المساعد الشخصي الرقمي

مشاهدة النسخة كاملة : تقديم الاجازه


شموووخ
19-11-2008, 11:18 PM
مساكم الله بالخير جميعا

وصلني خبر اليوم من مديره مدرسه ثانويه

كانت في اجتماع مع توجيه الشمال في الرياض

تقول وصلهم خطاب

بان الاجازه سوف تقدم اسبوع القرار انشاءالله

يصدر بدايه الاسبواع الجاي 000

( هذا امر يقولون واصل من ابو متعب فديته عساها تكثر الاجازات )

yasser4101
19-11-2008, 11:20 PM
:( أما عاد الله لا يقوله

عز الله خربت الشغله

سقراط
19-11-2008, 11:23 PM
هههههههههههههههههههههههه


ومتى ان شاء الله الناس يدرسون راحت السنه كلها اجازه

لا خربوا وراعينا ما فيها كلام

شموووخ
19-11-2008, 11:24 PM
يسووور لاتدخلنا في شغلك
حن نبيها

شموووخ
19-11-2008, 11:32 PM
هههههههههههههههههههههههه


ومتى ان شاء الله الناس يدرسون راحت السنه كلها اجازه

لا خربوا وراعينا ما فيها كلام

سقراط يقولون الرجال عندهم انتدابات لجل الحج
وراعينهم من يوديهم وها الموظفات
لجل كذا قالوا كبرواا الوساده

yasser4101
19-11-2008, 11:38 PM
كل ها الحوسه عشان الصيفيه محد يتمتع بها ولا يستفيد منها

قررت خلاص بنفتح للأخر بحدد الزواج 29 /8 هجري واكتم بلوفي إلين بعد رمضان

شموووخ
19-11-2008, 11:47 PM
كل ها الحوسه عشان الصيفيه محد يتمتع بها ولا يستفيد منها

قررت خلاص بنفتح للأخر بحدد الزواج 29 /8 هجري واكتم بلوفي إلين بعد رمضان

اذا هذا موعدك الله يقويك على صيام شهرين متتابعين

سقراط
20-11-2008, 12:36 AM
و الله الظاهر هالانفتاح بيجي يا ياااسر

ههههههههههههههههههههه


يا جماعه انفتحوا ترى الانفتاح زين و الي ما هو منفتح بتجيه مالطيه


هههههههههههههههههههههههههههههههههههههه

شمس الكون
20-11-2008, 12:52 AM
مدري لو الخبر اكيد
لازم يعلن قبل السبت


بس احساسي انها مجرد
أشاعات لان معظم الطلاب
عندهم اختبارات
وتقويم إلى يوم الاربعاء



شموخ

يسلمواااا

TASI
20-11-2008, 12:52 AM
الله يسمع منك .. شموووخ
خل تخف الزحمات شوي

شموووخ
20-11-2008, 01:02 AM
شمس الكون
حتى الجامعه عندهم اختبارات
الاسبوع الثاني لكن انشاءالله تطلع اجازه
شاكره لتواجدك

شموووخ
20-11-2008, 01:20 AM
الله يسمع منك .. شموووخ
خل تخف الزحمات شوي

تاسي ادعيلنا
لانها من مصلحتكم
شاكره لمرورك

ملكع
20-11-2008, 01:50 AM
انشالله يكون صحيح الخبر

وماهي غريب من ابو متعب دايم مفرحا بالاجازات

والله السنه البر ينادي وانشالله اننا مجيبين اذا الله عطانا عمر


يسلوووو شموخ على الخبر الحلووووووووو

مونوبولي
20-11-2008, 03:05 AM
والله خبر حلو على الأقل افتك من المدرسه المتحلفين الي جمبنا قسم بالله ذبحونا والله ما اقوم الا على (( سااااااااااارعي )) وإذا ثقلت بالنومه الفسحه تصحيني ,, قسم باللله ابيخ شي يكون جيرانك مدرسه :(

شموووخ
20-11-2008, 03:20 AM
ملكع
انشاءالله جايه تولم للبر

مونوبولي
بدعي تكون اجازه لجل تريح راسك

شاكره لمروركم

غريب الدار
20-11-2008, 03:22 AM
و الله شي حلوووو

الله يعافيه ابو متعب عز الله انه حاس فينااا



مشكوره شموخ على البشاره الحلووووه

الـزعيم الـهلالـي
20-11-2008, 03:03 PM
يا هوووو وناسه لو تصير صراحه كثرت الاجازات بس خايف من شي ان نتعود عليها بعدين تختفي

شموووخ يسلمو وان شاء تصدق توقعاتك انتي ومديرة الثانويه :)

من من
20-11-2008, 11:09 PM
يا رب الى عندنا يقلدوكم فى الاجازات

((((((واحدة بتحسدكم))))))

حنين الشوق
20-11-2008, 11:26 PM
شموووخ الإجازة بإنتهاء يوم الثلاثاء 4/12

يعني التقديم .. بيكون الأسبوع الأخير مافيه دوام !؟


ياليت ,, الله يسمع منك

شموووخ
20-11-2008, 11:56 PM
غريب الدار
من حظنا الاجازه جات وقت الاختبارات

الزعيم الهلالي
خالنا نتعود وننبسط

انشاالله يتم الخبر
شاكره لمروركم

شموووخ
20-11-2008, 11:58 PM
منى ايهاب
اذا ماجات الاجازه مااعرف الاانتي
تكفين اذكرالله

شموووخ
21-11-2008, 12:04 AM
شموووخ الإجازة بإنتهاء يوم الثلاثاء 4/12

يعني التقديم .. بيكون الأسبوع الأخير مافيه دوام !؟


ياليت ,, الله يسمع منك

عليك نور الاسبوع الاخير تكون الاجازه
انشاءالله باذن الله
يتاكد الخبر

ابوزيــــاد
22-11-2008, 06:49 AM
الله يبشرك بالخير وإن شاء الله يتم

همم فوق القمم
22-11-2008, 07:12 AM
الله يكتب اللي فيه خير للطلاب والمدرسين

سامـــي
22-11-2008, 08:22 PM
ما جات الإجازات إلا بعد ما تخرجت :cry::cry::cry::cry:

أنا أحسدكم عليها ماتتهنوا فيها ههههههههههههههههههههههههه

:018: الله يهنيكم فيها