]|!

لأن الحب أصبح تشويه سمعه والسبب لأن الحب جاء باب لبعضهم للوصول

إلى أشياء أخرى لاعلاقة لها بالحب ....

قديما كانوا يعرفون أن فلان يحب فلانه وفلانه تحب فلان لاحرج في ذلك ؟

أما الأن فاابتعد عن الحب لتعيش بعيدا عن السنة من لا يحبون !!

[ مجرد أقتباس لحادثه]

شخص يحب فتاة يجلس أمامي يتحدث عن الجمال الحسين وعذب الاحاديث ^_^

وتقول له تزوجها يقول لك ( اتزوج وحده زي كذا ) ...؟؟

[ عجباً ]

توك تقول ..!!

[ مقاطعه ]

قال احبها قال هه ..!!

احبها شي واتزوجها شي ثاني..!!!!!

[ متابعه ]

احبك نعم ...

اتزوجك لا ..

على أي أساس حبيته .؟

إعجاب وكبر في عينك وبلغ حد الحب ..

ام تعليق من القفا بشماعه

الإنتظار لحين رحيل قطار الحياه ومن ثم رميه ..

على رصيف العاشقين .. طوابير من المنتظرين ... والي بعده ..[ وهلم جرى ]

[ سؤالي هو ..! ]

هل تخجل أوتخجلين من معرفة الناس انك تحب او تحبين؟

عزوة اهلها
15-01-2009, 04:28 AM
موضوعج قووووي اختي جنووو وحلو بنفس الوقت.. بس جنو بسألج انتي تقدرين تقولين حق أي أحد تعرفينه أنا أحب فلان؟.. صعبه مو جذي وربي ماكو اصعب من الاعتراف مهما صار جنو بختلف وياج في هالنقطه يالغلا كون اني احب واعلن حبي جدام اللي بيني وبينهم ميانه وانا صريحه معاهم ماأقدرشنو بالج بأخوج والا امج والا ابوج.. بالله لما اقول لهم انا احب شنو بتكون ردة فعلهم تجاهي بكل بساطه راح افقد كل شي هم منحوني اياه من حب من احترام من ثقه .. مااقول لج انا ماراح احب لا بحب بس تدرين متى لما أحصل زوج المستقبل اللي يتوافق مع اللي انا راسمتله في بالي اما اني احب وانا توني مابعد اعرف الحياة عدل هذا اكبر خطأ يطيحون فيه بناتنا لان ماكو حب حقيقي في هالزمن حبي ابوج, امج ,اخوج بس احد مابينج وبينه الاعلاقه عاطفيه والسلام صدقيني هالنظره ماتمشي عندنا اهنيه في مجتمعنا الشرقي لان وببساطه من حبت واحد ولو انها من قلبها حابته صدقيني راح تحب غيره وغيره لو انها وفيه له لانه وببساطه راح تكون عنده ولاشي ليش ؟ لانها خانت اهلها وتربيتهم لها واللي مافيها خير لاهلها مافيها خير لحبيبها المدعي زوجها في المستقبل حسب تخطيطاته والاعيبه اللي يرسمها لها ليل ونهار وهو من وراها تاركها مضحكه عند ربعه .. واهم من هذا كله زمان اول غير عن وقتنا الحين اذا تقصدين قيس وليلى وعنتر وعبله ترى كانوا في الجاهليه لامبدأ ولاغيره في قلوبهم الا من رحم ربي.. بس تدرين شنو سوى ابوليلى يوم شاف قيس يعلن حب بنت عمه ليلى في قصائده طرده مازوجه بنته لانه ذكر اسم بنته يعني بالعربي الفصيح شهر في اسم محبوبته جدام الكل وهذا شي عييييب عند العرب مابالج الحين .. صدقيني الكلام ماكو اسهل منه بس الفعل صعب سواءً باعتراف الطرفين بالحب او نظرة الاحترام اللي تفكر انها بتلاقيها من محبوب الغفله ..
ااااسفه ع الاطاله بس موضوعج اعجبني ونسييت روحي وانا اتحجى فيه العذر والسموحه يالغلا وانا مع الشاب اللي يقول احبها ايه بس اتزوجها لا .. لانها موكفو لواحد يتزوجها وهي معطته وجه قبل لاتدري عن نواياه ماينلام ولد الناس بصراحه ..

جنون الليل
15-01-2009, 05:10 AM
حبيبت قلبو عزوة انا معك في كل اللي قلتيه وانا مقصدي في الموضوع اقول
حبيت وحده اوك تزوجها مو تعلقها طول هاسنين وتعيشها باامل انك بتتزوجها
واللي امر من ذا كله انه لما يظمن لها انه بيتزوجها يطلب ان يقابلها وبعدها يطيح كل اللي في راسه
وهي مسكينه على امل انه بياخذها
وبعد مايفكر باازواج يقول انا اخذ وحده مثلك لا والله الله لايقوله
وياكثر ماتصير والبنت المسكينه هي اللي تتعذب لا وبعد اذا هو مطيح اللي في راسه معها علطول هي بتفكر باالانتحار
اللي انا اقوله انه اذا الواحد حب وحده يخلص لها ويتزوجها مو يعلقها وبعد كذا يروح ويخليها
وبعدين قلبو انا اعرف وحده تقول عندي امي تدري عني في كل شي الله يخليها لها
وتقول انا اللي فتح لها قلبي تدرين وش قالت لها !
قالت يابنيتي مافي احد بهادنيا مامر بهاشعور بس انتبهي وخوذي خذرك .
و ياقلبو في هازمن كلن عقله في راسه ويعرف خلاصه
وانا صراحه من وجهت نظري اي بنت تحب شخص لازم تدخل احد ثاني مثل اختها ولا امها تدرين ليش !
لانها بعض الاحيان بتتهور في بعض الامور ولازم احد يوعيها وينتبه لها من هاذئاب
ومستحيل ومافي احد بهادينا ماحب واللي ماحب بيحب بس الحب الحقيقي بعد الزواج
اوك انت حبيتها اخلص لها وتزوجها مو ترميها لا انت اللي تزوجتها ولا انت اللي خليتها تشوف عمرها بعد مافات القطار عليها


قلبو اشكر حظورك الرائع

عزوة اهلها
15-01-2009, 08:12 AM
حبيبت قلبو عزوة انا معك في كل اللي قلتيه وانا مقصدي في الموضوع اقول
حبيت وحده اوك تزوجها مو تعلقها طول هاسنين وتعيشها باامل انك بتتزوجها
واللي امر من ذا كله انه لما يظمن لها انه بيتزوجها يطلب ان يقابلها وبعدها يطيح كل اللي في راسه
وهي مسكينه على امل انه بياخذها
وبعد مايفكر باازواج يقول انا اخذ وحده مثلك لا والله الله لايقوله
وياكثر ماتصير والبنت المسكينه هي اللي تتعذب لا وبعد اذ ا هو مطيح اللي في راسه معها علطول هي بتفكر باالانتحار
اسمحيلي اختي جنو ..لوانا شاب وحصلت بنت جذي حقها وتستاهل (ربي يحفظنا ولايبلانا) وربي ماافكر فيها كزوجه كرفيجه اوكي بس أئمنها على عيالي وهل بيتي لا لان من باعت نفسها برخيص تستاهل الواحد يلعب فيها<<م د خ ل:SnipeR (69):عفنااااكـ ياللي بعت نفسكـ رخيصه ..عفناكـ يوم انكـ تساهلت فالبيع..
بحركـ قريب القاع وكلن يغيصه .. ومن يشرب الاقداح من عقب تنقيع..
اللي انا اقوله انه اذا الواحد حب وحده يخلص لها ويتزوجها مو يعلقها وبعد كذا يروح ويخليها
بقولج شغله كون انه يحبها لشخصها من دون مايتعرف عليها يعني حب طاهر ونظيف ماجا فيه لاكلام معسول ولا لقاءت بس مجرد وصل لها انه يحبها عن طريق اخته اوعن اي طريق بس من دون مايدشون فالعميق (مكالمات بالفون او الماسن او مواعيد غراميه لان هالشي حرام والبني ادم لاحب حاجه ملها )هاذي الحاله معاج لايعشمها ويخليها..
وبعدين قلبو انا اعرف وحده تقول عندي امي تدري عني في كل شي الله يخليها لها
وتقول انا اللي فتح لها قلبي تدرين وش قالت لها !
قالت يابنيتي مافي احد بهادنيا مامر بهاشعور بس انتبهي وخوذي خذرك .
اسمحيلي جنو لي كلمة على هالام الله يخلف على بنتها قولي امين وربي ماتستاهل تكون ام.. اوكي انا بسولف ويا ماماتي بس اكيد لما اجيب لها هالطاري بتعلمني الصح موتقول كل اللي بهالدنيامر بهالشعور بس اخذي حذرج بالله شنو فادت بنتها هي بجذي تساعدها ع الضياع يعني يابنتي حبي عادي بس خافي من اللي تحبينه لاتصيرين سهله .. بالله وين هالام عايشه وربي ماتستاهل حتى ينرفع بهاالراس بدال لاتعلم بنتها الحلال عن الحرام تقول خذي حذرج وين حنا فيه ترانا بعدنا فالخليج مابعد نوصل اوروبا..
و ياقلبو في هازمن كلن عقله في راسه ويعرف خلاصه
وانا صراحه من وجهت نظري اي بنت تحب شخص لازم تدخل احد ثاني مثل اختها ولا امها تدرين ليش !
لانها بعض الاحيان بتتهور في بعض الامور ولازم احد يوعيها وينتبه لها من هاذئاب
اكييييييد كلن عقله في راسه .. بس صدقيني بنت حبت لها انسان بهالشكل وربي مافيها عقل اللي جوات راسها جبن موعقل ربي يخلف.. وياحلاااااتي جايه اختي واقولها حبيت من زين السوات اللي سويتها ربي ياخذني قبل لااقول لها ولااسوي هالشي اذا بحب لي شخص بحبه في قلبي وبيني وبين نفسي حتى هو مايحتاج يدري اذا الله كاتبه لي بيجيني على شنو اذل روحي واسوي علاقة عفويه هاه على اساس يدري ان احبه عشان باجر يرخص بي جدام الكل ويخلي سمعة اهلي ماتسوى شي وهي كانت محدينولها.. ماجابته امه اللي بنزل اسم هلي عشان حبه وباجر تظنين لوخذاني ظنج بيثق فيني تمام الثقه مثل لوانه طلبني من دون لايدري بحبي مستحيل كل بنت هي اللي تعز نفسها ونرخص نفسها وهالشي بأيدها هي موبيده ليش انطر رحمته يتشرف يطلبني ماني في حاجة هالحب ربي كرمني بدين وضح لي حدودي ومن تعدته بهالحب تستاهل والله يوم يقول لها احبها ايه اتزوجها لا
ومستحيل ومافي احد بهادينا ماحب واللي ماحب بيحب بس الحب الحقيقي بعد الزواج
اوكي كلنا بنحب على شنو مستعجلين تصون البنت نفسها واسم اهلها من اللي مايسوى ثراها.. كل وحده بيجيها نصيبها من الحب لاتستعجل وتذل روحها باجر لاتزوجت حست بطعم الحب الحقيقي وهي بأيدها تقدر تبني هالحب وتراها حلالها ربي بيعينها عليه حتى لوان اللي خذته ماينحب هي اللي تقدر تسوي هالحب وتبنيه وتصبر عليه حلالها وكيفها فيه
اوك انت حبيتها اخلص لها وتزوجها مو ترميها لا انت اللي تزوجتها ولا انت اللي خليتها تشوف عمرها بعد مافات القطار عليها

اوكي اذا حبها حب مشروع ولافيه شك وريب يعني ماخالطه حرام من معاكسات ولقاءات تزوجها وربي يبارك له فيها ويبارك لها فيه .. بس اذا مثل مانشوف حبها عن طريق المعاكسات بالفون او النت لاتلومينه اذا ماتزوجها هي الغبيه (اسمحولي على هاللفظ)تستاهل ماجاها منو قال لها الحب بهالطريقه لاتعشم عمرها بشي ماراح يصير لانها عارفه هالشي مستحيل وكل وحده عارفه ليش مستحيل تفكير الشباب معاج ياحلاته بس من يسد الخط منج والا يقفل النت ينساج ولا بعد هذا اذا مو قاعد ستهزيء فيج بينه وبين نفسه هذا اذا ماوصلت معاه انه يحجي لربعه عن مغامراتكم وسواليفكم ربي لك الحمد .. اللهم عافنا مما ابتليت به غيرنا .. واحفظ بنات المسلمين وابعد عنهم من اراد بهم السوء واصرف عنهم الفتن ..
قلبو اشكر حظورك الرائع
اشكرج اختي جنو:SnipeR (69): على ترك المجال للنقاش معاج في امر يمس كل فتاةً منا واتمنى ان تتقبلوا وجهة نظري بكل صدر رحب ولاتجرفكم الرومنسيه الزايده وتمشون في طريق غلط
(:SnipeR (69):اختلاف الرأي لايفسد للود قضيه:SnipeR (69):)

أبوشهد
15-01-2009, 01:32 PM
العرب من خلقت ..!!

وهم يحاربون الحب والافصاح عنه

حتى بعد قدوم الاسلام استمروا في محاربة الحب

والنظر الى العشاق الذين تفوح رائحتهم ويعرف الناس بعشقهم بالمجرمين ..!!

وهذا ما ربى عليه جيلنا والاجيال السابقة وراح يربى عليه الاجيال القادمة ايضاً ..!!

ممكن يكون اعلان الحب في المجتمع النسائي فقط ..!!

حتى لوكنت رجل لا أنشره إلا عند البنات فقط ..!!

عدا ذلك جرم كبير في نظر الاغلبية ..!!






























































على فكرة انا تزوجت عن حب .!!

لافندر
15-01-2009, 05:18 PM
الغلط مو من الشباب من البنات

هن الاتي فتحن المجال لتلاعب الشباب بهن وبعواطفهن

الحريف
15-01-2009, 07:24 PM
جنون
اشكرك ع طرح هالموضوع المهم

كما اشكر عزوة اهلها على الرد الوافي كلامها اعجبني جداً وهو عين الصواب

ولا عندي زياده او تعليق

إلا اني اكد أنهُ لا يوجد حب في هذا الزمن انما حب اشباع غرائز فقط

جنون الليل
15-01-2009, 07:56 PM
عزوة قلبو انتي فهمتيني غلط هي البنت قالت لمها عشان امها توعيها
وامها بالعكس كانت حكيمه قالت لها بالاول يابنيتي الكل يمر باهلمرحله
ماهجمتها وجلست تهاوشها لا بالعكس جتها بسياسه
لانها تدري لو بتهاجمها البنت بتتهور وتسوي كل اللي في راسها عشان كذا الام صارت حكيمه وبدت معاها لين قدرت تجمع مقدمه تفاتح اهل الشاب بطريقه حلوه بحيث يخطب بنتها عشان مايكون سمعتها عار عليهم فهمتي. لان من كلام بنتها لها ان البنت لها عِشره طويله مع الشاب تقريباَ عشر سنوات
قالت امها هذا احسن حل انه يتزوجها صراحه بكذا اعجبتني امها حسيت انها حكيمه .
وبعدين ياحبيبتي لو امها من النوع اللي مايتفاهم معها كان الام تهجمت على بنتها
وبهجومها لها بتنفضح البنت
وياقلبو وربي هذي انا احلفلك مستحيل تلقين شاب او شابه ماطاحت عينهم على احد
وبعد مرور الوقت بيبينون لبعضهم غصب هذا شي لا إرادين عشان كذا لازم يراعي الله فيها .
وبعدين صحيح انا الاهل يجتهدون في يربيتة اولاده بس الحب موجوده
لانه هو اللي يسيرك مو انتي اللي تقررينه
والمفروض اي شاب اذا حن على اي بنت يراعي الله فيها ولا ينسى
انه كما تُدين تُدان حبيتها اوك خلاص روح اخطبها ولا تعلقها تقطع رزقها لا هي اللي شافت عمرها ولا انت اللي اخذتها
وعزوة ياقلبي افهميني مافي احد ماحب انا اتحداك الاطفال اللي هم اطفال تلقينهم يحنون مو عاد شاب او شابه وماتقدرين انتي تحددين وتقولين بدري على الحب . الحب اذا جا خلاص
والحب مو عيب بس يكون حب طاهر وشريف

عزوتهم حبيبت قلبو
احترم وجهت نظرك
والكل له نظره

جنون الليل
15-01-2009, 08:18 PM
العرب من خلقت ..!!

وهم يحاربون الحب والافصاح عنه

حتى بعد قدوم الاسلام استمروا في محاربة الحب

والنظر الى العشاق الذين تفوح رائحتهم ويعرف الناس بعشقهم بالمجرمين ..!!

وهذا ما ربى عليه جيلنا والاجيال السابقة وراح يربى عليه الاجيال القادمة ايضاً ..!!

ممكن يكون اعلان الحب في المجتمع النسائي فقط ..!!

حتى لوكنت رجل لا أنشره إلا عند البنات فقط ..!!

عدا ذلك جرم كبير في نظر الاغلبية ..!!

على فكرة انا تزوجت عن حب .!!



اخوي بوشهد صحيح انهم كانو يحاربو الحب
بس كان الحب موجود وكان في ذاك الوقت حب عفيف وطاهر
مو زي حب الوقت هذا
وكيف بتربي اجيالنا القادمه بتقولهم لا تحبون وان الحب عيب
ماتقدر . لان الحب غريزه موجوده
وعلى قولتك ايوه انا معاك المجتمع النسائي ممكن ان اي بنت تفاتح صديقه لها او قريبه
بس الشاب كيف تدري ان حبه صادق !
حب التسليه انه يقول لها ابغى اقابلك وابغى صورتك ويطلب منها اشياء الي مالأ نهايه ...........
والحب العفيف انه يصارح اهله عشان يخطبونه له هذا اللي يراعي الله ويخافه
وللمره الاخيره اقول الحب موجود بس وين اللي يعرفه ويصونه


بوشهد احترم وجهت نظرك . وهنيك على حبك الصادق لي ام شهد . الله يسعدكم

جنون الليل
15-01-2009, 08:22 PM
الغلط مو من الشباب من البنات

هن الاتي فتحن المجال لتلاعب الشباب بهن وبعواطفهن

اخوي صحيح بعض البنات هن اللي يفتحن على انفسهم المجال

احترم وجهت نظرك

حنين الشوق
16-01-2009, 12:09 AM
أتفق معك ما فيه واحد يحب وحدة يكلمها ويقابلها ويرضى إنها تكون زوجة له ..
مقابلتها له كفاية لرفضها .! لأنها ما صانت نفسها ..!!
وكما إن الشاب يرفض الفتاة التي يقابلها .. فالفتاة ترفض الشاب عندما تعلم بأنه لعاب وعينه زايغه ..!!
وبرضوه .. أتفق معك مافيه أحد ما مر به شعوووور الحب .!
والحب الحقيقي في النهاية هو ما يأتي بعد الزواج .!

جنون الليل
16-01-2009, 03:18 PM
أتفق معك ما فيه واحد يحب وحدة يكلمها ويقابلها ويرضى إنها تكون زوجة له ..
مقابلتها له كفاية لرفضها .! لأنها ما صانت نفسها ..!!
وكما إن الشاب يرفض الفتاة التي يقابلها .. فالفتاة ترفض الشاب عندما تعلم بأنه لعاب وعينه زايغه ..!!
وبرضوه .. أتفق معك مافيه أحد ما مر به شعوووور الحب .!
والحب الحقيقي في النهاية هو ما يأتي بعد الزواج .!


حنووونه حبيبتي اشكرك حظورك :SnipeR (69):