المساعد الشخصي الرقمي

مشاهدة النسخة كاملة : Only in Roma Italy‏


ملسوع
24-12-2008, 03:32 AM
|









[/URL]

.ExternalClass .EC_hmmessage P{padding:0px;}.ExternalClass body.EC_hmmessage{font-size:10pt;font-family:Verdana;}

.ExternalClass .EC_hmmessage P{padding:0px;}.ExternalClass body.EC_hmmessage{font-size:10pt;font-family:Verdana;}




(خذ وخل قبل كل شيء)
في يوم كنت اتمشى في مدينة روما الإيطاليه من شارع الى شارع ومن محل الى محل وكان الجو جميل وبراااد . اسولف مع هذا واسأل ذاك وشوي اشرب قهوه وارجع اكل عسكريم (ايس كريم) ... ومره اوقف اتفرج على اللي يشحذون و يسوون حركات اتستعراضيه (طراره راقيه وممتعه في نفس الوقت يعني تدفع بنفس راضيه)... الحلو في الموضوع ان كل واحد في حاله ماحد له دخل في الثاني سو اللي تبي لكن لاتغلط على احد ... الشعب كله تقريباً يمشي وكل واحد منهم كلبه معه اعزكم الله كل واحد منهم يجر الثاني مادري وش حادهم على الشقا
.. يمكن لانهم ماينجبون اطفال صاروا يفرغون الحنان المتراكم في كلابهم..
المهم وانا اتمشى مريت على هذي البوابه الكبيره

[URL="http://groups.yahoo.com/group/o11o/"]http://www.alkhubr.net/imgcache2/8697.gif (javascript:void(0);)

اعجبني منظرها وقلت يالله ندخل ونشوف وش وراها, صارت هذي البوابه تودي لجسر للمشاة

http://www.alkhubr.net/imgcache2/8698.gif (http://groups.yahoo.com/group/o11o/)

وهذا الجسر يمر على نهر

http://www.alkhubr.net/imgcache2/8699.gif (http://groups.yahoo.com/group/o11o/)

الجهه المقابله من النهر
http://www.alkhubr.net/imgcache2/8700.gif (http://groups.yahoo.com/group/o11o/)

صرت اتمشى على الجسر يمين ويسار واتفرج على خلق الله ولافيه رجالين يمشون مع بعض كل واحد يمشي مع وحده وياليتهم يمشون زي الناس,
مايتركون حركاتهم لافي شارع ولا عند اشاره ولا في اتوبيس
المهم ماعليكم من حركاتهم نرجع لموضوعنا
وانا جالس ادربي راسي لفت نظري وجود شي غريب على هذا الجسر المفروظ مايكون هذا مكانه ابداً لكن وش جاب هذا الشي هنا؟!!!
شفتلي بنت عندها طاوله عليها عشرات الاقفال اللي هي موضوعنا!!!

http://www.alkhubr.net/imgcache2/8701.gif (http://groups.yahoo.com/group/o11o/)

!!!!!
وش جاب هذي الاقفال على جسر مافيه ولا باب عشان يتقفل؟؟!!
في العاده اشوف ناس يبيعون ورد او نظارات وشنط يدويه او عده ومفكات لكن اقفال غريييبه!!!
رجعت التفت للجهه الثانيه شفتلي وجه مألوف لي
بنقالي عنده طاوله ثانيه لكن اكبر وعليها بعد اقفال

http://www.alkhubr.net/imgcache2/8702.gif (http://groups.yahoo.com/group/o11o/)

وجع!! ::لا
وش يسوون هذولي؟
وشهيله هذي الاقفال؟
اللي اعرفه ان البنقاليين مايبيعون الا عرق او يمررون مكالمات هذا وش جابه هنا؟!
لكن قلت يمكن هذا البنقالي سمع ان الراجحي في بداية حياته كان يبيع اقفال وصار الحين مليونير وناوي يسوي مثله
رحت للبنقالي, على قولتهم وجه تعرفه ولا وجه تنكره
سلمت عليه
وكنت مستحي اسأله عن هذي الاقفال لانه كان وضعها طبيعي بالنسبه لهم ولا فيه احد مستنكر الوضع
قلت له انت عايش هنا من زمان
قال لي 15 سنه وكان يتكلم لغه البلد بطلاقه
قالي انت سعودي (طلع ذهين)
قلت ايه
قال انا اشتغلت في السعوديه قبل 15 سنه لكن الحين نسيت اللغه العربيه
قلت له كنت تبيع عرق في السعوديه
قال لا ماعرف العرق (يمكن في ذاك الوقت مابعد احتكروه ولا يعرفونه)
علمته وشو العرق قال مافيه داعي ابيع عرق هنا لان المشروبات متوفره برخص التراب ولو اصنع عرق هنا بيسجنوني ويودوني في ستين دهيه لكن عندكم في السعوديه اي واحد يسوي مشكله يسفرونه على طول
قلت هذا اللي خلى عيال عمك يلعبون فينا لعب
المهم قلت وش تشتغل الحين
قال ابيع اقفال
تمام وصلت للي ابي
قلت له ليش تبيع اقفال؟
قال عشان اي واحد يحب وحده او يبغى يهدي زوجته هديه
!!!
قلت له يهدي حبيبته او زوجته قفل؟!
قال لا.. يشترونه مني ويكتبون اساميهم عليه ويحطون التاريخ وبعدين يقفلونه في المواصير المنتشره على الجسر وبعدين يرمون المفتاح في النهر
قلت ليش هذا كله؟
قال علشان يبقون يحبون بعض ولا ينفصلون عن بعض طول ماهذا القفل في مكانه ومقفل
بعدين قالي انت ماتشوف المواصير اللي على الجسر كيف مليانه من الاقفال واشر لها
انا طالعت للمواصير وذهلت من المنظر شي مهول اعداد هائله من الاقفال على كل ماصوره وكل عمود وكل زاويه وفي اي مكان يصل له القفل
طلعت الكمره وصرت اصور العمدان والمواصير في كل مكان الين تعبت

.
.
.
.

http://www.alkhubr.net/imgcache2/8703.gif (http://groups.yahoo.com/group/o11o/)
http://www.alkhubr.net/imgcache2/8704.gif
http://www.alkhubr.net/imgcache2/8705.gif
http://www.alkhubr.net/imgcache2/8706.gif
http://www.alkhubr.net/imgcache2/8707.gif
http://www.alkhubr.net/imgcache2/8708.gif

http://www.alkhubr.net/imgcache2/8709.gif
http://www.alkhubr.net/imgcache2/8710.gif
http://www.alkhubr.net/imgcache2/8711.gif

http://www.alkhubr.net/imgcache2/8712.gif
http://www.alkhubr.net/imgcache2/8713.gif

http://www.alkhubr.net/imgcache2/8714.gif
بعد مانتهيت من التصوير ناداني البنقالي
قالي ماتبغى تشتري قفل
قلت لا
قال ماعندك حبيبه
قلت الا عندي
قال خلاص اذا تحبها لازم تشتري قفل وتكتب اسمك واسمها والتاريخ عليه وترمي المفتاح في النهر
الصراحه احرجني
وقلت بالمصري (مابدهاش) وبالنجدي (مامنهاش)
وشريت القفل منه وسوالي تخفيض علشان صار صديقي وكتبت اسمي عليه اسمي بلحالي http://www.alkhubr.net/imgcache2/8715.gif والتاريخ لكن مارميت المفتاح في النهر تركته معي
تدرون ليش مارميت المفتاح؟
لاني الصراحه يمكن احتاجه في يوم من الاhttp://h.msn.com/c.gif?RF=&PI=7324&DI=5707&PS=96691&cb=1230078374879


























http://www.alkhubr.net/imgcache2/8717.gif

صاحب صاحبه
24-12-2008, 09:48 AM
رحلة سعيدة أهم شيء تكون انبسطت فيها .....

لكن هم يشرون اقفال ويرمونها وبعد كم سنه وهم متطلقين لانه الخيانه على قفى من يشيل عندهم المهم هذي معتقداتهم الاقفال والمفاتيح وممكن تأثر على عقيدة وتكتب عليك سيئة .....

أخيرا من هي سعيدة الحظ اللي أمها داعية عليها خخخخخخخ اللي انضربت على قلبك وحبيتها ؟

أبوشهد
24-12-2008, 10:00 AM
ههههههههههههههههههههههههه

البنقاليين اذكياء

يعبيعون الاقفال وعندهم نسخة ثانية لها ..!!

بعد ما ما يرمون المفاتيح في النهر

يرجعون ويفتحون القفل ويبيعونه من جديد

وخصوصاً

للسياح اللي يأتون من خارج ايطاليا ..!!