المساعد الشخصي الرقمي

مشاهدة النسخة كاملة : خربوها بنات الرياض ..!!


أبوشهد
24-09-2008, 02:53 AM
بسم الله الرحمن الرحيم

ممكن تصير في الخبر

ممكن تصير في جدة

لكن في الرياض

والله اللي خربت الرياض ..!!

الليلة وبداعي العيد الوطني ..!!

بنات الرياض ينزلون من السيارات في تقاطع طريق الملك فهد مع طريق الملك عبدالله

ويقومن بالرقص متوشحات باللون الابيض والاخضر

اي عيد ياوطن هذا

اي عيد يخلعن فيه البنات رداء الحياء

اي عيد تمارس فيه مثل هذه الامور في ليالي مباركة

والمصيبة

حتى الميك آب والمكياج على وجيههن المعفنه

ابيض واخضر

هل هذه هي الفرحة

أهكذا يكون الحال في العيد الوطني ..!!

الرياض الليله خالعه بمعنى الكلمة

تدرون بسلم على خشم ابوي وبقوله يطلع منها

وينقل مثلي للخبر لا يسخط الله عليهم

:كش

أبوشهد
24-09-2008, 02:54 AM
شوفوا المكان وين

تقاطع طريقي الملكين

الحالي والراحل ..!!

هل اختيار هذا المكان محدد مسبقاً ام هي محض صدفة ..؟

روح وريحان
24-09-2008, 02:58 AM
بوشهد البنت مين اللي مطلعها

يا بوها او اخوها او زوجها ,,

البنات ماينلامون ,,اذا مالقوا رجال تضفهم ,,,

لا تحطون كل شي على البنات

أبوشهد
24-09-2008, 02:59 AM
كذلك الشباب الشواذ

وجدوا الليلة فرصة لهم ..!!

في طريق الملك عبدالله ..!!

ينزلون ويشكشكون بمباركة رجال الامن

شعور عجيبة وقصات اطلق من قصات البنات

ورقص عجيب والمصيبة حتى العوائل يقفون يتفرجون عليهم ..!!

والهيئة ضاعت بينهم ..!!

تلاحق الشباب ام تلاحق البنات ..!!

أبوشهد
24-09-2008, 03:03 AM
لميس

طالعين بحجة الاسواق ومقاضي العيد

والاب والاخ في المسجد يتعبدون

أبوشهد
24-09-2008, 03:04 AM
المصيبة ليست في الفتيات او في الشباب

بل تعدت الى بعض العوائل

في سياراتهم

وبناتهم واولادهم يرقصون ويهزون في السيارات

وابوهم معهم والله مصيبة الرياض ..!!

أبوشهد
24-09-2008, 03:04 AM
المشاهد كثيرة ومخجلة

راحت علي والله

نصور وننشر

شمس الكون
24-09-2008, 03:07 AM
كل سنة يصير
مثل كذا لا جديد



يعني مو غريب يابو شهد

عالم نواف
24-09-2008, 03:20 AM
الله يستر علينا


الله لا يبلانا


الحمد لله الذي عافانا مما ابتلاهم وفضلنا على خلقه تفضيلا




على فكرة .. ما يجوز تقول العيد الوطني

( سمَّه على الأقل اليوم الوطني )



وشكرا ..

& سمو الذوق &
24-09-2008, 04:06 AM
أبو شهد


لا جديد نسئل الله الستر ويعافيهم ولا يبلانا !!


تبون الجد


كرهت اليوم الوطني من مايحدث فيه ..


لأن عندنا فئه من الشعب ما ينعطى وجه !!

yasser4101
24-09-2008, 04:15 AM
خلو الناس تستانس وش فيكم انتم...!

قبل كان العيد الوطني يحدد يوم يكون فيه عرضه وسيوف ورجال أحرار يهتفون ( نحمد الله جت على ما تمنى )

والآن عبيد الصرعات والموضه والطهبله ماذا ترجي منهم...؟! وهم يهتفون ( كم عشقت الجنز وكم احببت التيشيرت ) وياويلك من النار الي تبي تشلوط جنوبك

-------------------------------------------------------

خلوهم يبدعون

سامبامان
24-09-2008, 04:23 AM
ما يهمني الرقص
طز فيهم كلهم من اصغرهم لاكبرهم
الي زعلني التالي
اليوم بجده اغلاق طريق المدينه الحيوي مدخل جده المهم و الشريان الحيوي فيها تم اغلاق كوبري المطار كوبري الطريق السريع و الخط القادم من جميع احياء جده الشماليه المشكله لو ماعندك علم و اتعديت اخر مخرج لا طريق لك ابدا
الان السيارات الواقفه السراء طوله حوالي 4 الى 5 كيلو
للي يعرف جده حلبه الرقص جنوب كوبري المطار و قبل مخرج حراء
طيب لو فيه مريض او حاله طارئه اش العمل
قمه التخلف

حنين الشوق
24-09-2008, 04:30 AM
اليوم الكل يتفنن في العرض .. صغار وكبار .. شباب , وبنات .

الصغار حلو عليهم .. لكن الكبار مو لايق عليهم ..

الشباب والفتايات .. خربوها في اللباس ,, والعرض ..

الوقت اللي هم يستعرضون فيه ويرقصون .. الناس تتعبد وتصلي صلاة التهجد .. لاحول ولاقوة إلا بالله

كان
24-09-2008, 05:08 AM
الحمدلله حنا القصيم عااااقلين


يومنا قضيناه في المسجد ولله الحمد

بدوية نجد
24-09-2008, 06:29 AM
عزيزي أبو شهد نعم شيئ مؤسف ماحدث في مدينة الرياض وباقي المدن ولكن ألا نعتقد ان ماحدث يشبه البركان بمعنى أن الباطن والمستور أكثر بكثير من رقص مجموعة هوجاء من الشباب ، ياأخي نحنٌ نسير نحو.......أترك لك المكان فارغ حتى تضع أنت ماتره مناسب...
ألى الله المـــشـتكى...

ولك كل الشكر والتقدير....

سامـــي
24-09-2008, 06:59 AM
ياهووووووووووو خلي الشباب يفرغو طاقاتهم الي كابتينها طول السنه لا سينما ولا ملاهي والكباين بالواسطة

أما البنات ما يبيلهم إلا بالباكور

بس والله جدة اليوم شي ثاني بصراحه أحلى يوم مر عليّ

عاشة بلادي

أبوشهد
24-09-2008, 02:02 PM
اليوم الوطني

او

العيد الوطني

صار

عيد ويوم للرقص والخلاعة ..!!

أبوشهد
24-09-2008, 02:05 PM
طغت في محافظة الخبر مظاهر الاحتفالات باليوم الوطني كافة أحياء المدينة وميادينها العامة.

وكان للشباب حضورهم الفعال في رسم معالم الفرح حين اتشحت سيارتهم بالأعلام الوطنية وعلقت صور القادة على زجاج السيارات .
وقد شهد شارع الكورنيش مساء أمس مسيرة وطنية ، شاركت بها مئات السيارات وكانت الأعلام الخضراء ترفرف وتحرك مشاعر الوطنية بداخل كل مواطن ، وحماس الشباب وفخرهم بوطنهم مصدر اعتزاز للجميع، و لم يعكر صفو هذه المسيرات إلا تصرفات بعض المراهقين والتي أدت إلى تعطل حركة السير وإغلاق الشوارع بسيارتهم التي حولوا ألوانها إلى ألوان مختلفة طغى عليها اللونان الأخضر والأبيض الأمر الذي غير ملامحها كلياً وهو ما يعد مخالفة مرورية في نظام المرور تستلزم ايقاف أصحابها.
كذلك قاموا بإحداث فوضى ورفع أصوات مسجل سياراتهم وأخذوا يستعرضون مهاراتهم بالرقص والتمايل بطريقة غير لائقة ولا تمثل هوية الشباب السعودي مما أثار استياء المتواجدين هناك .
كما شوهد قيام بعض الشباب المراهق بمضايقة بعض المارة من العوائل والمقيمين وغياب تام من الجهات الأمنية التي اكتفت بالتمركز عند مواقف الواجهة البحرية والإشارات الضوئية متناسين الواجبات الأمنية المناط بهم تاركين المراهقين يشوهون فرحة اليوم الوطني بهذه التصرفات الرعناء .

شرطة الخبر استعادت السيطرة على كورنيش الخبر بعد تجاوزات المحتفلين بتهشيم زجاج بعض السيارات وإيقاف أخرى عنوة ، وأغلقت المنطقة بعد القبض على عدد من المخالفين فيما حجزت المرور بعض السيارات المخالفة وأجبرت أصحابها على إزالة المخالفات.



هذا البارحة في كورنيش الخبر ..!!

أبوشهد
24-09-2008, 02:10 PM
http://www.alkhubr.net/imgcache2/1027.gif (http://www.iamsaudi.com/up/)

http://www.alkhubr.net/imgcache2/1028.gif (http://www.iamsaudi.com/up/)

http://www.alkhubr.net/imgcache2/1029.gif (http://www.iamsaudi.com/up/)

http://www.alkhubr.net/imgcache2/1030.gif (http://www.iamsaudi.com/up/)

http://www.alkhubr.net/imgcache2/1031.gif (http://www.iamsaudi.com/up/)

http://www.alkhubr.net/imgcache2/1032.gif (http://www.iamsaudi.com/up/)


http://www.alkhubr.net/imgcache2/1033.gif (http://www.iamsaudi.com/up/)

http://www.alkhubr.net/imgcache2/1034.gif (http://www.iamsaudi.com/up/)

a R يــ g
24-09-2008, 02:34 PM
:021:

ههههههههههههههههههههههههههههههههههههه

يتخيلي منظرهم مضحك ههههههه


ابو شهد طلع ابوك منها بسرعة خخخخخخخخخخخخخ

ذكر
24-09-2008, 03:45 PM
ذا في رمضان كيف لو مو في رمضان كان بلاوي

a R يــ g
24-09-2008, 04:03 PM
ذكر رمضان او غير رمضان مافرقت معهم

ممكن رمضان يكون لها طعم اكثر عندهم اقصد الخالعين لأنها تعتبر سهرة وحشر مع الناس عيد مثل مايقولون

اليوم ثاني العيد الوطني يابو شهد هههههههههههههه

والله افكر في فكرة الحقيقة

نسوي حزب شبابي وعليها زعماء

ونسد فيه الشوارع والطرقات

ونزعج النااااااااااس

ونسوي فوضى وتوسيخ وازعاج

نهدد فيه الحكومة اذا ما وفرت لنا وظائف مثل الناس برا ورواتب كافية اننا نستمر في هذي الفوضى

بعضكم ممكن يقول رايق تافه ووو قليل ادب

بس صدقوني ان هذا راح يكون حل

للبطالة والفقر ومن ثم العنوسة والجريمة

والله ياشباب بس لو تكاتف نحل هالمشاكل كلها



صدقوني هذا الحل 100 %
مو تكلمهم وتسوي مؤدب هذولا ماينفع معهم مؤدب

& ذوق &
24-09-2008, 04:05 PM
اللهم لا تؤاخذنا بما فعل السفهاء منا


فرق اليوم الوطني قبل 5 سنوات عن الأن

الله يحفظ نعمه علينا ولا يعاقبنا

ياخوفي بلحظه تتغير الأمور بسفاهة و سخافة عينه من الشعب فاهمه اليوم الوطني غلط

هل اليوم الوطني دعوه للفساد وللأيذاء الناس وللتكسير وللتحرش ولرفع صوت المسجلات بالأغاني لا وفي شهر فضيل وعشر مباركه

يعني لو يجي الملك عبدالعزيز وجيشه اللي تعب منجد معه في توحيد المملكه ويشوفون الحاصل بيرضيهم

أو بيسووون مثل ما يسوون الأن فرح بنصرهم وتوحيد المملكه

لو بحلف أنهم قضوا يومهم بالسجود لله شكر على ما تم

لا تضيعون و تلطخون جهود أجدادنا بسفاهتكم

ترا النعم زواله

أبوشهد
24-09-2008, 04:21 PM
رايق

خل ابوي في ديرته

شوف الخبر ايش عملوا فيها

وجدة بعد شوف كلام ابوبشائر

ويقولون في حائل مسوين مشاكل بعد

يعني اغلب البلد رايح فيها إلا ماشاءالله ..!!

a R يــ g
24-09-2008, 05:02 PM
ههههههههههههههههههههههه

والله يوم فازت مصر قبل كم شهر كنت مريت في كورنيش الخبر قبل ماكدونالدز شارع الخدمة سادين الشارع ويرقصون قدامي

المشكلة الي يرقصون خكاريا ودببة ويهززون تقول بنات وانا ماغير ضحك عليهم خخخخخخ

كان معي اثنين واخر شي دقيت لهم هرن (هرن الاوبل قوي)

وبشكل متوااااااااصل ليييييين وخروا عديت من جنبهم واسمع واحد دب يقول (زين ياخوي وش فيه)

ضحكت بقوة هههههههههههه حلوة هذي سادين الطريق ويقول وش فيه ..؟:pardon:

ريما الحلوة
24-09-2008, 11:18 PM
ههههههههههههههههههه


اجل لو كنت بجدة ياابو شهد وخصوصا

(شارع التحلية)



اش حتكون ردة فعلك


لانو بجد امس كان مررررررررره فلة


وجو ثاني حسيت نفسي برا السعودية


كاني ببيروت بشارع الحمراء


من المنظر اللي شفتهد


لا الرياض ولا الخبر


الفلته اللي موجودة بجدة مررره طبعا عشان زحمة المعتمرين

ومافي هيئة


اللي ضحكني

فرقة حطوها بوسط المول يرقصون سامري


ويقولون نحمد الله مدري ايش الباقي


ههههههههههه

& سمو الذوق &
25-09-2008, 12:00 AM
ههههههههههههههههههه


اجل لو كنت بجدة ياابو شهد وخصوصا

(شارع التحلية)



اش حتكون ردة فعلك


لانو بجد امس كان مررررررررره فلة


وجو ثاني حسيت نفسي برا السعودية


كاني ببيروت بشارع الحمراء


من المنظر اللي شفتهد


لا الرياض ولا الخبر


الفلته اللي موجودة بجدة مررره طبعا عشان زحمة المعتمرين

ومافي هيئة


اللي ضحكني

فرقة حطوها بوسط المول يرقصون سامري



ويقولون نحمد الله مدري ايش الباقي


ههههههههههه



:ridinghorse:
هههههههههههههههه

حلوه يا ريما

بوعبدالله
25-09-2008, 12:23 AM
اللهم لا تؤاخذنا بما فعل السفهاء منا

yasser4101
25-09-2008, 03:14 AM
هذه مقتطفات مما حصل في اليوم الوطني داخل برج المملكة


YouTube - طھط´ظٹط² ظ…ط*ط¯ط«ظƒظ… .. ظ…ظ† ط§ط³ظˆط§ظ‚ ط§ظ„ظ…ظ…ظ„ظƒط© ظپظٹ ط§ظ„ظٹظˆظ… ط§ظ„ظˆط·ظ†ظٹ 2008 (http://www.youtube.com/watch?v=NF_cClZfqfw)



وهذا الثاني

YouTube - طھط´ظٹط² ظ…ط*ط¯ط«ظƒظ… ظ…ظ† ط§ط³ظˆط§ظ‚ ط§ظ„ظ…ظ…ظ„ظƒط© ظپظٹ ط§ظ„ظٹظˆظ… ط§ظ„ظˆط·ظ†ظٹ " ط§ظ„ط¬ط²ط، ط§ظ„ط«ط§ظ†ظٹ" (http://www.youtube.com/watch?v=Utl9aw7_x0U)

:umm2:

:(

أبوشهد
25-09-2008, 03:24 AM
ياسر

اضافة جميلة ياقلبو

والخافي اعظم واشوى اننا في رمضان

على قولت بعض الاخوان وإلا تشوف شي يروع ..!!

a R يــ g
25-09-2008, 03:42 AM
اشوى انها في رمضان ..!!؟

رمضان يفسقونها اكثر :nosweat:

أبوشهد
25-09-2008, 04:03 AM
اشوى انها في رمضان ..!!؟

رمضان يفسقونها اكثر :nosweat:

رايق ياقلبو


ان الله احيانا بيكون العيد الوطني القادم

مع اجازة عيد الفطر السنة القادمة

ونشوف ايش راح يسوون فيه

:Animation 3:

شموووخ
25-09-2008, 05:17 AM
ابوشهد ترى الرياض مازال فيها ناس فاهمين انا مادريت فيه يوم وطني الا من الاتصالات مرسلين رساله عن التخفيض بهذي المناسبه و شفت بعض المشاهد في التلفزيون عن برج الفيصليه الله يخلف عليهم الي فيه خير مايطلع اهله في هااليوم
وانا قضيته في شغل البيت