المساعد الشخصي الرقمي

مشاهدة النسخة كاملة : عالم الرومانسية للرجل السعودي لاينتهي أبداً


سامبامان
20-11-2008, 12:11 PM
منتهى الرومانسية السعودية ( لاتفووووتك ) ..!
عالم الرومانسية للرجل السعودي لاينتهي أبداً … قصص مضحكة جدااااااااااااااااا

لا يخفى على كثير من المتزوجات منكم حاجة الزوجة لتعبير او همسة اوحتى نظرة حنان ورومانسية
من زوجها العزيز لكن ساعات تكون هالحاجة اصعب من لبن العصفور وابعد من المريخ بسبب طبيعة
بعض ازواجنا المماليح …وعزة نفسهم اللي تخليهم يعتقدون ان التلميح بالحب هو ضعف وتصغير
من قدرهم وانا بصراحة ما الومهم …الوم سياسة (ياعيباة وياخزياة )اللي خلقت رجال الثلج
اللي عندنا .

1 - صديقتي زوجها سافر لدوره في عمله وطقتها الرومانسيه وتروح وتحط له ذيك الهديه اللي
تعبت بتغليفها وتحط له بكل بدله رساله وورد مجفف وتقعد المسيكينه على أحر من الجمر تنتظر ردة
الفعل والكلام الحلو اللي بيقوله لها الا يوم جاء وعيونه تتقادح من الشرر (أبوك ياللغه )وزعلان
ويرمي علي كلمه خلت الدمع يكور بعينها .. قال : وش اللي سويتيه خليتي أصحابي
يتريقون علي كل ما البس بدله الا الاوراق طايحه منها قالوا وش فيك ياابو الشباب صاير كنك عامل
بلديه ماغير تلقط في الاوراق والا الهديه الحمدلله اني شفتها قبل ماحد يشوفها وحطيتها في السياره ..
ومافتحها الايوم رجع البيت .

2 - في ولادتي الاخيره جاني نزيف وجلطه وبعد الولاده جلست في العنايه والدكتور يقول
لزوجي اذا تحب زوجتك انسى الاطفال اقل شي 5 سنوات لين تستقر حالتها يوم بديت اصحصح
من البنج وكنت اتألم عمليه ونزيف والقاه فوق راسي وطمن علي وبكل رقه قال قولي اميييييين ..
عاد انا فرحت قلت أكيد بيدعي لي ان الله يعافيني واني ازوج بنتي او ان الله يخليني له قلت انا آمييين .
قال جعل ما تدور السنه الا انتي هنا في هالغرفه جايبه بيبي ثاني خخخخخ
قلت ياخي تجمل اصبر على الاقل لين يطلعوني غرفتي اما تدعي علي وانا في العنايه تبيني السنه
الجايه فيها ..!!!

3 - زوجي محطوط على الصامت مادري يوم ولدته امه صااح او لا مع اني ماضنيت انه صااح
خخخخ البس اتزين اصبغ مره شقرا مره حمرا مره احط برونز بنتي ام ثلاث سنين قالت ليه يامام انتي
سودا خخخ وزوجي مافي اي ملاحظه او تعليق ودايم اقوله اقص شعري؟ اقلد هالحريم يمكن يحس
يقولي لا ..لاتقصينه ابزعل عليك وهو شكله بعد يقلد الرجاجيل خخخ ميير ذاك اليوم ارووح اقصه
او بمعنى اصح اعرمه قصير مره واسوي هاي لايت وطول الطريق متحمسه اقول في نفسي الله يستر
لايزعل يوم قصيت شعري ..يوم وصلت البيت وادخل لين الشيخ ماسك الريموت ويقلب فيه واجي
وانا مرتاعه واجلس .. الرجال ماحكى احسبه زعل الله يخلف على قلبي خخخخخخ اثاريه مانتبه
لشعري كله مير تتناقز العنز بوجهي من الزعل وانا اللي التفت عليه واهد فيه انت ماتحس ماتشوف علمني
ماتعب نفسي واتزين لك حرام الخساير خخخخخ قال لا بالعكس انتبه قلت طيب ياخي شجع امدح
لو كذب قل رايك ..!
توكم مابعد جتكم المصيبه ..
عقبها بكم يوم كلمني وانا برا البيت قال وينك قلت في المشغل انا اقصد مشغل خياطه هو يحسب قصدي
كوافيراول مادخلت مع الباب قال زوجي الله وش هالزين وش هالحلاوه انا طارت عيوني واطير اركض
للمرايه اشوف وجهي ليني شهبه لهبه حتى الكحل مهوب في عيوني والشعر لازق في الراس عقب النقاب
وارجع له وانا ماش ماني مستوعبه قال لي بصراحه نيو لك مره حلو ابو الشباب مستمر في النصب قلت وشو
انت وش تقصد اي تغيير انقلب وجهه قال انتي وينك من شوي قلت في المشغل رجع لون وجه يرد قال ايه
محلوه وش سويتي قلت ضوقت فستاني خخخخخخخ طمر دخل الحمام مادري ليه عاد هل بطنه حله خخخخخخخ
او ماله وجه يشوفني او من الروعه .

4 - مرة شريت شموع والله انا نفسي ماقتنعت بس صديقتي كانت معي بالسوق ولزمت علي أشريها المهم
بعد ماعلمتني طريقة توليعها ووين أحطها بغرفتي <<<<<< أخبرها إذا طفا الكهرب وبس ..
عطرت الغرفة وولعتها دخل أبو الشباب وعلى طول ولع اللمبات كلها المشكلة ثريتي ام خمس وقال ليش مولعتها
هو الكهرب كان طافي !!
لاعادت عليها من شموع ومن رومانسية قلت لا بس أجربها هي تشتغل ولا لا <<<<<< امحق رد حاشا
صارت جهاز مو شمع .

5 - وحده تبي تسوي ليله لوباقي ليله على ما قالو…وحاطه شموع وحاله يوم وصل سبع البرمبه..وإلا
يقول الله يقطعك خنقتينا بثاني أكسيد الكربون .
الأخ مدرس علوم …تقول من عقبها حلفت وقلت التوبه….!!

6 - وحدة اعرفها ..كانت في بداية زواجها من 10 سنوات ناقر ونقير مع زوجها بسبب صغر سنها
وطيشها …وبعدين شوي شوي مع العيال والسنين عقلت المرة وخفت مشاكلهم وهي حاسة بهالتغيير وفرحانة
بهالنضج اللي وصلت لة وتبي زوجها يلاحظ …يلمح ….يحس …عمك اصمخ وهو اكيد انة حاس
بس عقدة التعبير مانعتة ..) المهم ..ماش شافت الرجال ما جاب خبر قامت تلمح له المرة ..وفي ساعة
صفا ..جت مشخصة وقعدت تميلح عندة وتسبل هالعيون وتتلصق ..قالت :ماحسيت ياحبيبي بشي متغير في
حياتنا ؟؟(تستدرجة الضعيفة قال: وشو مثل ايش ؟؟(مازال الطناش سيد الموقف )قالت :يعني ماحسيت
بتغيير ..؟؟(مازالت تتأمل ) قال:مدري .. مثل وشو ؟؟(غيٌر عن ايش ) .. قالت :يعني
ما حسيت شي تغير فيني مثلاً؟؟؟؟(ملت من التلميح وجابتها على بلاطة ) قال:فيتس انتي ؟؟؟؟؟(بدا يفكر
ويهوجس ….وهي مازالت الإبتسامة شاقة وجهها ..وعيونها تبربش …وتتميلح …تنتظر الجواب
الشيق …(ليتها طاحت على براطم طخومة قبل تسأله)
قال:مممممممممممممم ….بطنتس عرعر .!!
فجأة .. زالت كل معالم الفرح والتميلح من خشتها …وبدأت الدمعه تفحط في مقلتيها ..
..لا تعليق

7 - جارتى كانت والدة جديد وجلس زوجها يتفكر بالولد ليه عيونه كذا وفمة على مين يخرع ورا اسود؟
وخذ يعدد اقبح الخصال واخر شئ التفت على الام وقال ما كنه يشبهك ..! تقول لنا لحظة قالها مت
صياح وهى نفاس .

8 - موقف رومنسي مع زوجي العزيز كنا مسافرين برا وقاعدين نتمشى بمكان رايق وهادي ومافي احد
غيرنا قام يتلفت بعدين قال ترى مافيه الا انا وانتي انا تحمست قلت اكيد بينتهز الفرصه عشان ياخذ راحته معاي
ولا يقوللي كلمه حلوه ولا اي شي.. قال لو قتلتك هنا والله محد بيدري عني !!!!

9 - حبيت اعترف لكم بشي خطير بعد 14 سنه زواج قالي زوجي انا احبك والله قالها وشفايفه ترتجف
وياله اطلعت حشى كانها سياره مغرزه .

10 - انا لي 4 سنين وانا احفر بزوجي لعل وعسى اطيح على بئر الرومنسيه عنده لكن للحين ما طلع
شئ شكلي بلقى بترول من كثر الحفر ..وياما وياما انصدمت من ردوده وياكثرها تخيلوا مرررررررررررره
كنت مسويه ليله رومانسيه بدون ما يدري وحركات المهم كنت حاطه اوراق لازم يجمعهم علشان يوصل للمكان
اللي انا فيه يعني يبيله ابو عشر دقايق على ما يجمعها ويوصلني ..انا سمعت الباب فتح ورحت على طول اشغل
الشموع على اساس انه لسى بيدور على الاوراق شوي الا طويل العمر داخل علي بالغرفه انا طبعا قلت له وش جابك
وش تتوقعون الرد تخيلووووووووووووووووووووووووووووو .. وش رده لما سالته وش جابك ليش خربت
يا شينك ……..الخ
قاااااااااااااالي ابي الحمام ابي …….(يعملها بالعامي والعامي القصيمي )0
انا وقتها اغمن عليه اغمن عليه وش ذاااااااااااا البيت فيه 6 حمامات ضاقت على هالحمام ولا يشوف شكلي قميص
نوم وكشخه وشموع وفواحات وورود واخرتها بـ.. بس
جد كانت صدمه قويه ووقتها كنت توي ما كملت 6 شهور زواج تخيلي قعدت اصيح وعلوم بس ..!
منقول انا بس سويت كوبي و بيست و دقيت كم شفت و انتر علشان التنسيق
بالله كيف تنسيقي مهو رهيب

أبوشهد
20-11-2008, 12:35 PM
تنسيقك قمة الرومانسية

يابوبشائر ..!!

هههههههههههههههههههههه

ابو خالد
20-11-2008, 12:42 PM
ههههههههههههههههههههههههههههههههههههههههههه
ههههههههههههههههههههههههههههههههه

والله رومنسيه رهيبه
امحق من رومنسيه

من جد البعض يحاول يصتنع الرومنسيه بس والله انها في وادي وهو في وادي هههههههه

كان
20-11-2008, 01:16 PM
مجتمعنا ما يعرف الرومانسيه ويحس بالفشيله دائماً

مونوبولي
20-11-2008, 05:09 PM
بصراحه الموضوع جااااامد ويضحك بس القصه الي من جد شغلت الخيال عليها موضوع رقم 8 مت من الضحك لوووووووووووووول يعطيك العافيه ::)

حنين الشوق
20-11-2008, 11:53 PM
الرومانسية وين وهذولا وين

رقم ثلاثة.. يا حليلة يقاله بيمدح زوجته ويتغزل فيها ,, وهو ماعنده سالفة !!

سامبامان كفاية إنه تنسيقك .. أكيد بيصير روووعة

روح وريحان
21-11-2008, 12:08 AM
الحين يعني سامبا ,,, تبي تقنعنا انك رومانسي ,,


كله كووووووووووم

وذي كوم ( حبيت اعترف لكم بشي خطير بعد 14 سنه زواج قالي زوجي انا احبك والله قالها وشفايفه ترتجف
وياله اطلعت حشى كانها سياره مغرزه .)


يالهوي ,,

اشلون كانوا عايشين مع بعض ؟؟


فشلتونا يالتماسيح ولا واحد فيكم رومانسي ,,

سامبامان
21-11-2008, 12:20 AM
تنسيقك قمة الرومانسية

يابوبشائر ..!!

هههههههههههههههههههههه

مرورك
حلى التنسيق يا زعيم
شكرا لك على المرور و الشرطه و الدفاع المدني كمان:)
ابوخالد
حسب معلوماتي انت زعيم عصابه الرومانسيه بالطائف
كان
اي مجتمع ؟؟
مونوبلي
الله يعافيك و بتتزوج بكره و نشوف عمايلك
حنين الشوق
شكرا لمشاركتك و ثنائك
لميس
ايتها المشاغبه انا احسن رومنسي بحارتنا
حتى اسأليهم عني

شمس الكون
21-11-2008, 12:26 AM
نقول أن شاءالله الأجيال
القادمــة تكون ... رومانسية
مع أني أشك .. أذا هذا حال الأباء
فــ على الدنيا السلام

سامبامان

يسلمو على الموضوع
الرومانسي:fear:


:icon33:

روح وريحان
21-11-2008, 12:29 AM
وين الرومانسية في الموضوع ثموثة ,,,,,

سامبامان
21-11-2008, 12:33 AM
شمس الكون
شكرا على شكرك
يا لميس المشاغبه الرومانسيه اسمي المتسطر بالموضوع
من جد ما عندك نظر

شمس الكون
21-11-2008, 12:33 AM
وين الرومانسية في الموضوع ثموثة ,,,,,



وش دعوا

لمووووووس الحلوه



:s167:

الموضوع كله رومانسي
انتي بس عدي كم مره جت كلمة (رومانسي)
وتعرفين انه كله روماااااانسيه

:SnipeR (14):

روح وريحان
21-11-2008, 12:37 AM
شمس الكون
شكرا على شكرك
يا لميس المشاغبه الرومانسيه اسمي المتسطر بالموضوع
من جد ما عندك نظر

فاتتني هالنقطة ,,,,مبين من اسمك الرومانسية تنقط منك وانت تمشي

:fg25:

روح وريحان
21-11-2008, 12:41 AM
وش دعوا

لمووووووس الحلوه



:s167:

الموضوع كله رومانسي
انتي بس عدي كم مره جت كلمة (رومانسي)
وتعرفين انه كله روماااااانسيه

:SnipeR (14):



فهاي غلبتيني ,,




يالهوي ,,, حتى البنات ,,

:nosweat:

سقراط
21-11-2008, 01:17 AM
هذا الي انا خايف منه

عشان كذا اقول لكم الانفتاح مطلب اساسي ومهم عشان العالم تتقبل الطرف الاخر بكل رومانسيه وتعود عليها وانا من هذا المنبر اطالب الحكومه دولة و شعبا انهم يجيبون باصات و يودونا انتداب للبنان عشان نتشبع من الجرعات الرومانسيه الفائضه عندهم و نعطيهم بدالها بنزين اخضر ترسيخاً لوطنيتنا و شعار دولتنا و حبنا لمملكتنا و حبنا للانسانيه كافه و تثيبتاً و دعما للدول العربيه التي تكثر فيها الدبابات الغير مثيره للحساسيه والحكه .

بدور بدر
21-11-2008, 03:50 AM
اتحــــــدى في سعـــــودي بعد الزواج رومنـــــــسي والله اتحـــدى

من من
21-11-2008, 02:19 PM
سامبامان

ليس الرجل السعودى بس

ده حال الرجال فى كل البلدان

وشكلها حالة ميؤوووس منها

روح وريحان
21-11-2008, 02:22 PM
من من اش رايك انا وانتي نسافر تركيا ؟؟؟

من من
21-11-2008, 02:28 PM
لميس

موااااااااااافقة طبعا

بس والله خايفة ناخذ مقلب ويكون نفس الحال هههههههههه

روح وريحان
21-11-2008, 02:30 PM
ههههههههههههه تطمني مستحيل نفس الحال ,,,

من من
21-11-2008, 02:53 PM
طيب يلا احجزى تذكرتين

بس عاوزين مهند فى استقبالنا هههههههههه

سامبامان
21-11-2008, 03:00 PM
بدور بدر
اعلم الكثير ممن سيقبلون تحديك و بكل رحابه صدر
كلمه جانبيه بلاش الحلف بالله و خاصه بالتعميم

منى ايهاب لاحظي الموضوع كاتبته امرأه فهو من جانبها فقط من الجانب الاخر الرومانسيه بنظر الرجل السعودي قد لا تعني فقط الكلمات الحلوه و الشموع بل تتعداه الى توفير الامن للزوجه جعله مثل الدره المكنونه لا تصيبها شائبه ابدا توفير الامن المالي لها اتقاء الله فيها و في ابنائها و لكن بنظر السحالي اعطني حبا و ارميني بالبحر و الاختلاف هو ملح الحياه
لميس ابي اشوفك بتركيا عاد انتي شلون بتسوي لو زوجك قعد يناظر التركيات و نحن جميعا نعلم بان شوشتك منكوشه و لم تتعلمي التمشيط الى الان و بالله نفر اسكندر كباب في صحن على برا يق يق يقي

نبيطه
21-11-2008, 03:28 PM
ترررررررى ظالمين الرجل السعودي
بصراحه كلمه اقولها لبنات السعوديه

احمدو ربكم على شبابكم والله انهم قمة الرومانسيه حتى الشين فيهم رومانسي <<< يعني الشين ماله رب؟

من جد مستحيل تلقون بيت سعودي مافيه شاب مر في تجربة حب

والله ان البنات عندنا يوميا في سيرة الشباب السعودي قسم با الله يومي ما ابالغ

يحسسسسسسدونكم وبشكل موب طبيعي

حتى بسووق تلقا الرجل يمسك كيسة زوجته ويتمشى معها ويعطيها رايها هنااا لو تقطعونهم ما يودونهم اصلا
واذا وداها ايده على الساعه يلا يلا بسرعه تاخرت وتنفيص عيون ومهاوش اكثر الهوشات اشوفها بسووق حريم مع رجالهم

شي مضحك ومؤلم في نفس الوقت









لكن تماسيح المنتدى اشك في رومانسيتهم احم احم

بدور بدر
21-11-2008, 04:58 PM
بدور بدر
اعلم الكثير ممن سيقبلون تحديك و بكل رحابه صدر
كلمه جانبيه بلاش الحلف بالله و خاصه بالتعميم



اخوي انا قلت والله اتحدى مو والله مافي رجال رومانسي يعني تفرق بس ركز معاي ربي يبارك لي فيك
واظن انك لا نصحت احد قدام الناس تعتبر مو نصيحه تعتبر فضيحه!!!!!!

سقراط
23-11-2008, 01:27 AM
نبيطه وين ديرتكم بالله ابجي اشوف الربيع و الامطار

من من
23-11-2008, 01:38 AM
نبيطة
ما يفعله الرجل السعودى من توصيل للاسواق ولشراء الطلبات هذه ليست الرومانسية
بل هذه عادات وتقاليد فرضت عليه
فى هذا الشئ معك حق ارى الزوجة او المرأة عموما فى السعودية واخدة حقها
عنا فى مصر المرأة تنزل تشترى كل الطلبات وكل لوازم المنزل لوحدها واياك ان تقصر فى شئ او تنسى شئ 0(طبعا مو الكل لكن الاغلبية)
لكن فى السعودية لا تنزل حتى لو ما فى لقمة عيش فى المنزل الا تتصل على زوجها هو يجيب كل الاحتياجات ومو بمزاجه او مزاجها ((هذه تقاليد)) مو رومانسية